حينما تحققت امنية حصيصه

[راسي يمغصن]

السلام عليكم ورحمه الله

صباح الليل ومساء الصبح

حصيصه والبيضه

حصيصه من عائله قرويه تسكن باحدى القرى التابعه لمنطقة الرياض>>>ترى هذي البدايه عاقله

يعني اني مستحيه والا الخبال قادم

كانت حصيصه ذات التسع سنوات ..ذات السنون اللي قدام متكسرة وواحدن منهم مشرروم تقل

قشارة بطاطس ههههه

كانت حصيصه ذات يوم تلعب وتسرح وتمرح مع صويلح ولد الجيران واخوها عبيد ونوير وباقي

بزران الحاره





و في يوم من الايام كانو عيال الحاره يلعبون كورة وحصيصه ونوير وباقي البنات يشجعون

ويصارخون

ومع التشجيع والحماس تجي الكورة براس حصيصه ..وطاحت غشيه ومغشين عليها

ونوير تصارخ الحأوني ياقماعه دي البت غشيت >>>متاثره بالمسلسلات المصريه اللي تجي على القناة الاولى
(الحقوني ياجمماعه الربع البنت غشت ))

جا صويلح وعبيد وتشاقلوها وودوها للبيت ويوم شافتها ام حصيصه قالت حصيصه جعلتس الماحي

اللي يمحاتس يومني قايله لتس لاتروحين تشجعين عيال الحارة انتي ونوير..وش فادتس فيه يوم

طحتي مغشين عليتس .

قال صويلح خاله تراها تفاودز ..قال عبيد يووماااااااااه البنت غشيه وتبوسم لايكون ميته وهي

مبتسمه ..ياحظها الكلبه يمكن تجي شهيده ..ام حصيصه :جعلك الشرّ بلا لاتفاول على اختك



يامال

الضعفه اللي تضعف حيلك وتقطع نيلك

وتشاقلوا حصيصه ودخلوها بالحوش

وطلعت الجده بالحوش قالت وش ذا الزعاق وشافت حصيصه غشيه وشافت ام حصيصه تدعي على

بنتها ..قالت وجع يوجعتس بنتس غشيه وانتي ترجدينها بالدعاوي



بدال ماترششينها بمويه تقومين

تهاوشينها وهي مهيب داريه عنتس

بعد برهه من الوقت >>يمديكم على برهه هههههه

صحت حصيصه ولقت جدتها وامها قالت يمه وين انا فيه قالت امها بالحوش وين بعد قالت وش انا

منسدحه عليه قالت امها على الحصير

قامت حصيصه وهي ضايقن صدرها بالحيل

>>كانت تتمنى تنوم بالمستشفى عشانهم يحطون الفطور بيض مسلوق





المهم قررت تلعب على اهلها وتمثل دور اللي انخبلت من الطقه ..







المهم قامت تناقز وتكركر



قالت امها هاو وش جاتس يامال اللي

قالت حصيصه :وش جااه محبوبي مشى وخلاني

قالت ام حصيصه :مانتيب صاحيه عقب الشوته اللي جتس

قالت حصيصه :والله انا انا لاوريه والله انا انا مخليه

قالت امها :وجع يابنت وش فيتس يامال العلّه

قالت حصيصه :علّني مابكي عليك >>>من تاثير الرادوا عليهم







قالت امها :اقول ياعبيد دق على ابوك يجي نوديها للمستشفى شكلها انخبلت

قالت حصيصه:جاك يامهنا ماتمنى وجتك ياحصيصه البيضه

جا الابو :وودوها وكشفو عليها وقالو مابها خلاف ولا نوموها وقالو لابوها كانها ماتحسنت ودوها

لشهار ..احتمال يكون جايها ارتجاج

طبعا حصيصه ماحطت ببالها انها بتجدع بشهار :المهم كل يوم تتخيبل وكله عشان هالبيضه

المسلوقه

يئسوا اهلها منها

ويوم جو يودونها الشهار وهي تعترف لهم وانها كانت تسوي كذا عشان تاكل بيض مسلوق وتفطر

عليه .








رحمها ابوها

وبعد كم يوم

قرر ابو حصيصه يوديهم للرياض (العاصمه):عشان يوديهم لجيان







ويتقضون منها ويشري لهم بيض

سموا بالله و ركبو العفش وراحو لجيان :ويوم دخلو لجيان وام حصيصه

تصرخ وتقول ياويلنااااااااه الله لايغضب علينا وشذا كله يوة يوة يابو عبيد

الحقني راسي قام يدور

فيني الله لايخسف بنا وشذا البلاط اللي منظفينه

تقل ممحك بليفه حديد ..قالت حصيصه لاوالله تسنها قزازة سياره من

نظفها

و قامو يدورون عبيد لقوة رافعن الثوب ويتزحلق بالبلاط

وخذ الابو عربيه يدفها وراحو لم البيض وقامت تزاعق حصيصه يبه يبه

ياكثر دجاجهم شف بيضهم وجع وش ذا تقل مفرخه








وجت ام حصيصه :ويوم شافت طبق البيض واااجد قالت اناي لله وانا اليه راجعون

يالله لاتغضب علينا وش هالفسقه وش هذا يالله لاتغضب علينا ابو عبيد

خل نطلع لاينخسف فينا الارض (مشكله القراوا خخخ)








وطلعوا من جيان ولاا شتروا ولا شي

>>>حسافة المشوار اللي طقوه

وبالاخير رجعوا بدون فايده

>>>ام حصيصه مسيطره على الابو ماتلاحظون ان ابوهم ماقد تكلم ابد

وكل ماقالت له ام حصيصه شي قال طيب

وعودوا لديرتهم ومروا بقاله ابو صالح يوم دخلوها قالت ام حصيصه يالله من

فضلك يابو صالح وش زينها من بقاله مهب هذيك الله لايغضب علينا بس

وشرو اغراض بسيطه لكن للاسف مالقوا بيض من بقاله ابو صالح

ومرررت الايام ......

وكبرت حصيصه (يعني طلعت من الابتدائي)

راحت اول متوسط وجتها ماده الانجليزي وحسستها انها شي خخخخخ

المشكله كسلانه ماتعرف الا يس ونو

جاها عبيد قال حصيصه قالت يس اح يركض لامه و قال يمه تراها تقول

لي ياتيس

قالت امه انا اخت اخوي اني اخته من يوم جت المتوسط وهي

مهيب مره اجل تقول لك تيس

وراحت ام حصيصه لم حصيصه قالت انتي يالبقره وراتس تقولين

لاخوتس ياتيس ان ماعيرناك بعياره تركبك لين تفطسين






قالت حصيصه والله ماقلت له تيس هو جاني وقال لي حصيصه قلت له يس







قالت امها :ويس ذي وش معناها ؟؟؟

قالت حصيصه: يايمه انا تعلمت بالمدرسه انجليزي ويس كلمه انجليزيه

معناها بالعربي نعم

يعني يوم قال حصيصه قلت نعم بس بالانجليزي

قالت ام حصيصه :ايه تسذا اشوى بس ترى العنقليزي لغة الكفار وش تبين بها

قالت حصيصه: توك-لسى يمه مابعد شفتي شي

قالت ام حصيصه: اقول بس ضفي وجهتس

ويوم وصلت صف ثاني متوسط تعلموا كيف يطبخون الكيك





وطبخوا بالمدرسه وقالت لهم مدرستهم اللي تبي تطبقها بالبيت تطبقها







وتجيكم حصيصه مدرعمه

وتروح المطبخ وتحط طحين مع بيض مع

فانيلا مع ماء وسكر وباقي المقادير

وتروح تولع الفرن وهو يقب بكشتها وتصافق البيبان ويجيها رعده(نفاضه)

وتحسحس شوي من شعرها

واهلها لا هين يقشمون حب ويشربون شاهي ينتظرون الكيك

ويوم سمعوا مصافق

البيبان و شموا الحساحس وهم يتنا قزون ويوم دخلوا عليها لقوها منبطه(طايحه)

بالمطبخ وتنافض

والفرن منفجر وبيبانه متطايره وشعر حصيصه متحسحس

قالت امها: لا بارك الله فيتس ولا بكيكتس ولا بمدرستس اللي علمتس

وش استفدنا من المدرسه كلام كفار ودمار ديار خربتي بيتنا يامال العله

وهم يشقلونها ويودونها للمستشفى وينومونها ويطززونها بالابر لين

صار لون جلدها ازرق

وعقب كل هذاجابوا لها فطور بيض واخيييييرا

تحققت امنيتها



وطلعت حصيصه من المستشفى محققة امنيتها








انتهت









ان شاء الله تكونون استمتعتوا مع حصيصه بليزززززززز حقوق الكاتب محفوضه تمام

[حروفي كلها هيبا]

هههههههههههههههههههههههههه
والله يا حصيصه ذي يا انها مطفوقه
يسلموووو تقبلي وديي

[بــرنــس بــريــدهــ]

ههههههههههههههههه يذكروني بعيال ديرتنا

[ملكــ الحب ــة]

هههههههههههههههههههههههههههههههههههههههههههههههههه ههههههههههههههههه





مرررررررررررررررررررررررررررررة خططططييييييييره




الله يعطيك العافية


تحيات ،،،
ملكــ الحب ــة!!!

[منار&]

خاااااااااااااااااااااااخو فديت قلبها حصوووووص وكل الحصاصيين >>الي اسمهم حصه


مخابييل بالحييل ...

مشكووووووووووره ياحلوه