كلهم ع الهامش في انتظارك لايطول الغياب..!!

[}{عــبــرة حــنيـن}{]

:


أعترفلك ..!


أنت وين ،!

بس علمني ،
هـ الجرح منهو يداويه ..
وهالحنين المنتثر منهو يلمه ..

منهو إليا شافك ..
تنهد بداخله شوق وحنين ..


أعترفلك ،


بغيابك ماكني مع الناس إنسان ..
والفرح اسمه يمرني عابر ..

دخيلك ..

ضم هالجرح ولمه ..



:






كنت آتسال ليه يعني اخذلوني؟!!
..........................اللي معاهم كنت وافي وحاني !!

واللي جروحني ليه يعني اجروحني؟!
..........................وليه انجرحت؟!وليه ابكي..واعاني؟!

تو اكتشف ان السبب يا عيوني
..........................ابلتقي باللي بصدره احتواني

اللي بيمسح هالسهر من جفوني
..........................يسقيني الفرحه ويقهر زماني

كتبت له قبل التقي به جنوني
..........................وفتشّت عنه في صدور الاغاني

وسولفت له ودموع عيني قروني
..........................وبرد الحنين وحاجتي والاماني

والليل ...والشباك...ياما اسمعوني
..........................اعاتب صورْه..واعاند لساني

واتخيل ضلوعي كذا يكلموني
..........................واسمه يدغدغ كل شي فـ المحاني

يا حزن!!..دمعي!!..آهتي!! :سامحوني
..........................لقيت من للفرْح مـنكــم خذاني


.

.

[}{عــبــرة حــنيـن}{]

في غيابك..ما أبيني







في غيابك يا حبيبي
انا ........!!!!!!!
صرت ما اعرفني!!
مو انا!!!

.
.

في غيابك
كل شي حولي غريب
كل شي فجأه تغير
الاماني جايعه
والليالي ضايعه
المسا ما عاد المسا
وكان ذاك الفرح يركض
ومر من جنبي.. تجاهلني
ما عرفني ..!
او نسا ..!

.
.

في غيابك
ما أبيني
وجا غيابك والحزن والدمع وآهاتي وبرد الانتظار
واستغلوا غيابك
والعبوا فيني

.
.

قبل ليلة هـ السفر
يومك تسولف عن سفرك الطويل

قلت لـــك: لا تخليني..بخاف..
وقلت لي: (لا تخاف)
وبعد ليله من غيابك
يااااه...شايف ..؟
شايف كيف خايف .. !!

.
.

في غيابك
ممتلي صدري وله
ما بقي لي غير هذي الاسئله:
من يضمك؟!
بربّك...من يغني لك كل اغاني العشق.ويختمها :بـ أحبك؟!
من يهدد صوتك الغافي ؟!
ومن يشمك؟!

وليا تمكن هالتعب من عيونك
من يداعب شعرك؟!
ومن يلمك؟!

.
.

في غيابك

تدري شـ أكّثر شي يذبحني ؟!
اني كل ما المس صدري المملي حنين
أكتشف انك اناني!!
لاني اسمع صوتك المجنون يصرخ بي :
(شيل ايدك..لا!!..هذا مكاني).
.
في غيابك
تدري اني كنت اسولف عن غيابك للصور ..؟
وتدري ان قلبي سألني؟!
وما عرفت اي شي عنك

.
.


آآآآآآآآه منك

.
.


في غيابك
انا ........!!!!!!!

.
.
.
.

من انا ...!؟


.
.


في غيابك..ما أبيني

[}{عــبــرة حــنيـن}{]

.




أعتراف (1) ..\ أجباري

اشششششش ،
آآآشتقتلك ورب العظيم \ آشتقت ،

لـ ضلمك وعدلك أشتقت ،
للموت من يديك آشتقت ،
للأمان اللي فـ داخلك آشتقت ،


بس شوفيني من بعدك ،
أتم تم ،
بيني وبيني [ ووينك ] ،

شوفيني والله العظيم آشتقت .،

[}{عــبــرة حــنيـن}{]

حشرجة/غصه / الــــم /حرقه
.
.
.
.
.
.


من أكثر من شهر وآنا اسولف والحكي ما بات
...................من اكثر من شهر وانا تركت الدمــــــع في بيته


من أكثر من شهر وآنا اسولف والحــكي يقتات:
...................من الاوجاع في صدري وانا والله مـــــا اعطيته


وجيت أركض على صدر المسافه وانثر الاهات
...................على نفس الطريق (اللي قبـــــل جرحين مريته)


اجي كنى مباسم والفــرح طفلٍ يتمتم: (هات)
...................من اول مــا لمحتـــه جيت باشــــواقي وضميته


لقاني شخص في صدره ينـــام الشعر و الابيات
...................كثر ما كـان يضحكـني!! قسيت وقمــت بكيته!!


تركني حرفي المتعب بكا واذكر انا اللي (مات)
...................بكيته لين ما اخضرت يباس حروف ....(يا ليته )

حبيبي ليه تبغاني اعيش العمـــر فـي حسرات؟!
...................حبيبي شوف عـين الجرح رمدا ..يوم خليته؟


حبيبي ليمتي ساكت وعشقي مـا يعرف اسكات؟!
...................تكلم ...كل عطرك في الرســـايل امـــس شميته

تصدق؟!! مرني طيفـــــــك يداعبني وانا اشتات
...................تجاهلته !!..بزعــــم اني ابا جــــــــافي و لميته


تخيلتك تسولف لـــــــــــــي واثاريني بليا شْفات
...................احاول اشرح الشـــوق الذي في الجوف كنيته


سألته عنّــك بصمـــــــــتي الين الوقت كله فات
...................يردد هـ المكان اللي جمعنا .... (كم تمنيته)؟!

اسولف للصور قصــــــــة غيابك وانتثر دمعات
...................ادق بـــــاب الصبر كلت متون الشوق /ناديته


وتتثواب على جدران عمــــــــري آخر الساعات
...................وانا أسأل هـالزمن وابكي (امانه وين وديته)؟!


جثيت ابعزة اشواقي ولا عندي سوى كلمات:
...................حبيبي راح يرجع لي؟! " ..تصدقني ؟! ترجيته!!


صرخ في وجــه لهفة انتظاري قالي لي: هيهات
...................تبـــــــــي يرجع ؟! وليه اصلاً من الاول تناسيته ؟!

يناظر ساعته يضحك تخيــــــلت الاماني جات
...................فتح درج الفراق اللي بصـــــــدري يــوم حاكيته


من أكثر من شهر وانته تسولف والحكي ما بات؟!
...................من اكثـر من شهر وانته تركت الدمـع في بيته ؟!


وتو اللحين تسألني بعد ما مات !! من هو مات ؟!!
...................تســـربلت بطــــــــرف ثــوبه قسم بالله شديته ؟!

تركني ..



حشرجة/



غصه /



الــــم /



حرقه/



بكا/



ونات!!

...................تركني شي ما يذكــــــــر ولا ادري ويش سميته؟!


انا /والدمع/ واشواقـــي على صدر الشعر اموات
...................ولاباقــــي من احساسي ســــــوى شاعر/ وانا بيته

[}{عــبــرة حــنيـن}{]

.
.
.
.
.

صحيح...
صحيح تشبه له كثير
اللي انتظرته هـ العمر..
أنه يمر..
واعطيه من عمري..
عمر..

صحيح تشبه له كثير

صوتك..
كلامك..
ضحكتك..

لبسك..
دلالك..
دمعتك..

حتى الزعل..
حتى الرضى والإبتسام
حتى السوالف والكلام
ايه اعترف..
صحيح تشبه له كثير
لكن به شي مختلف!!
لي جيت اضمك..
ما ارتجف!!!

حاولت..
حاولت احبك واعشقك!!
حاولت!!
لكن ما قدرت!!

ماهو على كيفي احب
ولا هو على كيفك تحب
وماهو غصب..
انك تكون اللي ابيه
واللي انتظرته واحتريه

اللي ابيه انسان غير!!
صحيح تشبه له كثير
ايه اعترف

لكن به شي مختلف
لي جيت اضمك!!
ما ارتجف!!

* تصدقي !
رغم التشابه بينكم كثير ،
وانتي مثل أنتي مثل ذيك أنتي ،

مدري ليش أحبك أنتي :) ،

.

.

كلهم ع الَ هامش في إنتظارك ،
لـ يطول الغياب ، :)