التباكي عند النساء !!!

[روج وكحل]

مرام : أخوي حبيبي الله يعافيك واللي

يرحم والديك صاحبتي بتسافر وشهرين

ما بشوفها

خالد : يكفي كلمتيها موب شرط تشوفينها

مرام: أقولك شهرين ما بشوفها طيب أنت لو صاحبك أنس
بيسافر أسبوع ما بتروح له لو كان بآخر الرياض ..

خالد : توني داخل وراسي مصدع ما نمت لي 17 ساعه ..

مرام : ربع ساعه ماراح أخرك .. وإذا تأخرت دقيقة روح
وخلني اوكيه

خالد : آسف والله دوري أحد غيري ..

مرام : اهئ اهئ اهئ اهئ

خالد : لا حول ولا قوة إلا بالله .. ليش هالصياح اللحين ؟؟

مرام : اهئ اهئ خلاص ما أبي شئ ولا توديني .. اهئ ..
أنت ما تحبني ولا أحد يحبني اصلاً .. اهئ اهئ

خالد : البسي عباتك أستناك بالسيارة ..

وطيران عالغرفة واللي يشوفها ما يقول هذي كانت تبكي ..
عفواً تتباكى ..

ــــــــــــــــــــــــــــــــــــــــــــــــ

يدخل سامي البيت وريحة البخور تستقبله وعيونه تبحث
عن شريكة حياته ..

سامي : حنان

حنان : لبيه سمسومي << مدري وش أحط دلعه

سامي : الله يلبيك .. أخبارك ؟؟

حنان : بخير ياوجه الخير كله ..

سامي : ببدل على بال ماتحطين الغداء ؟؟

حنان باحراج : ما فيه غداء .. الغداء احترق ..

سامي عصب حيييل : وهذي حالتنا كل يوم الغداء محترق ..
وبعدين يعني وش السواة .. لمتى ؟؟ وبعصبية أكبر :
لمتى الغداء من المطعم ..

حنان : اهئ اهئ هذي ثاني مره يحترق علي الغداء
سويتها كل مرره .. اهئ اهئ .. وش أسوي ألحق شغل
البيت وإلا الكوي وإلا الغسيل وإلا وإلا .. ما ترحم إنت ..
من صبح ربي وأنا قايمه وفي الأخير .. تصرخ علي ..
اهئ اهئ اهئ ..

سامي : حياتي لا تبكين .. اللحين أطلب من أحلى مطعم ..
وإلا ليش أطلب .. أغديك بنفسي بس لا تبكي ..

ــــــــــــــــــــــــــــــــــــــــــــ

السلام عليكم ورحمة الله وبركاته

مساكم جوري .. ومعطر بالمسك والعودي ..ومنور بوجودي..

موضوعي بسيط .. لا فيه لفات ولا مطبات ..
الطريق سالك ولله الحمد ..

من المثالين السابقين .. اتضح لي أن للمرأة أساليب ملتوية ..
والحل أن تقول لها بلا جبن << ههههههههههههههه

نرجع للجد والجد الله عليه ..

أخواني وأعزائي الذكور :::

ما رأيك بطريقة التبكبك لدى النساء ؟؟

و هل تشغيل الونانات يفيد في تلبية رغبات النساء اللواتي
حولك وهل يفيد ويأثر في فيك ؟؟

ولماذا تلجأ المرأة إلى هذه الطريقة بالذات ؟؟
<< لا أحد يقول ضعف قسم لا أمسكه بشوشته
وأحوط فيه بدوار الثمامة اللي بعد الإشارة اللي بعده
كبري الفحص << أعلمكم إني أعرف أوصف هع هع هع

يا أخواتي العزيزات :::

السؤال الأول : من خلال حياتك تلاحظين أن دموع التماسيح
تفيد في تنفيذ رغباتك ؟؟

إذا كانت إجابك على السؤال الأول: نعم

فما هي آخر طريقة نزلت في موضوع التباكي أمام
الذكر المغلوب على أمره في كل الأحوال ؟؟

تكلمي عن مدة البكاء .. طريقه الجلسة .. نوع النظرات ..
وضعيه الجسم واليد ..ميلان الفم ..
الشهقه وسحب كميه الأكسجين بكمية عاليه ..
التأتأة في الكلام .. وبلع اللعاب في نص الجمله مثل الأطفال
<< لا تضحكون صدق هذي لها أثر خخخخخخ

اهئ

إهئ

إهئ

إهئ

إهئ << اكتبها وأنا أتخيل الطريقة ههههههههه ..

وإن كانت إجابك : لا

فمذا تستخدمين حتى تجبري الرجل في تنفيذ طلباتك ؟؟

الحب << يعني حبه لك يجبره ينفذ طلباتك غصب عنه ..

الإقناع << يعني تحجرين له وتحاولين بكل الوسائل
في الحوار والمناقشه تخلينه يوافق على طبلك
ويستحي يقول لا ..

الأكل << ههههههههههه الطريق إلى قلب الرجل معدته
"الرجال موتهم ولا هالكلمه .. يقولوا الطريق إلى قلب
الرجل الحب وأنا أقول الطريق إلى قلب الرجل الكبسه
الحمراااااااء ههههههه "

السؤال الثاني : إذا صحتي لين تقطعت مصرانك والرجل
الذي امامك قلبه حديد ما يحس وش تسوين في هالحاله
؟؟<<من رأيي في هالحاله ما لك إلا تفرشين سجادتك
وتلبسين جلالك وتتدعين عليه بافلونزا الخنازير هههه

دمتم في حفظ الله ورعايته..

مما جال في خاطري ..

أختكم : روج

[مناي تسامحني]

السؤال الثاني : إذا صحتي لين تقطعت مصرانك والرجل
الذي امامك قلبه حديد ما يحس وش تسوين في هالحاله
؟؟<<من رأيي في هالحاله ما لك إلا تفرشين سجادتك
وتلبسين جلالك وتتدعين عليه بافلونزا الخنازير هههه ههههههههه لا أفضل البكا أمام الرجل لانه ضعف من وجهه نظري ____سلمتي____

[غريب احساسي]

مســـــــــــــــــــــــــآآآآآآئكـ عطــــــــــــــر حبيبتي
هههههههههههههههههههههههههههه >>تعليقك روعه
شوفي حبيبتي البكاء شي وارد عند البنات والدموع من ميزات الانوثه عند البنات وهذا الشي يرجع لاحاسيسهن والمتعارف عليه ان البنات حساسات ....

وها الطريقه تنفع كثيرررر لتلبيه اللي تبيه البنت اوقات صح مو من قلب تبكي بس عشان يصير اللي تبيه لازم تسلك ها الطريق

واوقات لا وعن جد شي يررررفع الضغط واللي قدامي لووووح فأبكي من القهر ولو قالي خلاص ويبي يسوي اللي طلبته ماراح اخليه يسويه لان نفسي طااااابت >>صار معي هههههههه تشوفوني متحمسه بها النقطه

وعموما الانثى لازم تبين ضعفها قدام الرجل >>لاتفهمون غلط انها تكون جبانه لا
اللي اقصده ضعف مشاعرها تجاه أأأدم عشان تحس بانوثتها ***
وميــــــرسي ع الطرح الراقي
امنياتي

[محد فاهمني غيري]

الف شكر غاليتي

[خيال واوهام]

روج وكحل
يسعد مسائك
موضوعك راق لي عند قرائته .. رغم انه للجنس الناعم
عجبني اسلوبك .. الذي يميل الى الفكاهة .. وبالتالي يشد القارئ
هذا ليس بغريب عضوة مميزة ..
هكذا تتعاملون لتحقيق رغباتكم .. لان بعض الرجال وليس كلهم ..
ينطلي عليهم هذه الحركة .. والذي يستجيب للمراة غالبا تكون هي محل
تقديره ولايرغب ان يجدها حزينة .. فان وجد الامر بسيط وبالتالي يستطيع تحقيقه
لها .. ويكسب ودها .. هنا اطرح سؤال .. على سبيل الافتراض لو الرجل تباكى امام
المراة خخخخخخخخخ هل هي تحقق مطالبه ام تجده ضعيفا .. اما هناك اسلوب آخر
يستطيع الرجل ان ينال مطالبه منها .. وتكون المراة ضعيفة امام هذا الاسلوب ..
وبالتالي هو يستغل هذا الضعف وينال كل مطالبه منها هههههههههه كما هي تستغل
عطفه بالتباكي .. ياريت نعرف ماهو الاسلوب الذي يضعف المراة .. حتى نتعلم نحن
معشر الرجال ..
مشكورة