المنتديات
اجعلنا صفحة البداية
اضفنا للمفضله
المنتديات
|
#7
01-10-09, 10:53 AM
|
|||||
|
|||||
رد: روايتي الثانيه \ بو كونك طيب مخلص لقلب صرت له اوطان ابيك و اعترف اني احبك
البارتـ التاني
قرب منها ببرود و سوى حركه خلت شياطينها تنطنط قدامها قرب منها زياده لحد ما سار واقف قدامها فيس تو فيس هو سمع صوت تنفسها السريع و ضحك بسخريه عليها و قرب زياده لمن مسك القلاده اللي في رقبتها و فتحها باهتمام و انصدم من اللي شافه لحد ما بانت العروق اللي في وجهه هنا وتين مرة خافت من منظره و حبت تبعده قد ما تقدر عشان ما ياذيها هو كل ماله يقرب زياده و هي تبعد لحد ما فقدت اعصابها و ادته كف هو طالع فيها ببلاهه بعدن استوعب انه بنت و مو اي بنت بنت لا راحت و لاجات على قوله تعطيه كف و مو اي كف حسسه انه كرامته نزلت لسابع ارض و انهانت رجولته بعدها سار يتحسس الكف و طالع فيها بسخريه رغم انه الغضب معميه و قرب منها بزياده و قالها بهدوء وترها : من فين جبتي القلاده دي ردت بصوت كانه جاي من بعيد و قالت : مالك دخل هدوئها وتره بس هو كالعاده اخفاها بابتسامته و قرب زياده و صرخ في وجهها و قال : بسررررررررعه انطقي من فين جبتي القلاده و هي عندت و هزت راسها دي المرة بقوة بمعنى لا جا هو و حط يده ع كتوفها و سار سار هزها و يصرخ في نفس الوقت و يقول : بسررررعه انطقي من فين جبتي القلاده . هي كانت بتنزل دموعها ع الموقف اللي سارت فيه بس رفعت راسها بكبرياء و بعدت يده بقرف و بعدها راحت شالت اغراضها من الارض و رفعت راسها بغرور و مشيت هو خلاص هنا دمه فار و لحقها بسرعه هي انتبهت انه هو بيلحقها سارت تجري بسرعه و هو يجري وراها و بحكم خبرتها بلندن دخلت شوارع اللي ما يعرفها زي التاس يتوه فيها و هي ما قصرت لفلفت ابوه لمن قالت بس و بعدها حست انها ضيعته قامت راحت لقصرها و سارت تدعي عليه 70 دعوه >< . داه كله و ما انتبهت للعيون اللي تراقبها >< . و في السعوديه عند لين جا اليوم التاني صلت العشا و اتجهزت و قالت للسواق يجهز السيارة و يوديها عند المحامي كانت بتبكي عشان مافي احد معاها قامت استغفرت و رضيت بواقعها و بعد ربع ساعه وصلت عند المحامي و كانت مرعوبه مرة و خايفه من الوصيه ما تدري ليش و حاسه انه دي الوصيه راح تغير حياتها 180 درجه >< . نزلت من السيارة و دعت الله انه يكون في عونها و ما تشوف غير يد اتمدت لكتوفها تطمنها و لفت عليه الا صرخت و قالت : انت ايوا انا قالها بابتسامه خفيف ضحكت و قالت : ايش جابك هنا اتحولت ضحكته لجيه و قال : نفس اللي جابك هنا هي طالعت فيه بتوتر و قالت : يعني يعني كنت تراقبني تقدري تقولى حاجه زي كده و ابتسم بخفيف و قالها : خايفه هي هزت راسها بكبرياء و قالت : لا هنا ضحك ضحكته اللي دايما تسحرها و قالها : ايوا مرة واضح و ع فكرة قرب منها و مسك دقنها و قرب منها و همس و قال : ترى ما يلبق عليك الدور داه انا عارف انك خايفه موووت و بعدها مسك يدها و طبطب عليها . هي ضحكت بتوتر و قالت : ههههه قدي كده باين على >< ههههههههههههههه انتي بالنسبه اي كتاب مفتوح سارت تطالع فيه بتوتر مرة فيه مرة في المكتب هو قرب منها و ربت على يدها و قالها : يلا ندخل اشرت بطيب و مسكت يده و دخلوا جوا ^^ . و في مكان تاني بالتحديد في دبي كان عايش حياته مررررررررررررة لا رقيب و لا حسيب يسوي اللي يبغاه و مافي احد يقوله فين رحت و فين جيت كان من بره مرة مبسوط اما من جوا كان حاسد اصحابه ع اهاليهم اللي عندهم و اللي يخافوا عليهم مرة مو زيه مافي احد يسال عنه و معتبر القصر اللي عايش فيه فندق بس للنوم و بقيه اليوم برة طول الوقت بما انه طفش قرر يروح اليوم لندن عن صاحبه ايهم ^^ و باختصار هي دي كانت حياه حسام >< . و في مكان تاني في لندن و بالتحديد عن ليان كانت بتتمشى مع راما و تتسوق الا فجاه وقف في واحد في طريقهم و ما انتبهتله راما الا لمن طاحت القهوة عليه هم التفتوا من الشهقه اللي طلعت من الرجال اللي قدامهم راما و ليان وقتها انتبهوا و راما اتفشلت مرة وقتها . اما هو طالع في المكان اللي انكبت القهوه عليه و بعدين طالع في راما و لمح الخوف في عيونها و هو لمح القهوة اللي في يد ليان و خطرت في باله فكرة و بدون تردد خطف القهوة اللي كانت في ليان و كب القهوة على راس راما راما شهقت من الحرارة اللي كانت فيها و ما شافت غير داك طلع مناديل من جيبه و قرب منها و ساروا حاسين بانفاس بعض قرب منها زياده و مسح القهوة اللي جات على عيونها و قالها بهمس بالسعودي : تاني مرة انتبهي و لا تمش زي المطفوقه لا يجيك اخس من اللي سويته فيك و طالع فيها بنظرة انتصار و شماته و مشي عنها اما ليان شافت الموقف داه و سمعت الكلام اللي انقالها و سارت تضحك عليها >< . ~ ْ البارت التالت ْْ ~ و عند لين دخلت مع الشخص المجهول الهويه >< للمكتب و قابلت السكرتير و قالها تستنى على بال ما يقوله و بعد 5 دقايق هي في مكتب سعد المحامي سمت بالله و دخلت و قالت : السلام عليكم هو رفع عينه من على الاوراق ووقف و مد يده و بعدين انتبه و شالها و قال : و عليكم السلام و اشر ع الكرسي اللي قدامه و قال : حياك اتفضلى الشخص : يزيد فضلك و خلى لين تجلس و هو جلس بعدها في الكرسي اللي قدامها ^^ حمد : عظم الله اجرج يا بنتي السموحه ما كنت هنا لمن وصلني الخبر ووقفت جنبك لين : لا عادي يا عم جزاك الله خير حمد شال النظارة و حطها فوق المكتب و قال : وش تحبوا تشربون لين : لا يا عم مشكور حمد ما سمع كلامها و طلب 2 عصير ليمون و الكوفي تبعه >< بعد 5 دقايق جا العصير و اصر انهم يشربوا لمن رشفوا رشفه واحده قام و لبس النظارة حقته و اتجه للخزنه تبعه فتحها و اخد منها علبه كبيرة خشب و حطها فوق مكتبه و فسخ النظارة و جلس فوق مكتبه لين انا هنا نشف ريقي لمن شفت العلبه ما بدي افتحها خايفه من جوتها مدري ليش عندي احساس انه حيكون وراها سر كبير و كبير كمان قويت قلبي و سميت بالله و فتحتها انا لمن فتحتها دارت الدنيا بي و ما حسيت بولاشي الشخص : لييييييييييييييييييييييين و عند ليان اليوم افتتاح المعرض حقها لبست تنورة قصيرة سودا و بلوزة حمرا و لفلفت شعرها و سوت بف بسيط و طلع شكلها سيمبل و حلو في نفس الوقت ^^ . اما راما كانت لابسه بنطلون ابيض و بلوزة فوشيه و لفلفت شعرها و لبست شريطه في النص و نفس الشي كان شكلها سيمبل و حلو ^^ . [ اعرفكم بالشخصيات ~ وتين :- عمرها 21 سنه بيضا عيونها خضرا شعرها بني بس رايح على حمار اكتر عيونها مكحله و معطيتها جاذبيه مرررة كانت عايشه في ميتم و كانت عايشه قصه حب كبيرة فيها و بعدين اتبناها وزير و هي عارفه دي الحكايه بس ما تعترف انها كانت عايشه في ميتم رغم شوقها لحبيبها ^^ و هي تعتبر نفسها بنت الوزير و هو نفس الشي معتبرها دلوعته الوحيده و على فكرة رغم غرورها و طوله لسانها الا انها مرة طيوبة ^^ و تدرس ادارة اعمال في لندن و هي عايشه هناك . لين : عمرها 23 سنه بنوتة لزوزة مرة سمرا سمارها برونزي و عيونها رمادي نحيفه و طويله و عندها غمازات في خدها اليسار شعرها بني غامق قريب من الاسود >< و خشمها حاد و فمها صغنون رومانسيه و حساسه مرررة و رغم كده شالت مسؤوليه ابوها من و هي صغيرة و هي تشتغل في بنك و بس ^^ ليان : عمرها 21 سنه بيضا عيونها رمادي على اخضر ما ينعرف لها خخخ اممم مشكلجيه موووت و تحب العناد مرة خخخ و لسانها مافي اطول منها >< و هي شوية دبدوبه و تحب الاكل مرررة >< قد عيونها و هي لها 3 سنين تحاول فيهم انهم يفتحولها المعرض و هم ماهم راضيين معندين معاها لمن طفشوا منها في النهايه ووافقوا تفتح المعرض و هي عايشه في سويسرا و تعشق الرسم اكتر من الاكل خخخ و كل ما تكون مهمومه تتجه للرسم هيثم كان بيكلم بالجوال هيثم : ايوا ... : بس يا طويل العمر و لقيت البيت اللي هي عايشه فيه هيثم : متاكد ... : ايوا هو طال عمرك حتى سالت البواب و قالى هو هيثم : طيب مشكور ... : العفو حابب اشوفلك شي تاني هيثم : لا مشكور يلا فمان الله ... : فمان الكريم هيثم يقول في نفسه : اخيرااااااااااااااااااااا لقيتها يا رب لك الحمد و الشكر يا رب ما خيبت ظنى الحمدلله و عند وتين كانت في غرفتها حاطه السماعات في ادنها و جالسه تسمع لـمساري اغنيه real love و عيونها تدمع مع الاغنيه اااااااااااااااااااااااااااااه فينك اختفيت عني يا حبيبي وحشتني و قسم بالله حاسه الدنيا بدونك مالها طعم مرة و رجعت ذاكرتها لورى 10 سنين يوم ما كان عمرها 12 سنه كانت بتلعب معاه في المرجيحه في الميتم هوهو يلا دفني ... : كم مرة اقولك لا تقولى هوهو وتين : هههههههههه ايش اسوي ياخوي اسمك ماله دلع ... قرب منها و حط عينه في عينها و قال : اخوي ها وتين استحت من نظراته مرة و من دون قصد حطت يدها في صدره و قالت : هههه اوبس سوري اقصد حبيبي ... : ايوا شاطرة انتي كده و قرب منها زياده و هي بعدت عنه قرب منها اكتر لحد ما قامت من المرجيحه و اتخبت ورى الشجرة هو عرف فين مستخبيه قرب منها بخطوات بطيئه بدون ما تحس و ثبتها ع الشجره هي صرخت ما لحقت تكمل الصرخه الا سد فمها و قالها : هووووس هي من كتر الفجعه ضمته و طبعا هو ما صدق على الله جات من ربي خخخ و ضمها باقوى ما عنده و ما قدر يقاوم نعومتها باسها في خدها *_^ و هي استحت مرة منه قام جلس ع الشجرة و جلسها على فخده و قال : انا كم مرة اقولك لا تقولى هوهو وتين استحت في البدايه بعدين عجبها الوضع خخخ و حطت راسها في كتفه و قالت : طيب يا حبيبي اسمك ما يدلع هو اتجنن على دلعها و قالها : لعيونك اغير اسمي وتين عرفت انه وراه شي قامت بسررررعه و سارت تجري و هو يجري وراها قطع تفكيرها دخول خدامتها تبلغها انه في رجال يستناها في المجلس و عند ايهم جاتني دعوه من رسامه ما اعرفها و قبلت الدعوه دي بس اول اخد حسام من المطار >< . انتهى البارت التالت البارت الرابع و عند لين لين انا هنا نشف ريقي لمن شفت العلبه ما بدي افتحها خايفه من جوتها مدري ليش عندي احساس انه حيكون وراها سر كبير و كبير كمان قويت قلبي و سميت بالله و فتحتها انا لمن فتحتها دارت الدنيا بي و ما حسيت بولاشي الشخص : لييييييييييييييييييييييين حمد ارتبك لمن شاف لين طايحه عليهم مرة ما اتوقعها تكون حساسه كده و دخل عليهم السكرتير بعد ما سمع الصرخه السكرتير شاف لين و هي طايحه عليهم راح على مكتبه بسرعه و دق ع الاسعاف و في غضون 10 دقايق وصل الاسعاف اخدوا لين و حطوها في العربيه و دخل معاها السيارة و هو يدعي انه الله يقومها بالسلامه قبل ما تروح منه حبيبته الشخص : ياااااااااااااااا رب جيب العواقب سليمه يا رب خليها لي يا رب خدني انا بدالها يا رب قر عيني بيها يا رب مالى غيرها يااااااااااااااارب لا تاخدها مني زي ما اخدت اهلى مني يا رب و نزلت دمعه حارة منه و مسحها بسرعه قبل ما يلاحظه احد توت توت تو صوت نبضات القلب بدات تضعف شوية شوية لحد ما سار مافي نبض ارتبكوا المسعفين و ساروا يسوا اسعافات اوليه لها و و اخيرا وصلوا المستشفى الشخص : بعدواااااااااااااااااااا بسررررررررررررعه بتموووووووووووووووت بين ايديني و انا ما سويت لها شي كل اللي في المستشفى ارتبكوا من صوت الصراخ جوا 3 دكاترة د . معاذ : بسررررررررعه ودوها غرفه العمليات رقم 2 و جا واحد من الممرضين مسك فيصل وو داه الاستراحه و قعد معاه لمن هداه * على فكرة الشخص اسمه فيصل ^^ * و عند ليان ليان كانت مرة خايفه و مرتبكه لانهم جايين اشخاص مهمين مرة في معرضي و سارت راما طول الوقت تهديني لمن هديت شوية سرت ادور ع الضيوف و سرت اشرحلهم لوحه لوحه . ما اشوف غير شوية راما تجيني و هي متوترة مرة و خايفه من ايش مدري ليان : راما راما التفتلها و هي مرتبكه : هلا ليان قربت منها و قالتلها : اشبك راما حاولت تبتسم بس ما قدرت و قالت : ها لا و لاشي ليان ما صدقت راما و حبت تضغط عليها حبتين و قالت : حلفتك يا راما تقوليلي راما اتنهدت و اشرت على مكان في الزاويه ليان التفت بدورها و حست بالهوا ينسحب منها و حست بدوخه جاتها و مسكت راما راما بقلق و خوف : ليان اشبك انتي طيبه ليان ما اتكلمت بس طالعت في الشخص اللي كل ماله يقرب منها و هي كل مالها دقات قلبها تزيد و ... و عند وتين قطع تفكيرها دخول خدامتها تبلغها انه في رجال يستناها في المجلس لبست بنطلون اسود و بلوزة حرير لونها فوشي و اتمكيجت على خفيف و ربطت شعرها و اخدت جوالها و نزلت وتين : واتي جريت واتي ( الخدامه ) لها : نعم مس وتين وتين : في المجلس واتي : يس مس وتين : طيب شوية جيبي عصير واتي : اوكي مس مشيت وتين و هي مستغربه مين داه اللي جاها و فكت الباب و دخلت لقت شخص واقف قدام الطاقه و مديها ضهرها و شكله ما انتبهلها مرة لقته شخص باين انه مرة من الطبقات العاليه كان لابس بدله رسميه سودا و مقلمه بابيض و شعره اسود و باين من ورى انه عريض و طويل حمحت وتين قام التفت بسرعه لها و اشرت ع الكنب و قالتله : اتفضل ... : احم يزيد فضلك وتين : تسلم ... : الله يسلمك و سكتوا تقريبا 5 دقايق قطع سكوتهم واتي و هي تجيب العصير و قدمت للشخص و وتين بعد ما رشف الرشفه الاولى قال : احم اكيد بتتسالى مين انا شربت و حطت العصير فوق الطاوله و قالت : اي و الله ... : احم انا اسمي هيثم الخيال طالعت فيه وتين بمعنى طيب اخلص على هو فهم عليها و كمل : انا بصراحه جيتك بخصوص ... انتهى البارت الرابع توقعاتكم لابطالنا الحلوين و انا على وعدي مو ^^ 
|
 |
| أدوات الموضوع | |
| طريقة العرض | |
مواضيع مشابهة
|
||||
| الموضوع | الكاتب | القسم | الردود | آخر مشاركة |
| أحبك | <<خطاي اني وفيت>> | منقولات أدبية | 6 | 21-12-08 03:25 PM |
| مسجات مقالب | زهرة القمر11 | منتدى المواضيع العامة | 6 | 01-12-08 09:49 PM |
| اولويات هلاليه | مشاغب ماله غالب | كرة القدم العربية | 16 | 03-10-08 08:53 AM |
| Xx Xx ((احبك يا عظيمه يا كريمه - اول مشاركة لي Xx Xx)) | ღ♥ღالـًِذوٍوًٍقღ♥ღ | خواطر - عذب الكلام | 2 | 18-09-06 07:41 PM |
النمط المتتابع
