في غيابك مالها الضيقه مثيل

[الضحكة الخجولة]

::


قول عادي .. بالي الليله طويل ..
شُوف لِك عذرٍ قديمٍ / وأقبِلَهـ !!




لا تحاتي ...
قلبي مِتعَوِّد يشيل ..
( الجُروح ) اللي تجي له مُقبِلَهـ ..




" طيبتي " صارت مثل ( كف البخيل ) ..
أيِّ شَي طايح .. تِشُوفـه .. تحمِلَهـ ..





و " عزِّتي " تقدر تِسَمِّيها : النخيل ..
لأني شامِخ .. والعواصف قاتِلَهـ ..





وعادي جداً .. إنِّي الليله ( عليل ) ..
الحزن .. يحْسِبني واحد مِنْ هَلَهـ ..




ومو غريبه .. لو تِمَنِّيت الرحيل ..
البقاء أحيان , يعني .. البهذلَهـ ..




في غيابك .. ما لَهَا الضيقه مثيل ..
وربِّي اللِّي .. ما يشاءه .. يفعلَهـ ..




مِنْ يلاقي .. لـ دنيتي هذي بديل ..
خل يجيني أي شخص .. أبَدِّلَهــ ..




وعيب راسي لا بغى شي " مستحيل " ..
يوصله مو طيب .. غصبٍ يوصلَهـ ..




ليه راجع .. ؟!
ليه ذاكر ..؟
يـ الأصيل ..
إنت ضايق ..
في خطأ بالمسألَهـ !!




وليه تبكي مِنْ كلامي يـ الدخيل ..؟!
المشاعر .. ما لَهَا بقلبك صِلَهـ ..؟!




و( البلا ) .. إن حَبْ رجالٍ " ثقيل "
ينسى مِن حُوله ويسْمَع ( مُذهلَه ) !!




مِن عرفتك .. ما بقى بـ اليَد .. حيل ..
ولو بكيفي .. [ قلبي ] محدٍ يدخلَهـ ..




ومِن عرفتِك .. حظِّي العاثر يميل ..
أعترف لِكْ إنِّي ( عاجز ) أعدِلَهـ ..




فاقد الإحساس / ما يعطي القليل ..
وإن عطيته إحساس قلبك .. يقتِلَهــ ..




إيه بـ أرحل .. والطريق أدري .. طويل ..
مشكلهـ " قربك " .. وبُعدِك .. مشكلَهـ ..




وإن خذاني المُوت .. إترك قال وقيل ..
قول هـ الجُمله .. وخطاك محلِّلَه :






ربِّي إلهَم أهلهـ الصَبر الجَميل




وإرحمـه يا رب وإحسِن مدخلَه


مما راق لي

[هيبة إنسان]

قصيدة فاآقت الجماآل بقوة الكلماآت والمعنى ..
وإختياآر مبدعة أحسنت في الطرح ..
تحياآآتي وكل تقديررري

[** هند **]

وإن خذاني المُوت .. إترك قال وقيل ..
قول هـ الجُمله .. وخطاك محلِّلَه :






ربِّي إلهَم أهلهـ الصَبر الجَميل




وإرحمـه يا رب وإحسِن مدخلَه



اختيار يدل علىإحساس و ذوق رفيع،،،،،،،،،،

سلمتي ولا تحرمينا جديدك

[مهند السعودي]

يسلمو على النقل الذوق

[ملكه الغلا]

يا مبدعة الحروف
وسيدة الكلمات الراقيه
الله ما اجمل ما قرأته هنا..
انت زهرة تعطر الأرجاءبعطرها ..
دمتي بتألق وبخير ودام قلمك ينبض...
وينزف شوقا وحبا ...
تحياتي لك ولقلم وابداعك الذي لا يتوقف ..