رزان العتيبي مقتطفات من نبضات قلمها ..!!

[•¦رِقَـﮧ مَشَآ۶ـر¦•]

---

[•¦رِقَـﮧ مَشَآ۶ـر¦•]

مقتطفات من نبضات قلمها ..!

ياخطوة البُعد ضمّي آخر أنفاسي
ــــ يمكن ليا ضاق يتنفس ويذكرها
ياغفوة الحلم خطّي وسط كرّاسي
ــــ يمكن تفيق الأماني لحن وأسهرها
ياطعنة الآه لمّي نفسك بكاسي
ــــ يمكن الامس عميقك وأحضن أكبرها
من غاب عنّي جمعت بكفّي إحساسي
ــــ بعثرت حزني حكايا يجهل أكثرها
كلّ الزوايا تعاني من كثر ياسي
ــــ وأوراقي أسرار ماتت في دفاترها
ملّيت أحاكي أنا الجدران عن ناسي
ــــ وأسمع صداها آنينٍ طيّح اصْورها
سألت أنا الليل ليش بظلمته قاسي !
ــــ منهو خذا افراح ثغره ليه دمّرها !
جاوب وأحسّه حكاني وإنحنى راسي
ــــ سيّل دموعي وانا اللي كنت أقهرها

يبه وينك !
تعب صوتي وملّيتك !
وملّيتك !
كذب من قال ملّيتك !
أو نسيتك ..
يبه كلّي يبي بيتك !


يبه تدري ..
معاد أحس بي / مدري !
أو إنّي من دريت
إن الأماني حلم .. ناديتك ..


يبه شفني أنا بنتك ..
حبيبة قلبك وعمرك ..
هذيك الطفلة اللي ياما لعبها أذاك ..
ولا تكلمت ..


يبه ... تذكر أغانينا أنا ويّاك ..
وسكّة حلمنا مع بعض ..
وصوتك لأنخلط مع بحة سكوتي ..
يبه حنّيت ..
ورب البيت ..
لـ أيام الشقا حنّيت ..
لدروب السهر و الحلم ..
وذاك الشارع المنفي ..
وضحكة أمي الخجلى ..
إلى من قلت ياليتك ..


يبه ... ودي أنا أحكي لك ..
عن أسراري ..
عن اللي صار بـ/ أخباري ..
عن بكاي .. وقهر داري ..
عن الضّيق الي ساكني ..
ولبّسني معاه سكوت ..


وأبي أكثر من أحضانك ..
وأبي أكثر من أسوارك ..
أبيك تكتف يديني ..
وتسجني وسط روحك ..


يبه ناظرني بعينك ..
وعمّق نظرتك فيني ..
ولاحظ كل تفاصيلي ..
بتقرأ كل عناويني ..


بتقرأ هالتعب وشلون دمرني ..
وكيف إن الضحك فيني ..
غدى موجع ..
نعم موجع ..


يبه .. تكفى تعال شويّ ..
وأبي تسمعني بقلبك ..
يبه إسمع ..
ضجيج .. وزحمة من حولي ..
صدى مطعون بهمومي ..
وأنا من بينهم أشعر ..
بغربة إمتلت كوني ..


وأصوّت لك ..
وأنا عندك ..
وأنا جنبك ..
يبه : تسمع أحاديثي ..
وتسمع كيف أحتاجك ..
ابيك تمدّ لي يدّك ..
ابشعل فيني سراجك ..


يبه برحل ..
وبترك لك معاك حروف ..
إلى من جيت في بالك ..
تذكّرها ..
ترى هالبيت من دونك قصر فاضي .. مع إنّه ممتلي بالناس !
ترى هالبيت من دونك قصر فاضي .. مع إنّه ممتلي بالناس !
ترى هالبيت من دونك قصر فاضي .. مع إنّه ممتلي بالناس !
ترى هالبيت من دونك قصر فاضي .. مع إنّه ممتلي بالناس !

أحاول أكتم أنفاسي أعدّي ضيقتي وأنام
ــــ أباعدهم عن عيوني يجون ف مُعظم أفكاري


أناديهم تعبت أقسى أجامل وأحترق أيّام
ــــ يطول الوقت وأتناسى من البايع من الشاري !


بحاجتهم أنا وأدري نسوني من قبل هالعام
ـــــ ضمايرهم قست باعت وتاهت فيهم أعذاري


نخيت الطّيب بعروقي يلاشيهم كما الأحلام
ـــــ عشان أعيش مرتاحه أنا مابي لهم طاري

عيون القلب لك عطشى تنادي وين ينبوعك
أبي أرْوَى من إحساسك طلبتك إنتشر فيني

تبعثرّ داخل اجزائي تشبّع فِيّ لاأجوعك
تمادى في ضلوعي زين وإرقى بعدها لعيني

وشتت نظرة الآمي داوّ جراح موّجوعك
تفنن في اساليبك وجودك يمّي يكفيني

وإذا حسيتبك لاهي بصير لقلبك ضلوعك
بسامر دمك و نبضك بشيل خطاك بيديني

زرعتك في بساتيني إلين اينعت بفروعك
وجيت اجني ثمر غرسي لقيت الساق يرميني

يتبع..!

[•¦رِقَـﮧ مَشَآ۶ـر¦•]

اذا لندن يبه بعدك غدت في حزنها مفلوت
أجل بنتك وش تسوي نْفَسها راح وخلّاها


يبه : حضني فقد حضنك مَعَاد يفيدني هالكوت
بَرَدْ جسمي من فراقك أبي أنفاس بدفاها


يبه : عوّد لي بسرعة أبي الأيام مِعْك تفوت
بدونك يانظر عيني صباحي زيّ ممساها

مرّة أذكر ..
في دهاليز العمر ,
قررت أبوح ..
خذتني كلّي وجيتك ..
إنتثر عطري { فـ بيتك ,
كنت ناوي أعترف لك ..
بـ إن قلبي ماعرف لك ..
ولحظة اللي كنت أبحكي ..
خانني دمعي ..
وبــكيتك
وبكـيتك
وبــكيتك

مدّ كفّك وخذني .. إنتشلني إليك
ــــ ضمني لك بحضنك ودّي أرحل معاك

مرّت سنين عمري وإنتظاري يبيك
ــــ من تحاكوا [ يتيمه ] طاح دمعي هناك

أسمع أطفال غيري تندهك تحتريك
ــــ تركض بشوق يمّك تختفي في مداك

وأختبي في مكاني أنتظرها يديك
ــــ تحتضني مثلهم تبتسم لي شفاك

" طفلتي ليش دمعك بلل العمر فيك !
ــــ دام قلبي يحبّك خلّي حزنك وراك ! "

وأسرق الشوف منّك لين أضحك عليك
ــــ يومك تحس فيني " ياه م أحلى شقاك "

أصرخ بشوق " بابا " إنتظرني بجيك
ــــ حطّ كفّك بكفّي إحتياجي دفاك

كنت أحاكي طيوفك ب إمنياتٍ تبيك
ـــــ | اليتامى غلابا ليه ماارحل معاك !

أسخف مواقفنا هي أوقات الوداع
يوم كلٍ ودّع الثاني بـ { دموع


لا تقول [ أرجع ! ] ولا أقول إلتياع
الحكاية وقت / حب ثاني / خضوع


الفرق إنّي رويتك بـ { إقتناع
والمصيبه صاحبي مـ أنت بـ | قنوع

قلت رايح تجمع [ إحساسك ] وضاع
قلبي اللي صاح فـ | بعادك جزوع


لاتردّ أرجوك يكفي { إنصياع
لا تجي للدرب مابي لك رجوع

على ذاك الرصيف اللي تحمّل دعسه رجولك
ـــــ وقفت أشكي من غيابك وردّ اليوم هو ناسي


سألت الليل عن صمته وليش اليوم مو حولك !
ـــــ رحل من دون لايحكي وزاد هموم في راسي

أعدّ أصابعي بعدك ..
وتطلع ماهي بـ/عشره ..
يـ الله ..
أكيد إني غلطت شوّي ..
وأردّ أعدّها ثاني ..
وتطلع بعد مو عشره ..
يووووه نسيت ..
هذا اليوم أوّل يوم بـ { غيابك ..
ونقص إصبع ..
الله يعينني بكره ..
بيرحل واحدٍ ثاني ..
وأردّ أعدّ ..
من أوّل ..
أحاتي كيف لوّ راحت ..
كلّ أصابعي وياك ..
يـ الله ..
يعني بترحل
[ يديني ] !
وبَعَدْهَا أكيد
[ رجليني ] !
وبعد مدّه شهر شهرين ..
أكيد ألقاني بـ { جنبك ..
مدام إنها بدت ب إصبع ..
أكيد بتنتهي فيني ..

ياربّ خلّه يعيش الدنيا في راحه
ـــــ طيّب وقلبه أبد ماشفت أنا زيّه

الضّيق يبكي إلى من مرّ مصباحه
ـــــ ماودّه يطفي قناديلة ولاضيّه

وبـــــكذا اكون انتهيت
المعذره ع الإطاله
كل المنى بأن ينال الموضوع إعجابكم


ع ـــــــبرة ح ــنين

لكـــــم

[•°« غصة حنين »°•]

رآئع إحساسك..
رآآئع نبضــك..
كلمــآت في غايـــه الروعــه..
أسجل إعـــــآجبي بطرحك..

[أمــيـــرة الحــــور]

تسلمين اختي عالنقل الجميل

لكي اجمل التحايا

دمتي بود

امــيـــرة الحــــور