أبوك خالك إختك أخوك ماضيك

[معلم الإبداع]

تعبت أشيل الهم عنّك وأداريك

وإنت همومي ثقلها ما يهمّك !

لا يا(حبيبي). . الزمن لا يخليك
تقسى على قلبي وتسقيه سمّك !

[ د ن ي ا ك ] هذي , لاتغيّر مباديك
مهما إستطعت الظلم إعدل بحكمك !

ما هي غريبه من يذمّك يماشيك
لكن غريبه يمدحك من يذمّك !!

ما كل واحد غاب معناه ناسيك
بعض البشر ينساك لو كان يمّك !

أدري تعزني .. الله يعز غاليك
وإن كان لي عندك معزّه بضمك !

في خاطري كم كلمة : عن تجافيك
وإن شفت دمعاتي إنزلت .. حط كمّك !

إسمك حبيبي ويا كثرها أساميك
وقلبي يفز .. لا جابوا الناس إسمك !

ليتك تحس في ضيقتي يوم أحاتيك
أحرق لك أعصابي .. وما حس دمّك !

غايب بدون أعذار .. ربّي يجازيك
عطني سبب مقنع حبيبي .. وألمكّ !

همّك , جنونك , ضحكتك , كل ما فيك
صوتك , سكوتك , وأرجع أقول : ( ه مّ ك ) !

[ لبيه ] منّك غير .. لمّا أناديك
كن الكلام العذب ... مرساه فمّك !

مهما غلوك قلوب ناس حواليك
أغليك أكثرمنّهم بس .. لعلمك !

أبوك , خالك , إختك , أخوك , ماضيك
ربعك جميع الناس, وعيال عمّك !

شايف غلاهم لك .. أكثر أناأغليك

واللّي وصل ( نص الغلا ) يمكن أمّك

مما قرأت وأعجبني

[#دلـــوعـــة#]

روووووووووووووووووووووعهـ
رووووووووووووعهـ

تسلم يدكـ
تقبل مروريـ

[&بلاني زماني&]

كــــلـــمـــــات راااااائعه
راقت لي كثيراا
سلم لنا إحساسك الراااائع

[قلبي شفاف حبك ينشااف]

انتقاء رائع

لاعدمناك
ودي
,,,

[أأصعب بنت]

انتقااااااااء راااااااااااااائع
ومميز

يعطيك الف عااااااااااااااااااافيه أخي
مبدع داااااااااائماً
بأنتظار جديدك القااااااااااااادم




تحياااااااااااتي لك