{{{{{ وشلون احبك ؟؟؟}}}}}

[ريشة العود]

لاوالذي سوا السما ماانت مســـوح
غفران ذنبك تالي الوقت قســاك
كان العذاب يزلزل النفس ويــروح
واليوم ساكن بالحشا من سواياك
انا ابتسم لك والهنا منك مذبـوح
واخفي دموعي عنك وارضاومارضاك
لا لا تحسب ان الغلا هرج ومــــزوح
ياما ضحك لك من حكا بك وعاداك
ابديت ودي والحشا يكتم النـــوح
ما بيدي الا اظهر الطيب وادراك
ماعاد لي في دنيتك شف وطمــــوح
ولا بقا في داخلي شــي يهــواك
وشلون احبك مابقا بالـــهوى روح
ودعتك ايها ولا صنـت ما جـــاك
ياكيف احفظ الحب والقلب مــجروح
قلبٍ شكا من لوعتك كيف يرعــاك!
ياما خطاك اول ولو بان مدمـــوح
ياما صبرت وهدنــي مر لامـــاك
ياما كتمت بداخلي هــم مفضـــوح
ياما امرت الروح تنسا خطايـاك
عللت بك نفسي علي غير مصلــــوح
ياما ترقبت الامل في عطايـــاك
قلبي قبل ما يبتعد كان مفتـــوح
لا عدت من درب الخطا قام حيـاك
حبك بكل اخلاص واغلاك بوضــــــوح
ثم انتظر عل المقادير تنهــاك
لكن خدعته واحتضن ياس وجــــروح
من يوم حدته الصواديف لحمــاك
اصبحت انا واياك لوح على لـــوح
جردتني من اجمل احساس ويـــاك

[نوسو نوسو]

وااااااااااااو صراااااااحه خطيييييييييره يسلمووووووووو

[جـــروح الـــروووح]

يسلمووووووووووووو قصيده روعه



الله لايحرمنا من جديدك




تقبلي مروري أخوك جـــرووح الـــرووح

[‏°● شمس ـالـغــلا ●°]

يسلموووووووووووو علا القصيد ماننحرم جديدك

[ريشة العود]

نوسو جروح الروح شمس الغلا الف شكر على المرور

ولولا امثالكم ما كان للقاف معنى

حبيت تعليقكم على المشاركه

تسلموووووووووووووون