ريـــس التــحـــريـــــر

[خيال الشرفا]

للمعلوووميه هذا مايحدث في بعض مجلاتنا الشعبيه .. للاسف
الحـمـد لـلـي مـدّنـي بالعـقـل والـــراي السـلـيـم
في وقت مايعتاش فيـه القـرم وتعيـش الضعـوف

يـا الله لطفـك فالزمـان الشيـن يـا الـرب الرحيـم
من قبل شمس الحق تمسي عقب مابان الكسـوف

صار(الشعـر) سلعـه تبـاع وتشـتـرى والله علـيـم
يمكـن تفتـح لـه وكالـة بيـع مــع دف الـدفـوف!!

تشربـك الحـابـل مــع النـابـل وطـيّـب مــع لئـيـم
وسعر الحريـر يعادلـه لحظـة جهـل متريـن صـوف

أشوف (بالساحه)عجايـب مـن رجـال ومـن حريـم
عيني تشوف وغيـري (الشعـار) بالواقـع تشـوف

أحـزاب فيهـا عنصريّـه والمصالـح هـي خصيـم!!
أقـرا عددهـم لاصـدر وتـشـوف بالعـيـن وتـعـوف

شعّار تنصب فـي صورهـا بالعـدد مـن شـان ريـم
(مكياج وفـلاش وعيـون مكحّلـه مثـل الهنـوف!!)

وشـمـاغ راقــي وارد البـسـام بوصـوفـه عـديــم
كـن الامـارة فـي عيونـه معلنـه حـكـم السـيـوف

(نظرة كبر) هاقـي بنفسـه شيـخ للشعـر الحكيـم
وهـوا يكسّـر بالقصايد..شاطـر بـصـف الـحـروف

لافـكـر لامـنـطـق ولا مـنـهـاج والمـعـنـا سـقـيـم
الأسم شاعرمير عنـد الشعـر جاهـل ومحـذوف !!!

تلميـع مـع تطبـيـل للأشـخـاص وأفـهـم يافهـيـم
(مشروع شاعر) في نظرهم ماشيّ حسب الظروف

(رئيـس تحـريـر المجـلـة) عاجـبـه لأنــه وسـيـم!!
وإلا (الجزاله) تستريح هناك في سطح الرفوف!!!

و(الشاعـره) ينشـر لـهـا لا هــب للغـربـي نسـيـم
تكتب لها الأبيات مـن حضـرة جنـاب الفيلسـوف!!

بالصفحـة الأولـى لهـا (مانشيـت) عنوانـه عظـيـم
(الامبراطوره) في بدع (الشعر) متعبت الحـروف!!

ولا شفـت صورتهـا تقـول الستـر يـا الله الكـريـم
الوجه واللبس أجبني والأسم بالصفحات نـوف!!!!

و(الأمسيـات) : مدبلـج الجمهـور والمشهـد عقـيـم
شلنـي وشيلـك والمعانـي خلّهـا تسـري تـطـوف!!

نفس الوجوه ونفس ترتيب الكراسي سيـم سيـم!!
ونفـس القصايـد ماتغيّـر شــي لــو زاد الـعـزوف

ولـوّك تعارضهـم بمنهجهـم تصـيـر إلـهـم غـريـم!!
ولـوّك تجاملهـم علـى الـزلات شالـتـك الكـتـوف!!

يا (ريّس التحرير) يا(حـزب المصالـح) يـا اليتيـم
مكشوفـه أوراقـك لكـل النـاس دايــم ومـعـروف

الشعـر بأسبابـك ومـن شـرواك غـادي كالهشيـم
الشعـر يتـبـرا مــن أمثـالـك ويعلنـهـا ألــوف..؟

مـا أنتـه كفـوا للكرسـي المرقـوق ياعبدالحلـيـم
أرحل وخل الشعرلأهل الشعر وأجلـس بالصفـوف

الشعـر حبـك وسـبـك وأبــداع وجـزالـه ياغشـيـم
ماهو بمكياجٍ ولبس وشكـل مـع ضـرب الكفـوف

موروث لأهـل الطيـب والمعـروف مـن عصـرٍ قديـم
يوم المشاعـر صادقـه والقـاف خاضـع ومعسـوف

طبـعـا أخــص ولا أعــم الـكـل بالـطـرح الألـيــم
الشيـن شيـن بمنظـره والزيـن كـامـل بالـوصـوف

هـذا الصحيـح اللـى نعرفـه والمعانـي بالصمـيـم
أقولهـا مـن هـاجـسٍ صــادق ولا يدخـلـه خــوف





كما عودنا الشاعر \\ خالد بن سكران .. على الابداع والتميز

اتمنى ان تحووز هذه القصيده على اعجااابكم



اخووكم ...
خيــــــ الشرفاــــــــال

[ضماير]

صح لسانك ناطرين جديدك؟ـ

[رد السلام]

صح لسانك ناطرين جديدك؟ـ <<<متعجيز يكتب

[نكته.....ولكن؟]

صـح لسآنك . يصرآحــه قصيــده رووعـه وكـآتــبـآهـآ آروع
\





مشكوووووووووووووووور آخووي تـقبل تـحيـآتي

<----------- نكته ولكن حكمـه <------------

[خيال الشرفا]

ضماير ... رد السلام .. نكته ولكن

مشكووووووووورين على تشجيكم لي

وانت يا رد السلام حلوه منك حتى لو ماقلت شي يكفي مرووورك


خيال الشرفا