المنتديات
المنتديات
| روابط إعلانية |
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
| | أدوات الموضوع |
17-08-09, 03:01 PM
| #1 |
| |[ عـضـو ذهـبــي ]| الدولة:  روابط إعلانية |  الهكر و رمضــــــان صباحكم / مساكم ورد ورياحين شنوحالكم على قولة صديقتي الخبله عسااكم مرتااحين ومعينين من الله خير مير مبارك عليكم الشهر يقولون اتفقوا الزعاق ومدري منهو ان السبت رمضان عاد انا غاسلتن يدي منهم عقب ذيك السنه الي قالوا رمضان بيكمل ومادرينا الا الاتصالات جايتنا يقولون بكرى العيد  وحنا مااستعدينا نفسيا ولامعنويا  مير صدق لاتصدقون احد وترا كل شي بعلم الغيب الموهيم نخش بالزبده علطول هاذا الله يسلمكم قبل يومين داخلتن المسن حقي ماعندي خلاف واسولف واقرقر واضحك مير يدخل  علي واحد اسمه منااااحي هاذا الي قاله لي طب علي ماامداني ولا اسمي على نفسي قال هلاااااااااااا واخيرا دخلتي يامدموزيل  انا هنا بلمت قلت اكيد اخوي العبيط مغير توبيكه ويستهبل واناظر الايميل ولاه موب ايميل اخوي اميل اول مره اشوفه وانا الي مسويه مثل ذا الخشه  قلت من معى  قال انا مناااااااااااحي يا قلبي قلت عما يعميك شلون وصلت للمسن قال لاتكثرين حكي انتي السبب قلت نعم  قال ايه وراتس قبل اسبوع قعدتي تسولفين لي وقلتي احبك وطلعتى  وانا بعد هالكلمه ماذقت النوم ويبربر ويهلس لاليلي ليل ولانهاري نهاااااااار قلت وش قاعد تبربر انت تراك غلطاان قال لااااا منب غلطاااان انتي قبل اسبوع كان توبيكتس تسذا وتسذا وانا هنا الي قلت رحتي بداااهيه يااابنت قلت نعم خير وش تبي وش قلة هالادب جالس تجسس علي يالي ويالي ويالي مير الاخ ماعنده ذرة دم  ولافكر انه يعطي كلاااامي اي اهتمااام قال مااعلي منتس انتي قلتي لي احبك قلبي عقب ذاك اليوم وهو متعلق فيك مايجيني نوم الا وهالكلمه اتذكرها من شفايفك الحلوين قلت صدق انك بااايخ ومالك داعي مير اطلع بسلاااام احسن لك قال شوفي يابنت الحلال ويقعد يقول كلاااام وقف شعر راااااسي قال لي شهر وانا اتجسس عليتس وصديقاتس فلانه وفلانه وعلان مير شوفي انا على جية رمضان نويت اعقل واشيلتس من راااسي <<حسيت اني ضعيفه ياقليبي  قلت ايه الله يبارك برمضان الي خلا ناس مثلك مايخافون الله يتوبون بس البلا لاقضا رمضان اخاف تطب علي الله يااخذك قال لا لا تخافين قلت بشيلتس من راااسي يعني بشيلتس انا هنا حسيت اني خواافه وابي الفكه  بس بصرااحه ماانلام انقلبت ميه وستين درجه قلت يابنت الناس هالاشكال ماينفع معهم العصبيه عامليهم مثل البزران بلطف وحنان ووئام وكل بنات اختس صفيهم قلت الله يجزاااك خير بس تكفى لاتردني علي العشا << ينكت بوجه هع هع لا عما بعينه من زينه اعزمه قلت الله يخليك مارح اطلب المتسحيل بس بليز لاعاد تدخل ايميلي وتكفى تكفى تكفى اذا انت سااحب صور الله يخليك امسحهم قال ابشري ولاتكثرين قرق قلت بتوب يعني بتوب قلت طيب شلون قدرت تدخل الايميل قال يالخبله صديقتس فلانه ترا انا الي مهكرها قلت ايييه الحين فهمت وانت تمشي على الناس كله بالدور يعني قال لا لا لايكثر ومع السلااااامه قلت الله يااخذك ويفكني من شرك ويطلع من هنا واحذف كل الموجودين عندي خفت عليهم ياقلبي يمشي عليهم هالتعباان ويتجسس عليهم واروح اسوي ايميل جديد عاد قبل مده جايتني رساله بالايميل من بنت تقول جاها واحد هكر وسالفته سالفه الزبده تقول انه حتى صيااحي وكلامي يسمعه يعني بعض الهكر الله يااخذهم ماعندهم رحمه كل شي يسوونه مايستفاد  عاد انا من هالسالفه حبيت اوجه لكم نصيحه من قلبي اي رااابط يجيكم لموقع لاتفتحونه وانتم ماتأكدتوا من وين وايش يكون للبنات نصيحه اي صور لك لاتحفظينها في الجهاز برضو اذا كان عندك كميرا بالجهاز غطيها لانه ممكن تطيحين بواحد مايعرف لارمضان ولاشعبان وتروحين بخبر كااان برضو لاتضيفون اي احد مااااتعرفونه بروضو هام هام هام اذا احد عندكم مخترق ايميله علطول احذفوه هذا والله اعلم الله يحمينا ويفكنا من الاشرار يااااااااااارب |
|  |
|
17-08-09, 03:21 PM
| #2 |
| |[ عـضـو مـبــدع ]| الدولة: | رد: الهكر و رمضــــــان يسلمووو يا قلبو يسعدني اكون اول واحده ترد ع موضوعك |
|
| |
|
17-08-09, 04:03 PM
| #3 |
| { تفضحني نظراتي} الدولة: |  رد: الهكر و رمضــــــان دمــــــــــــــــــــــــــــــــــــــــــــــــ ـــــت بود  |
|
| |
|
17-08-09, 04:05 PM
| #4 |
| |[ عـضـو مــاسـي ]| الدولة: | رد: الهكر و رمضــــــان ~ ههههههههههههههههههههههههههههه يسلمووووووووووووو خيتووو :) |
|
| |
|
17-08-09, 04:08 PM
| #5 |
| |¦ مـراقـبـة ¦| ღ So far I'm fine ღ الدولة: | رد: الهكر و رمضــــــان يسلمووووووو أختي الله يعطيك العافية |
|
| |
|
| الإشارات المرجعية |
| أدوات الموضوع | |
مواضيع مشابهة | ||||
| الموضوع | الكاتب | المنتدى | الردود | آخر مشاركة |
| [موضوع شامل] - اساليب الهكر بإختراق الجهاز - حماية الجهاز من الهكر - مسح الفايروسات | عزوووز الرياض | تحميل برامج كمبيوتر وشروحاتها | 4 | 09-12-11 05:39 PM |
| صـــــورجداول لخـــتم القران الكريـــم في رمضــــــان | حكمتي*لاتنسى ذكرالله | اسلاميات عامة | 6 | 21-08-08 05:30 AM |
| §¤~^~¤ لنجعل رمضــــــان هالسنة مختلف ¤~^~¤§ | الفجر البعيد | اسلاميات عامة | 15 | 04-09-07 02:41 PM |
| أكبــــر مســابقــة يشهدهــا العالــم فـي رمضــــــان ..!!!! | الأميرة الصغيرة.. | اسلاميات عامة | 2 | 20-09-06 01:41 PM |
| قصة معاناتي مع الهكر | turkey | نكت × نكت ضحك | 6 | 03-05-06 03:00 AM |
