غرورهـ و fbi شي يهول هع هع

[اعذرو غروري]

صبحكم / مسآكم بالخير ياعمآل العمالية

ياحبي لذا اللعبة مع انة كان يلعن خامسي في كل مرة نلعبها >>ماتعرف لدخلات

المهم ياقماعة الربع مالكمش بالطويلة بعلمكم بسالفة صارت معي لأخذ العظة

والعبرة>>صارت حصة قرآن لثالث ابتدائي

هذي القصة حصلت لي يوم كنت في مطار نيويورك بأمريكا, كنت رايحة أزورالحلا

تدرس هناك فشلت بالسعوديه وديناها امريكا كود تفلح < أفلقوني

المهم لما غادرت ديرتي الحبيبة وعيوني غرقانة بدموع وألم الفراق فراق الوطن

فراق الأحبة, فراق الإخوان << وش خليتي للمسلسلات الخليجية انهجي هاتي الزبدة

يوم نزلت المطار ورحت لم حقين العفش علشان آخذ أغرضي

وقلت للموظف اللي هناك

قلت له بليز يبو عطني أغراضي لاهنت طبعاً ترجمت لكم <<أموت وأعرف وشلون

جبتي ترجمة يبو قال لي عطيني الكرت حقك عطيته إياه قعد شوي يبحلق فيني

ويناظرمن فوق لتحت ومن تحت لفوق قلت يالله عاد

وش يسوي الواحد مع هالمعجبين وين مايروح يغثونه

ال اصبري شوي هنا. قلت إيه بس مايبي لها راح يجيب كاميره يبي يتصور

معي مهيب مشكلة لازم أتحمل ياناس ذولا جمهورنا الغالي

ورأس مالنا ولازم نقدرهم << تكفين ياهيفاء وهبي خخخخخخ

مامر دقيقتين إلا وأنا ما أشوف إلا سواد في سواد

قلت الله يستر طفى الكهرب <<تعودة على اللي عندنا

ويوم إستوعبت الوضع إلا وحولي حوالي 25 رجال لبسهم أسود في أسود وغمموا

عيوني وعليهم ختم بس ماميزته مرة فقلت أها ذولي اللي يقولون عنهم حقين الناس الفي

بي آي قلت الله يصلحك يابنت ليه تكلفي على نفسك كل هالتكاليف دايم تحب

حركات البهرجة.شكلها تبي تسوي لي مفاجأة مع خوياتهاالأمريكايات الخبول

هذولايحليلهم والله <<إيه هين بس

الشباب ودوني على ما أظن لجمس وركبوني وأسمع واحد يقول

لخويه (This is Very Dangerous Man) ولا كنت أعرف إنجليزي واجدأطقطق

بس قلت بس شكله يقول ياهو تبي تستانس ذا المره لا عادها الله من وناسة المهم

علي الطريق ودوخوني بكثر فرفرتهم وفي الأخير وقف الموترونزلوني

قلت وأنا معصبة مالك داعي ياشيخة كل هالحركات البايخة لله يأخذ اللي علمك تسوي مفاجآت

كنت احسبهم ودوني لبنت خالتي وإلا أسمع ذاك الصوت الخشن اللي يكون

(Shut up your Mouth) عاد هذي عرفتها مانعرف إلا الهرج اللي ماله داعي قلت

أفاااااا والله شكل المسألة مالها دخل ببنت خالتي هالدجه

ولا شي الله يستر بس من تواليها

نا أسكت ومشيت معهم زي مايبون<< عرفت إن الختم اللي شفته كان FBIلا تسألوني

وشلون عرفت ولم أنبس ببنت شفة << أروح مع الفصحى ياناس في الأخير

ودوني لمبنى ودخلوني فيه وقعدوا يسحبون فيني بأسيابه لين وصلوا غرفة ودخلوني

فيها جاء يمي واحد من الشباب المملوحين المذكورين سابقاً وفك عني العصابة اللي

على عيني وقال إجلسي على الكرسي يوم ناظرت لقيت طاولة طويلة وفيه كرسيين

متقابلين عاد من كثر شوفتي للأفلام قلت بس هذي للتحقيق.وين القزاز اللي يشوفونك

منه ولا تشوفهم قايلة لكم ذيبة ولأول مرة يصدق توقعي صارت هذي غرفة

للتحقيق صدق وجلس عندي واحد من الحراس والباقين طلعوا

بعد خمس دقايق دخل علي واحد من شكل وجهه تحس إنك تبي تنجلد لين تدوخ ما أدري

ليه حسيت كذا جلس في الكرسي وقال لي إجلسي قدامي جلست وأنا ما أدري

وش السالفة المهم قال لي أنا أبي أسألك كم سؤال وأتمنى منك التعاون

<<قالت لتعاون وإلا الرائد قال وت قلت أبد سلامتك إسلم قال مثل ماقلت لك أبيك

تتعاوني معي في أجوبتك وأي كذب ماهو من صالحك. قلت أوكي

قال ايش اسمك عذروغروري قال اللي بمنتدى تعب قلبي ماغيره قلت

وصلت وصلت آمر تبي شي ماشيات << ساعتها تطمنت وعرفت إنه يبي يتمصلح بس

لي 30 موضوع ولا واحد منهن مميز مايصير أنا حطيت رجل على رجل و قلت

والله شوف أنا وا أمداني أكمل إلا يقول بس إهجدي <<طبعاً مترجمة

قال خلاص هذا وقت الجد وشو له جاية لأمريكا قالت كنت ودي أزور

بنت خالتي الحلا << مالت عليها هع هع

تدرس هنا قال قال متأكدة من جوابك قلت أكيد قال طيب وش هذي الأغراض

اللي معك قالت معي إلا أغراضي الخاصة

وشوي تمر سكري وشوي كليجا جايبتها لبنت خالتي

ماتتركون عادتكم يالقصمان

قال هذا مربط الفرس هذا حسب توقعاتنا إنه يستخدم

للتفجير والتشريك قلت وش تقول أنت سكري يستخدم للتفجير قال لا الثاني قلت الكليجا

قال إيه هذا نوع من القنابل العنقودية المحرمة دولياً حسب معلومتنا

قلت إسمح لي أقولك إن معلوماتكم ماعندك أحد الحين على آخر الزمن يصير الكليجا

قنبلة لا يسمعونك اللي يصلحونها والله إن يحشرونك بتنكة كليجا

ويبيعونك لسوق الخردة

قال هذا مو سبب مقنع علشان تجين خير إن شاء الله أقولك زيارة تقول مو مقنع

الوش تعرفين عن القاعدة قلت أعوذ بالله وش قاعدته وش أسامة بن لادن

أنت بعد أنا ما أدري كملت هالكلمة وإلا لا إلا وهو يزعق للعسكري ويقول خذوها

شكلها منهم خذووووووها ويجيني ذاك النشيط وعليه ذاك الجسم اللي لو يودونه

للدكتور الربيعة كان فصله لثلاث رجال من كبره ويملتني <<يمسكني بقوة ترجمة

لغير الناطقين بالقصيمي مع علباتي وصارت رجليني تتحرك بالهواء وماتوصل

للأرض ومشى فيني وجدعني على غرفة الحبس الإنفرادي

وقام يجلد فيني لين غاص راسي بين كتوفي و صار حجمي دبل من التورم

أنا جلست أهوجس وأقول لاعادها الله من زيارةالحين الواحد يسوي خير ويلاقي

شر بس عرفت إن بنت خالتي ما دخلهابالأمور هذي كلها

وجلست على هالحال يوم كامل مانمت ولاشي وشوي وإلا يجيني العسكري ويقول

تعالي معي لغرفة التحقيق قلت خلاص رح انت وأنا أجي وراك

<< ماتعلب أنت ووجهك

قال ماسمعتك وش تقولين قلت سم يالله مشينا قال يه اضبطي وإلا وريتك

الشغل قلت طيب طيب ومشيت وراه ولاقيت هناك نفس المحقق الأول ولكنه الظاهر

عرف إني مالي بأمور التفجير والتشريك قال لي وهو يبتسم << هناإستانست

قال ً كنا شاكين فيك لكن تبين عكس ذلك بما إنك كنت حسن السيرة والسلوك

<<و أنتم عطيتوني فرصة

نبي نعتذر منك رسمياً ونخليك تقابل الرئيس براسه قلت

والله إنك رهيب وسنافي

وأشوا إرتحت وطلعت وأخذت أغراضي ووزعت الكليجا عليهم << إقتنعوا ياكلونه إلا

يوم أكلت منه وانبسطوا معي مرررة <<في ذاك الوقت نسيت الحلا المهم

ودوني للبيت الأبيض علشان يعتذر مني ولد حسين <<أخس غرورهـ من قدك ويوم

وصلت هناك دخلت عليهم وحطوني بغرفة الضيوف وجابوا لي القهوة العربية

<<والله من كبر هالنصبة بعد وشوي إلا واوباما بشحمه ولحمه قدامي

قال عفواً معليش الشباب كانوا غلطانين وأنا أعتذر نيابة عنهم قلت هذا أنتم بعد

ماتتوطون ببطن الواحد تقولون آسف وكأنه ما إنجلد ولا غيرت معالم وجهه

أحسن من ناس ماتوا وهدمت بيوتهم وما أحد درا عنهم حس إنهم صدق زودوها

معي قال خلاص ولا يهمك راح تروح معي لمزرعتي اللي ما أستقبل فيها إلا كبار

الشخصيات بس قلت عداك العيب والله بهذي عز الله إنك اوباما ولد حسين

يوم رحت هناك حسيت نفسي أمون عليه شوي قلت اوباما إلا ماقلتلي ليه أنتم غزيتوا

العراق بصراحة حركة والله مالها داعي قال صدق والله ماتنعطين وجه أحسن

قل لي شكلك مانتب راعي فلاحة وش هو له شاري هالمزرعة

بعد قلت آسفة آسفة وصكيت إثمي

وكنت أتمشى معه وأنا بس أشوف ولا أقول أي كلمة أخاف ينقز بحلقي المهم قال

شكلك حبوب قلت لا شراب << متعودة على هالمسكات مع الحلا

قال وش تقولين أنتي قلت أقول شكراً شكراً هذا من ذوقك وبينما نتمشى

بالمزرعة ألا يوم شفنا واحد من الكاوبوي جاي مشوت على خيله

وقالوا الحرس لازم نرميه قبل يوصل نخاف يكون معه قنبله أو مسدس عاد آوباما

مسوي فيها إنه مايخاف من أحد وإنه محبوب من الشعب قال لالا تجونه خلوه

يوصل ونشوف وش عنده يوم جا الرجال نزل من الخيل وهو يمشي

<< مسوي فيها حركة يعني وقال وهو يرفع يده

لاحدتك دنياك أو صرت مغبون ***وأقفى بوجهه من تعرفه من الناس

صد عنه والتفت و قال إيه جاي يشحذ خلوه عنكم بس طلعووووه

قلت زي اللي عندنا

الكاوبوي زعل مرررة وحمق ومير يقول يكمل قصيدته

تلقى ولد حسين وإبليس يلفون ***واحد خسيس وجاور له ناس خساس

بين إن الولد عصب ولا أدري وش صار للمسيكين بعده

وأنا وآوباما نتمشى يوم قال لازم تحضري معنا جلسة مع كبار صقور

القيادةالأمريكية قلت بنفسي إلا والله كبار الغربان وتخب عليكم بعد ياعيال الكلب خربتها

ههههه << طبعاً بيني وبين نفسي والله يانا حاقدة عليهم من جد

المهم حضرت معه الجلسة وكان فيها كل الأعضاء بس اللي لفت إنتباهي إنهم لهم

أسماء حركية الظاهر

وبعد جهد جهيد قدرت أترجم هذه الأسماء كانوا يسمون آوباما (ثور الحوش أحس

مافيه فرق بالحقيقة ونائبه الرئيس << الغراب السكران غراب هضمناها لكن

سكران ما أدري ليه

وكولن باول

<<كلب الدوبر بصراحة اللي واصفة عز الله إنه مسكت

وكونداليزا رايس

<<السلقة السوداء شكله نفس اللي واصفن كولن باول والله ياهو

حاقد على السود ورامسفيلد << الفقمة طبعاً يسمون بهالأسماء علشان التشويش بس

وكنا جالسين قال نائب الرئيس غرورهـ

ماقلتي لي من وين<< قلت من سعوديا أرابيان

أروح مع البلبل أنا قال عربية قلت لا معرب والجيل الثالث إيه أنت ووجهك

عربية,,, قام يعبط وجهه ويناظر الباقين ويرفع يديه كأنه يبي يطير..قلت ماعندنا فقمات

يطيرون إنثبر أنت ووجهك تعجبني الثقة بالنفس

قلت الملعون وش عنده لا يحطني براسه الحين شكله يبي يوديني غوانتاناموا والله

يسويها قالت زوجة آوباما إلا غرورهـ وش رايك بالديموقراطية اللي بالعراق قلت

تمام قالت أشوا بعد أحسبك تبيين تقولين شي ثاني << والله من حب المحارش عند

هالسلقة بعد وسألني هيلاري وقال إلا وش رأيك بالنظام العالمي الجديد قلت مثل

أي شيء نظام يخلي باقي العالم لكم عبيد <<مسويه راعي ثقافة أنا يوم أطريت كلمة عبيد

إلا و حمات آوباما ينتفخ وجها ويحمق بقوووة صار كأنه علبة حبر قالت وش تقصدي

بالعبيد الحين أنتي تبيني أكمل عليك

قلت أفااا صنقر هالعبد <<الصنقرة مفهوم عندما لا يمكن للشخص أن يستقبل أبداً عاد من

يفهمه الحين وأشوه مافكني منه إلا يوم قاله بوش أقول إركد ولا يكثر هرجك إيه أنت

العبد عندك مانع<< بعدي ياوباما

وقاطع جلستنا واحد من الحراس جاي لم آوباما وقال له سيدي الرئيس نانسي في خطر

وهي في حالة حرجة جداً وجه تغير وقال جيبوا لها أحسن الأطباء بسرعة

وترا أي شي يصير لها من التأخير أنت المسؤول قلت أشوه أثاريهم يهتمون بنا

يالعرب حتى لو كانت نانسي ولو إنها ماتستاهل لكن على الأقل أثبتت إنهم يهتمون

بالعرب والله ظلمناهم وشوي وإلا يجي الحارس ويقول سيدي كل شي تمام وكبير الأطباء البيطريين طمني وقال طمن الرئيس

قلت بيطري وش السالفة وبعدها في الأخير عرفت إن نانسي هذي كلبة آوباما

المدللة قلت لا والله صاروا يهتمون بنا يالعرب المهم لما كنا طالعين من قاعة

الإجتماعات لمحت واحد من المسؤولين العرب جاي يبي يسلم على آوباما ويعتذر عن

تصريحه اللي تكلم فيه شوي على أمريكا يوم غزت العراق قلت والله الرجال راعي

واجب وماقصرقلت وقتها بعذرهم والله يسوون فينا كذا وأزود بعد

عاد عقب هذا قلت آوباما اسمح لي ياطويل العمر أنا أبروح للديرة ولهت على الأهل

قال: الديرة وإلا البطحاء<< مسوي ينكت ذا الخبيث قال براحتك لكن لاتقطعين عاد إذا

جيتي لأمريكا مرة ثانية لازم تمرنينا بالمزرعة قلت<< أفلقني إن طبيت هالأرض مرة

ثانية.طبعاً كالعادة بيني وبين نفسي قلت أبشر مالك إلا اللي يسير

<< حشا والله صارت استراحة ورحت زي الصاروخ للمطار وركبت الطيارة ويوم

سمعت الطيار يقول أهلاً بكم في الخطوط الجوية العربية السعودية وأستانس وأكبت لكم

ذاك النومة>> من زمان ماذقت طعم النوم ولا أقوم إلا بجدة والحمد لله على السلامة

مايستفاد << أمحق

إذا كان عندك نية في الوصل لأقاربك فلازم مايكونون ساكنين بأمريكا

إذا شفت أحد يبحلق فيك ويناظرك ترا هذا مهوب دليل إنه معجبه شكلك..

أنا أموت وأعرف متى القصمان إذا راحوا لأقربائهم

اللي في المدن الثانية مايودون معهم تمر<< ترا انا قصمية عادي احشهم انتم لا هههههه

إذا ماقدرت تتحاشى النقطة اللي فوق ووقعت المصيبة

عليك بالفكس تراه زين ويمدحونه

لا تشتري مزرعة وأنت مانتب راعي فلاحة << قاهرتن أوباما

أنا أكتب لكم هذه القصة وأخاف إن الFBI يرجعون ويمسكوني مرة ثانية

عاد ساعتها لا تقصرون بالتمر والكليجا معي

[ღناعمة الملامحღ]

ههههههههههههههههههههه
جناااااااااااااااااااااااااااااااااااااااااااان


يسلموووووووووووووووووووووووووووووو

[همس الحاضر والامس]

هههههههههههههههههههههههههههههههههههههههه جنان القصه
يعطيك العافيه

[صاحب الكبسوله]

ههههههههههههههههههههههههههههههههههههههههههه
والله قصه ولى اجمل
يسلموووووووووووووووووووووووووووو
تقبلى مرورى

[بسمة مشتاقة]

ههههههههههههههههههههههه
يسلمووووووووو
رووووووووعة.,,