المنتديات
المنتديات
| روابط إعلانية |
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
| | أدوات الموضوع |
31-08-09, 06:22 PM
| #1 |
| |[ عـضـو مـبــدع ]| الدولة:  روابط إعلانية |  لفه على اغرب الزوجات في العالم ؟؟؟ معاريس ولاكن نبدا بديار ابو متعب  معاريسنا معاريسهم هيا بنا نعرس هههههه اكيد البنات كل وحده تتخيل زوجها بيصير مثل تاركان ولا جورج كلوني ماتدري ان حدها واحد يشبه فايز المالكي .. و تعرفون ماتحلى جلسة الرجال الا و كل واحد يقول ابي وحده مثل نانسي واللي يقول اويلاه على وحده مثل زينب العسكري ! مير هذا اللي يبي زي زينب العسكري اقول ماعندك ذوق ! بعير قسم بالله مهيب ادميه < الحين وراي من اولها صايله  المعاريس وما ادراك ما المعاريس تختلف العروس بين كل بلد وبلد وبين كل عائلة وعائلة ناس مهورهم تريلة ذهب .. وناس مهورهم ريال واحد !!!! خلونا ناخذ جوله على معاريس العالم .. قصصهم ..طرائفهم .. مواقفهم المحرجة السعوديين .. العالم القديم .. الغربيين .. كلش كلش وان شالله تحوز هالجولة على اعجابكم عاد ترى ان ماحازت على اعجابكم مهب احسن لكم ..  وحده دخلت ملحقهم وكان مافيه احد وكل اللمبات مفتوحه والمكيفات مشغله دخلت وبدت تهاوش .. ليه الاسراف ؟ ليه العيال يطلعون ويخلون كل شي مفتوح وسكرت اللمبات والمكيفات وهي تنافخ وتدهر .. طبعاً كان فيه صديق اخوها جالس و مايع على الكنب من الروعه  يقول مدري وش اللي دخلت علي و بدت تهاوش ومن كثر ماهي تهاوش ما انتبهت ان فيه احد بالمجلس .. طبعاً اسبوعين الا الولد خاطبها .. بعذره اهم شي اقتصاديه  تخيلوا يسألونه وش اللي عجبك فيها اول ماشفتها .؟ يقول تسكر اللمبات بلياقه  وحده تقول : يوم الشوفة الشرعية طلب مني ابوي البس عشان زوجي يشوفني تقول انا مستحيه مره وماودي .. قلت لأبوي لا يبه مااقدر انا ماكله بصل اليوم قال ليه وش ناويه تسوين !  واحد ليلة العرس كاشخ على زوجته موديها اوتيل خمس نجوم  يقول اول ماوصلنا رحت الريسبشن عطاني كرتين.. ورحت للغرفه انا والمدام .. يقول المشكله اول مره اروح مكان زي كذا يحسبهم بيعطونه مفتاح .. يقول جلست نص ساعه عند الباب ماعرفت استخدم الكروت اللي هم معطيني .. المشكله كاشخ بشت وحركات واخرتهانص ساعه عند الباب . ياعزتي للعروس تلقون ماعت التسريحه ههههههههههههه يقول الموقف صعب تفشلت من الحرمه وهي واضح انها ملت .. وفجأه يطلع واحد جنبنا من غرفته قالت لي زوجتي على طووول اسأل هذا يمكن يعرف ( من حومة الكبد صارت تمون بسرعه ) الله يلوم اللي يلومك ياختي يقول سألته وفتح لي الباب عن طريق الكرت .. ما انتهت السالفه يقول اول مادخلنا السويت مافيه نور يقول جلست ادور افياش الكهرب بهالظلما وماغير اتلمس الجدران .. والمدام واقفه بالظلما والاخلاق صفر تلقونها تقول وش الله قردني بهالقروي لين قالت له زوجته شف الكرت الثاني اللي عطوك اياه يمكنه حق النور حطه في محل الكرت اللي عند الباب .. قلت لا هذا يمكن حاطينه عشان نحط فيه الكرت ومايضيع < حتى بالظلما غبي يقول المهم حطيت فيه الكرت الثاني واشتغل النور ماتسوى هالكشخه كان حجزت لك شقه مفروشه ولا ياخي كان خذت لك لفه بالاوتيل قبل بيومين عشان تتعود عروس توها صباحية عرسها طبعاً شي اكيد مستحيه كانوا يتقهوون الصباح .. وزوجها يمد لها التمر وهي تاكل وطبعا من كثر ماهي مستحيهماتقدر ترمي العبس ( النواة - الفصم ) قدامه .. صارت تبلعها وكل مايمد لها تمره تستحي ترده وماغير تبلع من هالعبس اخرتها راحت المستشفى .. ياختي وش هالحيا اللي مدري وش يبي بصراحه رومنسيه من نوع اخر .. اجل تاكلين عبس .. عنز مب عريّسه وحده تقول يوم جا زوجي يشوفني كنت جالسه معه في امان الله مادريت الا دخل عمي ! وبعدين شوي شوي دخلوا اخواني وكلهم مبحلقيييييين عيونهم فيني يعني منظر غريب مو مستوعبين .. تقول استحيت مره وقمت هجيت يوم وصلت للباب لقيته مسكر تذكرت ان امي قافلته عشان مااطلع بسرعه ورحت اركض للباب الثاني وعمي واخواني يضحكون علي طيب الحين عمها واخوانها وش يبون ! استغفر الله بعض الناس عاهات البنت خلقه بتستحي من نفسها شلون يجون الشعب كلهم واحد يقول ليلة عرسي انا جالس بزاوية وزوجتي بزاويه .. اكلمها ماترد علي كله من الحيا يقول اسألها ماتجاوب .. اقول هه ولا هه و انكت عليها .. البنت ساااااكته مافيه امل ترد وتناظر الارض يقول قلت مافيها حيله خلني اسكت انا بعد .. وجلسنا فتره هدوووء جداً مالنا صوت وكانوا اخوياه بيمزحون معه قاموا رموا حجر على الشباك .. يقول فجأه كذا وحنا هادين ضربت حصاة على الشباك بقوه .. من الروعة زوجتي خافت ونطت عندي .. الخوف مليح اهم شي انه طلع للشباك قال : ثانيه ثانيه ياشباب الحين اصدقاه باللهي هذا مزح ! ياخف دمكم الصعايده انعم منكم وحده تقول يوم جيت اطلع خلاص بروح مع زوجي كنت بشيل التاج من راسي عشان البس عبايتي .. تقول التاج مثبت مره ماقدرت اشيله زوجي شافني تأخرت ومير يجي يشوف وش السالفه والله يسلمه مد لها يد المساعده تقول مسك التاج ومعطه ذيك المعطه لين نتف شوشتي حاس التسريحه وحاس الغره وخربت الكشه .. هههههه تخيلوه بس وهو متحمس يشيل التاج تلقونه مايدري اصلا وشو بيقول وش جاب المجاول لراستس الرجاء عدم الرد |
|  |
|
31-08-09, 06:48 PM
| #2 |
| |[ عـضـو مـبــدع ]| الدولة: |  رد: لفه على اغرب الزوجات في العالم ؟؟؟ وحده ماتعودت على السفر .. راحت شهر العسل باريس ولمن رجعوا راحوا اسبوع للقاهره عشان زوجها بيجتمع مع اصدقاه وكذا تقول يوم وصلنا القاهره قال زوجي بطلع لأخوياي مواعدهم وانتي اجلسي بالاوتيل .. هي فرحت انه راح شوي عشان تضبط نفسها .. تقول ابشقر واحوس في وجهي اتصلت على اهلها ( تخيلوا المشقر على الوجه ) وتسولف معهم قال لها اخوها اسمع صوت عندك وش يقول قالت مادري يتكلم انقليزي ومدري وش يقول ! قال قربي السماعه بشوف وش يقول.. طلع فيه اخلاء عشان الحريق  قال لها اخوها بسرعه هجي يالخبله .. هي سمعت كذا ولا ماسمعت طارت تركض بس عبايه وطرحه مدري من وين طلعتها.. تقول بديت اركض مع اللي يمشون لحد مابديت انزل تحت لحالي والناس مدري وين راحوا .. تقول بتلت انزل تحت يعني بس اركض من غير تفكير.. لحد فجأه دخلت على عالم صايعه تشيش ورقاصات وحركات .. اول مادخلت قالوا هلا واللللللله .. يعني وش تبي هذي بالله هي وعبايتها ! بعدين عرفت انه مافيه حريق ولا شي.. بس هذا تدريب عادي يصير كل فتره انتي وش فيك متحمسه .. تقول لاشعوريا جلست اصيح وانا مدري كم رقم غرفتيولا ادري وين ارضي .. لحد ماجا زوجها واخذها ( وجه يتخيل المشقر وش صار عليه )  اغرب زواج بتاريخ البشر هو زواج كليوبترا ! جدها تزوج أخته.. وجاه منها ولد ، وبنت .. فتزوج الولد بالبنت .. وجاه ولد وبنت .. و تزوج الولدين الحفيدين ، وجاهم ولد وبنت .. وتزوج هذا الولد الأخير بأخته أيضا ، و جاوه منها و لد وبنت .. هذه البنت التي هي من سلالة أجيال أربعة نتيجة زواج الأشقاء بالشقيقات ، وهي بعد تزوجت اخوانها واحد ورى الثاني .. لأن الاول توفى فتزوجت اللي بعده ! السؤال هو غريبه ماجاها أمراض وراثيه ! ولا بس شاطرين على اهل القطيف والحسا !  كان الأمير " سليم " - ( 1569 - 1627 ) ولي عهد ( الهند ) - عنده أربع زوجات ، عندما كان في الثامنة من عمره و يقولون ليه الهند طخوا المليار نسمه ! باللهي هذا وش كان شعوره يعني كل وحده ليلة ! ولا كلهن بليلة وحده يعني بزر شلون بيصرف اموره << شايله همه  يا مآمنه للرجال يا مآمنه للميه بالغربال ! سبحان الله فيه رجال كذا يحبون البنت اللي مايقدرون يتزوجونها او انه صعب يجتمعون فيها مثل السبيكه هنري ! فلقد دأب " هنري الأول " الدوق " دوجيز " طوال سنة كاملة على كتابة رسالة شهرية .. إلى حبيبته " آن دوجونزاج " .. يضمها الأيمان المغلظة بأنه سيقترن بها عندما تتحرر من كل قيد !! .. وكان يكتب رسالته الشهرية تلك بدمه على ورق ثمين ، يبعث بها إليها مع رسول خاص ! مع ذلك .. عندما تحررت " آن " وأصبح بإمكانها الزواج .. اتقرن " الدوق " بغيرها يعني اكثر من كذا مافيه .. هذا اكبر دليل على نصب الرجال وانهم يسمعون بالحب واحد يكتب رسايل بدمه كل شهر واخرتها يسحب عليها ! الحين تلقاهم يرسلون لـ عشر بنات مع بعض ..  مبزره ! إن أصغر عروسين معروفين في العالم هما ابن الملك " هنري " الرابع الفرنسي الذي عقد قرانه في الرابعة من عمره على " فرنسواز دولورين " ، وكانت في الثالثة من عمرها اكيد الزواج تدخلت فيه السياسه بس تخيلوهم ليلة الدخله يعني سريرهم وردي وحاطين حلاو مصاص فوق الكمادينه  شديد ! السلطان " عبد الحميد الثاني " العثماني .. ماكان له إلا خمسمية ولد .. رقم تقريبي ..ولكنه ضرب الرقم القياسي بعدد الزوجات .. إذا جمع منهن 30 ألفا ههههههههه وحنا كاشخين بالملك سعود طلع هذا اكثر ذريه لا صدق يعني تخيل عندك 499 أخ وأخت و حول ال29 الف و 99 مرت أبو ما شالله قبيلة صوارير مهب عائله ! تخيلوا بس وش مسميهم ؟ عثمان 1 عثمان 2 عثمان 3 عثمان 4 |
|
| |
|
31-08-09, 06:49 PM
| #3 |
| |[ عـضـو ذهـبــي ]| الدولة: | رد: لفه على اغرب الزوجات في العالم ؟؟؟ مشكوووووور ع الطرح الأكثر من رائع |
|
| |
|
31-08-09, 06:50 PM
| #4 |
| |[ عـضـو مــاسـي ]| الدولة: | رد: لفه على اغرب الزوجات في العالم ؟؟؟  الله يعطيك العوافي على المجهود الرائع  ننتظر جديدك من الأجمل و الأروع  تـــقــبلوا تحياتي الزآهية بالورود والفراشــات  ~(مـــلـــكـــة الـــفـــراشـــات)~ |
|
| |
|
31-08-09, 06:57 PM
| #5 |
| |[ عـضـو مـبــدع ]| الدولة: | رد: لفه على اغرب الزوجات في العالم ؟؟؟  ليت كل الشعب طليان كان الكاتب الإيطالي " فرانشيسكو كولونا " شديد الحياء ويخجل من التقدم بطلب يد الفتاة التي يجبها و تدعى "بوليا " < ليته غير هالأسم بس ! فكتب من أجل ذلك كتابا سماه ( حلم حب ) مؤلف من 165 ألف كلمة ! .. وكانت الأحرف الأولى من كل عنوان فصل من فصولة السبعة والثلاثين تقرأ كذا : " فرانشيسكو كولونا ، يحب بوليا " عكس الحين .. البنات يخطبن الرجال يعني الرجال وهو يمشي بالشارع مايدري الا ناطتن عليه بنت الحلال تقول ترى زوجتك نفسي ..  زواج بنقاليه ! تزوج طفل يبلغ من العمر أحد عشر شهر ، بطفلة تبلغ من العمر ثلاثة أشهر في شمالي بنجلاديش لوضع نهاية لـ عداء دام عشرين سنة بين عائلتين متنافستين تدعى كل منهما أحقيتها في ملكة أرض زراعية متازع عليها هههههههههههه ياخي هالبنقاليه حاجه غريبه ! طيب مالقيتوا الا هالبزران .. معقوله ماعندكم عيال وبنات لو بسادس ابتدائي طيب معقوله ماعندكم شيبان متعرعرين مالهم والي..كان اخذتوا اجرهم  فيه حيل ! تزوج الأنجليزي توماس بار عشر مرات في عام واحد .. بعد أن ماتت زوجته ’ وكان عمره آنذاك 112 عاما عشر مرات في سنه وحده .. لا وشايب متقطع اكيد عنده فلوس ولا وش يبن فيه  يتزوج أصغر منه بـ 86 سنة .. المواطن الكيني (محمد آلو) تزوج بعد أن بلغ عمره قرنا تاماوالعروس لا تتجاوز الـ 14 عاما وذلك بمدينة ميالي القريبة من حدود أثيوبيا والله حرام هذي لاصاعت وصارت اكبر داجه بالبلد محد بيلومها  باللهي وش بيجلسها عند هالمنهري .. اجل محمد آلو وعمره 100  يالله لك الحمد على نعمة العقل فتاة من قبائل (السدرا) الهندية في مدينة ( جانجان ) زوجوها الأهالي لخيال الشمس المنعكس على الماء لأنهم يقدسون أشعة الشمس المنعكسة على الماء ياكرهي لهم هالهنود اجل شعاع الشمس يعني من قل الرجال عندكم ودي ادري بس اذا قالوا لها انتي مع اي حمولة وش تقول ؟ انا مع الشماسا  ما اردى منهم الا حكومتهم ! أطرف محاولة للزواج حدثت في مدينة دالاس الأمريكية ، عندما تقدم ( روس هيوارد ) بطلب رسمي إلى سلطات المدينة بشأن رغبته في الزواج من ميسي وهي فرسه التي أحبها كثيرا وظلت السلطات الرسمية حائرة أمام هذا الطلب الغريب والمرفوض دون نقاش لكنها أرادت أن تبحث عن سبب قانوني للرفض تقدمة للعريس المجنون حتى لا يلاحقها قانونيا وبعد تفكير عميق توصلت إلى السبب التالي : فالفرس عمرها خمس سنوات ، وهو سن صغير بالنسبة لأي عروس طبيعية , طلعت قاصر الأخت لذلك كتبت السلطات عن الطلب المقدم منه : مرفوض لأن العروس لم تبلغ السن القانونية طيب ياغبي لازم تتزوجها ! حطها عندك كل يوم طب عليها بالاسطبل حقها محد قايل لك خلوه غير شرعيه لازم الفضايح يعني  توأمان يتزوجان من امرأتين على الرغم من التصاق جسديهما عقد في عاصمة حزر الفلبين ، زواج لم تبق صحيفة في العالم إلا تحدث عن غرابته ! أما إنه غريب فحسبك أن تعلم أن الزوجين واسم أحدهما ( لوشيو جودينو ) والآخر ( سمبلشيو جودينو ) قد تزوجا على الرغم من التصاق جسيدهما من ناحية الكتف بشقيقتين منفردتي الجسم وقد عرض هذان التوأمان أمرهما على أشهر جراحي العالم رجاء أن يفصل جسم أحدهما عن جسم الآخر ولكن الأطباء أجمعوا على أن في هذه العملية خطرا على حياتهما ياربي لك الحمد تخيلوا انا واختي متلاصقات قسم بالله ياقاتل يامقتول انواع الدحج والتقبيص ماتحملتها وكل وحده بشنق وشلون متلاصقات   من اشهر زواجات هوليوود اللي صارت مؤخرا هو الزواج اللي جمع بين العاهات توم كروز وكيتي هولمز ! فجأه كذا طلع علينا الأخ توم وقال اني احبها واموت عليها ومادري متى بس ربي بيتمم علي واعرس عليها من كثر ماكان معجب فيها نط نطتة الشهيره على كنبة اوبرا وقال احبها عاوزها يعني عاوزها هو كان متزوج مرتين من قبل وحده من زوجاته هي نيكول كيدمان نيكول من طلقها هالعاهه وهي صايره فلته .. فازت بالاوسكار وادوارها صارت خطيره وهو من تزوج الصخله اللي معه وهو من اردى لأردى تخلى عنه الاستديو حقه وصار يتكلم كلام غريب اجل يتطنز على اكتئاب مابعد الولاده ! ياخي حريم مضنيات .. كروشهن تنفخت والله اعلم مع وين طلع البزر انت ليه تتدخل بهالأمور ؟! بس الزبده انه من بعد هالزواج وأسهمه تتراجع هو يعتنق مذهب غريب يقول ان اصل البشر من الفضاء وانه اخر الزمن سوف يأتي المخلصون للأرض في سفينة فضائيه < تحمست ودي اركبها طبعا من شدة الحب زوجته اعتنقت نفس مذهبه ..الله من المطاريس بس الحين عندهم بنت اسمها سوري ومن زود الشسمه حاضرتن عرس امها وابوها  كلوديا شيفر <<< ياقدمها ياناس  جت فتره ايام التسعينات كانت كلوديا مسطيره على الاعلام هناك وكانت الكل بالكل يعني تقريباً هي وسيندي كروفرد كانوا اشهر عارضات عالميات بذاك الوقت طبعاً للشهره سلبياتها .. حيث ان الساحر الأمريكي المشهور ديفد كوبرفيلد خاق معها وهددها انه ياتتزوجيني ولا اقلبك ضفدع هي خافت وتزوجته .. الشكوى لله مايصلح تعرض ازياء ولونها اخضر الزواج استمر فتره بسيطه بعدين تطلقوا بس والحمد لله ماصارت ضفدع انتم اتبهوا لشكلها بالصور باااااين وحده حايمه أم أم كبدها منه مع انه وسيم واللهي وساحر يعني اذا مالك خلق تطبخين يخلي الشسمه يزينون الغدا يالله من فضلك بس ناس ماتقدر النعمه |
|
| |
|
| الإشارات المرجعية |
| أدوات الموضوع | |
مواضيع مشابهة | ||||
| الموضوع | الكاتب | المنتدى | الردود | آخر مشاركة |
| اغرب مدرسهٌ في العالم في اغرب مكان | يٵهم ګم صٵږلڳ بصڊږي؟ | صور غريبة - صور نادرة | 43 | 13-12-11 02:09 PM |
| اغرب رجل في العالم | مشتاق لها | صور غريبة - صور نادرة | 53 | 25-04-11 03:43 AM |
| صور اغرب موبايلات فى العالم ونفس الوقت اغلا عدد فى العالم | WaLeD_SeLvEsTeR | صور - كاريكاتير | 9 | 02-12-07 02:26 AM |
