المنتديات
المنتديات
| روابط إعلانية |
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
| | أدوات الموضوع |
02-12-06, 01:08 AM
| #51 |
| |[ عـضـو مـشـارك ]| الدولة:  |  رد : فارس احلامي)) قصه رومانسيه جريئه ؟؟؟؟؟؟؟ ساره بخوف: هاه ايش قال الدكتور؟؟؟ بندر: الحمدلله العمليه ناجحه ساره صرخت صرخه فجرت اذن بندر بندر: اذني ساره: مو مصدقه ان ميشو اخيرا راح تشوف بندر: هههههههههههههههه,, الحمدلله صارت تشوف ساره متحمسيه: شافتك؟؟؟؟ بندر :ايه ساره : يااااااااااااااااااي,, وايش قالت بسرعه؟؟ بندر بخبه امل : ماقالت شي ,, بس طردتني من الغرفه ساره حزنت ع اخوها: بندر يمكن فرحانه وتبي تجلس لوحدها بندر: انا مالومها ع شي,,, بس انشالله تتحسن نفسيتها , لاني احس انها متضايقه ساره: ليش صار شي؟؟؟ بندر: لا من ناحيتي ماصار شي,, بس مادري اذا سعود مزعلها ساره: وهذا وقت تزعل فيه هالخبله,, بندر بليز ابي اكلمها بندر : راح اعطيك رقم العياده ورقم الغرفه,, ودقي عليها لاني ماراح ادخل عليها الحين لما تهدا ساره : اوكي بس انت لاتصير حساس ترى ميشو عصبيه احيانا بندر: عادي حبيبتي,, سلميني ع ماما ساره: يبلغ 000000000000000000000000000000 0000000000000000000000000 مشعل : الله يبشرك بالخير نجود: من شوي خالتي كلمت سعود وهو الي قال لها مشعل: الحمدلله اخيرا صار لنا شي يفرح بعد هالهم والاحزان نجود: صادق,,, حبيبي ايش صار ع البيت؟؟؟؟بعته مشعل: للحين مالقيت مشتري وبعدين المبلغ الي عطانا بندر غطى جزء كبير من الديون ,, وبحاول ادبر المبلغ بدون مانبيعه نجود: حبيبي خلاص احنا ساكنين هنا,, وحرام البيت يضل مسكر ,, ع الاقل بيعه واستفيد من فلوسه مشعل: بس وضعك بالبيت مو عاجبني نجود مستغربه: وضعي؟؟؟ مشعل: ايه طول اليوم متغطيه ع شان سعود,, مااخذتي راحتك الا لما سافر سعود,, ولما يرجعوا من السفر راح ترجعي تتغطي واكيد هالشي يضايقك نجود: لاحبيبي من جد عادي,,, وبعدين سعود مثل اخوي الصغير,, ومااستحي منه 000000000000000000000000000000 00000000000000000000000000 دخل عليها سعود وانصدم لما شاف شكلها ,, باين انها كانت مموته نفسها من الصياح سعود: مشاعل ايش فيك ,, ليش تبكي؟؟؟؟ مشاعل : دموع الفرح لاني الحمدلله صرت اشوف سعود يبتسم: ههههههههه ,, يعني هذي دموع الفرح؟؟؟؟ مشاعل: ايه سعود: طيب عطيني اذوقها مشاعل: وليش انشالله سعود: علشان اتاكد اذا دموع فرح والاحزن مشاعل لاول مره تضحك من بعد طلال : ههههههههههه ,, وليش ايش الفرق بالطعم سعود: دموع الحزن تكون اكثر ملوحه من دموع الفرح مشاعل: هههههههههههههههههههه مشاعل ترتاح مع سعود لانه بخفه دمه ,, واحيانا من ثقل دمه ومصالته الزايده يخليها تضحك غصب قدر سعود يغير جو النكد والهم الي كانت مشاعل عايشه فيه سعود: ماما ازعجتني تبي تكلمك,, راح ادق عليها الحين وكلميها مشاعل: اوكي سعود دق ع امه ام مشعل: هلا حبيبتي مشاعل: هلا ماما كيفك؟؟ ام مشعل: الحمدلله شلونك انتي ياحبيبتي بعد العمليه؟؟؟؟ مشاعل: الحمدلله كويسه ام مشعل: الف مبروك ياقلبي,,, والله فرحت لك فرحه مافرحتها بعمري مشاعل: الله يجزاك خير ام مشعل تبكي : محتاجه شي ناقصك شي,,, احد مضيق صدرك؟؟؟؟ مشاعل: لا ياماما انتي بس ارتاحي,,, وانا الحمدلله مو ناقصني الا دعواتك ام مشعل: الله يشفيك ويوفقك ويسعدك بالدنيا وبالاخره يارب مشاعل: الله يجزاك خير,,, والله لايحرمني منك ولا من دعواتك الحلوه ام مشعل: حبيبتي انتبهي ع نفسك,, والف مبروك ياعمري انك رجعتي تشوفي ,, والله اني فرحت لك من قلب مشاعل: الله يسلمك ام مشعل: حبيبتي هذي نجود ودها تسلم عليك نجود: هلا والله بنور البيت مشاعل: هلا بنجوووووووو نجود: الف الف مبروك يامشاعل والله يرجعك بالسلامه مشاعل: الله يسلمك ,,, والله وحشتوني كلكم نجود: واحنا اكثر,,, يله انشالله ترجعي لنا بالسلامه مشاعل: الله يسلمك نجود : اكيد حبيبتي تعبانه من بعد العمليه ومادوي اطول عليك,, تصبحي ع خير مشاعل: وانتي من اهله نجود: مع السلامه مشاعل: مع السلامه 000000000000000000000000000000 0000000000000000000000000 بندر مو قادر يفهم حزن مشاعل وهمها ,,, ليش ؟؟؟ يمكن شكله ماعجبها,, ويمكن توقعت واحد اوسم منه ,,, كان مهموم,,, وكل شوي يطلع بتفسير,,, كان يحب مشاعل ومايبي يخسرها,, يبيها معاه,, يكمل معاها باقي حياته ليش مايروح يكلمها , ويعرف منها ايش الي صار,, بس لا لازم مايضغط عليها,, اكيد متاثره من بعد العمليه,,, لازم يتركها ترتاح وتفكر بكل شي,, وبعدين راح يشوفها 000000000000000000000000000000 0000000000000000000000000 كانت مشاعل لوحدها بالغرفه ,, وسعود راح ينام ,, وبندر رجع للاوتيل دق التيلفون,, اكيد بندر لان مافيه احد يعرف رقم غرفتها الا هو مشاعل: الو ساره تزغررررررت مشاعل: الو ساره : الف وثمان ميه وتسعه وسبعين مبروك مشاعل: هههههههههههه الله يبارك فيك ساره: اخيرا ياميشو اخيرا راح تشوفيني وتتمتعي بجمالي مشاعل: ههههههههههههههههه,, الحمدلله ساره: اكيد الشوق كان راح يقتلك لانك من زمان ماشفتيني مشاعل: اصلا انا ماسويت العمليه الا علشان اشوفك ساره:ههههههههههههههههه,,, اموااااااااااااااااااه مشاعل: ايش فيك صرتي تبوسي ,,, ترى انا ميشو مو هشام ساره: هههههههههههههه,, اي هشام واي حسام ,, انتي ميشو حبيبه الكل هههههههههههههه مشاعل: هههههههههههههههههه ساره: الحمدلله ع سلامتك ياقلبي ,, متى راح ترجعي اشتقت لك موت مشاعل: انشالله بعد اسبوعين ساره: يالله ياطولها ,,, قلبي ميشو لاتنسي تجيبي لي هديه مشاعل : هههههههههههههههه ,, انشالله ساره صرخت مشاعل: ايش فيك مجنونه انتي؟؟؟ ساره: فرحانه ياحماره اخيرا راح تجي مشاعل: ياقلبي والله وحشتيني ووحشتني فهدوه القبيحه ساره: مادريتي فهدوه حامل مشاعل منصدمه: جد ساره: والله مشاعل: ياحليلها ,,, اجل ماراح اشتري لها هديه راح اشتري للبيبي,,ههههههههههه ساره: هههههههههههه مشاعل: اقلول يله باي ترى انا بالمانيا مو بالرياض وانتي جالسه تسولفي ساره : عادي انا لي ادفع الفاتوره مو انتي مشاعل: اخوك خطيبي ومابي اخسره هههههههههههههههههههه ساره: يوووووووه زوجه اخوي بخيله مشاعل: هههههههههه,, يله بس باي وسلميني ع خالتي ساره: يبلغ ياقمر,, باي مشاعل : باي 000000000000000000000000000000 0000000000000000000000000 قفلت مشاعل واخيرا صارت لوحدها ,,, كانت تتامل اثاث الغرفه مشاعل غمضت عيونها" يا الله ايش كثر الاحساس بانك تقدر تشوف الاشياء حلو" اخيرا رجعت تشوف ,,, كانت تتامل السرير والكراسي والطاولات بكل دقه,,, حاسه البصر مهمه لكل شخص بس مشكله الانسان ينسى يستشعرها ويحس بعظمتها وقدرها ,, وينسى يشكر الله عليها ,, وكانها حق طبيعي للانسان انه يشوف ,,, ولكن فيه ناس فاقدين هالحاسه ,, ونفسهم يحسو بالي يحسو فيه الناس الي يشوفوا ولو دقيقه يستشعرو فيها كل الي حواليهم,, حمدت ربها ع هالنعمه الي ماتقدر بفلوس الدنيا كانت تتامل اصابعها والي من فتره من شافتها كانت تكتفي باللمس وتحسس الاشياء دخلت الحمام وقفلت ع نفسها ,, وقفت عند المرايه ,, ,تتامل ملامحها والي افتقدتها من زمان حست بتغير في شكلها ,,, حست انها انحف ماتدري كم خسرت من الوزن ,,, كانت عيونها حمرا من اثر العمليه ,, وهالات سوداء تحت عيونها ,,,, شعرها مو مرتب ,,, كل شي قدامها واضح,,, سبحان الله قبل يومين كانت في عالم من السواد كان يحسسها بالضياع والوحده,, والحين صارت تشوف كل شي قدامها وهالشي للاسف ماحسسها بالسعاده يمكن لان طلال مو معاها,,, ليش مو قادره تحس بالسعاده ,, ليش مو قادره تعيش بسلام مع بندر وتنهي هالمهزله ,, ياليتها تقدر تتحكم بقلبها,, ياليت حست بارهاق ,, طول اليوم تفكير وهم وحزن ,,, قررت انها تتوجه لسريرها وتستسلم للنوم طلعت من الحمام وسكرت الباب ,, التفتت تبي تروح لسريرها وانصدمت لان غرفتها ماكانت خاليه ,, كان طلال واقف يتاملها,,, حست برعشه ,,, وانها راح تفقد التوازن ,,, شوفته تخليها مجنونه ماتفكر بشي ,,, حست ان الغرفه مافيها شي غير طلال ,, طلال كان يطغى ع كل شي موجود كان لابس جينز لو وست وتيشرت كت لونه ابيض ,,التيشرت كان بارز عضلات صدره ومبين تفاصيل عضلات بطنه والي كانت مقسمه تقسيم دقيق ,,, وكانت عضلات يده البارزه تعطيك احساس انه بضربه وحده راح يقضي ع الي قدامه,,, دقنه طويل نوعا ما ومهمل ,,, وكانه من زمان ماراح للحلاق ,,, حتى بهالوضع كانت وسامته تقتلها ,,, كل معاني الرجوله فيه ,, سماره جذاب ,,عيونه كانت تقتلها ,,,,,ولونها الازرق يجذبها ,,, خشمه كأن احسن الرسامين راسمه, وشفايفه الي كانت تخفي اسنان كانها الولو من بياضها استجمعت قوتها وقالت: شكل كلامي اليوم لك ماوقفك عند حدك ,, لكن انا اعرف كيف اوقفك عن حدك كانت متجهه لغرفه سعود ,,, راح تقول له والي يصير يصير كانت طلال اسرع منها ووصل لها قبل توصل غرفه سعود طلال مسك مشاعل مع كتوفها وكانت عينها بعينه : ميشو تقدري تنادي اخوك ,,, بس لو تركتي لي المجال اني اتكلم معاك صدقيني ماراح اضايقك بعدها,,, ميشو اسمعيني لاخر مره كان ودها تصرخ وتقول ياطلال احبك افهم مشاعل تترجاه : طلال بليز اطلع طلال: مشاعل الله يخليك ,, عطيني فرصه اشرح لك الي صار,, ومن بعدها انت الي تقرري اذا نستمر او لا مشاعل نزلت عيونها: واذا قررت انك تختفي من حياتي راح تختفي؟؟؟؟؟ طلال بحزن: راح اختفي من حياتك مشاعل وبدون ماتطالعه: لك 10 دقايق تتكلم فيها طلال : مشاعل بصراحه محتار ماعرف من وين ابدا ,, بس بحاول ابدا معاك من البدايه,,, ميشو في البدايه كانت شخصيتك تعجبني والي سمعت عنها من اصحابي الي كانوا يكلموك,,, ومنهم غسان مشاعل التفتت من الصدمه: يعني مو بس غسان الي كنت تعرفه طلال: لا,, كنت اعرف ثلاثه كنتي تكلميهم,, بس غسان كان غير ,, كان مجنون فيك,, تعجبيه بشكل جنوني,,, وغرورك يرغبه فيك اكثر ,, ويمكن تتذكري اليوم الي تركتي فيه غسان مشاعل: ايه طلال: من بعد هاليوم غسان قرر انه ينتقم منك وكانت خطته انه يدمر مستقبلك ,, وانا كنت خايف من الي راح يسويه لك مشاعل باستهزاء: هههههههههه تبي توهمني ان قلبك كبير طلال: مو قصت قلب,, لكن انا تربيت ع قيم واخلاق ولاتنسي اني قبل كل شي مسلم,, وماارضى اضر بنت ,,, لما سمعت خطتهم خفت عليك ,, مو لاني احبك اصلا انا ماكنت اعرفك,, بس خفت عليك كبنت ,, وعرفت اني مهما حاولت امنع غسان ماراح يسمع لي مشاعل صدقت طلال بهالكلمه لانها تعرف غسان مستحيل يتنازل عن الي بباله لو ابوه الي امره طلال: ووهمته اني انا الي راح انتقم منك,,, وهو رحب بالفكره ,, وكانت خطتي اني اذلك,,واظنك تتذكري كويس المواقف الي صارت بينا قبل ,, متاكد انك وقتها كنتي تكرهيني مشاعل: لاتكون واثق ان هالكره تحول لحب ,, لاني اكرهك للحين طلال كان يطالعها بتفحص يبي يعرف هالكلمه طلعت من قلبها والا مجرد كلمه مشاعل: تبي تكمل والا اطلع طلال حاول يرجع لذاكرته لوراء شوي : من بعد الي صار قررت اني اقطع علاقتي فيك لاني حسيت اني انجذبت لك وخفت احبك,, وبلغت غسان اني اهنتك مافيه الكفايه ,, لازم نوقف عن ازعاجك,, في البدايه اعجبه كلامي,,, بس بعدين بلغني ان خطته تغيرت واني لازم اخليك تحبني بعدين احرق قلبك واتركك سكت وطالعها بتفحص يبي يعرف تاثير هالكلمات عليها مشاعل: وانت ع كيفك ,, ماعندك شخصيه؟؟؟؟؟ طلال: اذا انا مانفذت الي يبي صدقيني راح ينتقم منك بدون مايرجع لي,, كنت خايف عليك,, وماعرف ايش اسوي,,, فكرت اني اتركك احسن من اني اترك المجال لغسان ينتقم منك مشاعل مو مصدقه الي يقول: كنت تقدر تحذرني طلال: انا ماحاولت احذرك لاني كنت احميك مشاعل مستغربه: تحميني؟؟؟؟ طلال: يمكن تتذكري اني مااتركك تطلعي من البيت الا سيارتي وراك ,, حتى وانا نايم اصحى ع شان اوصلك ,, ولو عندي اجتماع اطلع منه ع شانك,, كل هذا مايعني لك شي,, ميشو انا كنت اخاف عليك اكثر من نفسي ,,, كنت مهووس بك ,,, وللحين وانتي دنيتي كلها,,, ميشو انا عرفت اني ماراح اقدر احميك طول العمر ولا راح امنع غسان ينتقم منك بابوك الله يرحمه او اخوانك ,,, كنت خايف اذا ماقدر يوصل لك ,, راح يوصل لاخوانك ويفضحك قدامهم,, كنت خايف عليك ,, وكنت تايه مو عارف ايش اسوي ولا كيف اتصرف,, ولو انتي مكاني انا متاكد انك راح تتصرفي نفس التصرف,, ميشو اموت مليون مره ولا يجيك شي مشاعل امتلت عيونها بالدموع ,, معقوله طلال يحبها لهدرجه,, بس كان لازم يسوي شي مو يقتلها ويجلس يتفرج عليها مشاعل وهي تبكي : مو عذر كنت تقدر تقول لي ,,,, كنا نقدر نمثل قدام غسان ان انتقامه صار,, وبعدين نرجع انا وياك وكان مافيه شي صار طلال: فكرت بهالشي بس غسان كان شاك اني احبك ,, ,خفت يعرف اني رجعت لك ,, وعشان كذا قررت اني اسكت مشاعل تبكي بحسره: طلال لو انت تحبني ليش تركتني اعاني لوحدي ,,, ليش مارجعت لي ,, كنت تعبانه ومحتاجه لك طلال غمض عيونه ونزلت دمعه من عينه: ميشو حبيبي والله انا كنت اتعذب اكثر منك ,, وصدقيني قررت اني اجي لك وافهمك كل شي,,, ولما عرفت من ساره صاحبتك عن طريق يزيد انك بالمستشفى بعد مااخذت يالحبوب قررت اني ارجع لك لاني لاانا ولا انتي نقدر نبعد عن بعض مشاعل: وايش الي منعك؟؟؟ طلال: ميشو صار لي حادث سياره منعني اني اجي لان يدي كانت مكسوره ورجلي تنزف وبصعوبه وقفوا النزيف مشاعل تذكرت ان حسين قال لها انه صدم طلال: حسين هو الي صدمك؟؟؟؟ طلال استغرب: مين قال لك؟؟؟؟ مشاعل: حسين طلال : يعني انتي تكلميه مشاعل: نادر طلال: انا عاذره لانه اكيد يحبك ((وطالعها بحب)) مستحيل احد يعرفك ومايحبك مشاعل حست بحب كبير لطلال وكان حبها الاول لطلال نقطه في بحر حبها الحين له,, كل شي تجدد,, يعني طلال ماكان يكرها مثل ماتوقعت طلال: انا كنت ناوي ازورك واشرح لك كل شي,,, وصلت للمستشفى بصعوبه لان امي كانت خايفه علي وابوي كان مانعني من الطلعه بسبب الحادث,,,((ابتسم))ماتتخيلي ان السواق هو الي هربني,,, ووصلت اخيرا للمستشفى وكنت احاول اثبت نفسي ع الارض لان من سبه النزيف الي نزفته صرت احس باني مقدر اتوازن ,,, دخلت عندك الغرفه وكنت فرحان ومو مصدق اني اخيرا شفتك ,,, واني راح اشرح لك الي صار,, بس حسيت بنظراتك مشوشه ومو محدده, حست انك ماتقدري تركز علي واستغربت لما سالتي مين هنا,,مع اني كنت قدامك,, تاكدت لحظتها انك ماتشوفي ,,, الحزن منعني اتكلم ,, وحسيت بقهر لاني انا السبب بهذا,,, تمنيت اني مت ولا صار الي صار,,, خفت اتكلم ازيد جروحك ,, كانت الكلمات مو قادره تطلع ,,, الالم الي حسيت فيه والحزن صدقيني مايقل عن حزنك والمك,,, ومن بعدها وانا ماتركتك ابد حتى لما توفا ابوك كنت معاك,,, ولما قررتي اخيرا تسوي العمليه كنت معاك,,, ميشو انتي حياتي كيف تبيني اتركك,, ميشو سامحيني وخلينا نبدا صفحه جديده نزلت دموعها من الحب الي حست فيه مشاعل كانت تطالعه بنظرات حب بعكس الكلام الي قالته وكانها تنكر الكلام الي تقوله : فات الوقت ياطلال انا الحين مخطوبه ,,, وصدقيني انا ماحس ناحيتك باي حب,,, الحب الي بقلبي حل محله كره وحقد طلال قرب منها وطالعها بنظره اخترقت قلبها بدون رحمه نظره تعبر عن حب كبير طلال بهمس : مشاعل بس انا مقدر اتركك,, انتي دنيتي رقت ملامح طلال ,, وحست بعيون طلال كلها حب ,, مستحيل يكون تمثيل اخذت يد طلال تاخذ طريقها لخدود مشاعل وتمسح الدموع الي نزلت منها,,, استسلمت مشاعل لهالحنان الي حست فيه يتسلل لقلبها ويطفي كل حسره والم بقلبها,,, كانت قريبه من طلال وهالشي حسسها بالحب الكبير الي تحمله له بقلبها ,, ليش تحبه ,, ليش؟؟؟؟؟؟؟؟ طلال بحنان وهمس وهو يمسح دموعها : دموع قطوتي مابي اشوفها,,, دموعك غاليه علي,, ومابيها تنزل الا لفرح,, وانشالله هالشي راح يكون لما يجمعنا بيت واحد انشالله مشاعل مو عارفه ايش قصده هل هذا عرض للزواج ,,, او يبيها تكون معه بالبيت بصفتها حبيبته , بس هو عارف كويس انها مو من نوع البنات الي تطلع مع شباب,,, معقوله يعرض عليها الزواج؟؟؟؟ طلال يلعب بشعر مشاعل وبكل حب قرب من اذنها وبهمس قال لها: ممكن اقول لك سر,,, ميشو انا احبك احبك احبك حست مشاعل انها فقدت كل حواسها ,,, وماصر عندها حاسه غير السمع,,, هالكمله كانت تتمناها ,,,, ليش طلع بحياتها من جديد والحين يقولها لها عن حبه ,,,, حست الفرحه تغمر قلبها وكيانها,, تبي الوقت يوقف ,, وتكون هي وطلال بس قال مشاعل وبدون ماتحس بنفسها: احبك ياطلال والله احبك حست مشاعل انها ملكت الدنيا وطلال كان حاس ان حلم حياته تحقق ,, مشاعل اخيرا رجعت له تذكرت بندر وخطوبتها والي سوا لها مستحيل تتركه وتتخلى عنه مستحيل,, بعد الي سواه,,, مستحيل تتركه ,,, هي مو من النوع الي يتخلى عن شخص قدم لها كل هالمساعدات وكل هالحب,, ماراح تخيب ظنه وكانها صحت من اغماء بسرعه دفت طلال بعيد عنها مشاعل: طلال الله يخليك اذا تحبني اطلع من حياتي ياطلال انا مخطوبه,, وعيب وحرام الي جالسين نسويه,,,, بندر مايستاهل,,, اطلع ياطلال الله يخليك طلال باستهزاء: هههههههه صدقيني بندر مايستاهل هالاخلاص مشاعل: وانت ايش عرفك اذا هو يستاهل او لا,, ع الاقل هو تجرا وصارحني بحبه,, مو انت الي كنت خلف الكواليس طلال: مشاعل انا ماراح اتركك الا لما اكون بقبري,, انا راح اخلي عيشت بندر جحيم اوعدك,,,, خاصه بعد ماتاكدت انك للحين تحبيني وطلع وتركها مشاعل خافت مره من كلامه,, ركضت تدق ع بندر,,, خافت يسوي له شي مشاعل: هلا بندر بندر: هلا ميشو حبيبتي وحشتيني مشاعل غمضت عيونها من القهر ماقدرت تكذب وتقول له وانت وحشتني لانها مافكرت فيه حتى بوجود طلال تنسى الناس كلها مشاعل: غريبه مانمت بندر: انام وانا ماسمعت صوتك؟؟؟؟ مشاعل ابتسمت غصب عنها: بندر مليت من المستشفى ابي ارجع للرياض بندر: لهدرجه مليتي مني؟؟؟ مشاعل: ليش؟؟؟ بندر: لاني هنا ناشب لك ويمكن مليتي من شوفتي مشاعل: لا بالعكس,,, بس انا اشتقت لاهلي بندر : انشالله كلها اسبوعين وراح نرجع مشاعل: الله يعيني ع الانتظار بندر: احبك مشاعل كرهت هالكلمه منه ,, ماتدري ليه حستها مالها اي طعم ولاحلاوه مشاعل: بندر الممرضه راح تحط لي القطره بكره انشالله اكلمك بندر: اوكي قلبي تصبحي ع خير مشاعل: وانت من اهله مشاعل كذبت عليه ,,, مو وقت كلامه الحلو الحين,, لانها ماراح تقدر تمثل 000000000000000000000000000000 000000000000000000000000 لاول مره من بعد ماترك مشاعل يكون مبسوط وفرحان,,, اخيرا تاكد ان مشاعل تحبه,,, وماراح يعطي بندر فرصه يكون سعيد معاها ,, اذا يبي يكون سعيد خله بعيد يفكر بوحده غير ميشو لانها له ملكه حبيبته كان بالسياره,, واخذ موبايله ودق طلال: الو ناصر السنترال: سم طال عمرك طلال: ناصر هيفاء نايمه والا صاحيه؟؟؟ ناصر: والله العمه هيفاء معزومه ولسى مارجعت ,,, بس الوالده صاحيه تبيني احولك عليها طال عمرك؟؟؟؟ طلال: ايه لو سمحت ناصر: ابشر طال عمرك انتظر طلال ع الخط عشان يكلم امه (الاسبانيه) وكان عنده بالبيت هيفاء ولمياء ونواف ,, هيفاء تدرس بكليه الامير سلطان وعمرها 20 كبر مشاعل,, اما لمياء كان عمرها 17 وبثاني ثانوي,, وهالشي الي خلى اخو طلال الصغير نواف هو دلوع العايله لانه كل اخوانه كبار وهو دلوع البيت ردت ام طلال ع طلال وكان الحوار بينهم بالاسباني ,,, طبعا انا راح اترجمه <== مسويه تعرف اسباني ام طلال: طلال حبيبي وينك من يومين مادقيت طلال: انا اسف كنت مشغول ام طلال: هاه كيفك وكيف حبيبتك مشاعل<= امه فري تعرفون اسبانيه طلال: ماما انا مبسووط مره ميشو تحبني ام طلال: وااااااااو ,, خلاص اجل روح اخطبها طلال: ماما احنا بالسعوديه ايش الي اروح اخطبها لازم انتي وابوي تكلموهم ام طلال: انا الي راح اتزوج او انت؟؟؟ طلال: ماما هذي تقاليدنا وعاداتنا ام طلال لها سنه بس بالسعوديه وماتعمقت كثير بالسعوديات لانها ماتعرف عربي الا كلمات بسيطه تعلمتها من زوجها واولادها وكانت لهجتها ركيكه اما الانقليش فكانت ماتعرف منه الا هاي وباي هههههههه فدايما تواجه صعوبه بالتعامل مع الناس لان الغه الوحيده واليتيمه الي تجيدها هي الاسبانيه ام طلال: اوكي نروح نخطبها انا وابوك طلال: لا ماما مو الحين استني شوي,, ووقتها انا راح اقول لك ام طلال: اوكي حبيبي طلال: ماما كنت ابي اسالك اذا تبي شي من المانيا لاني راجع بكره ام طلال بدت توصي طلال ع طلبات ماتنتهي 000000000000000000000000000000 0000000000000000000000000 مشاعل كانت في حيره تفرح بشوفه طلال والا تحزن لخيانه بندر,, بس لاهذا ولا هذا كان احساسها ,, كانت تحس بحيره,,, تصدق طلال والا تشكك فيه,, كلامه كان يفسر كل شي,,, وحست انه صادق,,, بس ايش الفايده هي صدقته قبل وخذلها,,, لازم ماتضعف وتكون غبيه قطع عليها حبل افكارها صوت التيلفون,,, مشاعل بنفسها " يالله بندر ايش يبي" مشاعل: الو طلال: اموااااااااااااااااااااااااااه مشاعل قفلت الخط بوجهه ,,, توقعته بندر ,,, وقح يبوسها ,,, صدق مايستحي دق طلال مره ثانيه مشاعل بعصبيه: خير طلال يضحك: هههههههه اعصابك ياقطوتي,,, صرتي مفترسه مشاعل كانت مو مصدقه نفسها,, عرفت هالصوت كويس ,, هذا صوت طلال مشاعل: ايش الحركه الي سويتها جد انك وقح طلال يتصنع الغباء : اي حركه؟؟؟ مشاعل معصبه: تستهبل حظرتك؟؟؟ طلال يقلد لهجه الاطفال : ميشو لاتهزئيني ترى اخاف؟؟؟ انقهرت منه قدر بكلمه يحولها من معصبه لوحده راح تموت ضحك من كلامه مشاعل تتصنع الزعل: طلال ايش تبي ,, اظن اننا حددنا الي بينا ,, وانت وعدتني انك ماتضايقني طلال: ليش اتصالي يضايقك مشاعل حاولت تمثل بكل جهدها: ايه ياطلال يضايقني طلال: وانا احب اضايقك تعرفي ليش؟؟؟ مشاعل: لا ماعرف ولا ابي اعرف طلال: حتى انا مابي اقول مشاعل عصبت منه:طلال خلاص قفل طلال: لاااااااااااااااااااااااااااا مشاعل: انا راح اقفل بوجهك طلال سكت شوي وبعدين كمل: ايش عاجبك بهالشين بندر ,,, حتى سكسوكته يرسمها بالقلم,, لانه مايطلع له شعر مشاعل انصدمت معقوله بندر يرسم سكسوكته,,, والي صدمها اكثر كيف شافه مشاعل: طلال ابعد عن بندر ,,, لاتحاول تخرب الي بيننا لاني سعيده معاه,, بعكسك انت الي مااحس معاك الا بالاحزان والهموم طلال: الي يحس بالحزن والهموم لما يزعل هذا معناه انه يحب,, لكن انتي ماتزعلي ع بندر تعرفي ليش؟؟؟ لانك ببساطه ماتحبيه مشاعل: طلال انا طفشت منك ومن تدخلك بحياتي ,, اتركني وقفلت الخط,, وخافت انه يرجع يتصل لكن اظاهر انه زعل لما قفلت الخط,, ارتاحت شوي ع الاقل ماراح يزعجها,, غمضت عيونها استعداد للنوم فزت وخافت لما سمعت صوت الباب ينفتح بقوه ,, التفتت ع الباب ,, وشافت طلال طلال بكل مرح: انا قايل انك صرتي قطوه مفترسه,, بس انا راح اروضك وراح طلال يركض وسكر فمها بيده ,,, وعضها مع يدها عضه قويه مره ,, لدرجه مشاعل تبي تصرخ مو قادره من يده الي مقفله فمها طلال بعد فمه عن يدها بس للحين مقفل فمها بيده: اسمعي قبل تصارخي انا حبيت اقول لك اني برجع للرياض رحلتي بعد ساعتين , , وجيت بشوفك قبل امشي,,,, وحبيت اخلي لك شي للذكرى ,,, واتمنى هالعضه تذكرك فيني لحد ماا اشوفك مره ثانيه وشال يده عن فمها,, وطلع بسرعه,, وسكر الباب,, وقبل تستوعب الي صار,, رجع فتح الباب وعطاها بوسه بالهواء كان المفروض تعصب وتثور,, بس كان قلبها يرقص من الفرح,,طالعت مكان العضه لقته احمر,, واسنان طلال هالمفترس مبينه ع يدها,,, ماتت ضحك ع هباله,,, ياليتها تقدر تكون معاه ,, له لوحده 000000000000000000000000000000 00000000000000000000000000 بعد اسبوعين كان موعد طلعت مشاعل من المستشفى,, طبعا طول هالفتره كان طلال مختفي لااتصال ولا حتى جاها بالمستشفى ,,, ع كلامه كان راجع للرياض طلعت من العياده يوم السبت وكان موعد رحلتهم الاثنين الفجر ,, يعني عندهم يومين مايدروا ايش يسو فيها راحوا للاوتيل والي كان بندر حاجز لهم فيه ,,, وع قولته كان ع حساب المستشفى لان الرحله بعد يومين كان بندر بغرفه وجنبها ع طول غرفه سعود,, اما مشاعل كانت غرفتها اخر وحده قرروا انهم يريحوا لانه كان الضهر ,, وقرروا انهم يطلعوا الساعه 6 يتمشوا مشاعل غيرت ملابسها ولبست قميص نوم قصير لونه بينك ,, ومن عند الصدر كان دانتيل بيج ,,, وانسدحت ع السرير ,, وين طلال,, وين اختفى سمعت صوت الباب,, خافت انه بندر,, كيف راح تفتح له وهي بهالملابس,,, معقوله يتجرا يطق باب غرفتها,, لبست الروب,, وكان طويل ويغطي كل جسمها ومن وراء الباب سالت مشاعل: مين كان صوت طفل: انا ياميشو افتحي انصدمت مشاعل مين هالطفل وكيف عرف اسمها,, فتحت الباب وطالعت فيه,, اول مره تشوفه,,, كان امووووووور وابيض و نحيف مبين عليه بسن اخوها فهد مشاعل: هاي حبيبي انا ميشو مين انت؟؟؟ الولد مد يده لها يسلم: معك نواف مشاعل كانت راح تموت ضحك عليه مسوي رجال جلست بمستوى طوله : اهلين اخ نواف ,,,,, كيف عرفت اسمي؟؟ نواف يطالعها بتفحص: والله صدق انتي صاروخ مشاعل: صاروخ؟؟؟ نواف: يعني حلوه مشاعل خافت من جرئه هالولد,, تاكدت انه مسكره الرب كويس وشدت عليه كان الولد خافي يده اليسار ورى ضهره نواف: معي امانه لك مشاعل: وايش هالامانه نواف: شوفي انا اخذ ع التوصيل فلوس بس بما انك حلوه راح اوصل لك مجانا مشاعل: ههههههههههههه, شكرا نواف طلع يده الي ورا ضهره وكان معاه ورده وحيده بيضاء,, قدمها لمشاعل مشاعل استغربت ,,, جد بندر رومنسي مشاعل: قول لبندر شكرا نواف عصب وحقد ع مشاعل: مشالله مين بندر هذا مشاعل استغربت: ليش مو بندر الي عطاك هالورده نواف باستهزاء: لا مو بندر ,, هذي من عمه طلال مشاعل فرحت لما سمعت اسم طلال ,,, طلال حبيبها هنا معاها, وطلعت راسها من الباب تدور اي اثر لطلال مشاعل: وينه الحين نواف حاقد: يعني يهمك ,,, ابي اعرف الحين مين بندر هذا؟؟؟ مشاعل: هذا اخوي,, حتى اذا مو مصدقني اسال طلال وهو يقول لك نواف : طيب بساله بس يويلك اذا ماطلع اخوك,, انا صح اني دايما اتطاق مع طلال وبعض الاوقات اكرهه ,, بس هذا اخوي ولو فكرتي تزعليه راح انتقم منك مشاعل ماتت ضحك ع نواف ومدت يدها لنواف: اهلين اخ نواف, اجل انت اخو طلال نواف سلم عليها وباس يدها : اهلين سنيوريتا مشاعل كان ودها تنسدح من الضحك,, اكيد متاثر من اخواله,, حبت نواف مره ,, كان مرح وخبل مشاعل: ايش رايك اعزمك بكره الصباح ع ايس كريم نواف يفكر: موافق بس ع شرط انا احدد المكان مشاعل تفكر: بس نواف انا مادل هنا شي نواف: انا امرك معانا سواق هنا مشاعل: معاكم ليش مين معاك هنا نواف: انا وطلال ولمياء مشاعل استغربت مين لمياء هذي ,, لان طلال كان كتوم من ناحيه اهله ماكان يتكلم عنهم ابدا مشاعل: ومين لمياء هذي نواف:هذي بنت خالتي,, وتراها تحب طلال,, يعني ياتلحقي ع طلال ياما تلحقي مشاعل انقهرت وحست الغيره تاكلها,, حقير جاي هنا وجايب بنت خالته التبن معاه مشاعل: طيب حلوه لمياء؟؟؟ نواف يسوي نفسه دايخ: هي حلوه وبس,, الا ملكه جمال مشاعل غبيه مسويه تجر نواف بالكلام: طيب طلال يحبها؟؟؟؟ نواف: والله شوفي طلال يحبك انتي ,, بس اذا طولتي تتغلي عليه راح يحبها ويتركك مشاعل انقهرت: طيب نواف شكرا ع الورده نواف: والعزيمه بكره؟؟؟؟ مشاعل: اذا تبيها هنا بالاوتيل موافقه لاني مقدر اطلع ايش قلت؟؟؟ نواف: موافق مشاعل بعد ماطلع نواف تاملت الورده ,, ولاحظت ان فيه كلمه مكتوبه ع ورقه من اوراق الورده قطعتها وقرت الكلمه ((احبك)) كانت مكتوبه بقلم احمر,, دققت زياده بالورده لاحظت ان كل ورقه مكتوب عليها كلمه ,, وصارت تقطع الورده ورقه ورقه وتقرا المكتوب وكانت كل ورقه تحمل معاني كبيره وفرحه لقلب مشاعل وكان مكتوب ع الاوراق ((احبك)) ((وحشتيني)) ((امواااااه)) ((حبيبتي)) ((انتي دنيتي)) ((لاتتركيني)) ((انتي حياتي)) وكانت كل كلمه احلا من الثانيه انتهت اوراق الورده ,,, لما خلصت من تقطيع اوراق الورده طاحت ورقه كانت مثبته بوسط الورده,, اخذتها من الارض وفتحتها ,, كان مكتوب فيها ((قطوتي ممكن تقبلي تتزوجيني)) ندمت ع تسرعها مع بندر,,طلال اثبت لها حبه,, لانه لو مايحبها ماطلب منها الزواج,,, بس ليش تنسى مواقف بندر معاها ومع اهلها,,, معقوله الحب اعماها عن كل شي مسكين بندر ,, مايعرف ايش مشاعل تسوي من وراه,,, خلاص لازم ماتنجرف بمشاعرها مع طلال,,, الله كتب لها الحزن طول عمرها تعيش مع شخص ماتحبه,,, عشان تشكره ع الخدمات الي سواها لها ولاهلها,, وحب عمرها راح يتعذب وهي راح تتعذب ببعدهم عن بعض,, ليش الضروف دايما تعاندها,,, ايش سوت بحياتها عشان تعيش دايما بهموم,, بالاول كانت مبسوطه بعلاقتها مع طلال وقدر الله انه يتركها وعاشت بهموم لما طلع بندر والي قدر يطلعها من هموما ويقدم لها الي طلال ماقدر يقدمه ولما بدت تحبه طلع طلال من جديد بحياتها ,, وللاسف اكتشفت انها تحبه وبشكل اقوى,, ولما قرر انه يكون معاها انكتب عليها انها تكمل حياتها مع بندر رد للجميل مو اكثر ولاتنسى ان طلال متقلب,,, اكيد مثل ماتركها بالاول ممكن يتركها بعدين,, اما بندر كان معاها ,, وحرام تسوي فيه كذا,, قررت اذا رجعت للرياض راح تقول لبندر يستعجلوا بالزواج علشان تقطع ع طلال اي امل له انها ترجع له 000000000000000000000000000000 00000000000000000000000000 طلعت مع سعود وبندر ,,, ولفوا اماكن كثيره,,, وكان بندر وسعود كل شوي مظيعين لانهم اول مره يجوا المانيا,, وكانت مشاعل تظطر تقطع مسافات طويله وبالاخير يكتشفوا انهم عكسوا الطريق رجعت بالليل وكانت مرهقه وتبي تنام ,,, قفلت الانوار واستعدت للنوم ,,, حست بطلال قريب منها,,, وخافت يتصل او يجي عندها ,,, ماتبي تضعف,,, تذكرت وعدها لنواف,, وانها لازم تعزمه ع الايس كريم ,, قالت خلني ادق ع بندر اشوف اذا راح يطلع الصباح لانها ماتبيه يشوفها مع نواف راح يشك فيها مين هالولد الي تعرفه,, كانت تبي تتاكد انه الصباح راح يكون نايم مشاعل: الو بندر: هلا حبيبتي مشاعل: مانمت؟؟؟ بندر: لاافكر فيك مشاعل: بندر كنت بسالك متى راح تصحى بكره بندر: متى تبيني اصحى وانا اصحى على طول مشاعل: لابس اسال بندر: يعني تقريبا الضهر ارتاحت مشاعل: اها ,,, طيب علشان راح اعزمكم انت وسعود ع الغداء بندر: اكيد موافق يكفي اني راح اشوفك مشاعل كانت تحاول تتهرب من بندر خاصه لما يقول لها كلام حلو: طيب بندر انا راح انام الحين اوكي بندر متضايق: يعني ماراح اسولف معاك؟؟؟؟ مشاعل: اممم تعرف بكره الفجر ورانا سفره وودي ارتاح بندر: اوكي نوم العوافي ياحبي مشاعل: الله يعافيك باي بندر :باي 000000000000000000000000000000 0000000000000000000000000 صحت مشاعل ع صوت الباب الصباح,, طالعت الساعه كانت 9 مشاعل: يا الله تاخرت ع نواف راحت عند الباب مشاعل: مين نواف: انا فتحت له الباب: اسفه نواف تاخرت عليك نواف: ماشالله توك صاحيه,, يله بسرعه البسي مشاعل : ايش رايك تضربني مو احسن نواف: لا انا ماضرب حريم مشاعل :هههههههههههههه نواف: اجلي ضحكك بعدين ,, والا تهربي من العزيمه؟؟؟؟ مشاعل: اوكي ,,, عطني نص ساعه واكون جاهزه تحممت مشاعل بسرعه ولمت شعرها ,,,, ولبست جينز وتيشرت مسكر وطويل وكان لونه تركواز وكان عليه رسمه بنت تبكي,,, تمنت انها اخذت معاها ميك اب ع الاقل تخفي بها هالهالات الي طلعت لها طلعت ولقت نواف ينتظرها ,, مسك يده وراحوا ع اللوبي ,,, يفكروا من وين يطلبوا ايس كريم,, حست نواف عنده خبره بهالاوتيل وكانه ساكن فيه نواف: اسمعي خلينا نروح للمطعم فيه عندهم ايس كريم مره حلو مشاعل: اوكي خذ يدي ووديني لاني ماعرف شي دخلت مع نواف للمطعم والي كان تقريبا فاضي,, اختار نواف الطاوله ,,,, وجلسوا,, وكان نواف بلبل في الانقليش بعكس مشاعل,, وطلب لنفسه ايس كريم ولها فطور,,, نواف: ميشو ليش البنت الي بالتيشرت حقك تبكي؟؟؟؟؟ مشاعل: لما رسمتها كنت حزينه نواف مستغرب: انتي الي رسمتيها؟؟؟ مشاعل: ايه نواف: الله حلوه ,, طيب تقدري ترسميني؟؟؟ مشاعل: ايه بس ع شرط نواف: ايش؟؟؟ مشاعل: مايشوفها احد الا انت نواف مد يده لمشاعل: اتفقنا هنا وقف شخصين عند الطاوله,, التفتت مشاعل لهم,, لقت طلال واقف جنبهم ومعاه بنت حلوووووووووووووووه,, مشاعل قالت اكيد هذي لمياء طلال: نوافوه جالس مع خطيبتي لوحدك نواف: لسى ماوافقت عليك,, وترى انا سبقتك وتقدمت لها,, هي الي تقرر لمياء: هاي ميشو اخيرا شفتك مشاعل قامت تسلم عليها لان لمياء مت يدها لمشاعل مشاعل: اهلين التقت عينها بعيون طلال كان يطالعها باعجاب وكان بياكلها بعيونه طلال: ميشو هذي اختي لمياء مشاعل طالعت نواف بحقد,, الكذاب بنت خالتي وتحب طلال نواف مات ضحك ع مشاعل طلال: نوافوه ممكن تعزمنا نجلس معاكم كانت مشاعل راح تقول لا انا اصلا راح اطلع غرفتي,,, بس سكتت لما جابوا لها الفطور, والايس كريم لنواف نواف: تفضلو بس اذا راح تفطروا افطروا ع حسابكم لاني معزوم ,, ميشو عازمتني طلال: اوكي انا راح اعزم نفسي وجلس وجلست معاه لمياء لمياء: ميشو بصراحه كنت متشوقه اشوفك كان طلال يحكي عنك دايما مشاعل: تسلمي لمياء: بس جد ماتوقعتك بهالحلاوه مشاعل: عيونك الحلوه طاحت عيون مشاعل ع طلال والي من اول ماجلس وهو مانزل عينه عنها,, كان ودها تدخل اصابعها بعيونه وتطلعهم,, استحت مره جاهم الويتر ياخذ الطلبات طلبت لمياء لنفسها فطور,, ولما خلصت لمياء: طلال ايش تبي تطلب؟؟؟ طلال كان يطالع مشاعل: ابي نفس الي طلبته قطوتي لمياء: طلول يمكن ماتحب الي طلبته طلال وبدون ماينزل عينه عن مشاعل: مستحيل كل شي تحبه ميشو انا احبه وطلب من الويتر انه يجيب له نفس طلب مشاعل وبدت لمياء تتكلم والي ماسكتت من اول ماجلسوا ,,, اما طلال كان يتامل مشاعل ومانزل عينه عنها ابد,, وهالشي احرج مشاعل,, اما نواف,, كان مشغول بالايسكريم كانت مشاعل جالسه قدام باب المطعم,,, وانصدمت لما شافت بندر يدخل المطعم ايش راح يسوي بندر؟؟؟؟؟؟؟؟؟؟؟؟؟ ايش موقفه,,, خاصه ان مشاعل جالسه مع واحد ؟؟؟ |
|  |
|
02-12-06, 01:10 AM
| #52 |
| |[ عـضـو مـشـارك ]| الدولة: | رد : فارس احلامي)) قصه رومانسيه جريئه ؟؟؟؟؟؟؟ الجزء الثاني والعشرون طاحت عيون مشاعل ع طلال والي من اول ماجلس وهو مانزل عينه عنها,, كان ودها تدخل اصابعها بعيونه وتطلعهم,, استحت مره جاهم الويتر ياخذ الطلبات طلبت لمياء لنفسها فطور,, ولما خلصت لمياء: طلال ايش تبي تطلب؟؟؟ طلال كان يطالع مشاعل: ابي نفس الي طلبته قطوتي لمياء: طلول يمكن ماتحب الي طلبته طلال وبدون ماينزل عينه عن مشاعل: مستحيل كل شي تحبه ميشو انا احبه وطلب من الويتر انه يجيب له نفس طلب مشاعل وبدت لمياء تتكلم والي ماسكتت من اول ماجلسوا ,,, اما طلال كان يتامل مشاعل ومانزل عينه عنها ابد,, وهالشي احرج مشاعل,, اما نواف,, كان مشغول بالايسكريم كانت مشاعل جالسه قدام باب المطعم,,, وانصدمت لما شافت بندر يدخل المطعم كان يمشي باتجاهها ماقدرت تحدد ملامحه هو زعلان ومعصب والا عادي نزلت عينها بالارض وكانها ماتشوفه,, كانت خايفه من رده فعله خاصه ان طلال معاها ,, وهالشي زاد توترها,,, رفعت عينها لطلال لقته يطالع بجهت بندر,,, وكان يطالعه بكل استهزاء وبرود وقف بندر عند طاولتهم ,, مشاعل تاكدت الحين انه مو وقت السكوت او التجاهل ولازم تعرفهم ببعض وقفت مشاعل وهي تحاول تبتسم مشاعل بابتسامه مصطنعه : صباح الخير بندر بندر وهو عاقد حواجبه : صباح النور مشاعل: بندر اعرفك ع لمياء صاحبتي بندر طالع لمياء وبابتسامه بارده : اهلين لمياء : هااي((مشاعل سكتت ماتدري كيف تعرف بندر ع طلال,, فحبت تتجاهل طلال)) مشاعل: تفضل افطر معانا بندر: ماعرفتيني ع الي جالس معاكم؟؟ مشاعل بارتباك واضح: هذا طلال اخو لمياء,, وهذا نواف اخوها كمان طلال كان يطالع بندر بابتسامه خبث ,,, مشاعل كانت تبي تقتله ع هالنظره ,,,والي خلت بندر يغلي بندر: تشرفنا يا ... ايش قلتي لي اسمه((كان يبي يحقر طلال ويبين انه مو مهتم فيه)) مشاعل : طلال طلال تجاهل وجوده ورجع يطالع مشاعل وقال لها: ميشو اجلسي كملي فطورك مشاعل قفلت معاها ,, مو من حقه يقول لها ميشو,,, واضح انه يبي يقهر بندر,, صدق طلال لئيم,, وهي كانت تتوقعه طيب وحبوب,, بس صدق انه يصطاد بالميه العكره ع قولتهم بندر بكل حقد: ميشو ماعرفتيهم علي مشاعل بارتباك: ايه هذا بندر بندر يطالع طلال بتحدي: خطيبها طلال طلع ظحكه صغيره وكانه ينفي كلام بندر : اوه اسمحوا لي ع الضحكه بس مدري ايش فيني تجيني هالحاله كثير بندر باستهزاء: اذا تجيك كثير هالحاله ياليتك تعرض نفسك ع دكتور نفسي طلال يطالع بندر من فوق لتحت: فكرت فيها وحسيت انها ماتنفع, لان الدكتور النفسي ماراح يقدر يعالجني ,,, لانه ماراح يقدر يفهمني ,, لان الشخص الي يسوي نفسه ذكي ويقدر يفهمني تجيه ضربه مني بوقت مايتوقعه وبدون مايحس يلاقي نفسه دخل نفسه بورطه مايدري شلون يطلع منها بندر يطالع طلال بتحدي : صدقني مو كل دكتور دكتور,,, فيه دكاتره يفهومك بدون ماتتكلم,, انتبه ولاتصير واثق بقدراتك مره طلال باستهتار : نصيحه حلوه وراح احطها بعين الاعتبار مشاعل حست بتوتر الجو ولازم تتصرف مشاعل تدخلت: بندر خلنا نطلع من هنا نواف: لا ميشو خليك معانا ,,, كنا مبسطوين قبل مايجي هذا ((وياشر ع بندر))ايش قلت لي اسمك((كانه يبي يرد لبندر حركته مع طلال)) طلال صوت ضحكته فجرت المطعم,, لدرجه ان كل الي بالمطعم التفتوا عليه بندر قفلت اخلاقه: ميشو حبيبتي نمشي مشاعل: اوكي يله لما وصلوا نص المطعم تقريبا طلال صرخ باعلى صوته: ميشو لمياء راح تكلمك بالليل وراح تشتاق لك موووت بندر وقف من التعصيب ,, كان راح يرجع يضرب طلال,, بس مشاعل مسكته مشاعل: بندر مانبي نسوي مشاكل هنا,, خلنا نطلع فوق ,, بليز بندر بندر مسك اعصابه بصعوبه: اوكي ع شان خاطرك وكملو طريقهم لحد ماقربوا من الباب لما صرخ طلال لثاني مره وقال طلال: ايش عنده سوبر مان ,,, اشوفه صار دجاجه مان نواف وطلال ضحكتهم سوت ازعاج فضيع بالمطعم نواف: لا وانت الصادق,, فرخ مان ,, لان الدجاجه كبيره عليه طلال ونواف رجعوا يضحكوا ع بندر بندر هنا ماقدر يتحمل ويسكت ع شان خاطر ميشو,,, حس ان طلال اهان رجولته,, رجع لطلال وهو يركض ,, ولما وصل طلال ,, كان طلال واقف مستعد للهجوم مسك بندر طلال من عند رقبته : ايش تبي بالضبط؟؟؟ طلال بسهوله فك يد بندر,, وصار ينضف يده بعد اثر يدين بندر,, وكانه افه طلال ببرود : ابي ريال معاك صرف؟؟؟ بندر : اسمع اصحى تقرب من ميشو ,,, لاني وقتها راح اقتلك طلال يصفر: والله صرت رجال مشاعل صرخت : بس ياطلال يكفي بندر : انا اعلمك مين الرجال ووجه بندر لطلال بوقس ع خده بس يد طلال كانت اسرع واقوى ,, ومسك يد بندر ولفها لحد ماسمعها طقت بندر بدا يصارخ من الالم,, وطلال توه ماسك يده ,, ,كان بندر يحاول يفك نفسه,, ع شان يهاجم طلال ,, الي كانت القوه الجسديه بينهم كبيره والفرق واضح تركه طلال ,,, بس بندر مايتوب رجع يضرب طلال بيدينه وبعض الضربات كان طلال يصدها والبعض تجي فيه,,,, بس شكل طلال مل من دور المدافع ويبي يهاجم,, وياليته ماهاجم,,, عطا بندر بوقس شنيع ع خده ,,, وضربه ع راسه ومن اثر هالضربه صاح ع الارض ,,كان بندر فريسه سهله لطلال ومااخذ ماعه وقت ,, نزل طلال على بندر ولف يده ع ورا,, لدرجه ان بندر خاف انه يقطعها,, وبدا يصارخ من الالم مشاعل تصرخ: طلااااااااااااال اتركه ,, اتركه رفع طلال عينه لمشاعل ,,, وقام عن بندر: راح اتركه عشانك ,, خذيه معاك,, بس انتبهي لايطيح تراه رقيق نواف وهو ميت ضحك: رقيق ليش بيتزا طلال رجع جلس ع الكرسي نواف: يعيش اخوي البطل ,,, ويسقط الدجاجه الجبانه طلال طالع نواف بنظره مرعبه : نواف بس مشاعل كانت تبكي من هالموقف البايخ اما طلال حس بالانتصار ع هالحقير الي يبي يسرق ميشو منه اما بندر مسكين كان الالم راح يقتله ,, هذا غير فشيلته من مشاعل انضرب قدامها,, جد كره طلال,, بس كره اكثر اخوه الحقير نواف,, والي من اول ماشافه وهو يهينه 000000000000000000000000000000 0000000000000000000000000 كان بندر يصارع الالم ع الاقل مايتالم قدام مشاعل ,, وكان خده متورم من اثر الضربه,, وحب يكون شكله قوي نوعا ما ,,, خاصه بعد الضرب الي اكله,, كانوا ساكتين ,, لحد ماوصلوا لباب غرفه مشاعل بندر بعصبيه : مشاعل فيه موضوع لازم نتكلم فيه مشاعل كانت منحرجه من الي صار: بندر انت تعبان الحين ,, ارتاح بعدين نتكلم بندر بعصبيه: انا مو تعبان ,, الحين لازم ننهي هالموضوع,, تعالي نروح الكوفي الي جنب الاوتيل نزلوا تحت وطلعوا من الاوتيل ,, وعلى طول توجهوا للكوفي بندر: انا انتظر مشاعل: تنتظر ايش؟؟؟ بندر: تحكي لي مين هذا طلال, وايش علاقتك فيه مشاعل خافت: بندر انا ماعرفه ,, كل الي بيني وبينه اني صاحبه اخته لمياء بندر يطالعها وكانه مايصدق كلمه من الي قالته: وصاحبت اخته راح يتكلم معاك بهالحنيه ,, وبكل وقاحه يناديك ميشو وقدامي مشاعل: بندر ايش عرفني ليش يتصرف كذا,, بس صدقني قبل تجي كان مره مؤدب ,, واصلا ماصار بيني وبينه احتكاك ,, طول الوقت كنت احكي مع لمياء بندر: وليش تجلسي مع اخو صاحبتك,, ميشو انتي بنت والبنت اهم مالها سمعتها,, صدقيني انا لو مو رجال متفهم كان فسرت هالموضوع غلط مشاعل: يعني ايش تبيني اسوي اقول له قوم مابي اجلس معاك بندر: لا كان قلتي انا مشغوله ,, او انا انتظر خطيبي,, او ع الاقل اخوي معاي,, ماكان تجرا يجلس معاك مشاعل: بندر ماجتني الجرئه اقومه وهو جالس,, وماقدرت اقوم لاني كنت افطر,, وواضح اني مانتظر احد بندر: انا ابي اعرف ليش يعاملك وكانه يعرفك كويس؟؟؟؟ مشاعل: ايش عرفني انا ,, كان سالته بندر يطالعها بتفحص: يعني مابينكم شي مشاعل : لا بندر: والاتصال الي كان يتكلم عنه مشاعل : ما اعرف عنه شي,,, اصلا لمياء ماكنت تعرف اني هنا,, بالصدفه شفتها ,, كيف راح تتصل علي بندر: ميشو بس الولد واثق من نفسه وكانه ياكد ان بينكم شي,, وليش عصب لما قلت لك حبيبتي,, كان يبي يضربني باي شكل وحب يستفزني وقدامك شفتي هالشي,,مو معقوله شخص اول مره تشوفيه يسوي كل هلاشياء,, اكيد بينكم شي قبل مشاعل تتصنع العصبيه: اوووه بندر انت مره شكاك,, قلت لك مابينا شي بندر قرب من مشاعل وبرقه قال لها: ميشو كل انسان له ماضي ,, وانا مايهمني ماضيك,,, بس اذا كانت تربطك اي علاقه بطلال ابيك تقطعيها لانك خطيبتي وانا مارضى بالخيانه مشاعل قامت: مااسمح لك يابندر تتهمني بالخيانه بندر قام معاها: ميشو حبيبتي لاتعصبي انا مو قصدي واسف,, بس انتي لو مكاني اكيد راح تشكي,,, بصراحه تصرفه معاك غريب مشاعل: يعني ايش تبيني اسوي ع شان اثبت لك اننا مابينا شي؟؟؟؟ بندر : هو اثبات واحد مافيه غيره مشاعل: ايش هو؟؟؟ وانا مستعده اثبت لك بندر: تكون ملكتنا اول مانرجع من السفر مشاعل حست بخوف يقتلها وبتردد كبير,, بس اذا قالت له اتركني افكر اكيد راح يشك فيها وهو مايستاهل هالشي خاصه انه كان متفهم ولو واحد مكانه كان زعل وعصب وكسر الدنيا خطيبته جالسه مع واحد ويناديها ميشو وواضح ان بينهم شي وشي كبير بعد ومع كذا كان بندر متفهم ولافكر يجرح مشاعل بكلمه كل الي طلبه انهم يستعجلوا بالزواج,, جد هالشخص فضيع ولو تلف الدنيا كلها ماراح تلقى واحد مثله ,, اكيد الحياه راح تكون معاه سهله,, بعكس طلال والي من اول ماشاف بندر وهو يقهره ويتهجم عليه بندر: ميشو وين رحتي,, شكل الموضوع ماعجبك مشاعل وبدون ماتحس: موافقه بندر مو مصدق نفسه من الفرحه اخيرا حبيبته مشاعل راح تكون معاه ونسى الم يده ونسى كل شي,, واتمنى ان طلال طلع من زمان علشان توافق مشاعل ع تقديم الزواج 000000000000000000000000000000 0000000000000000000000000 لمياء: ليش سويت كذا ياطلال ,, حركتك ترى مره بايخه الرجال قال لك انه خطيبها وهي كانت ساكته يعني راضيه,, طلال خلاص اتركها بحالها طلال بحقد: وربي ماخليه يتهني بمشاعل,, هو كان واطي وسرقها مني ,, بس مسكين ماعرفني كويس,, انا ماراح اسرقها منه,, انا راح اخليها تنبذه وتتركه وتجي لي انا ,,, هو حقير قرب من مشاعل وخلاها ترضى انها تنخطب له رد للجميل مو اكثر وهو عارف هالشي وراضي ,, اذا هو ماعنده كرامه انا راح اخليه يدفع ثمن خطوبته بمشاعل لمياء: طلال ايش راح تسوي خلاص البنت مخطوبه طلال: هي صح مخطوبه لكن مخطوبه لي انا لمياء: طلال خلاص انساها,, الف وحده تتمناك ,,, واولهم غاده بنت عمتي,, لاتضيع عمرك ووقتك مع وحده مرتبطه طلال يطالع لمياء بعصبيه: لمو انا ماجبتك هنا ع شان تحبطيني ,, انا جبتك معاي انتي ونواف ع شان تساعدوني اني اكره بندر بحياته,, ونصايحك انا في غنى عنها نواف: طلال ايش رايك ندخل غرفته ونربطه ونخليك تطلع تتمشى مع ميشو ,, وخليه هو مسكين بغرفته يبكي طلال مع انه كان معصب بس ضحك ع كلام نواف البرئ طلال: لمو يا انك تساعديني او اطلعي من الموضوع كله ولاتدخلي لمياء تحب طلال مره وماودها تزعله: اوكي انا راح انضم لحزبكم ,,, بس ايش راح تسوو طلال:قدامنا يوم واحد بس لان رحلتنا ورحلتهم بكره الفجر لمياء بصدمه: وجايبنا من الرياض لهنا ع شان تنكد ع بندر بيوم واحد نواف: لميوه احمدي ربك هو مسفرك ع حسابه ومسكنك وماكلك يالدبا لمياء: دبا بعينك ,, اصلا انا نحيفه نواف يبي يقهرها : هههههه ,, اجل ليش تشتركي بدايت سنتر وانتي نحيفه لمياء: اسكت بس انت ايش عرفك اصلا انا احافظ ع جسمي كانت لمياء مليانه شوي وكانت تعاني لان كل بيتهم نحاف ومهتمين بالرشاقه,, ع شان كذا كانوا يجبروها تسوي دايت ع شان ما تفشلهم طلال قفلت معاه ايش خلاه يجيبهم معاه ,,كله ع شان يساعدوه ينتقم من بندر ,,, وهم الحين يتطاقوا طلال : ممكن تتركوا مشاكلكم لحد مانرجع نواف : دور لمياء الحين ,, انا خليت ميشو تجي هنا طلال كان يفكر كيف يقهر بندر حس طلال انه مكتوم وحب يطلع يشم هواء,, وقف عند بوابه الاوتيل ,,, وشاف مشاعل مع بندر ,,, بالكوفي الي قدام الاوتيل,,وكان بندر يطالع مشاعل بكل سعاده وحب,, ومشاعل كانت مستحيه طلال مات من القهر ,, حس بالغيره تاكله اكل,, انقهر من مشاعل لانها جالسه مع بندر وتبتسم له,,المفروض تضربه مو تبتسم له,, حقد عليها وانقهر ,, الغيره مو مخليته يركز ع شي,, مرت بجنبه بنت المانيه مقبوله نوعا ما,,, طالعها طلال وخطرت ع باله خطه ماكان يعرف مدى نجاحها طلال: هاي البنت تتلفت تدور لمين يقول هاي ولما عرفت انها لها ,, ابتسمت لطلال والي انجنت ع وسامته : هاي طلال: are you sara البنت : no طلال : oh , I am sorry طلال حركات مسوي مشبه ,, والبنت ماكذبت خبر قامت تتميلح عند طلال,, وهو ماقصر انواع الغزل فيها,, طلب منها انه يعزمها ع كوفي ,, هي انجنت من الفرحه دخلت معاه الكوفي ,, وكان ماسكها مع خصرها وهي شوي وتضمه جلس بالطاوله الي قدام مشاعل,, مشاعل في البدايه مانتبهت,, بس لما شافت شكل طلال مع هالبنت ,,, الغيره اشتعلت بركان بقلبها,,, جد وقح جايب بنت هنا قدامها,, كان طلال مو معبرها ولاحتى يطالعها بندر: ايش رايك ناجل رحلتنا شوي ,,, انا مبسوط هنا خاصه اني معاك مشاعل كانت مشغوله بمراقبه طلال مع هالبنت القبيحه ع قوله مشاعل: هاه بندر انتبه لسرحانها ,, وانها تطالع شي ورى التفت ع المكان,, ومثل ماتوقع طلال كان موجود مع بنت بندر التفت ع مشاعل : هذا ايش جابه هنا مشاعل كانت راح تقوم ع طلال وتضربه من الغيره والقهر الي حست فيهم,,ومن ناحيه طلال كان مبسوط لانه يبيها تحس بنار الغيره الي هو حاس فيها مشاعل: بندر قوم خلنا نرجع الاوتيل بندر حس ان مشاعل مقهوره ع شان البنت الي مع طلال وماحب يضايقها : يله حبيبتي واختفي بندر مع مشاعل داخل الاوتيل ولما وصل الاصنصير كان فاضي ,, دخلت مشاعل وبندر وكان راح يتقفل ,,, بس بهاللحظه جت يد صغيره ووقفت الباب ودخل نواف وكان الاصنصير مافيه الانواف ومشاعل وبندر نواف: هاي ميشو مشاعل: هاي نواف نواف: ميشو تدري انك حلوه مره ويبي لك تتزوجي واحد حلو مثل اخوي طلال مشاعل سكتت ,, ايش جابه هذا اكيد طلالوه يبي ينرفز بندر بندر: طيب ياشاطر لاتنسى تقول لاخوك ترى ميشو زواجها الاسبوع هذا اذا وده يحظر يقول لي ع شان ارسل له كروت دعوه انفتح الاصنصير وطلعوا ثلاثتهم نواف: لا ليش تعطيه كرت لانه هو العريس ورجع نواف دخل الاصنصير 000000000000000000000000000000 0000000000000000000000000 |
|
| |
|
02-12-06, 01:12 AM
| #53 |
| |[ عـضـو مـشـارك ]| الدولة: | رد : فارس احلامي)) قصه رومانسيه جريئه ؟؟؟؟؟؟؟ اما طلال اول مااختفت مشاعل ترك هالبنت الالمانيه لوحدها والي استغربت تصرف طلال الغريب طلال دخل الاوتيل,, لقى نواف يركض طلال: ايش فيك تركض نواف وهو بصعوبه يتنفس من الركض : بندر يقول انه راح يتزوج مشاعل هالاسبوع طلال جلس بالوبي يفكر نواف: طلال ماراح تسوي شي؟؟؟؟ طلال:اكيد راح اسوي اشياء مو شي نواف: طيب تحرك الحين خلنا نروح نضربه طلال: نواف الامور ماتنحل بالضرب فيه حلول احسن وامتع نواف: انا بصراحه اكره بندر هذا ثقيل دم ومسوي نفسه قوي لمياء قطعت عليهم سوالفهم لمياء: اقول,,, عندي خطه لكم تجنن نواف وطلال طالعوا بعض بصدمه ,,, من شوي كانت تنصح والحين تخطط قالت لهم لمياء ع خطتها والي اعجبتهم مرررررررره,, وقرروا ينفذوها بوقت الغداء 000000000000000000000000000000 0000000000000000000000000 سعود دق ع مشاعل سعود: ميشو حبيبتي ماتبي ننزل نتغدا مشاعل: اوكي بس عطني 10 دقايق واكون جاهزه سعود: اوكي انا راح اتصل ع بندر واقول له ينزل مشاعل: اوكي لبست مشاعل بسرعه كانت ميته جوع خاصه لانها مافطرت زين بسبب طلالوه طلعت مشاعل من غرفتها من بعد ماكلمها بندر وقال لها انهم يستنوها تحت سعود وبندر جالسين بالوبي يستنوا مشاعل سعود: ايش رايك وين نروح نتغدا بندر: والله ياسعود مدري,, تعرف انا اول مره اجي هنا سعود: تدري احسن شي نطلب من التاكسي هو الي يودينا اي مطعم قريب قاطعهم طلال بكل ادب : وليش تطلبوا من التاكسي وانا موجود سعود وبندر التفتوا لطلال,,بندر كان معصب من لقافه طلال,اما سعود مستغرب ايش هالي قاط وجهه طلال مد يده لسعود يسلم : معك طلال الـ.. ((وياشر ع لمياء)) ,, وهذا اختي لمياء صاحبه اختك مشاعل مد يده سعود: هلا والله طلال طلال بكل ادب : طبعا الاخ بندر تعرفت عليه بالصباح بندر يتصنع الابتسامه: ايه طلال: اختي بالصدفه شافت مشاعل اليوم الصباح وقت الفطور,, وفرصه سعيده الي شفناكم هنا,,,الواحد هنا يحس بالغربه ويحن لاهل ديرته سعود اعجب باسلوب طلال,, واعجبه ستايل طلال: احنا والله اسعد طلال: احنا رايحين نتغداء اذا تبو تخاونا ,, وترى انا ادل المانيا شارع شارع,, يعني ماراح اضيعكم سعود اعجبه قدره طلال ع التحكم بالامور: والله لنا الشرف انفتح باب الاصنصير وطلعت منه مشاعل والي انصدمت من طلال ,,, كان يسولف مع اخوها سعود,,, ايش يبي هالمجنون كانت مشاعل لابسه جينز وتيشرت بنك مسكر من فوق وكان معطيها شكل طفولي اما طلال ابهر مشاعل بلبسه,, كان لابس جينز لووست,, وقميص ابيض مخطط بخطوط سماويه خفيفه معطيته شكل جذاب وخطير لمياء كانت اسرع من اي شخص وعلى طول سموت نفسها صاحبه مشاعل من 100000 سنه وضمتها بقوه لمياء: هاااي ميشو ,, تصدقي شفتك الصباح والحين انا ميته شوق عليك مشاعل استغربت اسلوب لمياء وعرفت انها خطه من خطط طلالوه مشاعل: هاي لمو,,كيفك؟؟؟ لمياء: تمام بشوفتك سعود: ميشو حبيبتي طلال يعرف مطعم حلو ,, ايش رايك نروح معاهم مشاعل: لالا اخاف نضايقهم طلال: لا بالعكس هالشي يسعدنا سعود استغرب سكوت بندر ,,, شك ان بنرد عنده حاله نفسيه وانه يستحي من الغرباء لوووووووووووووول طلعوا برا الاوتيل,, وكان طلال متصل ع السواق ,, لانهم يعرفوا سواق كويس بالمانيا وكان السواق تركي,,, لما يجوا المانيا كانوا يستاجروه,,, طبعا كانوا يستاجروا سياره من الاوتيل وكان نوعها بي ام دبليو بس فكر طلال ان السياره راح تكون صغيره عليهم فقرر انه يستاجر ليموزين سعود اول ماشاف السياره انصدم ,, توقعها سياره متواضعه ركبوا بالسياره ومن حظ مشاعل الشين ان طلال كان قدامها ,,, طبعا الموزين جلساتها غير السياره العاديه كان فيه مقعد يكفي لثلاث اشخاص ومقابله مقعد ثاني يكفي لثلاث اشخاص كانت مشاعل جالسه ع يمين لمياء ونواف اما مواجههم طلال وجنبه سعود واخر شي بندر,, وكان وجه طلال بوجه مشاعل وكانه قاصد هالحركه,, وكانت رجله قريبه من رجلها وكل شوي يدوس رجلها ويجننها واحيانا يسوي نفسه يصلح جزمته ويقرص مشاعل مع رجلها,, وكانت تكتم الصرخه ع شان مايحس سعود واخيرا وصلوا للمطعم والي كلهم استمتعوا باكله,,, وكان سعود منسجم مره مع طلال ,, واعجته شخصيته وثقته بنفسه بعد الاكل قرر طلال انه ياخذ بهم لفه لاحلى الاماكن بالمانيا,, وكانت خطت لمياء ناجحه بتفوق,, لان بندر طول الوقت ساكت وقافله معاه,, وطلال تحققت امنيته ان مشاعل تكون معاه يوم كامل ,, حتى لو اخوها معاهم لفوا مناطق واماكن كثير ,,,, وكان سعود مستمتع بهالجوله والي كان معاهم واحد خبير بهالبلد,, وماكان مظطر يوقف بكل مكان ويسال وهم بالسياره,, مو عارفين وين يروحوا ,, لان الاراء مو وحده بندر يبي يرجع للاوتيل لانه تعبان ع قولته,,, اما لمياء تبي السوق,, مشاعل ساكته,, سعود ماعنده مشكله اي مكان بس اهم شي مايرجع للاوتيل,, طلال يفكر وين يوديهم قطع عليهم ارائهم البايخه واصدر حكم انهم الحين يودوه للملاهي,, وغمز لطلال نواف: بندر اذا تبي نخلي السواق يوديك للاوتيل اوكي بندر مجرد تفكيره ان راح يخلي مشاعل مع هالحقير وقف شعر راسه بندر: لالا راح اروح معاكم نواف: مو من شوي تقول انك تعبان سعود مات ضحك ع خبث نواف ,,مع انه صغير بس ذكي بندر: لا مو مشكله راحوا للملاهي والي كانت كبيره نواف: يله سعود تعال اركب معاي((نواف متعود يركب الالعاب الصعبه)) سعود: لا شكلها تخوف نواف: انت رجال ولا لا؟؟؟ سعود: هههههههه ايش تشوف نواف: انا اشوف رجال ,, بس اثبت لنا وتعال طلال: ههههههههههه ,, نواف اسكت لاتخليه يتهور ويركب نواف:هههههههههههه سعود :يعني انت ونواف راح تركبوا طلال: اكيد نواف: تعال ولاتصير خواف سعود توكل ع الله وقرر يركب طلال: لمو ومشاعل تعالوا اركبوا معانا سعود: لا ميشو لاتركبي عشان عيونك مشاعل: اصلا مستحيل اركب ليش بايعه نفسي انا لمياء: يله جايه اركب معاكم سعود التفت ع بندر سعود: بندر تعال اركب بندر: لا يارجال انا اخاف طلال يطالعه بتحدي: تخاف,ههههههه هالكلمه المفروض ماتطلع من رجال بندر انقهر وحس انها تحدي بندر: من قال اني اخاف ,,, انا ماخاف من هالعبه ,, بس انا اخاف ماتكون عليها صيانه كويسه سعود مات ضحك: عذر اقبح من ذنب طلال مسك يد سعود: تعال يارجال شكله خواف ودلخلوا العبه,, التفت طلال ع بندر وعطاه نظره احتقار بندر بنفسه" الحين اخاف من لعبه وهو يسوي نفسه عند مشاعل قوي ومايخاف وتلقاه ميت خوف,,حتى اخته لمياء ركبت وبدون تردد,,, لازم اتغلب ع خوفي واركب,,, واثبت له اني ماخاف,, كلها دقيقه وتوقف" راح يركض ودخل اللعبه مشاعل: بندر راح تركب بندر بكل فخر: ايه مصدقه اني اخاف اصلا انا متعود اركب هالالعاب طلال مثل ماتوقع لقى بندر واقف جنبه يبي يلعب ركب سعود وبندر جنب بعض ,, ونواف وطلال ركبوا ورى طلال بهمس: متاكد انك ماتخاف من هاللعبه نواف بهمس: لا يابن الحلال ركبتها الف مره ,, انت روح بسرعه قبل يشغلوا اللعبه طلال: اوكي طلال طلع من اللعبه بدون مايحس فيه احد,, انتظر لما اشتغلت اللعبه وراح يكمل خطت نواف الخبل ,, كان مخطط انه يركب سعود وبندر ويخلي طلال يجلس مع مشاعل لوحدهم كانت مشاعل جالسه ع كرسي قدام اللعبه جلس جنبها وهي مالتفت ع بالها مو طلال ,, لانها كانت تحسب طلال معاهم لما جلس قال: تمني لخطيبك الرقيق رحله موفقه لمده ربع ساعه مشاعل خافت : طلال انت مو معاهم؟؟؟ طلال يطالعها بحب: معقوله افوت ع نفسي فرصه اجلس فيها مع احلى ورده مشاعل قفلت معاها معصبت من طلال لانه جالس يلعب ببندر وكانه لعبه بين يده ,,, انتبهت لكمله طلال ربع ساعه انجنت مشاعل بصدمه: ربع ساعه؟؟ طلال: ايه اللعبه هذي غير انها سريعه ومخيفه ماراح تخليك الا بعد ربع ساعه ويمكن نص مشاعل : وليش تخليهم يركبوا ,, ع شان كذا نزلت طلال: بصراحه انا مليت من كثر ماركبها مع نوافوه,, ومستحيل اخليك لوحدك,, بس بندر الي تمدحيه شوفيه ركب وخلاك مشاعل: حرام عليك تخليهم يركبوا طلال تضايق: لاتخافي عليه ماراح يموت مشاعل: عشان كذا تقنعهم يركبوا طلال يبتسم: تتوقعي ساعه اقنعهم ع شان سواد عيونهم مشاعل انقهرت من خبثه,, بس بنفس الوقت فرحت لانها معاه قامت مشاعل تمشي بعيد عنه ,, مشى معاها ووقفت مشاعل: طلال اتركني مابي امشي معاك,, ابي اكون لوحدي طلال يرفع يدينه يستسلم : اوكي مشت خطوتين ووقفت بسرعه لان طلال وقف قدامها حاولت تروح يمين ولف هو يمين يسد عليها الطريق,, لفت يسار ولف معاها ,, حطت يدينها ع خصرها وطالعته مشاعل: طلالوه وبعدين جلس طلال ع الارض من الضحك وكانت ضحكته عاليه مثل ضحكاته في الاوتيل صدق خبل ومرجوج طلال: تصدقين اول مره تعجبني طلالوه كذا,, بالله ابي طلالوه ثانيه مشاعل: اوووووووه جد انك فاضي,, ارجع للعبه احسن اكيد انتهوا طلال قام بسرعه يلحقها : ههههههه,, تلقينه الحين في كينيا مشاعل باستغراب : كينيا طلال وهو ميت من الضحك : هههههههه من سرع اللعبه اكيد وصلته كينيا ,, تلقينه الحين يتشهد ولا فكر فيك,, وبعدين لسى ماخلصت 5 دقايق واللعبه قلت لك ماراح تعتقهم الا بعد ربع ساعه مشاعل ولعت من طلال قهرها ,, حركاته بايخه مشاعل تطالع الارض من التعصيب: طيب ممكن تبعد عن طريقي طلال يهز راسه وكانه يقول لا وفجاءه طلال شال مشاعل وكانها طفل بين يدينه وصار يركض بها ويدور بها مشاعل: طلال نزلني ,, طلالوه ياحقير نزلني وكانت تسمع صوت ضحكاته تملا المكان ,, وصوت دقات قلبها من الخوف ومن تاثير قرب طلال منها مشاعل: الله يخليك نزلني ,, طلال بليززززززززززززز حاولت تقاوم وتضربه برجلها بس كان اقوى من انها تقدر تهزه وخيرا وقف طلال من الركض بجنب محل ايس كريم ونزلها ,, كان يتنفس بصعوبه من اثر الركض ومن اثر شيل مشاعل,, طلال: تتذكري لما ضربتني بالكيكه انا الحين ابي اضربك بالايسكريم مشاعل عطت طلال كف ,,, وتركته طلال انصدم اول مره وحده تمد يدها عليه مشاعل تعبت من الركض وماتدري وين تروح ,, حست انها ضايعه ,, خافت ,, هي الحين بمكان مجهول ولاتعرف انقليش,, مين تسال,, حتى اسم اللعبه ماتعرفه ,, وين تروح,, دورت ع طلال ماكان موجود,, يالله ايش تسوي ,, وين تروح,, صارت تدور بالملاهي مو عارفه وين تروح,,, بدت تبكي من الخوف ,,, حست بخوف يقتلها ,, غريبه بمكان ماتعرفه,,, طالعت ساعتها راح ع اللعبه ربع ساعه اكيد الحين نزلوا من اللعبه,, يارب تلقاهم,, وقفت مكانها ونزلت دموعها من الخوف مشاعل تصارخ وهي تبكي: طلااااااااااااااااااااااااال ,, طلاااااااااال,, سعوووووووود فيه احد قرصها مع ضهرها , التفتت بسرعه لقت طلال بوجهها,, من الخوف والرعب والضياع الي حست فيه,, وبدون ماتحس ضمت طلال طلال كان ابواب السعاده انفتحت له ,,, ضمها بقوووه ,, وبحنان صار يمسح ع شعرها طلال بحنان : ميشو لاتبكي ,, لاتخافي انا معاك,, وماراح اخليك ابد ,,, انا كنت وراك طول الوقت ,, مستحيل اخليك تضيعي,, ميشو لاتبكي خلاص انا جنبك مشاعل : طلال لاتتركني ,,انا خايفه,, خلك معاي ,, طلال احبك طلال كان مبسوط بهالكلمات ومو مصدق انها تطلع من مشاعل ,, كان وده ياخذها ويهرب بها بعيد عن اي شخص مكان مايكون فيه الا هو وهي بعدت مشاعل عن حظن طلال بخوف لما سمعت صوت نواف نواف: طلال وينكم سعود وبندر يدوروا عليكم طلال: يعني المحروس رجع مامات باللعبه نواف: لا والله مامات ,, انشالله الجايات اكثر طلال : ههههههههههه مشاعل بتانيب : طلال طلال يرفع يده باستسلام: اوكي اسف راحوا لاماكن اللعبه وكان لون بندر اخظر من التعصيب لووووووووول,, عرف ان طلال كان مخطط عشان يجلس مع مشاعل لوحدهم اما سعود كان هادي سعود: ماشالله هذا الي مايخاف اشوفك نزلت طلال: هم نزلوني قالوا اللعبه ماتستحمل وزنك سعود: ههههههههههههه, ابو التصريفه طلال: سلك لي يارجال بندر يتصنع المرح : يعني انت مو رجال لانك خواف طلال: مو مهم اني اصير رجال عند الناس اهم شي اني رجال بنظر نفسي وبنظر حبيبتي سعود استغرب جرئه طلال تعشوا بالملاهي وبعدين رجعوا للاوتيل ,, كان سعود مره مبسوط بعلاقته الجديده مع طلال واخذ رقمه ع شان يزوره بالرياض باللوبي طلال يتصنع البراءه: احنا بكره رحلتنا الفجر((كان حاجز بنفس رحله مشاعل)) سعود: نفس رحلتنا ,, والله حلو نتخاوى بالطياره طلال: والله من حظنا طلع بندر وسعود ومشاعل غرفهم بدلت مشاعل ملابسها وسمعت التلفون يدق مشاعل بنفسها" هذا اكيد بندر اف منه ,, اكيد يبي يشتكي لي طلال" مشاعل: الو طلال: هلا بصاحبه احلا حظن بالدنيا مشاعل انحرجت ,, ولاتقدر تهزئه لانها هي الي حظنته,, ايش راح يقول عنها انها وصخه ومو متربيه مشاعل: طلال انت عارف اني كنت خايفه,, وماحسيت بالي سويته طلال: وكلمه احبك ماكنتي بعد حاسه فيها مشاعل: طلال ايش تبي طلال: ابي اتفق معاك اننا نبعد بندر عن طريقنا مشاعل: لاتحسب اني ع شان اليوم راح اتخلى عن بندر طلال بعصبيه : يعني راح تستمري معاه مشاعل: طبعا طلال: اوكي خليه ينفعك وقفل الخط بوجهها مشاعل حست بخوف ,, اول مره طلال يقفل بوجهها ,, واول مره يعصب عليها,, يالله اكيد زعل ,,, وما راح يدق عليها مره ثانيه,, بس ليش هي خايفه مايدق احسن ع الاقل ع شان تقدر تعيش مع بندر بسلام قطع عليها افكارها صوت التلفون,, ردت بسرعه ع امل انه طلال مشاعل: الو طلال: ميشو نسيت اقول لك ,, تبي بندر لما اطلعه من حياتك احطه بكيس والا بعلبه هالمره مشاعل قفلت بوجه طلال,, يالله مجنون هذا مايمل كان لازم يطلعوا من الاوتيل الساعه 1 لان رحلتهم 3 الفجر,, حاولت تنام شوي تريح جسمها وماقدرت ,, لما تتذكر حظن طلال يطير النوم من عينها ,, كان احلا حظن حست فيه ,, ومو عارفه كيف تجرات وحظنته, بس كان حنون وحست ان طلال يحبها من قلب 000000000000000000000000000000 0 في الطياره كان طلال مثل الهم ع قلب بندر ,, كان بندر جالس بالوسط وبجنبه نواف ,, اما ع يمين بندر كان جالس طلال بجنب لمياء وع اليسار سعود جنب مشاعل انقهر من بين كل هالركاب مالقوا يحطوا جنبه الا هالبزر الكريه نواف: هيه انت بعد يدك عن الكرسي حقي بندر طالع يده كان طرف يده لامس الكرسي حق نواف, قال خلني اشيله ولاادخل في مشاكل مع هالمشكلجي نواف: لاتتنفس قدام وجهي, اخاف يجيني مرض منك بندر اتشت اخلاقه مايدري ايش يبي هالبزر منه دعى ربه انه يصبره لما يوصلوا بالسلامه وينتهي هالكابوس كانت الرحله ممتعه بالنسبه لطلال لان مشاعل بنفس الطياره ومو بعيده عنه,, اما سعود كان نايم,,, ومشاعل بين فتره والثانيه تسرق نظره ع مكان طلال وتتامله وتامل رجولته ,, وشكله الجذاب ولمياء كانت مثل الراديو الي مايتسكر ,,, ازعجت طلال من كلامها الي ماينتهي والي حست ان الفرصه نزلت لها من السماء طلال جنبها,, اول مره يجلس يسمع سوالفها عن صاحباتها ومغامراتهم بالمدرسه ومع المدرسات,, طلال طفش منها وكان وده يرميها عند الطيار لما يوصلوا,, توسع صدره بالطريق وصلوا اخيرا للرياض راحت مشاعل ولمياء للحمام يلبسوا عبايتهم لمياء: مدري ليش نلبسها الحين كل الي بالطياره شافونا مشاعل: هههههههه راحت مشاعل ع مكانها وكانت لابسه العبايه ومتحجبه اما لمياء كانت لابسه العبايه وراميه الطرحه ع كتوفها ,, استغربت مشاعل لان طلال كان يطلب منها انها تتغطى واخته حتى الحجاب مو متحجبه طلال انتبه لنظرات مشاعل وصار ياشر لها بانها تغطي وجهها طالعته باحتقار ورمت الطرحه ع كتوفها عناد فيه 000000000000000000000000000000 0000000000000000000000000 مشعل: لو سمحت اخوي متى توصل الرحله الي جايه من المانيا الموضف: الحين توها وصلت مشعل: مشكور راح مشعل يركض ع شان يستقبل اخته والي اشتاق لها من قلب بدوا الناس يطلعوا من الطياره ,, واخيرا شاف مشاعل ماسكه يد سعود ووراهم بندر ركض ع مشاعل وضمها ,, مشاعل ماقدرت تتحمل كانت مره مشتاقه لمشعل وبكت بحظنه مشعل: خلاص ميشو خلي دموع شوي لماما مشاعل:هههههههههه مره اشتقت لكم مشعل: واحنا اكثر ,,الحمدلله ع سلامتك يانورنا مشاعل:طبعا انا نوركم انت مشعل يعني شعله وحده ,, اما انا مشاعل يعني شعلات كثيره مشعل: هههههههههههههه سعود: ميشو وين تعلمتي ثقل الدم فيه؟؟؟؟ مشاعل تتصنع الضحك: هاهاها التفتت ع الصوت الي سمعته طلال : انشالله نشوفكم ع خير يا سعود سعود: طلال معاك رقمي والا طلال: ايه ,,, طبعا نبيكم تزورونا انشالله سعود: انشالله قريب,,, طلال هذا اخوي مشعل طلال مد يده لمشعل: هلا ومرحبا مشعل مشعل سلم ع طلال وابتسم له: هلا بك سعود: مشعل هذا طلال الـ... مشعل: تشرفنا طلال: الشرف لي مشعل: تفضل معانا ياطلال نوصلك طلال: لاوالله ماودي اضايقكم وبعدين معاي الاهل ,,, وعموما السواق ينتظرنا برا ,, فرصه سعيده والله الي جمعتنا سعود: احنا اسعد وترى مالي شغل فيك انت مواعدني انك تسير علي طلال: ابشر ماطلبت شي اتشرف بدخول بيتكم يالغالي سعود: الله يسلمك طلال: مع السلامه سعود ومشعل: مع السلامه قبل يمشي طلال رمى نظره لمشاعل نستها هي وين او هي مين,, كانت تحبه بكل عيوبه واخطائه 000000000000000000000000000000 00000000000000000000000000 طلعوا ووقفوا عند بوابه المطار ينتظروا مشعل يجيب سيارته من الباركينق ,, شافوا سياره بنتلي جديده وكان فيها سواق ونزل يركض يفتح الابواب لطلال ونواف ولمياء,, ويركب الشناط سعود: مشالله هذي سياره طلال ,, والله شكل الولد كاش بندر بدون نفس: ايه مشعل وقف ورا سياره طلال ركب بندر قدام اما سعود ومشاعل ركبوا ورا انتظروا لما سواق طلال حرك السياره ومشوا ,, وكانوا في طريقهم للبيت سعود: مشاعل صاحبتك لمياء امها عربيه؟؟؟ مشاعل: لا ليش سعود: حسيت ملامحهم مو عربيه ,, ماشالله طلال وسيم مره بندر قفلت اخلاقه من جد انقهر ومات قهر ,,جالس يمدح طلال قدام مشاعل صدق وقح ولايراعي شعوره مشعل: والله اول ماقلت لي هذا طلال انصدمت حسبته بيتكلم انقليش ماتوقعت ابد انه عربي سعود فرح ان احد يشاركه رايه وتحمس: مشعل ماتحس كانه ممثل اجنبي مشعل: ياخي احسه يشبه الي مع نانسي عجرم بفيديو كليبها مشاعل تحمست: اي فيديو كليب؟؟؟ مشعل: ياناسي هواك سعود: ايه صادق فيه لمحه منه,, بس طلال احلى مشعل: هههههه ايش عندك شكلك معجب في الولد سعود: هههههههههههه لا بس انا يعجبني الرجال الي يهتم بلبسه وجسمه ووسامته , وطلال احس انه لبيس صح كانوا يتكلموا عن وسامته طلال عند مشاعل وهالشي يقتلها ,,, هي تحاول تنساه وهم يصعبوا عليها الموضوع مشعل يلتفت ع بندر: بندر ايش عندك ساكت بندر: مافيه شي اتكلم فيه مشعل حس بتوتر بندر بس ماكان يعرف ايش فيه ,, ما دري ان طاري طلال يسبب له قهر ويزيد حقده ع طلال 000000000000000000000000000000 00000000000000000000000000 نواف : كفك ياطلال طلال عطاه يده وضربها نواف لمياء: وربي انكم خبيثين ,, حرام عليكم الولد راح ينجن من القهر طلال: خليه ينجن احسن علشان لما اخذ ميشو منه مايتعذب هههههههه نواف: ههههههه,, ايه ونروح نزوره بمستشفى المجانين,, ونعطيه حلاوه بالفلفل خلها تشوي لسانه طلال: الا قول نعطيه سم يقتله ويريحنا منه نواف: لا ياغبي ندخل سجن عشان واحد مجنون لمياء: يعني صدقتوا انه انجن الحين طلال ونواف:هههههههههههههه دق تلفون السياره ,, رد طلال طلال: الو ابو طلال: الحمدلله ع السلامه طلال: الله يسلمك ,, شلونك بابا ابو طلال: الحمدلله شلونك انت وشلون لميا ونواف طلال: يبه عن الف والدوران انت متصل تتطمن ع نواف حبيب قلبك ابو طلال يتجاهل اتهام ولده : ليش مقفل موبايلك طلال تذكر موبايله : ايه بابا ذكرتني موبايلي ,, قفلته بالطياره ونسيت افتحه ابو طلال: طيب عطني نواف طلال: ابشر((ويكلم نواف)) نوافوه خذ ابوي يبيك نواف:الحين نوافوه والا هناك العم نواف,, انا اوريك اذا ماقلت لبابا ع خططك طلال سكر فم نواف: قسم بالله اذا قلت لابوي والله لدفنك هنا بالسياره نواف يحاول يبعد يد طلال: امممم اممممممم لمياء : طلال بعد يدك بتموته طلال فك يده: بس اسمع طاري ميشو عند ابوي شوف ايش اسوي لك نواف: طيب خلاص فكني نواف اخذ التلفون: هلا بابا ابو طلال: هلا بحبيبي هلا بولدي الغالي نواف: بابا اشتقت لك ابو طلال: انا الي راح يموتني الشوق ,, مره ثانيه لاتروح وتخلي بابا لوحده هنا نواف: انت يابابا تسافر وتخليني دايما انحرج ابو طلال: المهم حبيبي اذا جيت راح تلقى مفاجاه تنتظرك نواف كان راح ينجن من الفرحه عارف مفاجات ابوه دايما حلوه: ايش هالمفاجاه يابابا ابو طلال: لو قلت لك ايش هي ماراح تكون مفاجاه قفل نواف من ابوه وهو متحمس يبي يعرف ايش هالمفاجاه نواف يكلم السواق : منصور بسررررعه منصور: ابشر طال عمرك طلال: ايش الي ابشر تصدقه انت,, انشالله اذا طلع معاك وقال لك اسرع تسرع نواف: ايه وليش مايسرع طلال: وليش يسرع نواف: بابا شاري لي مفاجاه وابي اوصل بسرعه طلال: تبي توصل للبيت والا تبي توصل للقبر؟؟؟ منصور لاتسرع , وانت يانوافوه انا اوريك اذا طلعت من البيت هذا وجهي اجل اسرع هاه نواف يحط رجل ع رجل: ههههههه ماتقدر تمنعني من الطلعه طلال يلتفت عليه: وليش انشالله نواف: انا ماسك عليك شي ,, واذا فضحتني راح افضحك طلال ضحك ع نواف,, اعوذ بالله محد يقدر عليه,, كانت فكرته حلوه انه اخذه عشان يجنن بندر,, لان الي يجلس مع نواف دقيقه راح ينجن 000000000000000000000000000000 0000000000000000000000000 مشاعل تتامل بيتها اخيرا تقدر تشوفه وتشوف وجيه الناس الي تحبهم,, حبت بيتها وحبت تفاصيله,, جد افتقدتها ام مشعل تبكي: الحمدلله ع سلامتك ,, تو ما البيت نور,, الله لايحرمني منك مشاعل: الله يسلمك ياخالتي, مو مصدقه اني اخيرا بينكم واشوفكم ضمت ام مشعل وبكت من قلبها ,, ونفس الشي لما شافت نجود,, كان القاء مره حزين والكل تاثر ,, بكت مشاعل لانها ماقدرت تشوف نجود بيوم زواجها,, بس نجود تمتلك حكمه وذكاء قدرت تقلب هالحزن لفرح وسرور نجود: ايش رايك ياميشو نروح غرفه الرسم حقتك ,,, ونشيل اغراضك من هناك ونجيبها هنا للبيت مشاعل اعجبت بالفكره,, صح ان عيونها للحين تعبانه ,, بس ودها تمارس هوايتها الي انقطعت عنها من زمان طلعت نجود ومشاعل لبيت ام سلطان ,,, فتحوا الباب ودخلوا الصاله والي كانت فاضيه,, مشاعل اشتاقت لاخوانها مره ,, وكان ودها تشوفهم ,, قررت انها راح تروح لغرفه الرسم,, وبعدني تمر ع اخوانها دخلت مع نجود للغرفه وانصدموا بالي شافوه كانت الغرفه محيوسه,, وكل شي مكسر,, الالوان ع الارض ,, اللوح الي راسمتها صارت من الماضي لان واضح فيه يد كسرت اللوح كلها مشاعل جلست من الصدمه ,, مين الحقير الي سواء كل هذا,, معقوله ام سلطان تسوي كل هذا التفتت ع نجود وكانها تبيها تقول لها ان كل هذا مو صدق: نجود لوحاتي ,, غرفتي نجود: ميشو لا تتضايقي انشالله راح نسوي لك غرفه احسن دخل عليهم فهد, ولما شاف مشاعل , ركض لها وضمها فهد: ميشو لاتتركينا الله يخليك,,, خليك معانا ,ماما تضربنا ,, ميشو احنا خايفين مشاعل انصدمت من كلام فهد: حبيبي لاتخاف انا معاكم دخلت ام سلطان: الله الله تجمعت الحثاله,, انتي يالعمياء ايش جابك بيتي مشاعل وقفت ومشت لما وصلت ام سلطان: فهد روح غرفتك ولما طلع فهد مشاعل: ع فكره العماء مو عيب ولاحرام ,,, وانا الحمدلله سويت العمليه ونجحت ام سلطان: طبعا من فلوسي سويتي العمليه مشاعل: لاتخافي انا سويتها ع حساب المستشفى ام سلطان: هههه تتوقعي مني اني اصدقك,, هذا خطه منك ومن اخوانك مشاعل: ماتتخيلي قد ايش اكرهك واحقد عليك ,,, اول شي ع شان غرفتي والي كانت احلا ماعندي بهالدنيا ,, هنا ارتاح,, وهنا سعادتي, بس مو هذا السبب الي راح يخليني اوقف بوجهك,,, اسمعي من اليوم راح ارجع هنا ,,, هذا بيتي وبيت اخواني,,, وراح اكرهك بحياتك تدري ليش,, لانك فكرتي تمدي يدك ع اخواني,, وهالشي راح تدفعي ثمنه قريب ام سلطان: هههههه هذا بيتي وماراح اخليك تتهني فيه ولا تسكني فيه,,, انا راح ابيعه انشالله,, وفلوسه راح اسافر بها,, اما اخوانك الي تتكلمي عنهم,, خذيهم معاك لبيت العجوز ,,, انا مابيهم مشاعل: يالحقيره ,,, الله ينتقم منك ,,, ايش ذنب هالصغار ام سلطان: ذنبهم انهم ماورثوا من ابوهم الى الديون,,, وانا مقدر اصرف عليهم,, خذوهم مو انتم تحبوا تربوا الايتام وطلعت وخلتهم مشاعل جلست ع الارض تبكي ع حال اخوانها : نجود حرام هذولا صغار ,, محتاجين امهم,, ومحد يعوضهم عن امهم,, ليش تسوي كذا نجود: حبيبتي انتي لسى تعبانه بعد العمليه ولاتتعبي نفسك بهالامور,, تعالي نروح غرفتك ترتاحي مشاعل قامت: لا انا ماراح اطلع واترك اخواني مشاعل طلعت من الغرفه وطلعت تركض ع غرف اخوانها لقت سلطان بالغرفه يبكي,, اول مره تشوف سلطان يبكي كان دايما قوي اول ماشاف مشاعل ركض ناحيتها وضمها سلطان: ميشو رجعتي تشوفي؟؟؟؟؟؟؟ مشاعل تبتسم: ايه ياسلطان الحمدلله انا الحين اشوف سلطان: الحمدلله, ,, ميشو وحشتينا ,, لاتتركينا وتروحي لام مشعل,, خليك معانا مشاعل: لا ماراح اترككم,, انا راح اجلس عندكم ,,,, وماراح اخليكم ابد سلطان رجع يضم مشاعل مشاعل: وين فيصل؟؟؟ سلطان: نايم بغرفته من بعد ما ماما ضــ ((وسكت)) مشاعل: ليش سكت ياسلطان قول ايش سوت له سلطان: اليوم ضربت فيصل مشاعل راحت تركض لغرفه فيصل,,,, لقته نايم ,, واضح انه نام من كثر ماصاح جلست جنبه وبكت لحالته قررت مشاعل انها راح ترجع عندهم ,,, واخذت اغراضها من بيت ام مشعل,,, وسعادتها نجودج في نقل اغراضها,,, وطبعا ام مشعل عارضت في البدايه ,, بس وافقت لما وعدتها مشاعل ,, انها تجي تفطر وتتغدا وتتعشاء عندها 000000000000000000000000000000 0000000000000000000000000 ساره: مالي شغل فيك الحين تاخذني لمشاعل,, ابي اشوفها بندر: ساره قلت لك انشالله بكره راح نروح لهم ,,,, لاني بروح احدد موعد الملكه سره انصدمت: ملكه خلاص قررتوا؟؟؟؟ بندر: ايه مشاعل وافقت ع الملكه تكون هالاسبوع ساره: هالاسبوع,, بس اليوم الاحد ,, يعني متى راح تكون الملكه؟؟؟ بندر: انشالله الخميس ساره: بهالسرعه بندر: انا ومشاعل قررنا اننا ماننتظر زياده ساره تطالع بندر بخبث: بندروه ايش سويت لصاحبتي وخليتها توافق بهالسرعه بندر يضحك: سر المهنه ساره راحت تتصل ع مشاعل,, ودقت عليها كثير وكان موبايلها مقفل , ماقدرت تتحمل الشوق,, وعلى طول طلعت من السياره وراحت ع بيت مشاعل 000000000000000000000000000000 000000000000000000000000 نواف كان يركض يدور ابوه ,, يبي يعرف ايش هالمفاجاه,, لف البيت كله ومالقى ابوه,, واخيرا لقاه بغرفه المكتب نواف: هاي بابا ابو طلال قام يشيل ولده: هلا بحبيب بابا نواف: بابا وحشتني ابو طلال: وانت اكثر,, كيفك انشالله طلال ماضيق صدرك او ضربك؟؟؟ نواف: بابا موقت هالكلام ابي هديتي؟؟؟ طلال دخل: شفت ان ولدك مصلحه وراح طلال يسلم ع ابوه ويبوس راسه ابو طلال: يمون ع القلب,, ع قلبي زي العسل طلال: الله لنا, تامر شي بابا بروح ارتاح ابو طلال: ايه مدير مؤسستنا الي بامريكا اتصل يدورك كثير ,,, الله يهديك قلت راح تدير المؤسسه هناك,,, وكلها اسبوع ورجعت,,, وهم الحين مختبصين,, دق عليه شوف ايش يبي طلال: انشالله نواف: هاه بابا وين هديتي ابو طلال طلع علبه هديه صغيره ,, نواف تحطم لما شافها توقع ان الهديه كبيره ابو طلال : ماتبي تفتحها نواف بدون نفس: طيب بفتحها ولما فتحها لقى مفتاح نواف: ايش هذا مفتاحه؟؟؟ ابو طلال : تعال شوف هذا مفتاح ايش ووقفوا عند الشباك وكانت موقفه سياره قولف ,,كان نواف يبي وحده مثلها يتمشى فيها بالبيت,, بما ان بيتهم مررره كبير وعشان تتمشى فيه تتعب مره,, فكان وده بسياره قولف ع شان يتمشى بالبيت نواف صرخ من الفرحه وباس ابوه وطلعوا يجربوها طلال طلع من البيت بعد ماسلم ع امه وتوجه لغرفته والي هي في قسم منفصل برا البيت دخل وسكر الباب,,, تسند ع الباب,,, تذكر مشاعل ومعقوله زواجها بعد اسبوع ,, كيف رضت ببندر ,,, شلون تحبه وترضى تتزوج واحد غيره,, انقهر منها,, بس ليش مايقدر ينساها او يكرهها ,, حس انه الوقت ع شان يضرب بندر الضربه الي راح تكره مشاعل فيه,,, بس لو كانت جد تحب بندر وتتغاضى عن كل عيوبه,,, خاف طلال من هالفكره,, وقتها اكيد راح يترك مشاعل لو حس ان قلبها مو له,, لانه مايبي يتعسها هو يبي سعادتها ,, وعارف ان سعادتها معاه,, لانه عارف ايش يقدر يقدم لها ,, مو بس الفلوس الي راح يقدمها لمشاعل,, راح يقدم شي احلى واكثر قيمه,, وهو الحب والاخلاص 000000000000000000000000000000 0000000000000000000000000 دخلت ساره بيت ام سلطان وكانت خايفه تشوفها وتهزئها ,, توجهت لغرفه مشاعل وشافت النور مو مسكر معنى هالشي ان مشاعل صاحيه ,,, سمعت صوت اخوان مشاعل عندها بالغرفه فتحت الباب ساره: هاااااااااي ميشو مشاعل طمرت وركضت تضم ساره: ساااااارونه مره وحشتيني ساره تعاتبها: مره وحشتك ,, لو جد وحشتك كان اتصلتي علي مشاعل: اسفه والله لهيت مع مشاكلي ساره: اي مشاكل الحمدلله رد لك نظرك وتقولي مشاكلي؟؟ مشاعل: حبايبي ايش رايك تروحوا تلعبوا بلي ستيشن سلطان فهم التصريفه: فهد وفيصل تعالوا نلعب برا لما طلعوا مشاعل حكت لساره مشكله ام سلطان وحقارتها,, وساره مانصدمت لانها كانت تتوقع منها اي شي ساره: عموما مبروك مقدما مشاعل : الله يبارك فيك بس ليش مقدما خلاص انا سويت العمليه قولي مؤخرا ساره تغمز لمشاعل: لا مبروك ع شي ثاني مشاعل: وايش هالشي؟؟؟ ساره: سمعت بالصدفه ان ملكتك يوم الخميس مشاعل انصدمت لانها ماحددت هالشي ,, صح انها قالت لبندر انها راح تقدم الملكه بس ماحددت يوم ماشعل: وانتي مين قال لك ساره: مين غيره بندر مشاعل: بس انا ماحددت له يوم ساره : هو راح يجي بكره مع ابوي يكلم اخوانك مشاعل خافت ,,,, خلاص راح تصير زوجه لبندر ,, حست انها مو مستعده ابد,,, بس خلاص هذا اختيارها,, ولازم ترضى,,, وبعدين بندر يعتبر فرصه ماتعوض لاي بنت,,, بس ماتدري ليش حست انها بدت تكرهه خاصه لما بدا طلال يطلع بحياتها من جديد,, صارت دايما تقارن بينهم وكان طلال يفوز ع بندر بكل النواحي كانت محتاره,,, بس كويس الي ساره قالت لها ع الاقل عندها فرصه تفكر لما بكره طلعت من عندها ساره وحاولت تنوم ولو ان النوم جفاها بعد ماعرفت ان بندر راح يجي بكره يحدد موعد الملكه فتحت موبايلها تبي تدق ع بندر ع امل انه يقول لها شي وتحاول تقنعه ياجل الموضوع حست انها ابد مو مستعده سمعت صوت مسج وكان من رقم غريب ,, المسج يقول "قطوتي اذا فتحتي موبايلك دقي علي مشتاق لك موووت" عرفت على طول انه طلال محد يقول لها قطوتي الا هو,, ايش تسوي له مايبي يفهم, انها خلاص راح تتزوج ,, متى راح يتركها,, مصخها,, لازم توقفه عند حده رجعت قفلت موبايلها ونامت بصعوبه 000000000000000000000000000000 0000000000000000000000000 اليوم الثاني كان صعب ع مشاعل ,, اضطرت انها تواجه ام سلطان كم مره ,,, كانت مره تدافع عن اخوانها والي امهم ماتتعب من ضربهم,, ومره تدافع عن ابوها والي طول الوقت ام سلطان تتحسر ع نفسها انها تزوجته ,,, لانه تركها وماترك لها فلوس تتهنى فيها وجت اللحظه الصعبه بالنسبه لمشاعل,, لما جاها مشعل يسالها عن رايها في انها تكون المكله يوم الخميس مشعل: انا قلت لهم انهم مستعجلين ,, وطلبت منهم ياجلوها شوي مشاعل: مافيه داعي يامشعل,,انا موافقه مشعل يبتسم: الف مبروك يامشاعل , بصراحه عرفتي تختاري بندر رجال بمعنى الكلمه كانت تنتظر مشعل يروح ,, تبي تبكي ,, عارفه انها بكلمتها هذي فقدت طلال ,,,بس للحين مقتنعه برايها,, انه هذا الحل المناسب لهم كلهم طلع بندر من عندهم ,, فتحت موبايلها,, وجتها رساله من طلال " مشاعل امشي ورى قلبك وماراح يضيعك" ارسلت لطلال رساله "طلال انا حددت موعد الملكه يوم الخميس,, خلاص انا ملك شحص ثاني مو ملك نفسي,, لو سمحت انساني" ارسل لها طلال رساله "وليش ماتطلبي منه هو انه ينساك,, ليش لازم انا الي اضحي" ارسلت له "لانه ببساطه راح يكون زوجي" ارسل لها " اذا الله كاتب لك تتزوجي ماراح تتزوجي غيري,, اوعدك" مشاعل كان ودها ترقص من الفرحه ,, معقوله فيه امل تكون زوجه طلال ,, وبدون ماتجرح بندر,, ياليت 000000000000000000000000000000 0000000000000000000000000 بندر جنن ابوه من الفرحه ابو بندر: بندر عيب عليك انت رجال ندر: والرجال مو من حقه يفرح,, بابا انا مو مصدق نفسي اخيرا مشاعل راح تصير زوجتي ابو بندر: طيب ترى وصلنا البيت وقف لاتدخل بالجدار وقف بندر ونزل ابوه,, جلس بندر بالسياره يسمع اغاني بالسياره ويرقص من الفرحه,,, قفل الاغاني لما سمع صوت موبايله ساره: بابا وين بندر ابي ابارك له ابوبندر: يرقص بالسياره ساره: هههههههههههههههه,, جد خبل ابو بندر : الله يوفقهم ام بندر وساره : امين طلعت ساره فوق تبي تكلم فهده تقول لها ودخلت غرفتها ساره: هاي فهده فهده: اهلين سارونه ساره: عندي لك خبر يسوي مليون فهده: لاتقوليه لاني ما املك ولا الف ساره: هههههههه, لو تعرفي الخبر كان تسلفتي المليون ع شان تسمعيه فهده : الله واكبر وايش هالخبر يالفالحه ساره: ميشو سوت العمليه وصارت تشوف فهده: من جدك ساره:والله والله والله فهده: ياحقيرات ليش ماقلتوا لي انها راح تسوي العمليه ساره: قلت اسويها مفاجاه فهده: الحمدلله الف مبروك ,, والله ميشو تستاهل ساره: وفيه شي ثاني فهده: وايش هالشي؟؟؟ انتي اليوم مدري ايش عندك اخبارك تجنن مو مثل العاده ساره: مقبوله بس بكمل,, ميشو ملكتها يوم الخميس فهده: لاعادي مصختوها كل هالاشياء تصير وانا مدري ساره ميته ضحك: ههههههه وفيه شي ثالث فهده: عمى انتي واخبارك ,, قولي وخلصيني لايطيح البيبي ساره: ميشو راح تتزوج اخوي بندر فهده: مبررررررررررررررررروك, بس والله انكم سخيفات ليش ماقلتوا لي ساره: صارت الامور بسرعه فهده: والله فرحت لميشو تستاهل ساره سمعت صوت صراخ ساره: فهده شوي واكلمك وقفلت بدون ماتعطي فهده فرصه تقول باي طلعت وشافت بندر معصب وداخل غرفته , عمرها ماشافت اخوها بندر معصب بهالشكل,,, بندر معروف بهدوئه,, ايش هالشي الي مخليه معصب لهدرجه نزلت تحت ولقت امها وابوها صدمتهم ماتقل عن صدمتها مشاعل: ماما ايش فيه بندر؟؟؟ ام بندر: والله مدري ياحبيبي ,,, مر من جنبنا وهو يكلم بالموبايل ومعصب,, مدري مين يكلم ساره خافت ع اخوها ,, طلعت له فوق تبي تعرف ايش فيه وقفت عند غرفته تبي تطق عليه الباب,, بس حست انه مانتهى من مكالمته لانها سمعت صوته يصارخ كانت تبي ترجع لغرفتها بس شدها الموضوع الي يتكلم فيه بندر مع الشحص الي ع الموبايل,, بدوون قصد منها انها تتصنت وقفت,, تبي تسمع زياده,,مو قادره تصدق ان كل هذا يطلع من اخوها بندر,, الى كانت تضرب به المثل,,, يطلع كل هذا منه حست انها بحلم , اكيد الي جالسه تسمعه مو صدق,,, اكيد هذا مو بندر حس بصوت برا غرفته وفتح الباب يتاكد لقى ساره واقفه ومصدومه ساره وهي تبكي : ليش يابندر,,, ليش سويت كذا؟؟؟ ايش سر هالمكالمه والي خلت بندر مذنب بوجهه نظر ساره,,,, ومين هالشخص الي قدر ينرفز بندر بهالشكل؟؟؟؟ |
|
| |
|
02-12-06, 02:37 AM
| #54 |
| |[ عـضـو مـشـارك ]| الدولة: | رد : فارس احلامي)) قصه رومانسيه جريئه ؟؟؟؟؟؟؟ ساره خافت ع اخوها ,, طلعت له فوق تبي تعرف ايش فيه وقفت عند غرفته تبي تطق عليه الباب,, بس حست انه مانتهى من مكالمته لانها سمعت صوته يصارخ كانت تبي ترجع لغرفتها بس شدها الموضوع الي يتكلم فيه بندر مع الشحص الي ع الموبايل,, بدون قصد منها انها تتصنت وقفت,, تبي تسمع زياده,,مو قادره تصدق ان كل هذا يطلع من اخوها بندر,, الى كانت تضرب به المثل,,, يطلع كل هذا منه حست انها بحلم , اكيد الي جالسه تسمعه مو صدق,,, اكيد هذا مو بندر حس بصوت برا غرفته وفتح الباب يتاكد لقى ساره واقفه ومصدومه ساره وهي تبكي : ليش يابندر,,, ليش سويت كذا؟؟؟ بندر مصدوم : ايش سويت؟؟ وانتي من متى واقفه هنا؟؟؟((ماكان يعرف ايش بالضبط سمعت ساره)) ساره: من اول مادخلت غرفتك وسمعت كل شي بندر : مين سمح لك تتجسسي علي؟؟ ساره: بندر من متى تعرف طلال؟؟؟ بندر : اي طلال انتي ايش قاعده تقولي؟؟؟ ساره تصارخ: لاتنكر يابندر انا سمعت كل شي,, انتم متفقين ع ميشو,, ماراح اسمح لك تدمرها حتى لو كنت اخوي بندر: اي ادمرها الله يهديك انتي فاهمه الموضوع غلط ساره: بندر انا راح اكلم مشاعل اقول لها كل شي بندر: لا سارونه الله يخليك انتي لو قلتي لها ماراح ترضى تتزوجني ساره تطالع اخوها بصدمه : وانشالله تبيها تتزوجك وهي مخدوعه فيك بندر: انا ماخدعتها انتي مكبره الموضوع ومو قادره تفهميه ساره: الحين تشرح لي كل كلمه سمعتها,, او اروح اقول لميشو بندر عصب من ساره: ساره انا اخوك معقوله تسوين فيني كذا؟؟ ساره: انا مارضى بالكذب والغش حتى لو كان من اخوي بندر: طيب سارونه تعالي لغرفتي وانا راح افهمك ع كل شي ساره: اتمنى عندك تفسير مقنع للي سمعته بندر دخل مع ساره غرفته ومو عارف كيف يبدا بندر: انا راح اقول لك كل شي بس بشرط ساره: ايش هو؟؟؟ بندر: ميشو لاتعرف عن هالموضوع شي ساره معصبه: كيف ماتعرف وهي صاحبه الموضوع بندر: ع الاقل لاتقولي لها الا بعد الملكه ساره: ليش ماتبيها تعرف حقيقتك وبعدين ترفضك بندر: سارونه انا احبها وماقدر اتركها او استغنى عنها ,,, وانا متاكد ان مشاعل قلبها كبير وراح تسامحني ساره: واذا انت واثق انها راح تسامحك ,, ليش ماتقول لها بندر: انا راح اقول لها بس بعد الملكه ساره: اها انت قصدك لما تملك عليها خلاص ماتقدر ترفضك لانك زوجها,, عمري ماتوقعت انك لئيم لهدرجه يابندر بندر: سارونه والله احب ميشو وماودي اخسرها ساره: ممكن اعرف السالفه؟؟ بندر: اوكي بحاول اني ابدا من البدايه,,, اول شي انا كنت بامريكا,,, وطلال كان يدرس بامريكا وتعرفت عليه هناك من زمان ومن بعدها هو صاحبي,,, ومرت الايام وقرر ابو طلال انه يخلي طلال يمسك فرع مؤسستهم الي بامريكا,, وبهالشكل توطدت علاقتي بطلال اكثر من اول,, وتكررت طلعاتنا مع بعض,, شكى لي من حبه لمشاعل ,,, وعن مرضها ,, وانه يبي يساعدها بس مو عارف كيف,, بعدين طلب مني انه يساعد مشاعل عن طريقي ,, لانه عرف عن طريق اسم عائلتي اني اخوك,, وعرف انك صاحبه مشاعل مره,, قال احسن حل انك تساعدها وماراح ترفض لان المساعده راح تجي من ساره ساره: وليش هو ماساعدها؟؟؟ بندر: كان متاكد انها راح ترفض اي مساعده منه ساره: وليش متاكد؟؟؟ بندر: ساره اكيد مشاعل ماتخبي عنك شي ,,, واكيد قالت لك عن الحركه الي سواها في مشاعل ساره: عشان كذا مافكر يفاتحها بالموضوع بندر: ايه ,, وهو قال مابي اخاطر بموضوع علاجها وبعدين ترفض وافقد اي امل انها توافق,, فهو قال خل الموضوع عن طريقك احسن ساره: يعني طلال هو الي خلى المستشفى يعالجوها ع حسابهم مو انت بندر: لا المستشفى ماله دخل بعلاج مشاعل ساره مستغربه: مو فاهمه؟؟؟ بندر : العلاج كله كان ع حساب طلال ساره منصدمه: معقوله بندر : طلال كان دافع كل شي يخص مشاعل ويخص سعود بسفرتهم بدايه من التذاكر الي العياده وتكاليف العمليه وتكاليف السويت الي حجزه لهم,, حتى الاوتيل الي كنا ساكنين فيه بعد ماطلعت مشاعل من المستشفى كان ع حساب طلال,, وكنت طول الوقت اوهمهم انه ع حساب المستشفى ,, وكنت خايف سعود يحس بشي ساره تكرر كلام بندر مو مصدقه : الاوتيل الي كنا ساكنين فيه؟؟ ليش لايكون دافع عنك انت بعد بندر وهو مستحي: ايه ,, بصراحه بذيك الفتره ماكان عندي سيوله,, وطلال صمم انه يدفع كل شي,, لانه هو المسئول عن هذا كله,, وهو الي طلب مني اسافر معاها ع شان اطمنه ساره: وموضوع الشركه؟؟؟ بندر: هو اشترى نصيب ابو سليمان من الشركه وصار شريك سعود ومشعل وهو الي دعمهم بالفلوس بس عن طريقي,, وهو الي كان يخطط لكل شي وانا كنت انفذ ,,, حتى لما رحت لشركه اخوانها ,, ماكان عندي علم باي شي,, اتصل علي الصباح وقال لي روح للشركه ,, وعلمني ايش اسوي بالسياره ,, بس احنا كنا خايفين انهم يكتشفوا لاننا سجلنا الشركه باسم طلال مو باسمي ,, خفنا ينتبهوا لهالشي,, لان الاوراق كانت عندي بس خفت يطلبوا نسخه من الاوراق ساره :وانت ماتستحي ع نفسك تمثل هالتمثيل بندر: صديق وطلب مني هالطلب ماقدر ارده ساره تفكر: اها هذا يفسر رجعتك من امريكا بدري,,, بس ايش دخل مساعداته لمشاعل بزواجك منها,,, كذا هو راح يضرها لانها راح تتزوج واحد مخدوعه فيه بندر نزل عينه بالارض وقال: هذا الموضوع يخصني انا ,, وطلال ماله شغل بهالموضوع ساره: شلون ماله شغل بندر: لان طلال ماعرف اني خاطبها الا بالصدفه ساره منصدمه من اخوها: وشلون سمحت لنفسك تخون صاحبك والى امنك على ميشو,, وانت عارف انه يحبها وهي تحبه,, تروح تسرقها منه بندر: سارونه صدقيني انا حبيت مشاعل غصب عني وبدون ماحس,,, وبعدين هي ماراح تسامحه وهو مايتجرا يكلمها او يرجع لها,, فكرت ليش ما اعطي نفسي مجال ابدا معاها ساره: وبعد ماعرف طلال ايش سوا بندر: هو ماعرف الا قبل نرجع بيوم ع حسب علمي و قرر انه ينتقم مني وينكد علي يومي,, وهذا الي سواه كان اسوا ايام حياتي ساره: ماني قادره اصدق انك تسوي كذا وانت عارف ان مافيه شخص يسوي كل هذا الا لانه يحب بجنون,, وانت ماراعيت احاسيسه وخنته وخطبت ميشو بندر: بس انا احبها وبعدين انا ساعدته ساره: بس انت كنت مزيف وطلعت لمشاعل بصوره غلط,, وبتعب طلال كنت راح تجبر مشاعل تتزوجك بندر: انا ماجبرتها هي وافقت من نفسها ساره: بس ميشو لازم تعرف كل شي بندر: سارونه تكفين خليها بعد الملكه ع الاقل اتاكد انها ماراح تتركني ساره: تبي تبني حياتك ع غش وخداع,, اسفه مشاعل صاحبتي ومقدر اكذب عليها,, ,بعدين لو انا سكت تتوقع طلال راح يسكت بندر: وهذا الي مخوفني,, طلال يتوعدني,, ويقول لي راح اقول لمشاعل كل شي وراح يدمرني ساره: ما الومه ,, انت قول لمشاعل واذا كانت تحبك راح تسامحك,, اما اذا ماسامحتك معناها انت الربحان لانك انقذت نفسك من حياه زوجيه تعيسه لان مشاعل ماتحبك بندر: بس انا احبها ساره: صدقني الصدق هو الشي الوحيد الي راح يخليك تكبر بعين مشاعل بندر: اهم شي انتي لاتقولي لها شي,, انا راح اقول لها ساره: مثل ماتبي بس انتبه ترى اليوم الاثنين,,, وملكتكم الخميس يعني مافيه وقت لازم تقول لها بسرعه بندر: انشالله 000000000000000000000000000000 0000000000000000000000000 كان طلال يدق ع مشاعل يبي يفهمها ع كل شي,, مستحيل يترك بندر ياخذ منه حبيبه قلبه,, تعب وهو يدق وكان موبايل مشاعل مقفل ,,, قرر انه يرسل لها مسج ع امل انها اذا فتحت موبايلها تشوف المسج "ميشو اذا فتحتي موبايلك كلميني ابيك بموضوع ضروري يخص بندر" طلع من غرفته وراح ع الخيمه حقتهم ,,, دخل وكانت الخيمه فاضيه ,,, جلس لوحده ,,, يفكر,, كيف يجبرها ترد عليه ,,لازم تفهم الحقيقه ,,, فتح التلفزيون وصار يقلب بالقنوات مو قادر يركز ع شي ,,, طرا ع باله فكره حلووووووه,,, بهالشكل راح ترد عليه مشاعل طلع من الخيمه يركض متجه للبيت ,,, كان في بوابتين تدخل لجوا البيت ,, البوابه الرئيسيه وهي الي تودي للمجالس وكانت في مقدمه البيت ,,,اما البوابه الثانيه فهي بوابه خلفيه تودي ع البيسمنت 1 والمكون من المسبح الي في النص وتحيط به غرف مفتوحه عباره عن غرفه التبديل وبعض الحمامات وغرفه للاجهزه الرياضيه خاصه بطلال ,,, وجكوزي وساونا وكان فيها صاله كبيره مفتوحه عباره عن جلسات وكانت مخصصه للحفلات الي يسووها هيفاء ولمياء ,, وكل هالغرف كانت مفتوحه ع المسبح ,,, قطع مسافه طويله لما اخيرا وصل لبوابه البيت الخلفيه لانها الاقرب لغرفته ,,, فتح الباب والعباره عن زجاج يلف ع البيسمنت كله ,,, ركض باتجاه الاصنصير ,, وطلع ع الدور 2 ,,,والي كان عباره عن ممرين طويله الاول يودي ع غرفه ابو طلال وام طلال ,, والثاني ع غرفه هيفاء ولمياء ونواف,, راح باتجاه غرفه هيفاء ,,, وبكل احترام ضرب ع الباب هيفاء: تفضل طلال يطل براسه: مشغوله هيفاء: لا تعال هيفاء ماكانت لوحدها كان معاها وحده فلبينيه تسوي لها فرينش مونيكير ليديها ورجولها ,,, كانت هيفاء مهووسه بالفاشن وكل جديد ,,, مافيه عروض ازياء بالصيف الا حظرتها لو انها في القطب الجنوبي,, وكانت امها تروح معاها لان ابوها مايرضى تروح لوحدها طلال: ايش هالحلاوه ,,, توك مسويه برونزاج؟؟؟ هيفاء: ايه ايش رايك حلو طلال: مرررررررررره كول,,, مع شعرك ولون عيونك صاير مره يجنن هيفاء: طلول ليش لما رحت المانيا ماتشمست كان لونك احلى بدى يفتح لونك الحين طلال: خلاص كبرت ع هالحركات هيفاء: هههههههههههههه ,, كبرت ,, اشوف شعرك كله شيب,,, يله طلول ايش رايك قبل تبدا الدراسه نروح استراليا اسبوع نتشمس ونرجع طلال: لو الي ببالي صار راح اوريك لاي مكان تبيه هيفاء تحمست: جد طلول ,,, ايش هالي ببالك وانا اسويه طلال: ابي منك خدمه((وصار ياشر ع طرف اصبعه)) قد كذا هيفاء تضحك: وانا اقول غريبه جاي يسولف معاي,, قول ايش تبي طلال: ابي منك ترفعي التلفون وتقولي كلمتين وخلاص هيفاء تتفحص اصابع يدها ,, تبي تطمن ع ان المونيكير جف,, ولما حست انه جف,, اخذت موبايلها وحطته عند اذنها وقالت هيفاء: كلمتين طلال: تستهبلي انتي ووجهك هيفاء تستهبل: انت قلت ارفعيه وقولي كلمتين طلال: ههههههههه لا انا راح ادق ع رقم وانتي قولي مشاعل موجوده هيفاء تضحك: اوكي ياحبيب مشاعل ,,بس ليش ماردت عليك زعلانه؟؟؟ طلال: لامقفله موبايلها وابي اعرف ايش فيها هيفاء: طيب واذا نادوها ايش راح اسوي؟؟؟ طلال: خلاص اذا نادو ميشو انتي تطلعي من الموضوع هيفاء: واستراليا؟؟؟ طلال: الحين توك مسويه برونزاج ,, كيف تبي تتشمسي ,, راح تحترقي هيفاء: لا البرونزاج الي سويته مو طبيعي بكريمات وسبري عند يحيى زكريا ,,, بس ماراح يدوم اكثر من اسبوعين,, وانا ابي اتشمس برا,,وتعرف ابوي السنه هذا ماسفرنا,, وابي اغير جو واتشمس طلال: ليش مارحتي معانا المانيا وتشمستي ع كيفك هيفاء: مليت من كثر ما اروح لها طلال: طيب راح تدقي والا اروح اترجى اختك الثانيه هيفاء: اوكي دق الرقم وعطني طلال اخذ التلفون, ورفع السماعه طلال: ناصر لو سمحت عطني اي خط فاضي ناصر:ابشر طال عمرك طلال دق رقم بيت مشاعل ,, طبعا هو يعرفه لان مشاعل بعض الاوقات كانت تدق عليه منه بدى الرقم يدق 000000000000000000000000000000 0000000000000000000000000 فهد وفيصل كانوا يلعبوا بلي ستيشن لما دق التلفون فهد : روح رد فيصل: لامابي ,, انت الي روح فهد: ترى تقول امي الي مايرد ع التلفون تجيه المقرصه الحاميه تاكله فيصل: اصلا مافيه شي اسمه المقرصه الحاميه تلعبون علي فهد: خلاص اذا جت وكسره الشباك ودخلت عليك تتاكد فيصل خاف وقام يرد ع التلفون فيصل: الو هيفاء: هاي حبيبي فيصل: مين انتي؟؟؟ هيفاء: حبيبي روح قول لمشاعل صاحبتك تبيك ع التلفون فيصل: لا هيفاء: ليش؟؟ فيصل: ميشو فوق,, وانا مابي اطلع فوق هيفاء قفلت معاها: طيب حبيبي روح قول لها ع شان اشتري لك حلاوه فيصل: مابي ميشو تشتري لي هيفاء: انا حلاوتي احلى من حقه مشاعل,, يله روح نادها فيصل: مابي انا العب بلي ستيشن ,, عندكم بلي ستيشن؟؟ هيفاء تكلم طلال: ترى مليت من هالبزر ,,, يقص لي قصه حياته طلال: قولي له عطني الي جنبك هيفاء: حبيبي مين جنبك,,, الو الو ,,, الو فيصل ترك التلفون ورجع يكمل لعبته دخلت مشاعل عليهم مشاعل: فهودي ماشفت سلطان فهد: لا مشاعل كانت راح تطلع واستغربت ان التلفون مرمي ع الارض مشاعل: مين الي رامي التلفون فيصل وبدون مايلتفت: صاحبتك تبيك مشاعل: وكذا تتركها ع الخط ,,, الله يهديك مشاعل: الو هيفاء: هاي مشاعل مشاعل استغربت الصوت: هااااي, ,مين معاي هيفاء: معاك هيفاء مشاعل زاد استغرابها: معليش ذكريني هيفاء مين؟؟؟ هيفاء: راح تعرفي مين انا بس دقيقه وعطت التلفون طلال طلال خايف انه تقفل: الو مشاعل: ............... طلال: انا عارف انك تبي تقفلي بس اسمعيني دقيقه وحده وقفلي مشاعل: وليش داق ع بيتنا طلال: موبايلك كان مقفل,, واضطريت اني ادق ع البيت مشاعل: ومين هيفاء هذي؟؟ طلال: اختي,,, ميشو ممكن تفتحي موبايلك,, ابيك بموضوع يخص بندر مشاعل: مالك شغل ببندر,, واظن احنا انتهينا من هالموضوع,,, ولو سمحت لاتدق علي مره ثانيه طلال: ميشو بندر يكذب عليك بكل شي مشاعل: مليت كذبك وغشك,, وع فكره ملكتي الخميس قفلت الخط رجع طلال يدق لما تعب ,, وحس ان مشاعل فصلت التلفون,,, ضاعت حيلته,,, كل الي يعرفه انه ماراح يسمح لهالزواج انه يتم لو اضطر يخطف بندر ويحبسه لما ترد عليه مشاعل هيفاء: خلاص طلال البنت قفلت ,,, لاتدق عليها كيفها لاتموت نفسك ع شانها ماتستاهلك طلال طالع هيفاء بظره كانت كفيله بانها تسكت هيفاء طلع من غرفتها وكان بوجهه لمياء لمياء: هاي طلال,, يعني من بعد السفر خلاص مانشوفك؟؟ طلال طنشها ودخل الاصنصير لمياء دخلت عند هيفاء لمياء: هيفاء ايش فيه طلال مره معصب هيفاء: من مشاعل الي من تعرف عليها وهو متغير لمياء: هيفاء حرام عليك لاتظلميها,, هو غلط معاها كمان,, مو نحط العيوب ع بنت الناس واخونا هو الصح هيفاء: الا تعالي ماقلتي لي عن شكلها حلوه شينه,, كول ,, سايكو,, تعرف تلبس ماتعرف,؟؟ لمياء تطالع ساعتها : شوفي الحين الساعه 10 بالليل لو جاوبت ع اسالتك راح انتهي تقريبا 3 الفجر,, وانا دوامي ينتهي 12 الا اذا حتعطيني اوفر تايم هيفاء: هههههههههههههههه,,, يله خلصيني لمياء: اوكي انتي سالتيني اذا حلوه او شينه ,, البنت مو حلوه الا تجنن,, مره كيوت,, ملامحها بيبي فيس جد تحسيها طفله قاطعتها هيفاء: وجسمها حلو؟؟ لمياء: يجنن,, تحسي ان اي لبس تلبسه يصير حلو من كثر ماجسمها حلو ماشالله,, اما عن الكول فهي كووووووووول مره بشكلها ولبسها وكلامها واسلوبها,,, وحرام عليك تقولي عنها سايكو ابعد ماتكون عن السايكو,, بصراحه اعطيها 10 على 10 هيفاء والغيره تاكلها : عاد انا عارفه ذوقك زي وجهك,,لما قلتي عن غاده بنت عمتي حلوه وانا غاسله يدي لمياء : حرام عليك والله غاده تجنن,, ومو بس انا الي اقول ,, حتى صاحباتي منجنين عليها,, بس بصراحه غاده اعطيها 8 من 10,, بس ميشو تجنن لو فيه اكثر من 10 عطيتها مالوم طلال لما حبها هيفاء: من متى تناديها ميشو لمياء: من اول ماتعرفت عليها بالمانيا,, تجنن هيفاء لو تتعرفي عليها حتحبيها هيفاء: لاشكرا ماحب اتعرف ع هالاشكال لمياء: اي اشكال؟؟؟انتي اصلا ماشفتيها هيفاء: بدون ماشوفها انا عارفه ذوقك الشين لمياء: ليش تساليني اذا مو عاجبك ذوقي؟؟؟ هيفاء: كذا لقافه,, اطلعي الحين ابي انام لمياء : ترى راح تجي غاده بعد شوي,, اذا تبي تجلسي معانا تعالي هيفاء: وليش انشالله ايش راح يجيبها؟؟؟ لمياء: ايش دخلك انا قلت لها تجي هيفاء: ما ادري ليش انتي مصادقتها ترى هي مو من سنك لمياء : الي يسمعك يقول عمرها 100,, ترى لسة مادخلت 23 هيفاء: و 23 مو كبيره عليك,, صادقي ناس بسنك لمياء: انا حره اصادق الي ابي وطلعت وخلتها 000000000000000000000000000000 0000000000000000000000000 كانت مشاعل متنرفزه من حركه طلال الي سواها معاها ,, ايش يبي ,, خلاص ملكتها الخميس وللحين يزعجها,, قررت انها ماتفتح موبايلها الا يوم الجمعه لما يفقد الامل نامت وكان بحظنها فيصل الي صار يخاف من انه ينام لوحده بسبب امه المتوحشه 000000000000000000000000000000 000000000000000000000000 فهده تكلم امها فهده: يمه مدري ايش فيني ماكبر بطني؟؟؟ ام فهده: توتس يالخبله بالشهر الثالث وتبين بطنتس يكبر فهده: مدري يمه يقول لي عبدالمجيد ان بطني ماكبر اكيد حمل كاذب ام فهده: وش حمله الي يكذب بعد,, حتى الحمل خليتوه يكذب,, يالخبله الهبله توتس ع الكروش والثقل,,, مايكبر بطنتس الا بالشهر الرابع فهده: الله ماما بطني بعد شهر راح يكبر ام فهده: الحمدلله ع العقل فهده: اقول ماما مالقيتوا لصالح حرمه ام فهده: كلمت ام عبدالله عندها بنيه اسمها روان يقولون زوينه,,, كان نروح نشوفها فهده: ايه ماما حددي معاها يوم ع شان اروح اشوفها معاك ام فهده: انشالله السبت نروح نشوفها فهده: وليه ياماما السبت خير البر عاجله خلينا بكره نروح نشوفها ام فهده: اجل شورتس وهدايت الله بروح ادق عليها واقول لها , مع السلامه فهده: مع السلامه 000000000000000000000000000000 0000000000000000000000000 ام طلال بلهجه عربيه ركيكه : هاي هبيبي قاده غاده: هاي كيفك خالتي ام طلال: كويس,, لمياء دور انتي غاده: وينها بغرفتها ام طلال: ايوه غاده: اوكي خالتي راح اطلع لها ام طلال: اوكي طلعت غاده غرفه بنت خالها لمياء,,,كانت علاقه ابو طلال بااخته ام غاده علاقه قويه,,,وهالشي الي يخلي غاده 24 ساعه عندهم غاده طلعت من الاصنصير وكان بوجهها نواف نواف: بسم الله خوفتيني غاده: ليش وحش شايفني نواف: لا بس ايش هالتسريحه الي مسويتها لنفسك؟؟؟ غاده: اي تسريحه((تذكرت انها كانت مسويه تسريحه بشعرها وكانت كلها عمايل)) نواف: هذي غاده :ليش مو حلوه نواف: لا تخوف غاده: مالت عليك ,, اصلا ما سويتها لك نواف: ترى هيفاء ولمياء راح يضحكوا عليك غاده: مالك شغل يالكريه لمياء: هاااااااااااااااااااي غاده ,,, تعالي ليش واقفه غاده: اخوك نوافوه الكريه مايعطي احد فــ قاطعتها لمياء: وااااااااااااااااااااااااااااا ااااااو غاده شعرك يجنن,,, مين سواه لك غاده: سويته عند جان كلود اليوم العصر لمياء: وليش ايش كان عندك غاده: كنت معزومه ع دي جي لمياء: وليش مارحتي غاده: تطاقيت مع البنت الي عازمتني لمياء: ههههههههههههه غاده: يله تعالي ندخل غرفتك لمياء توقفها: ترى وعدتيني انك تنامي عندي اليوم غاده: اصلا الساعه 11 ومافيه وقت ارجع للبيت لمياء: حلو اجل خلينا نروح نسبح غاده: لااااا حرام عليك ابي اتهنى بتسريحتي لمياء: يله عاد غطي شعرك ,,,((وسحبتها من يدها)) نواف: راح اجي اسبح معاكم لمياء: لا مانبيك,,, لاتصير حشري نواف: حشري والا حيواني بروح اجيب ملابسي غاده: ياكرهه اخوك هذا الله يصبرني,, طيب خلينا نقول لهيفاء تجي معانا لمياء: لا مستحيل هيفاء تسبح مع احد تخاف جراثيمنا تنتقل لها غاده: ههههههههههه نزلوا للبيسمنت 1 ,,, وبدلوا ملابسهم ولبسوا المايوهات ,, وقفلوا ستاير البيسمنت لانه يطل ع برا وكان جداره كله قزاز ,, خافوا يشوفوهم العمال الي بالحديقه وكانوا مبسوطين لما جاهم نواف والي كرهم بالسباحه لانه مزعج ويخرب عليهم وقرروا انهم يطلعوا من المسبح ويجلسوا ع الجلسات الخاصه بالمسبح يشربوا عصير لمياء: ايش تبي تشربي غاده: اي شي دقت ع المطبخ يجهزوا لهم العصير نواف : انا ابي عصير لمياء: نوافوه اطلب لك ايش دخلني فيك نواف: نذله وطلع الدور 1 يدور ع ابوه يشكي له لمياء: اووووووه راح يقول لابوي ياكرهه,, الحين حيجي يهزئني غاده: احسن ليش ماطلبتي له وريحتي عمرك لمياء: كريه ماحبه كل شي يتدخل فيه غاده:هههههههههههه كانكم توم وجيري لمياء : ههههههههههههههه دق التيلفون لمياء تطالع التحويله لمياء: هذي غرفه طلال غريبه ايش يبي ردت لمياء لمياء: هلا طلال طلال: لمياء ايش مسويه لنواف؟؟؟ لمياء: راح يشتكي لك طلال: ايه ,, حرام عليك,, ترى هذا اخوك لمياء: نبي نجلس لوحدنا انا وغاده وهو يخرب علينا طلال: عندك غاده؟؟؟؟؟ لمياء: ايه طلال: طيب خلاص باي لمياء: طيب طلـ قفل بوجهها قبل تكمل غاده: قفل بوجهك؟؟؟ لمياء : ايه غاده: لما عرف اني هنا صح لمياء: ماتوقع اصلا هو نفسيته تعبانه هالايام غاده باهتمام: ليش ايش فيه؟؟؟ لمياء: مدري بس يمكن من الشغل غاده: اها 000000000000000000000000000000 0000000000000000000000000 |
|
| |
|
02-12-06, 02:38 AM
| #55 |
| |[ عـضـو مـشـارك ]| الدولة: | رد : فارس احلامي)) قصه رومانسيه جريئه ؟؟؟؟؟؟؟ يوم الثلاثاء مشاعل كانت في قمه رعبها ,, ماتدري هل زواجها من بندر هو الخيار الصح او انها راح تندم طلال كان عازل نفسه بغرفته ينتظر مشاعل ترحمه وترد عليه,,,, لما تعب قرر انه يدق ع ساره صاحبتها ع امل انها تكون احسن من اخوها وتساعده اما ساره كانت تنتظر بندر ع شان تجبره يعترف ,,, بس بندر كان مختفي بغرفته ويتحجج بالنوم بعد المغرب دق موبايل ساره وعرفت الرقم,, هذا رقم طلال ساره: الو طلال: السلام عليكم ساره: عليكم السلام طلال: عرفتيني ساره: طلال طلال : ايه ,, اسف اذا ازعجتك ساره: لا مو مشكله طلال: ساره ابيك بموضوع ضروري يخص مشاعل ساره: عارفه ايش هالموضوع طلال مستغرب: كيف عرفتي؟؟؟؟ ساره: بندر قال لي ع كل شي طلال انصدم من جرئه بندر وبهدوء قال لها : ومشاعل؟؟؟ ساره: ايش فيها طلال: تعرف الموضوع ساره: لا طلال انصدم من ساره كانت صاحبه مشاعل مره ومايخبو اع بعض شي ,, انقهر ليش تخبي عنها كل هذا ع شان اخوها طلال: وطبعا انتي حتقولي لها ساره: مستحيل اخبي عنها شي طلال: بس ملكتها من اخوك الخميس ,, متى راح تقولي لها ساره: اول شي انا ودي اشكرك ع كل شي سويته لميشو,, وبصراحه اثبت جد انك تحبها ((وسكتت شوي بعدين كملت)) وانك انت الي تستاهلها طلال: افهم من كلامك انك راح تساعديني ع شان مشاعل ماتتزوج اخوك ساره: انا علي اني اوصل لمشاعل كل شي,, وهي الي تقرر طلال: هي مو راضيه تسمعني ولا حتى تفتح موبايلها,, بليز ساره روحي لها اليوم وفهميها ابي اكلمها ابي اشرح لها كل شي,,, ساره بليز انا محتاجك لاتتخلي عني اول مره ساره تحس بحب طلال الكبير لمشاعل ساره: لاتخاف انا راح اكون مع الحق وما راح اكون بصف بندر لاني عارفه انه غلطان طلال: ساره مافيه وقت اليوم الثلاثاء ساره: طلال انا احترمك واحب مشاعل ,, بس بنفس الوقت احترم قرار اخوي بندر طلال: وايش قراره ساره: يبي يقول لمشاعل كل شي بنفسه طلال مات من الخوف : لا ساره تكفين لا ,, انتي عارفه بندر يمكن يقلب كل شي فوق راسي ,, انا ما اثق فيه ,, خاني مره وماقدر اثق فيه ,,, تكفين ساره لاتخليه يدمرني ويدمر مشاعل ساره: لاتخاف بعد مايكلمها راح اتاكد انه قال لها الحقيقه ,, وراح اروح عندها واخليك تكلمها طلال: وعد ياساره ساره حزنت ع طلال الي كان يترجاها وكانها الامل الوحيد له بالحياه ساره تبتسم : لاتشيل هم انا راح احرص ان الحقيقه توصل ميشو طلال بعد مكالمه ساره ارتاح شوي ,, ع الاقل هي تحب مشاعل وماراح ترضى تكذب عليها ,, بس كان خايف ياثر عليها بندر ,,, واكيد هو اخوها وراح تهتم لسعادته 000000000000000000000000000000 00000000000000000000000000 هيفاء بلغت امها انها راح تعزم صاحباتها ع العشاء وراح يسهروا عندها ويفطروا ,, وطبعا بهاليوم انحكم ع الطباخين مايناموا ويسهروا ينفذوا طلبات هيفاء غاده ولمياء توهم صاحين من النوم لمياء: هاي مام هاي هيفاء هيفاء وامها : هاي غاده: صباح الخير كلهم : صباح النور لمياء: وين رايحه اشوفك لابسه هيفاء: رايحه لصالون لمياء: ليش لاتكون رموشك انهارت وتبي تروحي ع شان يركبوها كويس هيفاء: لا ياقلبي رايحه اسوي ستشوار لشعري وميك اب لمياء: ليش وين راح تروحي هيفاء: راح يجو صاحباتي لمياء: كم بنت راح تجي هيفاء: يعني تقريبا 20 بنت لمياء: ووين راح تجلسوا؟؟؟؟ هيفاء: وين يعني بالبيسمنت لمياء تطالع غاده: يعني مكتوب علينا مانسبح اليوم غاده: ههههههههههههههه طلال دخل طلال : السلام عليكم كلهم: عليكم السلام طلال: اهلين غاده كيفك غاده انقهرت لان شكلها ابد مو حلو توها صاحيه من النوم وماحطت ميك اب غاده بدلع: الحمدلله انت كيفك؟؟؟ طلال: الحمدلله ,, كيف عمتي ؟؟؟؟ غاده: تمام هيفاء: اقول طلال ابي السيديات الي عندك طلال: اي سيديات؟؟؟ هيفاء: اي سيدي منوعات عندك ابيه لان صاحباتي حيجوني اليوم طلال: قالوا لك فاتح الشراع بغرفتي هيفاء: يووه طلال السيديات الي عندي قديمه شوي طلال: روحي ادخلي غرفتي وخذي الي تبي هيفاء: اوكي,, يله باي كلهم: باي غاده كانت طول الوقت مفتونه بجمال طلال,,ضربتها لمياء ع يدها لمياء بهمس: خلاص راح تاكليه غاده انحرجت: طيب خلاص اسكتي 000000000000000000000000000000 0000000000000000000000000 بندر اخيرا طلع من غرفته وكان يبي يطلع قبل ساره تشوفه,, ووقفته ساره ساره: بندر ايش سويت بالموضوع؟؟؟؟ بندر: سارونه حبيبتي قلت لك اتركي الموضوع علي ساره: الى متى لما يجي الخميس ؟؟ بندر: لاانشالله اليوم ساره: عموما انا راح ادق ع مشاعل الساعه 12 بالليل واقول لها كل شي اذا ماتبي تخسرها قول لها قبل الساعه12 ع الاقل تجي منك بندر : طيب عطيني فرصه لبكره ساره: ولا دقيقه بعد 12,, يكفي اني سكت امس بندر يقرب من ساره وبحنان: سارونه انا ماطلب المستحيل بس بكره ,, ووعد مني اذا ماقلت لها بكره انا راح ادق عليها قدامك واخليك انتي الي تقولي لها ساره تذكرت مواقف اخوها معاها ,,, ومستحيل ترده,, وهو ماطلب الا فرصه يوم واحد بس ساره: اوكي بكره الساعه 10 اخر فرصه لك اتفقنا بندر يبتسم : اتفقنا طلع بندر يدور بالسياره مايعرف ايش يقول لمشاعل,,, يبي يصارحها,, بس خايف تتركه,,لازم يلقى له خطه ,,, لازم,,, فكر وفكر,, وظل يفكر لما داخ من كثر التفكير والدوران ,,, وعوره راسه,,, وقرر يرجع للبيت والي كاتبه الله راح يصير 000000000000000000000000000000 00000000000000000000000000 كانت هيفاء مشغوله بالرقص مع صاحباتها وكانوا رافعين ع الصوت لدرجه انك تحس ان البيت راح يجيه زلزال من قوه الصوت,, بس بما ان السهره كانت في البيسمنت كان الصوت مو مسموع بالنسبه لباقي غرف البيت,, ونظر لكبر البيت وقوه بنيانه صعب تسمع اي صوت فيه,, وكانت هيفاء مانعه لمياء وغاده من انهم دخلوا حفلتها الصغيره,,, اول شي لانها تكره غاده اما لمياء تفشلها لانها متواضعه,, وبنظر هيفاء الغرور لازم خاصه مع حالتهم الماديه والرفاهيه الي عايشين فيها كان طلال يتمشى بالحديقه الخلفيه وهو يكلم ساره طلال: ساره انتي قلتي لي ان بندر اليوم راح يقول لميشو ساره: انا قلت بس صارت ضروف اقوى مني ومنه طلال: ساره انا خايف انك تصرفيني,, وتبي تضيعي الوقت ع شان ميشو تتزوج اخوك ساره: انا عطيت بندر فرصه لحد الساعه 10 بالليل اذا ماقال لميشو شي راح اقول لها انا طلال: ساره وربي مو قادر اصبر لحد الساعه 10 ساره : الي خلاك تستنى هالشهور استني يوم واحد بس طلال: طيب ساره تكفين ردي علي ع طول ترى اعصابي تعبت ساره: اوكي لاتشيل هم انت نام وارتاح وانشالله خير طلال: الله يسمع منه,, اوكي ساره انا اسف ازعجتك وتعبتك معاي ساره تبتسم: صح انك تعبتني ,,, بس انشالله انا راح اخلي ميشو تاخذ بثاري منك وتتعبك طلال: احلا تعب وربي بس هي تكون معاي ساره : لهدرجه تحبها طلال : انا اموت بدونها,, ماتتخيلي كيف حياتي بارده ومالها طعم بدونها ساره: الله يجمعكم انشالله اذا فيه خير لكم طلال: امين,, ساره ودي اسالك سؤال بس ابيك تجاوبيني بصراحه ساره:قول طلال: ميشو تحكي عني؟؟؟ ساره: اممممممم ,, هذي اسرار ماقدر اقول لك طلال: يله عاد ساره قولي ساره: بصراحه بعد الي صار قلت طلعاتي مع ميشو واذا جيتها بالبيت تعرف ام سلطان تكون بالبيت ومانقدر ناخذ راحتنا ,, وهذا غير ان نفسيتها كانت تعبانه من بعد الي صار لها ,,, وخفت ازيد هموما لما احكي عنك او اجيب طاريك,, حتى هي كانت تتحاشى انها تتكلم عنك ,, بس انا متاكده انها من جوا تموت شوق لك طلال مره انبسط بهالكلام,, وشكر ساره ع الدعم,, وعلى وقفتها معاه قفل منها وانتبه للبيسمنت الي مليان بنات,, وكان فيه ثنتين طالعين يتمشوا بالحديقه,, وكانوا يطالعوا طلال وودهم ياكلوه من النظرات طلال تركهم ورجع لغرفته ودق ع هيفاء, والي ردت عليه وصوت الميوزك مغطي ع صوتها هيفاء تصارخ: هاه طلال ايش تبي طلال: اطلعي برا بالحديقه ع شان اسمعك طلعت هيفاء برا هيفاء: هلا طلال: حبيبتي قفلوا الستاره لان العمال راح يشوفوكم هيفاء: اي عمال كلهم نايمين,, وبعدين مانبي الكتمه ونسكر كل شي وكاننا بسجن طلال: حبيبي انتي عارفه ان البيسمنت كله قزاز ومكشوف ع كل الي برا,, مايصير ياقلبي هيفاء: يوووووه طلال تبي صاحباتي يضحكوا علي ويقولوا معقده طلال طفش من اخته العنيده: طيب بس انتبهوا هيفاء: طلول صاحباتي انجنوا عليك طلال: طيب ايش اسوي لهم هيفاء: خذ هذي عنود تبي تكلمك العنود: هاي طلولي طلال: تمونين طلولي ,, اقول روحي ارقصي ابرك لي وقفل بوجهها العنود منصدمه: ياي هيفاء اخوك جفس,, قفل بوجهي هيفاء: هههههههههه,, حبيبتي اخوي ثقل العنود: والله لاطيحه هيفاء: هههههههههههه,, يله الله يقويك العنود: انتي بس عطيني رقمه وانا اخليه يحبني هيفاء طالعت العنود من فوق لتحت ,,, حلوه وبنت عايله معروفه مره ,,حلو انها تكون زوجه اخوها,,مو مثل هالمشاعل الي ع قوله هيفاء مو من مستواهم هيفاء: هذا موبايلي رقمه فيه خذيه منه 000000000000000000000000000000 0000000000000000000000000 كان بندر راجع للبيت وتعبان من الدوران ومن التفكير,, طلع غرفته وتمنى ان ساره مو فيه ع شان مو ناقص نصايح وتهديد منها,, حمد ربه انها نايمه ,,, كان يحاول ينام,, لما خطر ع باله فكره تجنن ,, فكره راح تخلي مشاعل زوجته وراح تبعد طلال وساره عنه دق على طول على مشاعل ولقى موبايلها مقفل دق ع ساره ساره صوتها كله نوم: الو بندر: نايمه؟؟ ساره: ايه ايش تبي؟؟؟ بندر: لابس كنت ادق ع مشاعل ابي اقول لها ع الموضوع ومامقفل موبايلها؟؟؟؟ ساره: والله مدري عنها ,,, بكره اروح لها واشوف بندر: اوكي حبيبتي تصبحي ع خير ساره: وانت من اهل الخير 000000000000000000000000000000 0000000000000000000000000 يوم الاربعاء فهده وامها كانوا رايحين يشوفوا روان الي راح يخطبوها لصالح ام فهده : اجل وين البنيه ابطت علينا ام روان: الحين جايه دخلت روان,,وانصدمت فهده لما شافتها ,, مع ان صالح اخوها بس مايستاهل روان ,, كانت نحيفه مرررره وقصيره ونعومه,,, ومؤدبه مره وشكلها تستحي فهده: هلا روان كيفك روان بحيا : الحمدلله ام فهده تتفحصها فهده: تدرسي ياروان روان: ايه فهده: باي سنه روان: بثالث ثانوي فهده: ماشالله وحاولت فهده تسحب الكلام سحب من روان ,, خجلها مو معقول بعد ماطلعوا ام فهده: هذي البنت والا بلاش فهده: والله يماما حسافه ع ولدك جفس ومايعرف يتعامل معاها ام فهده: وجعن يوجعتس هذا اخوتس فهده: اقول يمه غريبه اعجبتك ام فهده: اعجبني حياها وشكلها ماعندها شخصيه,, اسهل علي اصيطر عليها فهده: حرام عليكم ام فهده: اخسي واقطعي بس 000000000000000000000000000000 0000000000000000000000000 تعبت ساره من الاتصال ع مشاعل والي كانت موبايلها مقفل ,, ودقت ع البيت مليون مره ومحد يرد,, ,اخيرا جاء الفرج وردت مشاعل ع تلفون البيت ساره: وجع وجع وجع ساعه اتصل مشاعل: كنا ببيت ام مشعل ساره: طيب ليش مقفله موبايلك مشاعل انحرجت: مالي خلق اكلم احد ساره: الحين تروحي تفتحيه,,, بندر يبيك بموضوع ضروري مشاعل: سارونه بكره ملكتنا خليه ياجل مواضيعه لبكره ساره: لا الحين ,, الموضوع الي راح يكلمك فيه يخص ملكتكم ومستقبلكم مشاعل خافت: ايش صار؟؟؟؟ ساره: مقدر اقول لك,,لاني واعده بندر اني اخليه هو الي يقول لك,, الحين بسرعه روحي افتحي موبايلك مشاعل: اوكي باي ساره: باي مشاعل احتارت ايش يبي منها بندر,, وفتحت موبايلها تنتظر مكالمه بندر ,, وجتها رساله, كانت من طلال ,, ترددت تفتحها او لا,, قررت اخيرا انها ماتفتحها ,,, ثواني وسمعت رساله بعد رساله وكانت تطالع الاسم وكل الرسايل كانت من طلال ,, بس هي ماراح تفتحها قررت اخيرا انها تنسى كل شي يتعلق بطلال,, كان ودها تحذف الرسايل,,, بس قلبها ماطاوعها,,, كانت راح تفتحها بس بعد الملكه ,, علشان ماياثر عليها الكلام وتغير قرارها,, تركت الرسائل مافتحتها ,,, تنتظر بندر ,, واخيرا دق بندر بندر: الو مشاعل: هلا بندر بندر: وينك لك وحشه كل مادقيت مقفل موبايلك مشاعل: كنت مشغوله مع اخواني شوي بندر يتصنع الحزن : ميشو ابيك بموضوع ((وبتردد مزيف قال))يخصنا مشاعل خافت: بندر ايش فيه صوتك ,,,, بندر ايش فيك ساكت ايش صاير؟؟ بندر : ميشو انا خايف عليك وع ساره مشاعل: على وعلى ساره؟؟؟ ايش صاير طيحت قلبي بندر: مشاعل طلال قال لي ع كل شي كان بينكم مشاعل انصدمت في نفسها" وربي طلال وقح مايبيني اكون سعيده,, يبي يخرب علي ع شان كذا قال لبندر عشان يحرق قلبه,, ليش يسوي فيني كذا" مشاعل ماكان لها وجه تتكلم لانها كذبت ع بندر بندر: ميشو حبيبتي لاتتوقعي اني زعلان منك انا بس متضايق لانك ماصارحتيني مشاعل منحرجه: بندر انا اسفه بندر: ميشو انتي حره بحياتك وتقدري تلغي الزواج ,, بس الشي الي منتي حره فيه ,,, هو انك ترفضي حمايتي لك, انا راح احميك من طلال وغسان لو فيها ذبحي مشاعل انصدمت ايش جاب طاري غسان الحين وايش عرف بندر بغسان اكيد طلال قال له مشاعل: غسااااااااااااان بندر: ايه غسان ,,, طلال وهو متفقين انهم يدمروا زواجنا وحياتنا,, وجوا عندي يقولوا لي انك تعرفي طلال وانك تحبيه للحين,, ع امل اني اتركك وارفض اني اتزوجك ماعرفوا اني اموت فيك وماقدر اتركك وانا مستعد اتغاضى عن كل اخطائك مشاعل منصدمه شلون طلال قدر يمثل عليها طول هالوقت : بندر ليش طلال سوا كذا بندر: لما سالته ليش يبي يدمر حياتنا وزواجنا ,, قال ان فيه تحدي بينه وبين غسان انه يدمر زواجك ويخلينا ننفصل,, انا قلت له ان حبي لك اكبر من انه يهزه مشاعل مو قادره تستوعب من الصدمه : وايش صار؟؟؟ بندر: لما فقد الامل فيني راح يكلم اختي ساره ,, ويقول لها كلام يعبي راسها علي,, عشان تقنعك تغيرين رايك بالزواج مشاعل: طبعا ساره قفلت بوجهه بندر: للاسف يامشاعل ساره ماقفلت سمعت للاخر وصدقته وكذبتني انا مشاعل منصدمه مرره من حركه ساره,, معقوله تكذب اخوها وتصدق طلال وغسان بندر: وطلال يمثل عليها دور الحبيب الي فقد حبيبته وطبعا ساره لانها تحبك صدقته,, تعرفي ايش قال لها مشاعل: ايش قال؟؟ بندر: قال لها ان علاجك كان ع حسابه هو مو ع حساب المستشفى,,, وانه هو الي ساعد اخوانك بالشركه,, واني كذاب وامثل عليك مشاعل: وطبعا ماصدقته بندر: للاسف ساره صدقته مشاعل: ماصدق ان ساره تصدق هالحقير بندر: للاسف لعب براسها,, ميشو انا مقدر الي انتي فيه ,,, وانا احبك ولاابيك تضيعي من يدي بس اذا كان بعدنا راح يسعدك انا راح ابتعد مشاعل كبر بعينها بندر اكثر ع الرغم من انه عرف علاقتها بطلال الا انه تغاضى عن هالشي وسامحها وهالشي مو غريب عليه لانه سامح اخته ساره قبل,, وهالشي يبين كبر عقل بندر وحكمته,, والاهم حبه لها,, مستحيل تتخلى عنه بعد الي صار,,كان عندها امل بطلال وهذا سبب ترددها بس بعد هالكلام ,, ماراح تتردد,, ولاتفكر مشاعل: لا يابندر ملكتنا الخميس ولاراح يتغير شي بندر فرح مررره وحس ان نص خطته نجحت بندر: طيب ميشو في مشكله كبيره مشاعل بخوف : ايش هي؟؟ بندر: اممممم ,, طلال هددني اني اذا قلت لك ع الكلام راح ينتقم مني ومنك وماراح يتركنا مشاعل: ماهمني هالحقير بندر: مشاعل طلال ذكي ويعرف يشغل مخه,, خلينا نلعب نفس لعبته ونخليه هو الضحيه مو احنا,, وبهالشكل نكون احنا الي انتقمنا منه مشاعل مستغربه: شلون؟؟ بندر: اذا كلمتك ساره وقالت لك ان طلال هو الي سوا لك كل شي من فلوس العمليه الا الشركه قولي لها انك مصدقه بس انتي تفضلين انك تعيشي معاي لانك كرهتي طلال واخترتني انا مشاعل اعجبتها الفكره وكذا ماراح تبين لطلال انها مجروحه,, لكن اذا حسسته انها مصدقه انه سوا هالاشياء عشانها وهي الي تركته راح تحتفظ بشي من كرامتها مشاعل بحقد: لاتشيل هم راح ابين لساره وله اني مصدقه, وانا الي راح ارفضه بندر: الله لايحرمني منك واحبك موووووووووووت مشاعل: اوكي بندر اكلمك بعدين بندر: باي مشاعل: باي قفلت مشاعل وهي حاقده ع طلال من قلبها,,, فتحت رسايله الي كانت ماجلتهم لبعد الملكه "قطوتي بليز افتحي موبايلك" "ميشو بندر يكذب عليك,,, لاتتزوجيه,, لاتنسي الي بينا" "فتحي مخك شوي وربي بندر كذاب ,,, ميشو كلميني افهمك" "ميشو اذا تزوجتي هالحقير راح تندمي" مسحت كل الرسايل ,, وحتى الرسايل الي ماقرتها حذفتها ,,, شلون ماحست بكذبه وخيانته 000000000000000000000000000000 0000000000000000000000000 بندر كان مبسوط لان خطته نجحت بشكل رهيب,, وخلاص ماراح يخاف لامن ساره,, ولا طلال,, الحين يرتاح,,, ولا فيه شي راح يخرب زواجه من مشاعل ولاينكد عليه بندر في نفسه" ههههههه ,, هاه ياطلال الحين انا فزت عليك وبتفوق,, خل حركاتك الي سويتها بالمانيا تنفعك,, الحين مشاعل لي ومو مشكلتي انك مغفل وسلمت لي حبيبتك ,,, انا حبيتها وماراح اتركها,, وماراح اعترف انك انت الي سويتها لها كل شي" سمع صوت الباب ساره: بندر نايم؟؟؟ بندر وهو فرحان: لا تفضلي ساره لما دخلت : غريبه اشوفك مبسوط بندر: شلون مااصير مبسوط وانا تاكدت ان مشاعل تحبني ساره مستغربه: وشلون عرفت؟؟؟ بندر: قلت لها ع كل شي,, وتخيلي رفضت طلال علشاني ساره بنظرات شك: متاكد انك قلت لها بندر: دقي عليها وتاكدي ساره : اوكي راح اروح ادق عليها بندر: مافيه مبروك؟؟؟ ساره: ع ايش؟؟؟ بندر: ملكتي بكره ساره: مو قبل مااتاكد من مشاعل ساره راحت غرفتها ودقت ع مشاعل ساره: هاي ميشو مشاعل : هاي سارونه كيفك؟؟؟ ساره: تمام,,, انتي كيفك؟؟؟؟ مشاعل: الحمدلله ساره: ميشو كلمك بندر؟؟ مشاعل: ايه كلمني ساره بتردد: قال لك ع موضوع طلال مشاعل: ساره اذا تحبيني قفلي هالموضوع ساره: لا ياميشو لازم اعرف ايش قال لك بندر, ميشو ترى طلال يحبك وترى كـ مشاعل: ادري كل شي هو الي سواه لي مو طلال ,, ادري انه هو الي دفع حق المستشفى,, وهو الي دفع الفلوس لاخواني,, بس انا مابيه ساره: بس طــ مشاعل: ساره انتي ماتبيني اتزوج اخوك؟؟؟ يضايقك هالشي ساره : ميشو مو قصدي بس اذا انا اقتنعت بكلامك طلال ايش يقنعه؟؟؟ مشاعل : انا ساره : انتي؟؟؟ مشاعل بعصبيه : انا راح اكلمه واقول له انه ولاشي بالنسبه لي ساره: ميشو ماني فاهمتك كنت تحبيه ايش الي صار؟؟؟ مشاعل: كنت؟؟ وكنت من الماضي,, انا الحين احب بندر ومابقلبي غيره ساره: والله اتمنى لك السعاده اكيد مع اخوي,, بس طلال يحبك مشاعل: اوكي انا راح اكلمه الحين وانهي هالمهزله ساره: اوكي مشاعل: يله باي ساره: باي قفلت ساره وهي مصدومه من كلام مشاعل كانت تموت بالارض الي يمشي عليها طلال والحين لما سوا لها كل هذا تتركه بكل بساطه 000000000000000000000000000000 00000000000000000000000000 كان طلال جالس مع اهله ,, وكان عندهم عمه(ابو بسام) وعمته(ام غاده),,, واولادهم وبناتهم,, وكانوا جالسين مع بعض لان من عادتهم يجلسوا مع بعض ومايتغطوا البنات عن اولاد عمهم غاده: ماما خلص الصيف وانتي توعديني اننا نسافر ام غاده: انشالله راح نسافر لما تبدى الدراسه وتخف الزحمه,, تعرفي الحين كل الناس مسافرين هيفاء: ليش وين راح تروحوا ؟؟؟ ام غاده: انشالله مصر هيفاء: وليش ماتسفروا اوروبا ام غاده: بالعكس مصر تجنن ويكفي انها بلد عربيه ومسلمه نرتاح فيها اكثر طلال: صادقه عمتي,,, مصر مره حلوه ومهما جلست فيها ماتمل ام غاده: هذي الناس الي تفهم بسام(ولد عم طلال): اجل تخاوينا ياطلال لمصر طالع انا والشباب الاسبوع الجاي طلال: لاوالله عندي اشغال بسام: يارجال العمر يخلص والشغل مايخلص طلال دق موبايله وماصدق الرقم رقم مشاعل مو مصدق نفسه,,, قام يركض,, يبي يرد برا,, اكيد ساره قالت لها وهي الحين تدق ع شان نرجع لبعض ام غاده: هو,, ايش فيه طلال مقروص؟؟؟ هيفاء: لا ياعمه يمكن اتصال من المؤسسه ام غاده : اقول هيفاء اجل امك متى سافرت؟؟ هيفاء: امس ام غاده: ومتى راح ترجع هيفاء: والله ماادري بس يمكن بعد شهر ام غاده في نفسها "هالحرمه مخليها رجلها سيدها قيدها" طلال كان طالع من الصاله وطلع برا للحديقه طلال بفرح : الو مشاعل : طلال طلال بفرح كبير: لبيه مشاعل بحقد : شكرا ع كل شي سويته لي شكرا ع العمليه,, والي انت كنت سبب في عماي,, وشكرا ع مساعده اهلي وهذا واجبك بعد الي سويته فيني ,,, وشكرا ع انك قدرت تخليني احدد مشاعري طلال مستغرب من اسلوب مشاعل وبتساؤل: ميشو وضحي كلامك اكثر؟؟؟ مشاعل: طلال انا حددت مشاعري وعرفت مين ابي بعد ماتوضح لي كل شي طلال بفرح : ومايحتاج اسالك عارفك انك راح ترجعي لي بالنهايه,, بس وربي ميشو ماسويت هالشي ع شان ترجعي لي,, وربي سويته لاني كنت خايف عليك واحبك مشاعل: طيب طيب عرفت,, المهم حبيت اقول لك ملكتي بكره ,, وبليز لاتدق ,, ولابي اشوف رقمك,,, لاني اخيرا اكتشفت اني احب بندر رغم كل شي,, رغم كذبه علي انا اموت فيه,, طلال بليز لاتحاول تدمر حياتي يكفي الي سويته قبل وقفلت طلال يطالع الموبايل بصدمه,, رجع يطالع الرقم مو مصدق ان هذي مشاعل,, يمكن وحده ثانيه,, شلون يعني تحب بندر ,,, مشاعل له وتحبه ,, متى حبه بندر,, ليش ,, وكيف؟؟؟ جلس طلال ع الارض يفكر وماسك راسه" ليش دخلت بندر حياه مشاعل,, معقوله الحين تحبه,, بس واضح انه قال لها عن كل شي ,, واضح انه علمها اني انا الي سويت لها كل شي,, ومع كذا ميشو تبي تتزوجه يعني مو رد للجميل زي ماكنت احسب,, طيب لما كنا بالمانيا قالت لي احبك,, شلون,, ليش ياميشو ,, ميشو انا احبك,, شلون تختار الكذاب وتترك الي يحبها والي كان صادق معاها,,, معقوله ميشو راح تتزوج بكره ,,, راح تكون لبندر,, وانا؟؟؟ " لما قال كلمه انا رجعت ملايين الذكريات الحلوه والمره ع باله,,, ايش سوا هو لمشاعل ,, ترك غسان يتحكم فيه,,, والحين بندر راح ياخذها منه لازم يتصرف ويسوي شي,,, بس ايش راح يسوي ,, يقتل بندر ؟؟؟ لا مستحيل يضره لان مشاعل تحبه,, معقوله يستسلم ويتركها لااااا,, خاف من هالفكره ان مشاعل تكون لغيره,, حس ببرد يقتله,, اخذ موبايله ودق ع ساره ساره : الو طلال : ساره الحقيني مشاعل ماتبيني ,, مشاعل راح تتزوج بندر ساره بحزن: طلال ادري هي قالت لي,, وهي تدري بعد انك انت الي سويت لها كل شي,, ومع كذا ماتبيك,, هي تقول انها كرهتك بعد الي سويته فيها طلال يصارخ : لالا ساره الله يخليك لاتقولي كذا لازم تساعديني,, ساره راح انجن ,, راح اموت,, تصرفي ساره,, وقفي هالزواج باي شكل وقف عن الكلام لما اجتاحته نوبه بكاء حااااااااااااااااااده ,, وصار مثل الطفل يبكي وساره تحاول تهدي فيه ساره: طلال بس,, طلال انت رجال وعيب تبكي طلال: ليش ما ابكي وميشو راح تتزوج وتتركني,,, ساره احس ببرد ياكلني اكل ,, احس اني وحيد ,, ساره الله يخليك خليك معاي اوقفي معاي ,, ((ورجع يبكي بكاء اليم وبصوت مبحوح) قولي لها لاتتزوج,,, قولي لها ,, قولي لها ساره صارت تبكي ع طلال: طلال مقدر اسوي شي ومقدر اجبرها ع شي,, طلال خلاص هد نفسك طلال يصارخ: ايش سويت لها ع شان تتركني ساره: طلال ساعات مانقدر نتحكم بمشاعرنا ,, يمكن مشاعل بدون ماتحس حبت بندر طلال: الله ياخذه والله ياخذ الي عرفها عليه رجع يبكي بكاء حاااااااااااااااااااااد وانسدح ع ارض الحديقه: ساره ابي اموت ساره: تعوذ من الشيطان وروح توضى ولاتضيق صدرك طلال: اعوذ بالله من ابليس قام وكمل كلامه: ساره الله يخليك طلب واحد مافيه غيره ساره: امر طلال: بكره لما تروحوا لبيت ميشو ع شان الملكه كلميني بليز ابي اسمع صوتها (وحاول يكتم عبرته وبهمس قال ) لاخر مره قفل منها وتوجه للبيت وفتح الباب وبدون مايدخل طلال يصارخ : لمياء لمياء لمياء جت تركض خافت من صراخ طلال: هلا طلـ سكتت لما شافت وجه طلال طلال ظمها بقوه وبكىىىىىىىىىى بحظنها ,,, وبكت لمياء على طول معاه,,, كان طلال يبكي باعلى صوت يقدر عليه,,, كان صراخ اكثر من انه بكى,,, لدرجه ان كل الي جوا سمعوه وطلعوا يشوفوا ايش فيه نزل طلال عند رجول لمياء وحظن رجولها وتكلم بصعوبه لان انفاسه ماتساعده من كثر البكاء طلال : لمياء ميشو راح تتزوج بكره لمياء: بسم الله عليك قوم,,, قوم نروح غرفتك,, قوم طلال ,, قوم طلال يصارخ : لاااااااااااااا,, ابيها يالمياء ابيها هنا وصل عمه وعمته وعيالهم ام غاده بخوف : طلال حبيبي ايش فيك لمياء: مافيه شي بس هو تعبان شوي((تكلم طلال))طلال تعال نروح غرفتك طاعها طلال وكان يمشي بصعوبه,, حس ان قواه خارت وتفكيره انشل,, كان دايما عنده حلول لمشاكل الناس ومشاكل الشغل ,, والكل الناس يحسدوه ع تفكيره السليم وصفاء ذهنه,, وهذا لي قهره انه مو قادر يركز ع مشكلته ولا يعرف شلون يحلها وصل غرفته مع لمياء,, دخلته لغرفه النوم,, وانسدح ع السرير طالع الجدار,,, التفت ع المخده الي جنبه وتخيل مشاعل نايمه جنبه,,, رجع يبكي بكاء مايقل عن الي قبله لمياء صارت تبكي معاه: طلال مشاعل مو اخر ولا اول بنت بالدنيا,, خلاص انساها طلال يصرخ: لاااااا ,, انتي تطلبي مني المستحيل,,,وينك ياميشو لاتتركيني لمياء راحت تركض تجيب له بندول نايت ,, يمكن يهديه شوي,, ويخليه ينام بعد مااخذه ,, حظن لمياء وبكى بكى لحد ماحس ان راسه راح ينفجر ونام 000000000000000000000000000000 0000000000000000000000000 يوم الخميس كانت مشاعل لابسه احلى لبس عندها وميك ابها كان خطيرررررر ,,, الا الكحل ماحطت لان الدكتور منعها منه لمده شهر طلال كان نايم بندر كان متكشخ ولابس البشت بندر: يله ماما جاهزين ام بندر: ايه حبيبي بندر: يله انا استناكم بالسياره ام بندر: اوكي اروح انادي ساره طلع بندر بالسياره ودقايق وركب ابوه وامه وساره,, وكانوا طول الطريق هادين 000000000000000000000000000000 0000000000000000000000000 ام مشعل: هاه حبيبتي خلصتي مشاعل تتصنع الفرح: ايه ماما خلصت ام مشعل نزلت دمعتها: والله وجاء اليوم الي اشوفك عروس مشاعل تبتسم: لسى ماصرت عروس,,, تونا ملكه ام مشعل: والملكه مو زواج,, لاحبيبتي بعد الملكه انتي تعتبري زوجه بندر رنه هالكلمه باذان مشاعل زوجه بندر,,, كانت تتمنى تتزوج بس الاسم ماكان بندر تتمنى تكون زوجه طلال ,, بس تجري الرياح بما لاتشتهي السفن طالعت موبايلها كان فيه 23 اتصال من طلال,, استغربت متى اتصل صار لها خمس دقايق عند الموبايل محد دق لحق يتصل كل هالاتصالات بخمس دقايق طنشت ونزلت تحت كانت ساره وام بندر بصاله جالسين,, اما بندر وسعود ومشعل والشيخ بالمجلس ساره وهي بالصاله كانت تكلم طلال بهمس ع شان ماتسمعها امها و ام مشعل ساره : طلال كيف راح تسمع صوتها طلال وهو يمسح دموعه: تكلمي معاها ويكفيني اسمع صوتها تسولف معاك ساره: اوكي هذي هي نزلت نزلت مشاعل للصاله,, وسلمت عليهم ام ساره: الله ياميشو ايش هالحلاوه؟؟ مشاعل نزلت راسها وابتسمت ساره: كيفك ميشو؟؟ مشاعل: الحمدلله طلال لما سمع صوت مشاعل رجع يبكي ,, كان المفروض تكون معاه ,, والحين دقايق وراح تصير زوجه بندر قفل ماقدر يتحمل اكثر ,, ساره كان قلبها يتقطع عليه,, واستغربت برود مشاعل مشعل من ورا الباب: مشاعل مشاعل: هلا مشعل: تعالي مشاعل تطالع ساره,, خلاص اكيد الشيخ يبي يزوجهم ,,, بدون ماتعطي نفسها فرصه تفكر,, بسرعه راحت لمشعل مشاعل: هلا مشعل مشعل: تعالي الشيخ يبي يسالك مشاعل: طيب بروح اجيب عبايتي مشعل: لا مايحتاج حيسالك من راء الباب 000000000000000000000000000000 00000000000000000000000000 عند الحريم طلال رجع يدق ع ساره ساره: طلال خلاص لاتذبح نفسك وربي هي ماهتمت طلال: ساره قولي لي تزوجت والا لا؟؟؟ ساره: ايه طلال: ايش عرفك؟؟؟ ساره: راحت توقع الشيخ ناداها طلال: لاااااااااااااااااا,حرام ياساره والله حرام ساره: طلال هذا الي الله كاتبه ,, خلاص ياطلال انساها طلال يبكي: ساره قولي له لايحكي معاها الغيره راح تذبحني ,, قولي له لايلمسها الله يخليك,, قولي له لايطالعها ,, قولي له انها لي,, حبيبتي وقفل الخط ورجع يبكي بكى ينفطر له اي قلب 000000000000000000000000000000 0000000000000000000000000 مشاعل راحت مع مشعل عند باب المجلس,,, ومن ورا الباب مشعل: ياشيخ العروس عند الباب الشيخ: بسم الله وراح من وراء الباب الشيخ: انتي العروس؟؟؟ مشاعل: ايه الشيخ: ايش اسمك؟؟؟ مشاعل: مشاعل الـــ... الشيخ: طيب بندر الـ.. يبي يتزوجك ع سنه الله ورسوله موافقه وبرضاك مشاعل كانت متردده وخايفه و تبي تقول لا,, بس قررت انها توافق هالحل الي راح يريحها من كل شي ,, وحرام بندر مايستاهل,, وايش تنتظر ان طلال يحطمها زياده ,, محد يقدر يحميها من مشاعرها لطلال الا بندر ,, استسلمت وقالت مشاعل : موافقه ياشيخ الشيخ يكلم مشعل: عطها توقع هنا مشعل : ابشر مشعل رجع عند مشاعل: ميشو حبيبي وقعي هنا مشاعل: وليش التوقيع؟؟؟ مشعل: ع شان تصيري زوجه بندر ع سنه الله ورسوله ,, وهذي من شروط العقد مشاعل تطرد منها كل خوف: عطني القلم عطاها القلم مشاعل مسكت القلم: مشعل قول لي وين اوقع مشعل: هنا 000000000000000000000000000000 00000000000000000000000 |
|
| |
|
| الإشارات المرجعية |
| أدوات الموضوع | |
مواضيع مشابهة | ||||
| الموضوع | الكاتب | المنتدى | الردود | آخر مشاركة |
| فارس احلامي | دنياك دنيااااي | خواطر - عذب الكلام | 16 | 23-08-11 06:41 AM |
| فارس احلامي | مليت انا الفرقى | خواطر - عذب الكلام | 4 | 02-05-11 11:18 PM |
| فارس احلامي | عاشقه مجنونه | خواطر - عذب الكلام | 75 | 10-12-09 12:58 AM |
| فارس احلامى قصه رومانسيه جريئه | مجروح وين ماروح | قصص تعب قلبي | 6 | 03-08-09 09:11 PM |
| فارس احلامي | أبويوسفzx | قصص تعب قلبي | 14 | 07-09-06 08:22 AM |
