واقع الحب

[buhamod]

قصة حب ولا اروع بس...؟

بدايته مثل نهايته

شلون تعالو انشوف شلون صارت

اليوم الاول : نظرات اعجاب متبادله من الطرفين

اليوم الثاني : الولد يبتسم و البنت خجلانه

اليوم الثالث : الولد يسلم و البنت اتعزز

اليوم الرابع: البنت ترد السلام ( خذلها يوم كامل تستوعب هههه

اليوم الخامس : الولد للبنت معجب ممكن اتعرف. البنت تبتسم و تاخذ الرقم

اليوم السادس : البنت تتصل و يتبادلون الكلام المعسول

اليوم السابع : الولد يتصل و يكمل كلام اليوم السادس

بعد اسبوعين : البنت تقول للولد ليش ما تتصل و الولد العذر نفسه كل مره ((اخر الشهر ما عندي رصيد))

بعد شهر : البنت تقول حق الولد انا حبيبي خلاص حبيتك (تو الناس) الولد وانا بعد

بعد شهرين : الولد يقول حق البنت انا ودي اخطبج بس تدرين طالب و ابي اكون روحي ( شدعوه اللي تحتاجه غرفه في بيتكم و 200 دينار شهريا هههه

بعد اربعة اشهر: البنت اذا تحبني صج خل امك تكلم امي (بد الصج)

بعد ثمان اشهر: الولد كل مره عذر الا امي تعبانه او اختي بتنخطب او اخوي الصغير يلعب تيله ...الخ و البنت تمللت

نهاية السنه : الولد يتصل و البنت ما ترد

بعد اسبوعين: البنت تطرش مسج (( الى اخي العزيز فلان الفلتان الرجاء تقبل الواقع المرير انا انخطبت و وافقت على خطيبي و ارجوك انساني مثل ما نسيت غيري)) رساله محترمه صراحه

بعد شهرين : الولد تبهدلت حياته و ضاقت فيه الوسيعه الى ان تبادل نظرات الاعجاب مع عبله (وتستمر الحكاية)



انشاء الله عجبتكم عودتي بعد الغياب الطويل

وودي اقول لكل بنت وولد و كل حبيب و حبيبه و كل قيس و ليلى

ان (( الحب شي موجود ولا يمكن انكاره لكن احذروا ان تقعوا في حفر الشيطان ))

و تقبلوا خالص تحياتي

محبكم في الله بوحمود

مبارك عليك الشهر جميعاً