المنتديات
المنتديات
| روابط إعلانية |
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
| | أدوات الموضوع |
23-07-09, 05:18 AM
| #1 |
| |[ عـضـو مـبــدع ]| الدولة:  روابط إعلانية |  سيره وديوان شاعر الوطن فالح الهاجري السلام عليكم ورحمة الله وبركاته  الشاعر _ فالح بن قشعم الهاجري  \ / ((عالم من الفلسفه الشعريه العذبه )) \ / وطن من الأبداع في رسم المشاعر في أجمل صورها بحروفه الجزله أسم تعشقه الكلمات .. و تهيم فيه الحرووف ,,, لانه قمة في الأبداع و بحر في الجزاله فـ هو عالم من الجمال اللامحدود .. فالح :: اسم اختصر الإبداعـ بـ أسلوووبه ,, وعانق الغيم بحروووووفه ,, وجعلنا نهيم ونهيم في بحر قصائده دون كلل او ملل .. فالح :: يمتلك في الشعر مالا يمتلكه غيره , ويجعلنا نعيش في أعماق مفرداته , والارتواء من عذوبة بوحه .. لن تفيه الكلمات والحروف ويحتاج لألاف المساحات حتى تعبر عنه وعن جمالـ طرحه الراقي .. (( اما سيرة الذاتيه شاعر الوطن )) \ / \ /  |
|  |
|
23-07-09, 05:20 AM
| #2 |
| |[ عـضـو مـبــدع ]| الدولة: | رد: ● سـيــــرهـ وديـــوان شـــاعر الــــوطــن فالــــح الهــاجري● (( لنـ أطيل عليكم و أترككم مع أعذب الحروف و أجزلها )) (( ... الابرقه ... )) وين انت لك يوم غايب يامصبّ الوريـد ماتدري انك لاغبت أزعل وأعصب علـي أضيق لاغبت يامطلـق ولا عـاد أجيـد أرتب أصفوف ضيق الصدر والليّ يلي ! محبتّـك كـل يـوم وكـل ليلـه تزيـد وغلاك ماله وصيف ولا شبيـه وحلـي صحيح مجنون وتعايي وراسـك عنيـد لاقلت ماذا بلك !! بتقـول لا ذاه لـي ! لكنّ لاكبـرت الدعـوى وقـرب البعيـد عينت لك فرجـةٍ يدلـه بهـا المبتلـي أثقل من طويق وأقسى من صليب الحديد وأحلم من الحلم وأسمك مجد ماينجلـي يعني بعيني لحالك بيـد والنـاس بيـد الناس شلقة اجيوب وحضرتـك بنتلـي أيجابي أغياب ابوفالـح جديـد القصيـد وسلبي غيابه مواجع قلب ماهـو خلـي وانا بعد غيبتـك مانـي علـى ماتريـد أعدل العـوج وأكعـم ضربـة العايلـي من كثر ماأجحد صواديف الزمان الزهيد من غير لا أعلم لقيت الها معي فايلـي تنقضّت من جديد وجيتهـا مـن جديـد وهي من اخر لفت .. وأنا بديت أولـي مامنّهـا الاّ الجـروح وسجـةٍ ماتفيـد ترعى كدر مرتعٍ ضيقه ماهـو ممحلـي امضحيّه فالصدر وامعشيّـه .. والاكيـد انها تربّ الضلوع اللـي لهـا منزلـي وانا يامطلق على ظنّك وعزمـي شديـد شفني على الأبرقه شامخ وانا اخو علي الله خلقني كذا وأسمي لشخصي رصيـد ولا أعترف بالتبوع اللي ماتسوى طلـي ابلشتهم من بعيد .. بفكرتيـن ونشيـد وشلون لوني قريب .. ومحتزم يالشلـي عقلي بعيني كبيـر وراي مثلـي سديـد وأعرف متى مطلعي وأعرف متى مدخلي امخاطبة ناقصين العقـل ماهـي بجيـد اكبر خطى يرتكبـه العقـل فالجاهلـي اسمى تحياتي وشكـري واردد وأعيـد امتوّجـه يانجـوم الرابعـه وأعتـلـي عرفت منتس مالا كنت اعرفه من جديـد وعرفت باني كبير .. وعالمـي ممتلـي (( .. ياسود الليال .. )) وش بقى مـن غيـب الأيـام ياسـود الليـال يالله أجعـل مادهانـي ؟ يكفّـر لـي ذنـوب جفّت أقلام الأماني .؟ علـى صعـب المنـال ماتحقق مابغيته .؟؟ ومنّـه كيـف .؟ أتـوب كـلّ ماسلمّـت نفسـي .؟ لذعـذاع الشمـال تعترض لي شرهت اسهيل .؟؟ وادفعها جنـوب بري حالي .؟؟ مابقـى للمغربـل وسـع بـال كـلّ ماحصّـل لـه ادروب .؟ تقفيبـه ادروب يالله إنّـك لاتخلـيّ وجــودي راس مــال غير ميزني على الغير .؟؟ في حلـوّ السلـوب شرهـة الأيـام .؟ تزعـل عذييـن المجـال خصّ لا ساوت صـدوق الحقيقـه والكـذوب كم بهتني .؟؟ حضرت الحظ .؟؟ مكسور الأمال واتحفه من برد عمري .؟ وأخاف إنّه يـذوب لأن عمر الحـظ .؟؟ مالـه ثبـوت ولا عـدال يا ؟ يميّز صاحب الذوق .؟ يا ؟ يقعـد بثـوب بـس .؟ غنـيّ للمقابيـل .؟ يأيـام الـزوال ماعلى الله باب ضايـق .؟ ولا درب محجـوب التجارب .؟ تعطيّ الرجل مـن جيـز الرجـال وعارفة رجّـال .؟؟ تسـوى رجـالٍ ماتنـوب كتلة أفكاري .؟؟ تجزء علـى ميـل الضـلال خصّ لا أغفت بسمة الشمس .وأغواها الغروب كنّها .؟؟ تندب على أحـزان وتصـوّت بحـال افزعي يانكبـة الحـظ .؟؟ للصـدر الجـذوب والله إنّ ؟ واقـع صداهـا بصـدري لايـازال مثل واقع صوتك العذب .؟؟ فينـي يامحبـوب اقدر اقزّر شقا الوقت ؟ مـع ضحـك العيـال بس كيف أقـزر العمـر ؟ يانبـض القلـوب يـا مذوقنـي مـن الـمـرّ ؟؟ وورودك أزلال لاتحملنيّ ؟؟ ترى الصبر طوب ونـوب عـوب ترسل أشواقـك رسايـل ؟ وأجاوبـك أتصـال ترقص اسماعي لصوتك .؟؟ وحكيك ياللعـوب كل نبره .؟؟ تعطيّ الصوت .؟ وصفٍ مايقـال بـس يالبيـه ؟؟ فيهـا شفافـيّـة عــذوب يا مخلصني من افكاري .. الشحب .. الجـدال ومعتق .؟؟ أمالٍ تغنيّ طرب من كـل صـوب مّرنـي عصريـةٍ .؟؟ مارعـاهـا الأنفـعـال ووزع اكواب الغلا .؟؟ للهبايب كـوب كـوب وحطني بعيونـك .؟؟ اشعـور يحييـه الـدلال وأجمع شتاتي .؟؟ وعرضني أنسـام الهبـوب وفكنيّ من حسبـة أفكـار .؟ ناتجهـا خيـال وعدنيّ من مرحلة .؟؟ درس تاليتـه رسـوب وحط مـن بينـي وبينـك ذعاذيـع الشمـال بس أنا وجهي شماليك ؟ وأنتي مـن جنـوب |
|
| |
|
23-07-09, 05:22 AM
| #3 |
| |[ عـضـو مـبــدع ]| الدولة: | رد: ● سـيــــرهـ وديـــوان شـــاعر الــــوطــن فالــــح الهــاجري● (( ... لاتجرح اشعوري ... )) تشبعّت نفسي من الصكّـات والوقـت أمتحـان والحمد للّـي بأمـره المسلـم يظـلّ ويهتـدي ياكثر ماني بأتعـزز وأجحـد أطعـون الزمـان اللي بعضها ينقـض جروحـي ويحداهـا حـدي ماالله خلقني للظنـون اللـي مسامرهـا هـوان بأموت ياخـدي ماعنزتـك علـى راحـة يـدي لو كان حزني في زوايا القلب ماخـذ لـه مكـان والدمـع يحرمنـي ملـذّة مايـحـل لمـرقـدي لا بارك الله فالهبـوب اللـي تغانمنـي عشـان؟ أبيح شيٍ لو عرضتـه للعـرب طـاح أجهـدي لكن هبيّ دام راسي له مع أهـل الشـان شـان 0أعصير توّه منتهـي ! والليـل تـوّه مبتـدي أبكرب أحزامي وأعصب الراس وأعن الحصـان وبهد ليلٍ شـرّد أطعونـه علـى البيـد أتعـدي أنا سمحت ومملكـة الأحـلام ماتعطـي ضمـان لاصار شفي سرمـدي والحلـم ليـلٍ سرمـدي وشلون أصدق فلسفة الأحلام وأعطيهـا الأمـان والوقت بالصوت إيحدي وأنا على الصوت أحدي غنـى يمـوت المـرءُ فـي عـزٍ ولا ذلُ يُهـان وغنيت له حسبي على الأيـام والحـظ الـردي أنا بشر وأحس وأحساسي شعـوره شـي ثـان وأحب وأكره وأبـذل ليومـي ولا أهتـم لغـدي وأعشق هوى الغربي وذبّ الصوت في علوّ البيان والذود والمربـاع والمرقـاب والسيـر أوحـدي وأهيم فالروض الخضر والمـاء والعـود الليـان وأرسم طموحي وأبني أمالي على سطح الجـدي شاعر وتفسير الخيال أمـر مـن مـسّ البطـان وأخـاف يجرفنـي شعـورٍ مايفسّـر وأغـدي!َ ياصاحبي لاعاد تقصاني ترى اللـي كـان كـان لاتجرح اشعوري وانا من جور الأيام أمحـدي بذلت مجهودي وبار الحظ فـي جهـدي وخـان ولا كل من يجهد يصيب ولا على المجهـد فـدي هانت وأنا مانـي بلـوم النفـس لافـات الأوان أمّا وصلت لمقصدي ! لابدّ ما أوصل مقصـدي والا انت يغلبك الشعور ورقّة أحسـاس الحنـان وأقصى طموحك وردةٍ حمراء وتي شيرت وبدي! غاوي وتلعبّك هبـوب النـود لعـب الخيـزران وأمنين ماهبّ الهوى ميلّـت يالغصـن النـدي (( ... رنج روفر ...)) راكب اللي حجـم ماطـوره .. يغيـض سيـوره ماتهـنـدس فـيـه يابـانـي ولا الألـمـانـي صمموه الليّ .. خـذو لا أجلـه دروس .. ودوره ليـن صـار أستايلـه .. ثانـي وعالـم ثانـي كـنّ حـسّ محركاتـه .. لا أشتغـل مـاطـوره جـادلٍ يهمـس بصـوتٍ .. يقصـره بالعـانـي ويش أوصف فيه .. مـن بديّـه ومـن ديكـوره لا أعترض لي .. قلت بسم الله .. ماشاء الله كاني إنّ نطحتّه .. شفـت نـورٍ ينبعـث مـن نـوره وأنّ قفيته .. يعطـيّ أسطبّـه .. ثـلاث الوانـي لا نتهض .. مقـدم جنابـه قلـت : قايـد ثـوره ولاخذى عزمه .. طمـوحٍ مـن هلـه زعلانـي وإنّ ركبته قلت كنيّ .. عضـوّ مجلـس شـوره أو خـوّي مـقـربٍ للفيصـلـي .. سلطـانـي هيبتـه حتّـى بتسميتّـه .. تقـول أسـطـوره تـوّ كبوتّـه .. شعـار .. وبـابـه الـورانـي رنج روفر .. فـور ويـل .. وهندسـه مغمـوره هيدروليـك .. وبرمجـة شاشـه .. وماجلانـي كاسـحٍ لونـه بيـاض .. وشعشعـت بـلـوّره وداخليّـه بيـج .. حتّـى .. قبضّـة السكّانـي لا أشتغل ومسجلّه يطـرب .. علـى أبـو نـوره كـلّ ماغنـىّ بصـوت ( أبعـاد ) زاد أجنـانـي منوّة اللـيّ مستضيـق .. وطالـعٍ مـن طـوره لا طرالـه غالـيٍ .. فـي ضاحيّـة بـن ثانـي دقّ سلفه .. وأنجلـى همّـه .. وزان أشعـوره عقب غلاقّة ضحـى .. وأعصيـر .. ومسيّانـي الله اكبـر .. كـلّ ماأشتقتـه .. وجيـت أزوره صار قاصـي راهـي الطرقـه .. بعينـي دانـي يوم أجيه وماضي الذكـرى .. يعيـد أحضـوره يلتهـب شـوق الضلـوع .. وينحنـي شريانـي أطرقٍ .. جامع خصال الزين .. صـوت وصـوره ذرب طبع .. وقبلتـه قبلـه .. وشانـه شانـي كلّ مـا يغضـي بسـودٍ .. عكشّهـا مخطـوره شفت بأحوّرهـا أسيـوف .. وملحمـة فرسانـي يبعـد أعماسـي .. بسجّـاتٍ علـيّ محـظـوره يابعـد ليـلٍ مسـاريّـه .. يـزيـد أحـزانـي والله إنـيّ يـوم أجيـك وغايـتـي مـسـروره كنـيّ مرشّـح لحكـم .. وفــارق أستبيـانـي دام حبّـك يالغـلا دولـه .. وأنــا دسـتـوره رح تسيّـد فـي حشـاي .. ومجلسـك وجدانـي ودامك أوّل من نـزل قلبـيّ .. وسيّـس سـوره ليـه .. ماأعيّـد وقربـك فـي حمـى حـدانـيّ ياشـعـورٍ لاكتبـتـه .. مـاخـذل جمـهـوره يـوم أغيّـب فيـه .. وأفكـاري وقـار الحانـي لين أصوّر كـلّ بيـتٍ .. فـي جمالـك صـوره وعقبها مانـي بشانـي منـك .. صـح السانـي |
|
| |
|
23-07-09, 05:24 AM
| #4 |
| |[ عـضـو مـبــدع ]| الدولة: | رد: ● سـيــــرهـ وديـــوان شـــاعر الــــوطــن فالــــح الهــاجري● (( ... قريت صفحات الكتـاب ...)) يامعرضٍ قلبي على شـيٍ وصولـه مستحيـل عزيت قلبي من هـواك .. وشيّعـت مراسمـه ماكنت أظن إنّ الفراق يغيّـر العقـل الثقيـل حتـى عرفـت إنّ الربيـع أتغيّـره مواسمـه حطيت لك بأقصى الحنايا شيّ ؟ ماحطّه نزيـل وبنيت لك قصرٍ قوامك ؟ فـي علـوّه راسمـه واكبر دليل إنّك مغيّبني !! وأخـذ منـيّ دليـل حبّك لحال ؟ ومن جنابك حبّ غيرك ( قاسمه ) عرضتني صبحٍ غثاه ايبيـن فالصبـر الطويـل تبدلّـت صلـف الريـاح وضيّقـت مناسمـه طاوعت طيشك بأنفعالاتـك وسوابـي جميـل قريت صفحات الكتـاب .. وبيّنـت طلاسمـه مافيه داعي تعتذر ؟ لأنك مثـل عـذر البخيـل ماهو بلا داسم ؟ ولانفسه بعـذره .؟ داسمـه نفسي منزحها من الهيّن .؟ ومن كسب القليـل ولا أرتخي لاشفت للدعـوى مواقـف حاسمـه عبرة زمن وأنا أعتبره درس ؟؟ والشكر الجزيل للبسمه اللي فصلت لي .. بسمتـك ياباسمـه عزلت من حبّك .؟؟ لأنه من ملف المستحيـل! تلحق على قلبٍ غرامه .؟؟ شيّعـت مراسمـه (( ... ياوجودي ... )) ياوجودي ؟ كل ما أطروك ؟ يالعقـل الرزيـن وجد من فارق محبّه ؟ وقلبه .. مـا أنتحـى لا غوى بي ؟ راعي الذوق.. وضّاح الجبيـن صارت الدنيـا بعينـي ؟ كبـر حبّـة رحـى دالهٍ منّـك مـن العـام .؟ ياملـح السنيـن أحسبٍ حبّك محى ؟ وأثر حبّك .. ما أنمحـى ماسمحتك .؟ ياقبـالٍ .مـن الفرقـا حزيـن ولا فراقٍ سمّ حالي .؟ سوى فرقـا الضحـى واحدٍ .؟ لاشفت زوله .؟ دريت إنّ لي خديـن كلّ ما لديت .؟ لشفاه .. دنّـق .. وأستحـى لوّ بوصّف محتوى .. الوصف من عقلٍ وزين يمكن .؟ أقصر ماتبقّـى .. بشـيٍ ماوحـى مايدلهنـيّ مـن فـراقـك ؟ الا حاجتـيـن سجّة أقدامي .؟ ومجلـس كريميـن اللحـى والا أنا قلبيّ لذكرك .؟ مسـوي لـه كميـن إنّ رقد ماقام ؟ وإن صح صحوله .. ماصحى! ماذبحني غيـر حبّـك . وطبعـك ياضنيـن وأحترامك لي . وعطفك . ولطفك . والسحى (( ... لاتخاطبني ... )) ودي أجهـل شـيّ ماكنـت أظنّـه ينجهـل - - وأثر من لا يعـرف الشـيّ غصـبٍ يجهلـه ياعذابـي مابقـى شـيّ فعيـونـي سـهـل - -- دام شـيٍ مانسيتـه ؟ ربـيـت بمدهـلـه لاتخاطبني ؟ بماذا ؟ وكيف ؟ ومـن ؟ وهـل - -- وأنت ؟ لا هذا ؟ ولا ذا ؟ ولا منه ؟ وهلـه أنت من قـومٍ علـى الضـد مافيهـم مهـل - -- لابةٍ عاشت على الصعب من قبـل أسهلـه من حلم في قمّة طويق ؟ ما أغـراه السهـل - -- السهل له ربـع ؟ وطويـق ربعـه تزهلـه كيف أشوفك علم يكسـر متاهـات الجهـل -- - وأنت لا تاريخ باقـي ؟؟ ولا شفـت أجهلـه غيـر قصّـة راويٍ يحكـي أفعـال الكهـل -- - كيـف أصدقهـا ؟؟ وعـذر الليالـي ممهلـه لاتقول إني معك ؟ وأنت في حسبـة الأهـل -- - ما أنت بهلٍ لي ؟ وأنا منـك ماجبـت بهلـه ولا تعـذّر والعـذر مـن تضاريسـك ذهـل - -- لاهوى غربي ؟ ولا الديـم نوضـك ياهلّـه عقب مانت بخايـع القلـب ديـمٍ يستهـل -- - ربعّت به بهجة العمـر ؟ وأضحـت مبهلـه صرت من بينك ؟ ومن بيـن ذكـرٍ يستهـل -- - كـلّ مـا مريـت صوبـه ؟ خيالـك يذهلـه بيّض الله وجه ؟ ماذا ؟ وكيف ؟ ومن ؟ وهل -- - علمتني شـيّ خافـي ؟ وأنـا كنـت أجهلـه (( ... يامورّدني ... )) يامورّدني على أقصاي لاتبحـث خفـاي " " كل شيٍ يلحـق النفـس مافيـه بركـه مستقلٍ حبّك اللي تربّـع فـي حشـاي " " لين سبب في محاني ظلوعـي معركـه همت فيك ولاتسمّعت في حكيّ أقربـاي " " والدليل إنّك زرعت الغـلا قبـل أدركـه فاطمٍ قلبيّ من الغيـد يانشـوّة رجـاي " " لاسمعت أسمك غدى فالمعاليق ...أحركه ماخذك طيش الليّانه ..وثقلٍ هاي هـاي " " وأنطباعي من سلوك الديـار المشركـه ماتنام الاّ على صوت تقسيمه .؟ ونـاي " " الدلـع متلبسّـك مـن علـوّه لأدركـه شيب عيني من سواياك ياسلوّة هـواي " " مابقـى للقلـب عـرقٍ جديـدٍ تشركـه والله إنيّ عارفٍ مستواك .. ومستـواي " " غير أدلّه قلبيّ الليّ حفى الوجد أفركـه لاتذّكـرت المواجـه ومعرفتـك وجـاي " " قلت جعل أبرك لياليك ..ليلٍ مـا أبركـه بس عذروب الصغيّر ..حراكاته معـاي " " لانهيته ؟ قال طبعي : وأنا كيف أتركـه قلت بالله يأطرق العود لاتبحـث خفـاي " " كلّ شيٍ يلحـق النفـس مافيـه بركـه (( ... لاتعتبر كبوّة خطاك ... )) لاتعتبر كبوّة خطاك .. ؟ اتقـل مـن قـدرك شبـر وانت اعتزازك فوق مايطـريّ علـيّ ومـا عليـك ياعزميّ الليّ من صغـر ؟ يطمـح لعقليّـة كبـر ماهوب حيّ الله ؟ جنابٍ ؟ لازعـل يرضيـه شيـك اي والله انّك .؟ من ولات الأمر . بعيـون الصبـر وبعيوني اغلى مـن هـذاك وذا وذاك وذي وذيـك ياملقنٍ قلبيّ دروس العمـر .؟ واصـدوف العبـر حتى وصل ؟ واستأصل أكمـل مايليـه ؟ ومايليـك حتى عرفـت انّ العمـر ؟ تالـي مشاويـره قبـر وانّ القبر ؟ يحضن فقير ؟ ومغنيّ ؟ وشيخ ؟ ومليك لكنّ علـى الله ؟ يابديـه الفكـر ؟ يـأول معتبـر ياملهم أفكار القصيد ؟ وجامـع أشتـات الدريـك لكّ منزلٍ في عين جمهورك .. ولـك عنـدي خبـر وحقّك عليّ ؟ أعطيك من فيض المشاعر ؟ وأهتويك ماهـو بحـبٍ فيـك ؟ والاّ لهـوّة أوراق وحـبـر أكتبك مره ؟ وأمسحك ؟ وأروح ؟وأعوّد ؟ وأجيـك لاوالله الاّ نبض قلـبٍ .؟ يسبـر ضلوعـي سبـر حتى دريت انّ كلّ نبضه ؟ فالخفوق اتقول ؟ أبيـك لبيك .. ياجابـر خفـوقٍ ؟ فـي غيابـك ماجبـر مستوطنٍ حبـك بعطـف ؟ وكـلّ مايملـك بيديـك من كثر ماني ؟ بأعشقك ..وأموت بك ؟ يأسمر عبر أحب أخوك ؟ وما يحب أخـوك ؟ وأغلـي والديـك ياخيـر حـظٍ لاقبـل يقبـل ؟ والـى دبّـر دبـر أكذب عليك ؟ أن قلت لك مابيك ؟ وأنا ..أموت فيك شفني على شطّك ؟ غريب أحساس ؟ ياشطّ الخبـر لا تبحث أعماقي ؟ قبل ما أنهيك ؟ وأنـا مبتديـك إنّ كنت ناويني ؟ بقطع أوصال ؟ وأسمـك مختبـر يمم مظاهيرك ؟ وأنا شبعان من هـذي وذيـك |
|
| |
|
23-07-09, 05:26 AM
| #5 |
| |[ عـضـو مـبــدع ]| الدولة: | رد: ● سـيــــرهـ وديـــوان شـــاعر الــــوطــن فالــــح الهــاجري● (( ... يقول الحزين ... )) يقول الحزين اللي مع الحزن صال وجال وبدى مرقبٍ عـدّاه قبـل المسيّانـي انا كنت اعذل الليّ يقول الرجم غربـال خرافات بـدوٍ مالهـا قاصـي ودانـي رقيته بعد مامال فـيّ العصيـر وطـال ولقيت وجهي للهوى غيـر ماامدانـي تهاوت مراميس المواجع عليّ بالحـال ولا أحتلت فالأول ولا أحتلـت فالثانـي اكن المواجع وأنقل الحمل لامـن مـال ويحس بوجعها واحـدٍ جـاه ماجانـي وجودي ليا لديت فـي باقـي الأطـلال وعرض لي من الماضي تشاكيل والواني تغيّبت من واقـع حياتـي وأنـا لازال على قيدها واظـروف وقتـي تحدّانـي تشقويت فـي قلـبٍ خوافيـه ماتنقـال وتذريت من عينٍ تبي بـوح وجدانـي وشكوىّ لغير الله عيبٍ علـى الرجـال خصوصٍ ليا من صار طيّب وله شانـي يحلّ العقـود اللـيّ مايلقالهـا حـلال ولايتقـي لاصـار للعـلـم نيشـانـي هاذي والله الليّ عللّت بي وانا ماأحتال اغيّر فسَلـم ابـوي واسلـوم جدانـي ربينا على قوّ العزايـم وطيـب الفـال ويلين الحديد وقاسي الـراس مالانـي لوّ ان الزمان ايحدنا والظـروف اثقـال تبسـم حدينـا كـنّ ماكاينـن كانـي تلاميذ مجلس طيب من عادنـا جهّـال ولاغيرتـنـا العولـمـه والتمـدانـي ولانقول في هذا ولا في هـذاك اجـدال بسّامنا مطلوب فـي بعـض الأحيانـي والى صد من بعض المواقف رديّ الخال نبيّـن ولافينـا جبـانـن وخـوّانـي تعديبنا الشيمات من مجلـس الانـذال ولانتبـع المقفـي ولانزعـل العـانـي نعشق المراجل عشق وايل لبـن هـذال وانحب الظفر حب الهواجـر لقحطانـي جميع الخصال الطيبّه جات بأسترسـال 0على مرقبٍ مبـداه ماهـو بيخفانـي بديته حزين وكل مافيـه ضيقـة بـال وحوّلـت منّـه كـنّ ماكاينـن كانـي (( .. الوجعه المدميه .. )) أتلى العهد في فـؤادي يـوم خليتـه وقفيـت وأعيونـي الثنتيـن يبكنّـه شرحت وضعي على صـدري وفليتـه ولقيت صدري من الليّ صار له حنّه! أسرف بي الوجد والطـاروق شليتـه وشعاير الصوت في صدري لها رنّـه مستاجعٍ مـن يـدي والحـال بريتـه والوجعـه المدميّـه ماهـي بمنكنّـه الله يسامح صبـي عينـي وراعيتـه خلانـي أبـدّل السـجّـات فالـونّـه مايلتفـت لـوّ تعمـدتّـه ولديـتـه الاّ على اللي تجيب الشبط .. فالكنّـه عفريـةٍ حبّهـا العـذري تقهويـتـه وكيّفت الأحساس من هيله ومن بنّـه كل مادعانـي بعـال الصـوت لبيتـه وأنقاد مـن غيـر لافضـلٍ ولامنّـه أجيـه واليـا وصلـتـه ماتعديـتـه جيّـة رفيـقٍ رفيقـه مبطـيٍ منّـه أسج فـي عالـم أسلوبـه وأتاكيتـه وأقول من لاعشق مثلـه ياعنكنّـه ؟ ماذاق ملح القبال .. اللـيّ تحاليتـه ولا أغرتـه كلمـةٍ معسولهـا جنّـه أمشاهده .. لا أنكسر خصره ورديتـه وميّـل بليـلٍ حريـره يعجبـك فنّـه ينسيك طعم الحليـب اللـيّ تغذيتـه وتسج مـع عالـمٍ فالحـب منجنّـه والحـب لـولا متاهاتـه وتنهيـتـه ماصوتـوّ للقلـوب وجـات مستنّـه قلب الهواوي خضر .. والولف راعيته ومن حبّها له تدكـه رفـق وأتحنّـه تصبح بشطّانه .. وتمسـي بزاويتـه وكل عرق ينبض خطا .. مسئولةٍ عنّه أقفو بهـا اللـيّ شببهـم ماترجيتـه وأسلوم الأجواد مثل الفرض والسنّـه راحت سنه كامله لاجا .! ولا جيتـه وحبّه على ظنيّ .. وحبيّ على ظنّـه أقفـى وجرحـه بقلبـي ماتشاويتـه وأقفيت .. والبعد جرحٍ ماأقدر أكنّـه مايوجع الرجل .. ويحـرّك تناهيتـه الاّ ليا مـن فقـد لـه قطعـةٍ منّـه |
|
| |
|
| الإشارات المرجعية |
| أدوات الموضوع | |
مواضيع مشابهة | ||||
| الموضوع | الكاتب | المنتدى | الردود | آخر مشاركة |
| الوطن .. إنتي الوطن .. وين الوطن ؟ | عبدالله الوقيدي | شعر و شعراء | 48 | 13-01-11 05:32 PM |
| حادث تصادم بين طائرة في الجو وحيوان في الأرض | دايم الحنان | صور - كاريكاتير | 22 | 20-06-10 06:50 PM |
| واجمعك فالي | ابراهيم القربي | شعر و شعراء | 32 | 21-05-10 12:46 AM |
| شاعر قطري يكشف تلاعباً في تصويت شاعر المليون | الزين الاصيل | منتدى الأخبار المثيرة - عالم الجريمة | 25 | 29-03-10 09:39 AM |
| نتيجة معا شرة جنسية بين انسان وحيوان | شو26شو | منتدى الأخبار المثيرة - عالم الجريمة | 16 | 16-09-08 03:52 PM |
