يالله من .. هالناااس ..

[قطريه غير]

المشاركة الأساسية كتبها tiger1

---------------------------------------------
هههههههههههه لا امزح اختي لاتاخذين المساله جد

ادري ادري ..

ههههههه

اكيد اتغشمر .. هاتبيني اذبحك .. هههههههههههه

[قطريه غير]

المشاركة الأساسية كتبها الـمــــــــــنــسـي

^

هدِّي اللعب شوي هي تبغى تعرف بس وش تتصرف مع هالعينَات



إختي عندكم بـ قَطَر أعتقد تقولون أعطيه السيِن .. ومعناها طنَّشْ أو كبَّر رَاسَكْ

خلي روحِك الرياضيِه عَاليه
أحس هالعينَات إنقرضَت بس من كلامك باقيَ الظاهر

أذكر على أيام الجوال أول مانزل كان بـ 10,000 كان اللي معاه جوال مكَّه كلها تعرفه

وبعدها نزل لـ 4000 وبالموت طبعَاً

كان اللي يشيل جوال يتفشخر ويشوف نفسَه

بعدها قَال الوليد بِن طلال أبغَى كل سعودي يمسك الجوال بيده وفعلاً صارت وتخبصت عليهم
وماعاد أحد يتفشخر ..!

السفراتْ وغيرهَا

إذا قالوآ لك سافرنا المكان الفلاني واحنا واحنا

روحي العرب المسافرون وجمعي لِك كم معلومَه عن المنطقه
وناقشيهم فيها تعرفين إنهم ماتحركوآ خطوه

أنا أحب يكون عندي علم بالشي .. واللي يقول لي رحت البرازيل مستعد أقوله مناطق ماطبَّها
بكذا تكسرين روح الفشخره عنده وتكونين سويتي خير فيه بشوية معلومات عندك

إحنا أمَّة إقرأ كل الحلول بـ الكلمه هذي

وِبالأخير كبري رَاسِك ولا عليك من وجَع الراس وطنشي
خليهم يتكلمون وإنسجمي معاهم ^_^

والله يصلحهم ..

كل الشُكر

هلا هلاا خيوو ..

يشرفني وجودك ف صفحتي ..

هالنااس ماتنقررض ..

والمفاااشر عندنا ..ع افا من يشيل ..

رايك اني اسيارهم .. ومشي معاااهم .. فكررره ..

شاكره مروورك ..

[ولد شيخ99]

الله يعنك عليهم مالك الا الصير عليهم يديك الف الف عافيه
اتفق مع المنسي

[قطريه غير]

المشاركة الأساسية كتبها ولد شيخ99

الله يعنك عليهم مالك الا الصير عليهم يديك الف الف عافيه
اتفق مع المنسي

هلا هلا ..

الله يعين الجمييييع ..

ايه والله الصبر ..

شاكره مرووورك ..

[ظبيانيه]

(راح أرمسكم شوي بالعاميهـ ) ^_*
أنا راح أتكلم عن تجربتي الخاصه
بما أن وحدهـ من هالفئهـ كانت تسير وترد معاي بنفس السيارهـ
الي أنا وياها مستأجرينه ..
من أركب تستلمني بالفشخرهـ سافرنا وسرنا وردينا وشرينا
ذاك العقد الألماس سوينا عرسنا وكان من أفخم الأعراس من ناحية التكلفة
فستاني بسيط بس غالي وما نقبل بأي رجل يتقدم لنا أنا وخواتي
أنا أفهم بكل شي أنا الكل يقول عني فنانهـ وذويقه وما أقبل الأ بالماركات وغيره وغيره
وأنا أتغشى وأسوي عمري أسمع وأخليها ترمس عمرها الين ما أرقد ..

أنا عن نفسي أسكت عن هالفئة المريضة لأني أعرف هالشي مايصدر الأ من أُناس
مرضى قد ذاقو الفقر بحياتهم ..

وطبعاً أهيا كانت تركب قبلي وتمر علي بسياره مع السايق وفي الرجعه أرجع أنا قبلها
للبيت فا مرهـ السايق أضطر ينزلها قبلي لبيتها وقفت عند بيتها
وياللهول شفت البيت آيل للسقوط والسيارات الي تتكلم عنها قيمتها
ربع قيمة سيارات أهل بيتي وهم سيايرهم أقل عن سياايرنا بوايد طبعاً
أنا ما أحب التفشخر ولكن الواحد ينقهر لاقعد مع شخص ويقعد يتفشخر عليك
ويحسسك بأن هو يملك الي ماتملكه وأنت تكون تملك المال الي ممكن يبيعه ويشتريه..
النهايهـ طلعت مثل ما توقعت أنها بنت فقر سألت عمتى عنها قالت هذي
كانت زميلتي بالمدرسة وحالتها المادية كانت سيئة قلت لها طيب مو هي
تقول نحن كذا وكذا وابوي أنسان متحرر وأمي أنسانه تحب الأزياء والأتيكيت
والماركات قالت لي أمها كانت زمان تزور أمي وأمها من أحدى الدول الأسيويه الفقيره
والي يشوف لبسها يقول عنها مسكينهـ والأبو شايب وكبير بالعمر وزوجته
أهيا الي تمشيه ولا هو لايهش ولا ينش ..
أستغفر الله ..
ومع هذا رجعت تتفشخر وما قمت أسمع لها وأكتفيت بكلمة وحدهـ أقولها
لها أبغي أنام على بال ما نوصل للبيت وتصد عني وتعرف مقصدي..
هالفئه لو تعطونها مجال للأستماع بتتشوق بأنها تزيد بصواريخها
لانها ببساطه بتفتكر بأنكم مستمتعين بالي يقولونه ..
وحتى ولو كان كل كلامها صدق المفروض ماتتفشخر على خلق الله..

كلنا بشر وكلنا واحد وأنا أكره الكِبر والتكبر والفشخرهـ والي يتصف
هالصفات ويجيلي أعرف كيف أوقفهـ عند حدهـ لأجل يعرف وين مقداره ..
وأسفه ع الأطالهـ ..


!! قطريه غير !!




جزائل شكري المطوقة بالياسمين لا تفيك أبدًا
على سكبكـِ الجميل
سلمت يمينكِ وسلم كلكِ
لروحكِ الياسمين

طبتِ ياجميلة