روايه [ دنيتي على مزاجي ] من تأليفي ..

[فيلسوفه زمانها]

سلااااام ، روآيهـ رووووعه خيآآليهـ ..

.,.,.,.,. ْ~ دنيتي على مزاجي ْ~ .,.,.,.,.

القصه كلها عن 3 توائم و كل وحده لها شخصيتها الخاصه

روان : عايشه حياتها على الموسيقى و الاغاني عربيه او اجنبيه و لازم تنتقم من اللي يتعرض عليها

شهد : مسترجله درجه اولى و ما عندها تفاهم و لا تحب احد يتحكم فيها

ديما : نعوومه و دايم كاشخه و ما تعطي اي احد وجه

هذولا 3 توائم مستحيل احد يفرق بينهم الا بالشخصيه و طريقه اللبس

طيب وش رايكم نتعرف على عائلتهم ؟

فهد : الابو.. حبوووب مره و لا يرفض اي طلب لعائلته

امل : الام ..تحب الطلعات كثيير و تحب تكشخ عائلتها و بيتها

ريان : 18 سنه ( ثالث ثنوي ) عصبي شوي وما يحب القعده بالبيت و هوايته التفحيييط

رامي : 13 سنه ( اولى متوسط ) يمووت على الكووره و مشكلجي يحب يتمشكل كثير

دلع : 8 سنين ( ثالث ابتدائي ) اسم على مسمى دلووووعه.. و اللي يعطيها كلمه تردها عليه بعشره

الفصل الاول / الجزء الاول

امل تقوم عيالها عشان اول يوم مدارس

امل : ريان ريان يلا قم

ريان بكسل : طيييب طيب

امل بعصبيه : رياان يلا بسرعه

ريان : طيييييييب

امل راحت تقوم بناتها

امل : رواان يلا حبيبتي قومي

روان : يا ماما لو سمحتي خليني انام

امل معصبه : قووومي لا تتأخرين بسرعه

روان : مراح اتأخر خليني انام

امل : لا يا شيخه الثنوي مو مثل المتوسط تتأخرين على كيفك

روان معصبه تبي تنام : طيب روحي قومي شهد

امل رفعت ايدينها : الله يهديكم

امل : شهد يلا بسررعه قومي

شهد بساابع نومه : امممم

امل : يلاااا شهد

شهد قامت : خلااص قمت

امل : ديمي يلا حبيبتي قوومي

ديما : ماما بليز والله ما امداني انام

امل : ديما لا تعذبيني بسرعه قومي

ديما : يوووه خلاص قمت

امل شافت روان اللي الى الحين نايمه : روااااااااان

روان رايقه ع الصبح تألف اغنيه : ما احلى اسمي على لسانه .. ما يدري اني اقوم بس علشانه

امل معصبه حدددها : روااان يلا بسررعه تأخرتوا

روان : خلاص قمت قمت

امل راحت تقوم دلع : دلوعه يلا قومي

دلع : ماما ليش اليوم اقوم بدري

امل : عشان المدرسه نسيتي

دلع : اييييييه صح يعني اليوم اشيل شنطتي اللي تلمع

امل : اييه حبيبتي اليوم تشيلينها و تشوفين صديقاتك

دلع : ماماا

امل : نعم

دلع : فيه وحده من صديقاتي عندها زي شنطتي تلمع ؟ اصلا هم ما راحو دبي ما عندهم زيي صح

امل : ايوه محد عنده يلا بسرعه قومي الحين

امل راحت تقوم رامي

امل : رامي رامي

رامي نايم ما يرد

امل : رااامي

رامي : هلا هلا

امل : بسرعه يلا قم

رامي يستهبل : و لييه

امل معصبه : تراني معصبه خلقه لا تعصب فيني زياده

رامي : ههههههههههههه انشالله

امل راحت تشوف وش صار على ريان و لقته نايم

امل معصببببه : رياااااااااااان

ريان نط من الروعه : قمت قمت

.................................................. ........................................

ديما : روان وين الاستشوار

روان : يا الله تكفين ارحمي شعرك و الله كذا احلى ( ديما و كل اخوانها شهورهم كيرلي ( ملفلف )

بس انه موب خشن ناعم بس كيرلي ) روان و اخواتها لون شعرهم عسلي و عيونهم كبار و لونها عسلي

ريان شعره بني عاامق و عيونه كبار و سود و رامي شعره بني فاتح وعيونه كبار و مكحله لونها عسلي

و دلوعه مثل رامي شعرها بني فاتح و عيونها مكحله و كبار عسليه (طالعين على امهم بعيونهم العسليه

اما ريان طالع على ابوه )

ديما : يختي ما طلبت رايك قوليلي وينه و بس

روان : انا اعلمك الاحلى و انتي بكيفك

ديما : رواان طيب علميني وينه

روان : فوق تسريحتي

دلوعه تركض بسرعه عند ديما : دييييييييييمااا

روان و هي تكحل عيونها : شوي شوي لا تطيحين

دلوعه : حطيلي لماع بشعري و حطيلي مايك اب

روان : مايك اب مره وحده ..اقول طيري بس

ديما : شدخلك انتي .. تعالي احطلك

ديما لبست دلوعه فستان وردي الى نص الفخذ و جزمه مفتوحه ورديه و لبستها اساور وردي

و سلسله ورديه و حطتلها قلوس و حطت بشعرها لماع .. طلعت تجنن

روان : احلاا يا الكاشخه ..كأنها رايحه حفله سهره موب مدرسه

دلوعه : شدخلك انتي

روان : الباب اللي دخلك

دلوعه : طيب ما فكرتي تصقعين راسك فيه

روان : دلوعه انقلعي بس

دلوعه : والله ما اتحرك انقلعي انتي

شهد دخلت عليهم : يلا للحين ما خلصتوا

ديما : خلاص خلصت

روان : ايه و انا بعد

دخل عليهم رامي و كاااشخ حده : سلام

روان : احلااا يالمتكشخ

رامي : ايه بذوب البنات

ديما و روان : هههههههههههههههههههههههههههههه

شهد : ترا ريان يستناكم بالسياره بسرعه

راحوا كلهم و ركبوا .. روان ركبت قدام

روان : لحظظه نسيت الايبود حقي

ريان : لا يا شيخه رايحه مدرسه و بتجيبين الايبود

روان : وش اسوي مقدر اعيش بدون الموسيقى

ريان : اقول اص بس

روان : ما علي منك بجيبه يعني بجيبه .. و نزلت

هم ينتظرونها بالسياره الين رجعت

ريان من غير نفس : بدري كان ما جيتي

روان مبتسمه : من عمرك

شهد : مر البقاله باخذ ببسي

ريان معصب : وش ببسي و انتم لازم تخالفون

شهد : ريان مر البقاله و انت ساكت

ريان : سواق ابوك انا

شهد : ريان هي على طريقك مرها

ريان معصب : طييب طيب ما منكم فكه اعقلكم ديما

دلوعه : ههههههه لا جايبه جوالها هههههه

ريان : ديييما مجنونه انتي

ديما : ياخي بكيفي

وقف ريان عند البقاله : شهد بسرعه ارجعي

شهد : ابشر ابشر

دلوعه : و انا بعد بنزل آخذ توكس

رامي : جيبيلي معك

رجعوا شهد و دلع و راحوا المدرسه

و فحط ريان عند باب المدرسه

ديما معصبه : ريان تراني موب مستغنيه عن روحي

روان : رجااااءً تبي تفحط فحط لحالك

شهد : والله انكم دلوعات و انا اقول دلوعه طالعه على مين ..فحط طيب وش فيها

ريان : اقول انزلوا بس

اول ما دخلوا تجمعوا عليهم كل البنات : ديماا ديماا اشتقنالك ....الخ ( ديما كانت مشهوره بالمدرسه و كلهم

يحبونها ) ديما : اهلييين اشتقتلكم اكثر ... وين ريما

وحده من البنات : بالكافتريا تستناك

ديما : اهاا اوكي

شهد : جووووووووووود

جود : هلااااااا والله

شهد : شفتي المباراه قبل امس

جود : اييه صح نسيت اقولك انقلبت نصراويه

شهد : افاااااااااا ليييييييييش

جود : يختي الهلال اكرهه اكرهه والله مافي احلا من النصر الحين صدق حسيت ان فيني روح رياضيه

شهد : لا يا شيخه و اول وش كنتي ؟

جود : لا اول كنت اشجعه كذا بس ورا الناس

شهد : اقوول على تراب .. شخبار استاذه برميل

جود : تسلم عليك هااااااااااع

شهد : عليك و عليها السلام هع

جود : اقول وين لمى و ليان

شهد :شدراني يمكنهم بالكافتريا
.................................................. ............................
روان : اهلين مرام

مرام : اهلييييييييييييييييين

روان : شخبارك

مرام : في احسن حااال

روان : هههههههه دوم انشالله ..وين هديل

هديل : اس اس السلاام عليكم

مرام : جبنا طاري القط جانا ينط هههههههههههههه

هديل : هههههههه اشتقتلكم

.................................................. ..........................

ديما : لا بالعكس احس الثنوي احلى

ريما : مدري احس المتوسط اونس

ديما : يختي تونا اول يوم جربي بعدين تكلمي

ريما : طيب اللصقات نقلوا

ديما : لا جعلهم المرض

ريما : ليش يلاحقونا اصلا

ديما : ما صدقوا عطيناهم وجه يحسبونهم صاروا صديقاتنا

ريما : المشكله ما عندهم سالفه شكلي بتخلص منهم هالسنه

ديما : يختي بكيفهم و انتي وش يضرك عندك بوديقارد

ريما : مالي خلقههههم ..افف جوا

سارا و لميا : هاااااي

ديما و ريما : هااااااااي

سارا : وحشتووووووني

ديما : وحشتينا اكثر

.................................................. .................................

رامي : محمد فااااتك تهاوشت مع واحد بثاني متوسط والله انه مخفه

محمد : كفوووو

رامي ميت من الضحك : ههههههههه وو هههه و تخيل وش اسمه هههههههههههه

محمد : شسمه

رامي : مصطفى ههههههههههههههههااااي و تخيل طلع ولد المدير ههههههههه

محمد : ههههههههههههههههههه توني ادري ان زوجه المدير مصريه خخخخخخخخ

رامي : شف هذاهو البزر جايب ابوه

جاء المدير : رامي

رامي ماسك ضحكته : ازييك

المدير : اعقل يا ولد

رامي : ترا لي اسم

المدير : بلا حركات مبزره تراك كبرت و صرت متوسط

رامي يضحك : جبت شي جديد

المدير : اقول ترا اذا ما عقلت ياويلك

محمد : وش بتسوي يعني

المدير : و انت ناوي تدخل بالمشكله بعد

رامي : هههههههههه تسمي هذي مشكله

المدير عصب : كل تبن ولا تطول لسانك

محمد : والله انت قدوتنا

المدير عصب : على فصولكم بسرعه منب فاضي لمبزره انا

رامي : طيب طيب

محمد : بس انك فاضي لهالمصري

رامي : ههههههههههههههههه

المدير : سعوودي مهوب مصري

رامي : طيب

محمد : والله اشوف اسمه مصطفى

رامي : ياخي سلك سلك

المدير : اصغر عيالك انا .؟ سلك هااااه

رامي : طيب طيب

المدير : انقلع انت و ياه الفصل ولا اشوفكم بالفسحه

رامي : طيب طيب

محمد : مصطفى

مصطفى : اييه

محمد : سلملي على امك هههههههههههههههههههه

المدير هنا انفجر بس ما امداه يقولهم شي لانهم راحوا بسرعه

رامي : هههههههههههههههههههههههههههههههه حلوووووووه حلوه حلوه

محمد : ههههههههههه و انا اقول ذا المخفه طالع على مين صار على ابووه هههههههههه

رامي : يلا تعال نطب على ساحه البنات

محمد : و انا اقول ليش مزيون اليوم ..ياخي ماتوا عليك و انت عربجي اجل اذا شافوك الحين بيغمى عليهم

رامي : هههههههههههههههه هذا اللي ابيه

.................................................. .................................................. .................

نايف : بنطلع الاستراحه اليوم بتجي ؟

ريان : انشالله

نايف : ترا الساعه 7 لا تتاخر و بنقعد الين الساعه 2 بالليل

ريان : خلاص انشالله بجي بس انت دق على باقي الشباب يجون

.................................................. .................................................. ..........

دلوعه : لولو تعالي بوريك الدفتر اللي اشتريته مليان ستكرات

لولو : وااااو حلوو

فرح : وشو وشو الدفتر بشوفه

دلوعه : لا حقي مراح اخليك تشوفينه

فرح : الا بشوفه

لولو : دلع دلع لا تورينها

دلوعه : اصلا مين قال اني بوريها

فرح : دلع انتي حماره بشوفه

دلوعه : انا حماره يا الحيوانه الناطقه

فرح : ايش حيوانه ناطقه

دلوعه : اصلا انتي بزر ما تفهمين شي

فرح : انتي اللي ما تعرفين تتكلمين

دلوعه : تعالي نسأل الاستاذه مين اللي ما يعرف

فرح : استااااذه

الاستاذه : نعم

فرح : دلع تقولي اني انا بزر ما افهم شي

الاستاذه : ليييش يا دلع عيب هذا الكلام

دلوعه : اصلا هي صدق بزر ما تفهم و هي تقولي اني ما اعرف اتكلم

فرح : ايه ما تعرفين ..استاذه اصلا هي تقولي يا الحيوانه الناطقه وشو ذا

دلوعه : شفتي انك ما تفهمين شي

فرح : استاذه له معنى ولا لا ؟

دلوعه تكلمت قبل الاستاذه : الا له معنى رامي اخوي علمني

الاستاذه : صف كم اخوك

دلوعه : اولى متوسط

فرح : اصلا يكذب عليك ماله معنى

دلوعه : اصلا اليوم قالي انه بيطب بساحه البنات نسأله اذا جا مين الصح

الاستاذه : لا اصلا ممنوع

دلوعه : اصلا هو يقول انه ما يؤمن بكلمه ممنوع

فرح : اصلا انتي كذابه ما عندك اخو اكبر منك

دلوعه : نشووف بالفسحه اصلا بس باقي حصه على الفسحه

.................................................. .................................................. .....

الاستاذه : السلام عليكم

روان تغني : يا سلامي عليكم يا السعوديه

شهد : ياااااااالله حي استاذه نوره

الاستاذه ببتسامه : الله يحييك

ليان : مشالله عليك استاذه اليوم مبتسمه

الاستاذه : ليش و هذي اول مره ابتسم

لمى : الصراحه بس رابع مره اشوفك فيها مبتسمه

هديل : استاذه اخيرا الحين بتدرسينا

الاستاذه : ايه والله يعيني

البنات : ليييش

الاستاذه : يقولون فيه كثيير فيكم موب عاقلين

شهد : مثل مييييين

الاستاذه : مثلك و انتي اولهم

شهد : احلااا اجل طلعت نمبر ون مين قدي

الاستاذه : انتي و شلتك جود و ليان و لمى و روان بعد انتي و هديل و مرام

سارا : و انا ما قالولك شي عني

الاستاذه : لا والله ما قالوا

لميا : طيب و انا

الاستاذه : ولا انتي ..قالوا لي عن ذولا الثمانيه اللي ورا لا ينتبهون و دايم يرسمون و يخربطون وقت الحصه

(اللي ورا كانت اشكالهم مرره غلط اللي لابسه البلوزه غلط و المصريه و السودانيه و اللي تلبس تنوره

المدرسه مقلوبه و اللي تنسى سحابها مفتوح >>فاهمين اكيد )

الاستاذه : و انتم الاربعه نايمين بالحصه (سارا و لميا و نوره و منيره ) يعني معقول بذا الفصل كله اللي

26 بنت مافي الا خمسه شاطرات

مرام تغني : ياللي بيسمع كلمه اهلو شو بنألو

هديل : شاطر شاطر

مرام : و اللي بيأعد عائل وحدو شو بنألو

هديل : شاطر شاطر

الاستاذه : ليش تتطنزون على الشاطرين لانكم موب مثلهم

ديما قاعده تحط قلوس و الاستاذه شايفتها

الاستاذه : و قدامي تحطين بعد

ديما : ليش بخاف يعني

الاستاذه : هاتي اللي معك

ديما : لا اذا تبين مثله روحي اشتري

الاستاذه : اقول لا تطولين لسانك

ريما : اقول طيري بس

الاستاذه : نعم ؟

شهد داخله عرض : نعامه ترفسك هههههههههههههههههاااااااي

الاستاذه : اطلعي برا الفصل

شهد : اصلا بدت الفسحه يلا تعالوا

راحوا جود و ليان و لمى معها

روان قامت و كان معها الاي بود

الاستاذه : تعالوا انتم الثنتين مكتب المراقبه

روان : و ليه انشالله

الاستاذه : عشان ذا اللي جايبته و انتي ياللي هناك عطي المراقبه القلوس

ديما : باحلامك

مسكتهم الاستاذه و سحبتهم عند المراقبه

المراقبه : عطوني اللي معكم بسرعه

اخذت منهم الايبود و القلوس و راحوا ديما و روان عند شهد و شلتها يطلبون النجده

شهد : والله حقيره وش دخلها اصلا

لمى : خلاص بروح اجيبهم

ليان : قدام

راحوا عند المراقبه يتفاهمون معها

جود : لو سمحتي ممكن الاغراض اللي اخذتيهم قبل شوي

المراقبه : و جايه بكل ثقه تقولين عطيني

شهد ما عندها تفاهم : اقوول بسرعه عطيني لا اسدحك بالارض الحين

المراقبه : نعم ؟

شهد : نعامه ترفسك و ترفس ابو جدك

المراقبه : احترمي نفسك ولا ترا بوديك الحين عند المديره تكتبين تعهد

شهد : جربي بس جربي

المراقبه سحبت يد شهد و شهد قلبت لها يدها و مخشتها

المراقبه : آآآآآآه

شهد : هااتي الاغراض يلا بسرعه

المراقبه : قليله ادب ما عندك اهل يربونك

شهد : طالعه عليك يا بنت الشوارع

ليان : ههههههههههههههههه حلوووه بنت الشوارع

جود : صارت بنت الحين

شهد : ايه عادي صغرتها خمسين سنه عشان ما تزعل

المراقبه : قليلات ادب يلا بسرعه كللكم عند المديره

لمى : موب على كيفك

لمى فتحت الدرج و اخذت الايبود و القلوس

المراقبه معصبه: رجعيهم بسرعه

لمى : تعالي لاحقيني يا العجوز

و راحوا و رجعوا لروان و ديما الايبود و القلوس

ديما : شكررررا

روان : والله انكم ابطااال

جود : احم احم

و راحت روان عند مرام و هديل اللي يستنونها

و راحوا ديما و ريما يتمشون و مروا عند بنات ثاني ثنوي

وحده من البنات : الحين هذولا هم ديما و ريما اللي يتكلمون عنهم كل المدرسه

وحده ثانيه : اييه هم

وحده ثالثه : شكلهم نعومات مرره و لهم شخصيه بالمدرسه

الاولى : خلي نناديهم

الثانيه : قدام

الاولى : ديماااااااااااا ريماااااااااااا

ريما تكلم ديما : وش يبون

ديما : شدراني تعالي نشوف

ديما : هلا

الثانيه : تعالوا اجلسوا معنا

ريما : انتم ثاني ادبي ؟

الثالثه : ايه

الاولى : انا روان

ديما : و النعم ..نفس اسم اختي

روان : شكبرها اختك

ديما : كبري

روان فتحت عيونها : يعني انتم توأم !

ديما : ايوه

روان : ناديها تكفين بشوفها

ديما : انتي يا بنت روحي نادي اختي روان

البنت : طيب

روان : مشالله يسمعون الكلام

ديما : ايه طبعا اصلا اذا ما سمعوا الكلام ياويلهم

روان : ليش وش بتسوين لهم يعني

ديما : انادي عليهم اختي شهد

روان : شكبرها اختك

ديما : كبري بعد

روان فتحت عيونها اكثر : انتم ثلاثه توائم !!!

ديما : اييه

روان : مشالله مشالله

.................................................. ..........................................

رامي : يلا ياخي بسرعه

محمد : طيب يلا

طبوا محمد و رامي على ساحه البنات

بنات المتوسط جمدوا لانهم يموتوون عليه و خاصه طالع يذوب اليوم

البنات قاموا ينشرون الخبر رامي الجارح عندنا رامي الجارح جاء رامي رامي

محمد يضحك : ههههههههههه شف اشكالهم بس

رامي : يحق لهم والله ما الومهم

محمد :لعنبو الثقه يا شييييييخ

رامي : شف شف هذي مملوحه صح

محمد : هذي ساره الرويحي

رامي يضحك : شدراك انت بعد

محمد : افااا عليك انا اعرف بنات المدرسه كللهم

رامي غمز لها و هي ذاااابت مصدقه نفسها ما تدري انه يستهبل ..وجهها صار احمرر

و راحت ركض تعلم صديقاااتها

محمد و رامي بصوت واطي : هههههههههههههههه

و فجأه يطلع صووت بكي : رااااااااامي

التفت رامي و لقا دلوعه تبكي : شفيك دلوعه

دلوعه و هي تبكي : فرح شقت دفتري

رامي : و ليه تشقه

دلوعه : لاني ما وريتها الدفتر و تهاوشنا بعدين شقته

رامي : هالحيوانه مالها حق تشقه ..ايه هين انا اوريك فيها لا تزعلين دلوعه

محمد : من جدك انت ؟ تراهم بزارين

رامي : و اذا بزارين ما ادافع عن اختي

محمد : دافع بس موب تروح تضرب الثانيه و تصيحها

رامي بعصبيه : لا منب ضاربها الا بذبحها موب على كيفها تشق الدفتر

رامي راح مع دلوعه ولا سمع لمحمد .

.................................................. .................................................. ..

وش تتوقعون بيسوي رامي ؟

وش بيصير على ديما بعد ما تعرفت على بنات ثاني ثنوي ؟

بيقدر يوصل ريان الاستراحه بالوقت المحدد ؟

و اذا وصل وش بيسوي هناك ؟

فرح هل بتنجو من عذاب رامي؟

وش بتسوي المراقبه بشهد وشلتها ؟

ساره وش حالتها بعد ما غمزلها رامي ؟

# فيلسوفه زمانها #

[.".Butterfly.".]

يسلموووو على الرووواية

صرراحة حسيت قصتها حلووة

وانا حاكون من المتابعين لروايتك بإذن الله

وبداااية مووفقة بالنسبة لروايتك

وبانتظار البارت القادم

تحياتى

[ضحكة حياتي]

تسلمي

روعه ننتظرك

[shakespeare]

يعطيكي العافية مستقبلك روائية

[مهره بنت سعود{..]

بدآآآآآآآآآيهـ ..رآأآأئعه فديتش ...
وبنتظــآأآأرك لبى قلبش ....