أتــصــال و رســــالـــــــــه

[ســاري]

[poem=font="Simplified Arabic,5,red,bold,normal" bkcolor="transparent" bkimage="http://www.te3p.com/vb/images/toolbox/backgrounds/3.gif" border="double,4,darkred" type=0 line=0 align=center use=ex num="0,black"]



البارحه مشتاق لك شوق بالحيل = قلت أتصل والا اني ارسل رساله
واحترت بالثنتين واحـط واشـيل = شيٍ بوسـط القلب صعــبٍ مناله
ومثلك يعرفه ياحســين التماثـيل = والمشكـله مافـيه شــيٍ بـــداله
والشوق والتحنان والبعد والويـل = والخوف من قـرب السحــاب وخياله
قامت تغني لك بقلبي مـواويـل = واتــل قـلـبي كـان تـلـت حـباله
عـلـيك ياراع الروموش المظالـيل = ياللي عـلـيك الـقـلب زاد أنـشـغاله
يـسوقني لك سـوق عجل المواصيل = رجـلٍ مـن اللهفـه يـسـابق ضلااله
ويحـن لك حنت يتيم وبه مـيــل = وزوجـة ابــوه موريـتـه النــذاله
عايش حياته كل أبـوها بـهـاذيل = ولاعـاد له بالـوقــت الا خـواله
ويحن لك حنت هل البـن والهيـل = لأبـطو عن الفنجـال عـافو البيـاله
مايفرحون الا براعي المعـامـيل = مبهـرٍ بالـهـيـل طـبـخة دلاله
هذي خفـايا القلب جوف المداهيل = ولا تـحـرمـيـنـه كان فيها جـمـاله
يابنت لوك بالهواء عارفه حـيل = يكـفـيك منـهـو حاطك راس مــاله
سوق الهواء والحب مافيه تـبديل = مادام كلٍ نـاويٍ شــف بــاله
دامك ضما يابنت صاحبك هو سيل = يسقي عروق الارض من طيب فـاله
يابنت شفنـابالزمـان الـغرابيل = يكفي عليه يابنت عـايـش لحـــاله
خليه طيفك لاحضر تالي اللـيل = يـسـهـرمعه ويخبره وش جـراله
ويحكي معه بالحب كل التفاصيل = يومن طيفك يالحبـيـبـه عـنــاله
وخلي المسـائل ياحـبيبه تساهيل = واليا أتصل صاحـبك ردي اتـصـاله
ومن عقب حيره صاربالوضع تبديل = جـاك أتـصـال وعـقـبها جـاء رساله

[فرفوشة]

ما شاء الله على الشعر الحلو
و الأداء الرائع
تقبل تحياتي:
فرفوشة

[ســاري]

الاخت / فرفوشه

مشكوره على المرور والتعليق

الذي أنار صفحتي وتقبلي تحياتي

ســـاري

[نكته.....ولكن؟]

مشكوووووووووووووووووووووووووور اخوووي ساري ما قصرت تقبل تحياتي

وتقديري الحار






<------------------ نكته ولكن حكمه <----------------

[ســاري]

الاخ/ نكته و لكن

شكرا على المرور والتعليق

والله لايحرمني منكم ومن ردودكم

تحياتي

ســاري