مرثيه

[موافي الجرح]

في الاونه الاخيره توفي لي اكثر من شخص عزيز

فكتبت هذه القصيده

*
( مرثيه)

الا الحزن يازين مبغا طواريه
لكن قضاه الرب تحكم علينا
*
نحزن على الغايب ونبطي نناديه
عل الصدى يرجع وصوته يجينا
*
ونعيش بالذكرى سنين نراويه
ونشوف زوله بين حين وحينا
*
يغلب علينا الصمت ونذكر حكاويه
والدمع يبقا حي فينا سنينا
*
امس نشوفه و تعلق بياديه
واليوم بغيابه ذبحنا الحنينا
*
ياكبر حبه ياهلي وين اوديه
وش لون يالنسيان تقدر تجينا
*
لا شك غاب النجم واقفت لياليه
لا شك غاب اللي معنا عوينا
*
روح وخلاء القلب متعلق فيه
ياشيب عيني يوم روح دفينا
*
هذا القدر والرب عنا مخفيه
حتى يمر الوقت وحكمه يبينا
*
الراضي اللي ما رفع صوت ينعيه
ولا شق جيب ولا سمع له ونينا
*
اللي فقد غاليه ربي يسليه
ويصبره صبر قوي ومتينا
*
الله يرحم من طوى الليل طاريه
ويثبته بين الخلايق بدينــــا
*
ويسكنه بالجنه ويدمح خطاويه
ويسقيه من حوض مع المهتنينا
*
*
*
موافي الجرح

ارجو ذكر المصدر عند النقل

[غـلا]

اللي فقد غاليه ربي يسليه
ويصبره صبر قوي ومتينا
*
الله يرحم من طوى الليل طاريه
ويثبته بين الخلايق بدينــــا
*
ويسكنه بالجنه ويدمح خطاويه
ويسقيه من حوض مع المهتنينا
*
*
*
الشاعر القدير

(( موافي الجرح ))

اللهم آمين

صح لسانك وبيض الله وجهك ولا هنت

احترامي وتقديري

[صاحبة الحروف الثلاث]

موافي الجرح...
الله يجبر كسر قلبك
ويعوضك بمقبلات الليالي
صح لسانك واحساسك
ابيات رائعه
لروحك الود الطاهر
رعاك الله

[بن زيد]

صح لسانك

شاعرنا المميز


موافي الجرح,,

ابيات رائعه وسبك اروع,,
من شاعر جزل ومتمكن ,,

تحياتي لشخصكم الكريم واجمل سلامي,,

[من بآدي الوقت]

صح لسانك ويعطيك الف عافيه