ســــــــــر الــــحـــــيــــــاة

[ســاري]

يقول من يهوى ركوب المسرجـات = لاجيب طـاري للسيـوف وسلّهـا

ياسامعـي والاولـه مـن الاولات = تنبيك عـن باقـي علومـي كلهـا

ترى حلاة الشي لاجالـه طـرات = واللي تجي في حلهـا فـي حلهـا

شبّـه وبـرّاد وثـلاث مهـيّـلات = هاذيـك اركدهـا وذيـك ازلـهـا

فلة حجاج وطيب راس وطيب ذات = ياقلـهـا فــي وقتـنـا ياقلـهـا

في ذمتـي ذمـه كـأن المفـردات = تصيح باسمي يابن(؟ ؟ ؟) سِلّهـا

والله لعديهـا حــدود النايـفـات = مادمـت اميّـز دقهـا مـن جلهـا

والكلمه اللي جات مدري كيف جات = زلّه وشرهتهـا علـى مـن زلّهـا

ياللي تقول النوم أخير من الصـلاة = شوري عليك أد الفروض وصلهـا

يامل قلـبٍ بيـن ود وبيـن هـات = والعين من كثـر السهـر ياملّهـا

لاجيت بانسى واعتبر مافات مـات = استرجع افكـار الحـزن واحتلهـا

وابكي على الفرقا ولكن في سكات = ماهوب شـرط ان الدمـوع أهلهـا

عليك يانبضـي ويـا سـر الحيـاة = ياللـي غلاهـا عَزهـا مـا ذلهـا

شيخة بنات وعلّمـي كـل البنـات = سبحـة غلانـا مانويـت أفلـهـا

مالك غنى عني وانا مالـي غنـات = والحاقـده منهـم تمـوت بغلـهـا

ريقك عسل واساوره سكـر نبـات = وشفـاك ماتبخـل عليـه بظلـهـا

انتي صفاتك غير عن كل الصفـات = اضيـع فيهـا لابغـيـت ادلـهـا

لبّى البراقع والغطـاوي والعبـاة = يازيـن سكبتهـا ومصعب شلهـا

عندي ثلاث اشياء في قلبـي ثبـات = والله مااخليهـا لاقـالـو خلـهـا

شوفك وشوف الما وممشىً فالنبات = لاخيرونـي قلـت أبيهـا كلـهـا

[امـيـ الوردــرة]

وابكي على الفرقا ولكن في سكات
ـ ـ ـ ـ ـ ـ ـ ماهوب شـرط ان الدمـوع أهلهـا
عليك يانبضـي ويـا سـر الحيـاة
ـ ـ ـ ـ ـ ـ ـ ياللـي غلاهـا عَزهـا مـا ذلهـا

عندما يكون الاخلاص هو البدايه
اكيد النهايه بعيده عن المذله
الله يديملك عزتك ساري
ويديمك لنا اخو غالي
سلمت الايادي ....

[فرفوشة]

ساري تعلمان الذوق منك
و مشكور على القصيدة الحلوة
تقبل تحياتي:


فرفوشة

[---الادميرال---]

سريت بالخيال يا ساري وابحرت بنا بين امواج من المعاني رهيبة

خليت من القلب رفرفة وهجولة بين حروف القصيدة المبدعه من ابداعك


ننتظر جديدك ...,,,


تحيتي قبل مروري /

--- الادميرال ---

[جـــــــمــــــال]

صــح الـسـانك

وسـلم بـنـانك

كما عودتنا على

الابداع الله لايحرمنا

منك ومن روائعك

تقبل مروري المتواضع