المنتديات
اجعلنا صفحة البداية
اضفنا للمفضله
المنتديات
|
#1
03-07-09, 10:05 PM
|
|||||
|
|||||
رواية بحبك احميني.......بقلم عفشة قمورة
بحبك احميني تدور قصتي عن بنت اسمها تالة حلوة ونعومة سنة اولى جامعة...عايشة او مهاجرة بفرنسا....تسألوني ليه؟..ابوها اتزوج امها الفرنسية وانفصل عنها....عاشت تالة مع ابوها الغني صاحب الشركات الي كان مدلعها مرة لابعد الحدود...كانت تالة بنت محافظة يعني ما عندها حركات مثل بوي فريند وهذي الخرابيط....ودافعة رشاوي للجامعة عشين حجابها.....(وطبعا هم يتكلمو فرنسي بس انا مترجمتلكم كلامهم بالعامية السعودية)..امم البطل حتتعرفوا عليه مع الاحداث... يظهر اني طولت في المقدمة...وانصحكم تقرو القصة مو مدح لنفسي اقروها وانتو تعرفو ليييييه البارت الاول دخلت تالة الجامعة بكل ثقة وهدوء وشافت صديقتها ميشيل -هاي ميشيل -اهليين ذاكرت للاختبار؟ -اكييد طبعا -طيب يالله خلينا نروح حيسكرو القاعة اذا اتاخرنا راحت ميشيل وتال ركض وفي الطريق اصطدمت تالة بواحد كان مار وطاحت كتبها واغراضها... تالة تسب بنفسها:الله ياخذك ماتشوف؟.. -طالعي طريقك مرة ثانية وترى الله خلقلك عيون استعمليهم لو سمحت..قال الولد هذا الكلام وهو معصب على تالة....تالة انقهرت وطلعت شياطينها وردت عليه -انت الغبي الي ما تشوف وهي تطالع فيه بقهر..(كان طويل واكتافه عريضة وكان يجننن شعره بني فاتح كثيف ومرجعه على ورا ولابس بنطلون جينز وتي شيرت ازرق ورمادي) -غبية -انت الغبي -بلهاء! -انت الابله! ميشيل تسحب تالة -ياغبية هذا الولد مشهور في الجامعة انه لعاب وراسب 3مرات ويحب يظحك على عقول البنات -ياكل تبن يطيحني ويزعل سبحان الله بس!!وبعدين راسب مو راسب ما يهمني لانه انسان وقح -اقول بس خليك بعيدة عنه وانتهى الموضوع ,وبعدين خلينا نلحق على اختبارانا..وراحو بسرعة على قاعتهم في زاوية ثانية كان ستيف الي صدمها قاعد مع صديقه يطالع فيها وهي رايحة, طلع سيجارة بهدوء وحطها في فمه وقعد يدخن ويطالع السما ويطلع دخان السيجارة بهدوء وكأنه مستغرق بالتفكير -هييييييي اقول ستيف اشفيك لا تكون البنت ام الطرحة عاجبتك؟! طالع ستيف بهدوء في صديقه وقال -تصدق ياليتني بدأت معاها بداية طيبة ! كنت على الاقل اخليها الغيرل فريند تبعي!! -الله ياخذ شيطانك من بين كل هذول البنات ما لقيت الا المحجبة هذي؟؟؟؟!!!!!!! -اش اسوي كل واحد يبي القمر! -اقول بس احسن لك تنساها انت تعرف اش يعني حجاب؟!يعني الي تلبس الحجاب ماتحب هذي الخرابيط -لا تقول انها مسلمة!!!! -ايه يا غبي, ما تعرف ان الحجاب رمز من رموز المسلمين؟! يعع يا كرهي لهذا الدين! كله تشدد مافي خمر او بار او حتى مراقص او أي شي مسلي, وقام ستيف بعد ما شالها من راسه تماما لانها مسلمة!كان ستيف يكره الاسلام والمسلمين(وراح تعرفون ليش مع الاحداث)ويتعرض لاي مسلم يشوفه ولهذا السبب قرر انه يعترض طريق تالة وما يسيبها في حالها....وخصوصا لمن شافها متمسكة بهذا الدين رجعت تالة بيتها وسلمت على ابوها وغيرت ملابسها وقعدت معاه ابوهاحط يده على كتفه وقعد يتكلم معاها عن اخبارها واخبار جامعتها .. -بابا -عيون بابا انتي -ابي اطلب منك طلب -انت تامرين حبيبتي وانا كم تالة عندي؟ -وش رايك لو نروح السعودية هذي الاجازة؟ تلعثم ابوها وكانه يبي يقول شي بس مو عارف كيف يبدأ -بابا كأنك تبي تقول شي؟ -اسمعيني يا بنتي في شي كان لازم اقولك اياه واعتقد ان هذا الوقت مناسب عقدت تالة حاجبها باهتمام شديد,وبدأ ابوها يتكلم -قبل كم شهر قرر شريكي يسحب شراكته من شركتنا وخيرني بين شركتين.. -ايه؟ -خيرني بين الشركة الي بالسعودية والشركة الي هنا بفرنسا تالة باهتمام -ايه وش رديت عليه؟ -باقي ما اعطيته قراري ولازم اخذ رايك لانه هذا الشي مرتبط بيك كمان,وعلى العموم عندنا مهلة لين 3سنوات الين ما نصفي حساباتنا ونتقسم الاسهم,يعني مهلة الين تخرجك -وانت بابا اش رايك؟ -انا بصراحة متردد نفسي ارجع السعودية اشوف اخواني 18سنة وانا ماشفتهم وارجع لوطني وبلادي ,وبنفس الوقت تعودت على فرنسا واهلها,وانت؟ -لازم افكر يابابا انا اتولدت هنا وتربيت هنا, فرنسا هي وطني الثاني -عالعموم عندك وقت تفكري وقام الابو وقبلها على جبهتها -تصبحي على خير يا بنتي -وانت من اهله.. ودخل الابو وغرقت تالة في تفكير عميق...تفكر بالارض الي عمرها ما شافتها...الامن الي ابوها يحكيلها عنه دايما....طيبة الناس هناك وبنفس الوقت فرنسا....ارضها الثانية...الارض الي تعودت عليها ...طفولتها وذكرياتها....من جد شي صعب...صعب انك تختار بين وطنين وطن يحمل جذورك...ووطن يحملك انت...صعب تختار بين روحك وقلبك....صعب.. واكثر من صعب... ما قدرت تالة تنام وهي تفكر بالموضوع الي قاله ابوها..طالعت في الساعة وقامت من السرير بهدوء وغسلت وجهها ولبست ملابس الجامعة وركبت سيارتها وراحت.. يوم وصلت استغربت كانت كل الجامعة تطالع فيها وكل اثنين يطالعوا فيها ويتهامسوا فيما بينهم...تالة ما اهتمت وهي ماشية شافت ميشيل جاية من بعيد وقالتلها وهي تلهث -بسرعة العميد يبغاك تالة بشك-ليش؟ -مدري بسرعة تعالي راحت تالة مستغربة لغرفة العميد ودقت الباب -اتفضل دخلت تالة بخوف وقالت -حضرتك طلبتني رفع المدير عينه عليها وطلع صورة من الدرج وقال -هذي الصورة كانت معلقة اليوم في الصالة الرياضية , اخذت تالة الصورة من يد المدير الي كان يراقب ردة فعلها ,كانت تالة قابضة على الصورة بقوة حتى قطعت اطرافها وطالعت في العميد نظرة تساؤل وكل غضب الدنيا متجمع بعيونها...وقالت -مين صنع هذي الصورة؟ كانت تالة ماسكة الورقة وهي ترتجف من القهر وصرخت: -سيادة العميد مين نشر هذي الصورة؟؟؟؟ طالع العميد فيها وقال: -انا اتفهم زعلك يا بنتي وراح نعرف الفاعل ,انت ما عندك اعداء؟ تالة من بين دموعها:لا,....كانت الصورة تحمل وجه تالة وهي لابسة ملابس فاصخة وطبعا الصورة كانت مفبركة.. طلب العميد من تالة انها ترجع للكلاس تبعها ووعدها انه يحقق في الموضوع طلعت تالة بهدوء ومسحت دموعها وقالت في نفسها -ماني باكية يمكن الي سوى هذا الشي يشوفني وانا ماراح اضعف ابدا..... واستجمعت قوتها وثقتها بنفسها وكملت طريقها...لحقتها ميشيل و قعدت تواسيها -مين الكلب الي سوى كده؟!مع انك ما عندك اعداء! -ما عليك اصلا المواقف الي كده ماراح تاثر فيني وراح تزيدني قوة باذن الله ..وضحكت تالة وصارت تغير الموضوع مع انها مجروحة -اش رايك نروح السينما بعد الجامعة؟ ميشيل:طيب عادي, بسيارتي او بسيارتك -لا بسيارتي -طيب اوك وما ابي اشوفك حزينة طيب, اما الحقير هذا راح اعرفلك اياه -مشكوورة من فين الاقي صديقة مثلك ضحكت ميشيل واخذت تالة وراحوا لمحاضرتهم كان ستيف يراقبها وهو مقهور لانها ما تاثرت بالموقف الي سواه -ستيف -ستييييييف! انتفض ستيف طالع وراه ولقى صديقه -الله ياخذك يا شيخ في احد ينادي كده؟! -شسويلك ناديتك كم مرة بس مارديت -المهم خيير اش تبي؟ -انت الي نشرت صور البنت؟ -اش رايك يعني - رايي انك انسان وقح! ستيف عصب: -ايييييش؟!انا وقح؟؟؟؟؟ -ايه وقح ما توقعت انك ممكن تاذي وحدة رقيقة مثل تالة -ارحمني يا روميو!وترا دول المسلمين ناس وقحين ومتخلفين هذي البنت تسوي نفسها وحدة محافظة وما عندها صياعة وقابلني لو كانت كده اصلا!,المسلمين ناس خاينين وما عندهم مشاعر و.... قاطعه صديقه: -وانت وش دراك وليش حاقد عليهم؟ واسف اذا زعلتك بكلامي هذا لكن اسمحلي اقولك انك انسان بدون قلب ومشاعرك تغطي على عقلك دايما.. واذا تبي الصراحة الاسلام دين متحضر ويشدني دايما انا بس لمن اشوف المسلمين يصلوا اتمنى اصير معاهم,الاسلام دين شيئين ما نملكهم دين عدل ودين امان - وانت من فين جبت كل هذي المعلومات وليش مخدوع فيهم؟قلي من ظحك على عقلك وخلاك تصدق كل هذي الاشيا..... قاطعه صديقه -انا عمي مسلم وزوجتة مسلمة ولمن اشوف تعاملهم مع بعض ما اصدق واتمنى فعلا ادخل هذا الدين وقام وهو يقول: -سامحني يا ستيف دايما كنت اكتم قهري واحاول اعرف سبب كرهك لكني عجزت!وانا استسلم خلاص, مو مستعد يكون صديقي قلبه اسود لهذي الدرجة ودار ظهره ومشي اما ستيف قعد مكانه يطالع بذهول وبعد ما استوعب صار يضرب الشجرة باقوى ما عنده ويقول بصراخ: -غبي ابله خليه يروح وراح يعرف يوم من الايام ان كلامه غلط!... بعد الدوام راحت تالة مع ميشيل للسينما وراح الاسواق واستمتعوا بوقتهم ونسيت تالة الموقف الي صار بالجامعة تماما... اما ستيف دخل شقته بهدوء وغير ملابسه ونام على سريره وجلس يفكر -الي سويته غلط؟ يمكن البنت طيبة وانا جرحتها واهنت كرامتها,لا احسن تستاهل هم ما يبيلهم الا كده كان ستيف يشعر في قرارة نفسه انه الي سواه غلط لكنه يكابر وما كان يبي يطلع نفسه غلطان ابدا وهي دي مصيبة الرجال!يغلطو ويكابروا!.... ...... في اليوم الثاني راح ستيف عند تالة,كانت تالة تقرا كتاب ولمن شافت ستيف واقف قدامها استغربت... -تسمحيلي اقعد؟ -اتفضل الكرسي فاضي .. -اسمعيني ابي اقول شي بس بشرط ما تتكلمي ولا كلمة تالة باستغراب:اتفضل -انا الي نشرت صورتك وانا اسف واذا تبغي تقولي للعميد عادي انا ماني خايف ولا تحسبي نفسك راح تهدديني بهذا الشي لانك ما تقدري تالة بهدوء: -واش دراك اني ما اقدر ما رد عليها وقام,كانت ميشيل جالسة وراهم تسمعهم ويوم راح ستيف جت وسحبت تالة -فين موديتني؟! -لغرفة العميد؟!لاننا عرفنا مين نشر صورك -ما ابي ابلغ عنه! -ليش يا غبية؟؟ -اول شي لانه اعتذر وراح اخليه يعتذر لي قدام الطلاب ومو لازم عميد -لا لازم عشين يتادب -ميشيل قلتلك لا يعني لا -ليه؟لا يكون عاجبك؟! -انت دايما تفهمين غلط! وسحبت يدها من يد ميشيل ومشيت ,اما ميشيل عصبت لانه كانت تحب تالة مرة وقررت تدخل وتكلم العميد بنفسها,دخلت ميشيل وقالت للعميد كل السالفة,عصب العميد وطلب ستيف -هذا الولد مدري متى يبي يتخرج كل المشاكل الي تجيني من تحت راسه!! كان ستيف عند الشجرة يدخن سيجارة كان متعود انه يدخن اذا استغرق بالتفكير او كان يبي يهرب من همومه , (الرجاء من ستيف...... التوجه الى مكتب الادارة) استغرب ستيف وقال في نفسه -يا ليل!هذا الي كان ناقصني لا تكون هذيك البنت اشتكت للعميد,مو بعيدة تسويها!,وطفا سيجارته بسرعة وراح لمكتب العميد -يا ربي الله يستر بس!لازم ادخل واشوف اش صاير...هين ياتالة ان كنت علمت علي!!! دق ستيف الباب وهو يحاول يضبط نفسه واعصابه -اتفضل -خير حضرة العميد في شي؟ \كان العميد معصب مرة ولانه خايف على سمعة جامعتة ,وخايف لا يقطع ابو تالة الدعم عن الجامعةو طلع حرته بستيف -ايه في اشياء مو بس شي كان ستيف خايف وقعد يطالع في العميد بترقب ويستناه اش يقول -ممكن اعرف ليش نشرت صور فاصخة كده؟ سكت ستيف وصار يناظر الارض -يعني معترف بغلطك ,وطلب العميد من سكرتيرته انها تنادي تالة -اسف يا ستيف احنا تحملناك كثير وتحملنا تصرفاتك وبعدين تعال متى ناوى تتدرس وتتخرج مو لازم اذكرك ان هذي هي السنة الثالثة الي تعيدها ....اسمعني زين يا ستيف وخذها مني نصيحة .....انت في بلد ما يمشي غير بالماديات اذا كانت عندك وظيفة محترمة ومنصب كل الابواب تفتح في وجهك بأي مجال تبيه وحتى لو حبيت وحدة وجيت
|
|
#2
03-07-09, 10:07 PM
|
|||||
|
|||||
رد: رواية بحبك احميني.......بقلم عفشة قمورة
تخطبها ما راح تطالع غير في جيبك وفلوسك.... -بس يا حضرة ال..... -انا عارف اش تبي تقول وعارف انك غني لكن صدقني ثروتك هذي تزول يوم من الايام ...في هذا البلد الي ما يتعلم يكون زيه زي عمود الكهرب او حتى برميل الزبالة!!ما منه فايدة ويعيش عالة على المجتمع كان ستيف حاس بالملل من محاضرة المدير -حضرة المدير ممكن الزبدة!!!!!ومحاضرتك هذي تفيدني بشي؟ انقهر المدير لوقاحة ستيف -الزبدة يا سيد ستيف ان الجامعة اكتفت منك ومن مشاكلك ومحاضرتي قلتها كنوع من النصيحة و ما راح تفيدك بشي, انا اسف يا ستيف انا ما اقدر ارحب فيك هنا بعد اليوم بنفس الوقت دخلت تالة بسرعة غرفة العميد وهي تقول: -لا يا حضرة العميد لا تطرده انا مسامحته خلاص -بس يا بنتي.......... -لا يا حضرة العميد الله يخليك ما ابي مستقبل شخص يتدمر عشاني طالع فيها المدير باحترام وبعديت دار وجهه على ستيف -سمعتها اش قالت ولازم تشكرها ويكون في علمك ان هذا هو الانذار الاخير انقلع برا وما ابي اشوف وجهك,ولو شفت وجهك مرة ثانية في هذي الغرفة حتنطرد فاهم ولا لأ؟؟؟؟ طلع ستيف وطالع في تالة نظرة تقول شكرا ما احتاج مساعدتك,استغربت تالة من تصرفه وشكرت العميد ونزلت على الساحة.... اما ستيف صار مصخرة الاولاد كلهم اولا لانه انفضح وثانيا لانه ما انطرد بسبب تالة وانه تحت رحمتها على قولة الشباب..طنش ستيف وصارو الشباب كل ماشافوه يعلقوا عليه ويوصفوه بانه مو رجال,وهو طالع من الجامعة كانت في مجموعة من 5شباب -شوفوا الحرمة جت!!,ستيف ما عطاهم وجه وكمل طريقه -روح روح يا حرمة !اصلا لو كنت رجال كنت جيت وتفاهمت معانا -والله انه مسكين لو كنت مكانه وبنت سوت فيني كذه كنت قومت قيامتها موب زي الحريمة هذي! يوم سمع ستيف كلامهم عصب والتفت عليهم -اسحب كلامك احسن لك -ياي وش تبي تسوي الحرمة؟!!!! ستيف عصب وطلعت شياطينه -ياي؟!انا اوريك يا كلب ونط عليهم وطاح فيهم ضرب -انا حرمة هاه؟اوريك انت واياه مين الحرمة!,وصار يضربهم لين ما تفلوا العافية وبعدين تركهم وقال بنفسه هين يا تالة مسويتني مصخرة هين..... ,كان ستيف يظن ان تالة متقصدة انها تحرجه, كان فكره مسموم في أي شي يخص المسلمين.... وقعد يستناها عند باب الجامعة بعد الدوام,كانت تالة تتاخر دايما في الجامعة لانها كانت مشرفة عل حفلة افتتاح بداية التنافس بين الجامعات , مل ستيف من الانتظار وقرر يدخل يشوف هي فين راح ستيف الصالة الرياضية وشافها ,كانت الشمس بتغرب والضوء البرتقالي داخل من الويندو الزجاجية كانت تالة طالعة فوق السلم تصلح البالونات ,يوم شافت ستيف فرحت تحسبه جاي يشكرها,نزلت بهدوء -اهلين ستيف تبي شي؟ -اكيد وانفجر ستيف يصرخ: -ممكن اعرف ليش حطيتيني بهذا الموقف الغبي؟؟؟؟ تالة مو مستوعبة -اش قلت ؟!!!!!!!!انا حطيتك بموقف بايخ!!احترم نفسك لو سمحت! -انقهر ستيف وقرب منها وقال -لا ما احترم نفسي فاهمة؟!اصلا انتو كذا يالمسلمين -اذا كنت شايف كده واذا كان نكران الجميل من طبعك فهذا شي يخصك اما انك تسب ديني ما اسمحلك ابدا.. -قرب اكثر وقال بصوت بطئ -ليش اش تقدري تسويلي لو سبيت؟؟ كانت تالة خايفة منه كان معصب وطويل مرة وجسمه قوي يعني واحد كف تروح فيها -اسمحلي اقولك انت انسان وقح بدون ذوق واخلاق وانا اضيع وقتي معاك واسمحلي مرة ثانية لاني اتاخرت ولازم امشي دارت تالة وجهها ومشيت كان ستيف معصب وبنفس الوقت منذهل ما عمره شاف بنت قوية مثل تالة كان يشوف الخوف بعيونها ومع ذالك كملت كلامها....وعصب بزيادة كان مو متعود احد يديرله ظهره صرخ باعلى صوته -استنييي تالة طنشته وكملت طريقها,طلع الدم لراس ستيف وجري سحبها من يدها باقوى ما عنده ودفها عالجدار ومسك الجدار بيدينه كان قريب منها مرة كان راسها بين يدينه وكانت تتنفس بقوة من الخوف قرب ستيف وجهه منها وصار يقدر يسمع دقات قلبها الخايف وصار يتكلم بهمس غاضب مخيف وكان صوته طالع من بئر عميق -اسمعيني يا بنت الناس انا ما احب هذي الحركات انا وقح مو وقح هذا شي ما يخصك وبعدين لو ابي اسب دينك بكيفي مين انت عشين... قبل ما يكمل جملته شاف دموع تالة تنزل على خدها وهي تطالع فيه بعيونها الساحرة البريئة.... سكت ستيف وتوقف الوقت فجأة, كان ستيف مقرب وجهه منها مرة وهو ساكت يطالع في عيونها وهي تبكي كانت عيونها تجنن فيها برائة مو طبيعية كان الوقت متوقف وكل شي ساكن والجامعة فاضية من الطلاب,جلس ستيف يتامل ملامحها الحلوة عيونها دموعها ,كانت اقصر منه ,وحس بشي غريب ما عرف هو ايش,كان يحاول يكمل تهديده بس ما قدر , ضاعت الكلمات على لسانه, بعد عنها ببطء وجلس في الكرسي وحط راسه بين ايديه مو مستوعب الي صار,اما تالة اخذت اغراضها وهي تبكي وركبت سيارتها ورجعت البيت كان ابوها بالشركة, دخلت بسرعة غرفتها وصارت تبكي من قلبها -الحقير ما عنده دم انا اش سويت فيه عشين يعاملني كذه؟وصارت تبكي وتبكي ... ونامت ....................... اما ستيف دخل شقته ببطء و فصخ بلوزته وانسدح على السرير -انا اش سويت؟!اش الاحساس الغريب الي جاني اليوم ,انا ستيف ستيف الي ما يخاف ويكسر قلوب البنات بدون حتى رمشة! اضعف قدام دموع بنت!,كان ستيف منذهل من نفسه عمره ما ضعف قدام بنت وامانة على كل عضو يدخل يرد وجلس ستيف يفكر فيها....................... ..................................... نهاية البارت الاول اش تتوقعوا يصير في تالة وستيف؟ وهل ممكن يتحول الكره لحب؟ ........................ بلييز لا تحرموني ردودكم الحلوة
واتمنى تشجعوني لان هذي الرواية الاولى الي اكتبها واتمنى من كل عضو يدخل يرد........ احبكم كلكم........................
|
|
#3
03-07-09, 10:13 PM
|
|||||
|
|||||
|
رد: رواية بحبك احميني.......بقلم عفشة قمورة
تسلمين يا تالا أقصد يا عفشه
إقبلي مروري
|
|
#4
03-07-09, 10:26 PM
|
|||||
|
|||||
|
رد: رواية بحبك احميني.......بقلم عفشة قمورة
يسلمووو وشكرا عالمرور ومرة مرة ثااااااااااااااااااااااانكس
|
|
#5
04-07-09, 12:17 AM
|
|||||
|
|||||
|
رد: رواية بحبك احميني.......بقلم عفشة قمورة
يسلمووووووووو
|
النمط المتتابع
