المنتديات
المنتديات
| روابط إعلانية |
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
| | أدوات الموضوع |
13-07-09, 06:50 AM
| #11 |
| |[ عـضـو جـديـد ]| الدولة:  |  رد: رواية / بداية الرحله تسلم الأنامل الذهبية على ما سطرت |
|  |
|
12-08-09, 02:49 PM
| #12 |
| |[ عـضـو فــضــي ]| الدولة:  | رد: رواية / بداية الرحله رووووووووووووووووووووووووووووووووعة |
|
| |
|
31-08-09, 08:05 PM
| #13 |
| |[ عـضـو نـشـيـط ]| الدولة: | رد: رواية / بداية الرحله الرواية مرررررررررررررره حلوه تسلمين تحياتي : شموخــه |
|
| |
|
26-10-09, 09:51 AM
| #14 |
| |[ عـضـو ذهـبــي ]| الدولة: | رد: رواية / بداية الرحله انا اسفه على تأخير في تنزيل الرواية اعيونكم راح انزل الجزء الخامس الجزء الخامس جيت البحر قام البحر يحتفي بي والموج يتراقص طرب يوم جيته جيت اشتكي له هالزمان ونصيبي فوق الهموم جروح قلبٍ مميته قال السبب..! قلت السبب زود طيبي قال الثمن..! قلت اش بقا ماعطيته قال الجزاء..!قلت الجزاْ مادريبي قال الوفاء..!قلت الوفاء راح صيته قال النتيجه..!قلت شخص غريبي ×...نـــــوال .... × طلعت لغرفتي مقهووره منه ...عليه بروود يعل القلب ..ماني قاادره اتحمله مااني قاادره اتقبله بحيااتي جلست على كرسي تسريحتي وبديت اخلع بنااجري بعصبيه لدرجة عورت ايدي مع السحب ...اخ حتى البناجر تعاندي ورميتها بعصبيه على التسريحه صرت افرك يدي احاول ازيل الاحمرار والشعور بالحرقة ...لمحت جرح بيدي ..جرح يعيد لي كل الذكرياااات ..ذكرياات تمنيت ادفنهاا ...امحيها من سجل ذاكرتي ..لكن معقول الانسان يقدر ينسى كل شي؟! يمحي باختيااره احداث عمره ؟! وان محاهاا وش رح يكون ؟! جسد فااضي ؟! بلا مااضي؟! معقول نقدر نعيش من غير ذكرياات نحن لهاا ؟! او حتى ننفر منها؟! مررت اصااابعي على الندبه العرضيه كاانت بمنطقة الرسغ اول مالمست اطراف صابعي الندبه حسيت بألم كأن أصابعي فتحت الجرح من جديد ...رجع ينزف ...غمضت عيووني اسمح بهالحركة لدمووعي تنزل تنهدت بحسره واناا اتذكر ذااك اليوووم زييين .. تذكرت قبل سنتين تقريباا شلوون بلحظه حسيت ان كل حيااتي انتهت ...شلون ان الموت بالنسبه لي كان هو الحل الوحيد لمشاكلي ... العلاج الوحيد للألم الي اعيشه ...الصرااع الدااخلي ... كان هو طوق النجاه من نظرااات الكره .. الاحتقاار بعيوون صقر ... نظراات الحسره بعيوون مهااا ..و نظرة ..نظرة مااكنت افهمهاا كانت نظرة بعيوون فهد .. كنت اضعف من اني اتحمل ..قررت انهي حياااتي ..دخلت غرفتي فتحت درج تسريحتي سحبت المقص بايد مرتجفه ..خذيت نفس عميق اصاارع به الخوف ..وبحركه سريعه مررته على رسغي شفت الدم ينزل كان كثير مااهتميت ..حسيت بدووخه ...ماادري وش صار اخر شي كنت اذكره صوت قواارير العطر وادوات الزينه الي طااحت ع الارض بفعل ان نص جسمي مع راسي أنرمى على التسريحه صحيت واناا بالمستشفى ...ماكنت فاايقه كثير ... تقريبا نص صحياان ..شفت فهد واقف مع دكتور فهد للدكتور : خالد معليه لمهاا انت تقدر الدكتور : فهد وشلون المهاا انت تستهبل هذي محاولة انتحاار وفيهاا تقرير شرطه فهد : خالد تكفى ترى هذ سمعتناا الدكتور : فهد البنت لو رجعت تحاول الانتحاار ؟! قاطعه : مارح ترجع صدقني احناا حاليااا نمر بظروف صعبه امهاا ميته من فتره قريبه ونفسيتها تعباانه الدكتور : توعدني تعرضونها ع طبيب نفسي ؟! فهد : اكيد بنعرضها الدكتور : خلااص اناا رح الم الموضووع وطلع من عندي ..ودخل ورااه مهاا والصقر ...مدري وش كانو يقولون او حتى يسوون لان الدووخه رجعت لي من جديد فغمضت عيني ونمت هزيت رااسي انفض عنه هالذكرى المووجعه .. × ... راكـــــــــــــان ...× طلعت من البيت رااايح اقابل الشباااب ..قاابلت بنص الحوش ام ريان او منيره صديقة عمتي سرااب ام سعود : هلاا رويكن فتحت عيوني : رويكن ؟! خاله شوهتي الاسم ام ريان : تخلخلت عظامك قول اميين ...وش خالته ..تراني بعمر عمتك سراب ضحكت : اناا عاارف قالت لي بعتب : ودامك عاارف ليه تقول يااخاله اووف منك تعل القلب زي عمتك قلت لهاا : ان مافتنت عليك جاوبتني: ماايهمني اذلف اشووف ضحكت : ههه باذلف ..لكن وين ابو ريان ؟! جاوبتني : رااح يسير على ناس من جماعته ... الا انت وين رايح قلت لهاا : وانا اقول فرووح ليه ملقووفه طالعه عليك جات تبي تخبطني بشنطتهاا ...لكني طلعت بسرعه وانا منفجر ضحك عليهاا يمكن البعض يستخرب من طبيعة العلاقه بيناا وبين ام رياان ..اناا اعملهاا بالضبط زي عمتي سرااب ..كانت معااناا دووم بحزننا قبل فرحناا حتى زوجهاا رجال ولا كل الرجاال وصلت بيت مطلق لقيت الشبااب ينتظروني برى ... راشد : كان تأخرت شوي عمي راكان ضحكت : ههههه كلها عشر دقاايق تركي : اقوول العشر بتصير نص ساعه خلوناا ندخل نسلم ع الرجال وبعدين نروح لاشغالناا طقيناا الجرس وفتحلنااا ...ابوه دخلنا المقلط ...وجلسنااا طبعاا تروك ورشوود وحتى مطلق كلناا ننتمي للطبقة الكادحه زي ماايقولوون ...يمكن فقرناا يختلف من شخص لاخر ... رشوود لقا نفسه مسئول عن امه واخواته من بعد ماابوهم انرمى بالسجن بتهمة حيازة المخدراات ... اماا تركي حالته الاردى بيناا عاش يتيم ..ماله الا عم واحد وهالعم رغم فقره وكبر سنه الا انه مارمى ولد اخوه اليتيم وتركي من انشد عوده وهو يشتغل ويكد على نفسه ويساعد عمه بالمصاريف خصوصاا وان عمه من كم سنه صاار عاجز من بعد مااجاته جلطة اما مطلق فنوعاا ماا هو اللي حالته ارحم مناا وبينا يعتبر الاغنى ههه مطلق الولد الوحيد بين خمس بنااات .. ابوه مراسل "ساعي "في وحده من الدواير الحكوميه طلع ع التقااعد هالسنه ومطلق يشتغل ويسااعده بالمصروف ..اللي مخلي حالته احسن مناا هو بيتهم الي نوعاا ماا حالته احسن بكثير من حالة بيتي اناا وتروك ورشود صحيح ان كلها بيوت شعبيه الا انهاا عندناا تسوى قصور يكفي انها ملكناا ..اووو نسيت اقولكم عن زووبه اوف اقصد ست الحسن والدلاال ..لوليتااا ... لوليتااا هااذي ياطويلين العمر حلاالة الازماات والنكبااات ...غير كذاا انهاا هي وسلة رفاهيتنا الوحيده لوليتا هي كرسيداا موديل 87 بيضاا ...صحيح حالتهاا بل بالبلااا لكن بالنسبة لناا ولمطلق خصوصااا تسوى bmw الحوت دخل مطلق وهو مستند ع عكازاته : حيالله الشبااب كلنا : يالله حيه ساعدناه ع الجلووس تركي يتمصخر : وش فيك ياابعد حيي مطلق: ترووك رووق تركي : وش فيك يااخوي قول وفضفض.. طقتك ؟ رشوود : هههه تركي بسك حراام مطلق : منوو ؟! اناا وانا اضحك على غبااء مطلق وحركات تركي الي تضحك : الحرمه مطلق: تهبي واناا ولد ابوي تركي : شوي يااقلبوو لاا يطق لك عرق راشد : الي يسمعكم يقول الحرمه موجوده فعلاا تركي : من اللي داعيه عليهاا امه بليلة قدر مطلق يرفع عكازه : وبعدين مابترووق انت انااا : تركي خلاااص الولد تعبااان تركي : حاضر يااامعلم دخل ابو مطلق علينا بيده القهوة ... قمت وخذيت منه الفناجين والدله ابو مطلق : حياااكم الله يااعياالي كلناا : الله يحيك يااعمي جلس معانااا ..عشر دقاايق وبعدهاا طلع ...احنا ماطولناا عند مطلق واستأذنا مطلق : بدري شبااب ..خلكم للغذا تركي : وش طاابخين ؟! خبطته : ياشيخ بسك فضحتناا تركي: اووف الولد عازمنااا رااشد : هذاا من بااب الذووق يقولك كذا مو عزيمه صدق تركي لمطلق : صدق طلووق مطلق يضحك : ههههههه تركي ويسوي مالت : مالت على ذا الوجه قلت له : بس خلااص انا بعزمك ع الغذاا بس ترى ميزانيتي مااتسمح عن سندوتش بيض وقاروة ببسي تركي : مشكور مااقصرت ...لكن اذا هذاا غداااك مالناا حاجه فيه الله يخلي رويشد راشد : سووري انا بيتي كله نساوين ماادخل رجال غريب عليهن تركي : وانااا جاي اخطب ؟! جااي اتغداا انا ومطلق: ههههههههههااي قلت له : خلاص ترووك ولا يهمك تعال واتغداا عندي تركي يتأكد : اكل اكل موو بيض ؟ قلت له : ايه اكل اكل تطمن تركي : الحمدالله قلت لرشد ومطلق: تعالو انتو كمااان مطلق: داام عزك يااتركي انت شاايف وضعي مااقدر اتحرك قلت لرااشد : وانت رشوود ؟! رااشد : سوري انا ماتهنى لي اللقمه بلى عجوزي جاوبته : الله يديمها فوق رااسك تركي ويطالع بساعته : شباااب مشيناااا ..ترى بنتأخر ع الشغل قلت له : مو كأنك انت الي مأخرناا × ...... ســــــــراب ...... × دخلت علينا منيره ..رفيقت الدرب ... وريحة الغوالي رحبت فيها : هلاا وغلااا بمنوو منيره : هلاا سوسو اخباارك يااقلبي امي : منو سوسو وش ذااا ؟! ضحكنا وانا اخذ عباة منيره : يمه ندلع بعض امي : عيب عليكن نسواان وش كبرن تدلعن وش خليتن للبزران فرح : عااااشووو عليهم عطتها منيره نظره : فرييح ليه ماتسلمين لايكون مبيته معااك امس فرح وهي تسلم : ماتفرق انتي كل يوم ناطه عندنااا منيره : مو جايه لك اانتي وجهك اناا جااايه لسووسوو امي : رجعت تقول سوسو فرح تلعب حاجبهاا : جدتي وش نقول ناس تتصااابى "تشبب " منيره : من كبري انتي وجهك ...اخ رويكن يقولي ياخاله وهذي تقولي تتصابي ..وش فيكن علي ياااعيااال مااجد ؟! قلت لهاا : هذا من زود المحبه هههه منيره : وهذا الي مصبرني ههههههههه فرح : وين خطيبي ؟! منيره : يلعب برى مو فاضي لك فرح : وسايبني انتظره حراام عليه يكسر يلطعني بيوم العيد منيره : قلت لك ولدي مايبيك لكنك ماتحسيين فرح : وانا لقيت غيره وقلت لااا ضحكت : وانتي من يبيك ولسانك يلوط اذنك فرح : خه يجي ياعمه وانا بقصر اللسان امي : فرووح استحي فروح : هههه حليلك ياايمه ماااقلت شي امي : الله يرحم كنا من ينذكر العرس نستح وانت تخيرن وتنقن لاحيا ولا مستحى كلناا ضحكناا على امي : هههههههههه الا بدخلت شااادن وهي تبكي وعلى طول بحظني: وش فيك شاادن شادن : اهي اهي دلبني سألتهاا : منوووه شادن : ليييان منيره : رياااان ؟! وينه فيه ؟! شادن : اهي اهي بلع منيره لفرح : فرح هاااتي عبااااتي سألتها : وين بتروحين ؟! منيره بانفعال : بادب العربجي حقي قلت لهاا : اجلسي اشووف مابقي الا هااذي ..البزراان مالناا دخل فيهم اكيد انها مسويه له شي عشان يضربهاا سألت شادن : شدون وش سويتي عشان يضربك شادن : ماثويت ثي قلت بلهجة تهديد : ترى ان سألته وطلعتي سويتي له شي يااوليك شادن خافت من تهديدي : انا ابعى العب هو ماحلااني يكول انتي بنت ماتلعبي مع الأولاد بعدين اناا حلبت اللعبه عليهم فدلبني وقفتهااا : اجل انطمي ...ولاا تبكبكين ...وتستاهلين ماجااك شادن : انا ابعى العب معااه قلت لهاا : وهو مايبيك تلعبين معااه ..روحي العبي بالعاابك قامت وهي منقهره واناا ومنيرة صرناا نضحك : هههههه منيره : الله يرحم اياام زمااان ..تذكرين يااسرااب يووم اننا تهااوشنا مع عيال الحااره لانهم ماخلوناا نلعب وواحد منهم دفك ع الارض وصرتي تبكييين .. يومتها "ولمعت الدموع بعينها " جا سعود وضرب الولد اللي دفك ووقفك وصاار مايلعب الا وياناا ابتسمت : الله يرحمه × .... الصـــقر .... × دخلناا انا ومها المكتب ...مهاا وهي تقعد ع الكنبه : اووف منك مابغيت ضحكت : ههه احب العب باعصاابك قالت :حراام عليك ..ماشفت فهد شوي وينط ببطنك جاوبتها : مو لهالدرجه ههه مهاا : ههههههه واكثر بعد سكتنااا شووي ..وبعدين قلت لها : خالد اليوم يطلع من المصحه مها : ادري طالعتهعا بتعجب: تدرين ؟! ماسألتي جاوبتني : انت قبل كذا قلت لي عن الموعد وانا مانسيته ..وماحبيت اسألك اعرف انك تضاايق استغربت : اتضاايق ؟! مهاا سألتني : بيرجع هني ؟! قلت لها بحزم : لااا مهاا مصدومه : ليش؟! صقر منه له غيرناا ؟! قلت لهاا بحده : مها قلت لك خالد مارح يرجع هني انتهيناا مها : عطني سبب واااحد بس ؟! قلت لهاا بحيث انهي الحوار : ذا البيت خالد مارح يطبه الا يوم يصير رجاال مهاا قالت لي بلهجة كلهاا غضب : اخوي رجال ياااولد ابوي أصعقتني الكلمه "ولد ابوي " رددت وراها : ولد ابوي ..مب اخوك اناا بعد ؟! مهاا وكانها تتدارك الموقف : صقر انا مااقصد الي فهمته قلت لها : حتى لو قصدتيه هو وااقع والواقع مااايتغير مهاا : اناا قاطعتهاا وانا اوقف : لا تبررين ياابنت ابوي ...معاك حق تزعلين وتعصبين مهما يكون اهو اخوك ابن امك وابوك ... واناا مجرد انسااان دخيل ..امك تكرمت عليه وربته بينكم ..واشهد انها ماقصرت معاي ..وانا عن نفسي مااحب يكون لحد علي جميلة وانا لازم ارد الجميل لاصحاابه ...وعشان كذاا ابي ولدهاا يكون رجاال قوول وفعل ..تفز له المجالس لا انذكر اسمه ..سند لكل مظلووم وعون لكل محتاج ..يكون لك ولنوال درع حاامي مايقدر احد يمس شعره منكن يصوون ذا الحلاال الي تشووفه عينك ... × .... مهااا.... × ماصدقت شلون كلمتي اذت مشااعر الصقر ..عمري ماسمعت لهجته الحاده او نظرت عيونه الي تحرق ...عمره ماكلمني انابالذات بذي الطريقه ..معقوول كلمه بهالبسااطه كان لهاا هالوقع المؤلم بقلب صقر عمري ماتكلمت معاه عن يتمه ولاا تطرقناا له باي شكل من الاشكااال ..كنا نخاف نجرح مشااعره لكن يظهر اني ذبحته اليووم من غير لااقصد ...صدقوني محبتي لاخواني متساويه ...الا هو محبته اكبر بكثير بقلبي حتى نواال تموت عليه قلت له بلووم وانا اوقفه : اللحين صار ي شي اسمه امي وامك ؟! طول عمرك تناديها بيمه واليوم صارت امي ...ماصاارت كلمه وقلتهاا ..تراها زلة لسااان .. وش فيك يالصقر صرت تدور الزله ؟ّ! لايكون ضقت بناا خلااص ؟! ماعاد تبيناا عندك ؟! مسوليتا كسرت ظهرك ؟! تبي تخلص مناا ؟! ...تدري ماالومك ..انت مو ملزووم فيناا.. وبدت دموعي تحرقني .. اخواناا من امنا وابوناا مااهتمو ليه انت تهتم وانت مايربطك فينا الا اسم الابو .. لفيت رااسي امنعه يشوف دموعي ..وصرت اتأمل الصوره المحطوطه بوسط الجدر .... صورة ابوي واخواني ... غمضت عيووين بحسره واناا اتذكر ملامح وجيهم ..ملامح نسيت جزء منهاا بفعل غيبتهم قلت والغصه ذبحت صووتي : عقاااب حرمنا من نفسه حي ..وانحرمنااا منه ميت .. والثااني حرمنااا من امنااا ..وضيع نفسه .. لفيت وجهي عليه وقلت بنبرت سخريه ...تصدق حتى حظوظناا بالزواج مااتسر ...!! اناا حيرتوني لولد عمي ...ولد عمي الي ثااني يوم بزواجي ذبحني ... حكم علي اتم ادفع ثمن جهله العمر كله ... فضحني بين النااس ...خلاني مااسوى شي ..مااقدر انسى وقفتك جنبي ..بكون كذا جااحده .. حتى نواال ..نوال اجبرتهاا تاااخذ واااحد اهي ماتحبه ولا حتى تقبل له الكلمه ..وانا متاكده انهاا يوم بتجينا مطلقه .. ترى ياصقر مافي حره تقبل على نفسها تكون تحت رجال تعرف انه متفضل عليهاا ..انت ترى ماسترت عليهاا لاايااصقر انت ذليتهااا ...مع هذا مااقدر الومك انت دورت مصلحتها من وجهت نظرك حطيت عيوين بالارض ووطيت رااسي دلااله اعتذاار ... السموحه منك ياولد ابوي تعبااانك معااانااا ... وطلعت غرفتي وتركته لحاله × ... خــــــالد ... × وصلت للعنوان اللي بالورقه ... كان عبااره عن شركة للاستيراد والتصدير .. لقيتهاا مغلقه ..مالت اكيد بتكون مغلقه اليوم اول يوم من العيد .. اكيد بياخذون اجاازه ..شفت واحد عاامل جالس شكله الحاارس قربت منه : السلاام عليكم الحارس : وعليكم السلاام سألته : ياعم الشركه متى تفتح جاوبني : والله ياولدي ماعندي خبر ... لكن اتوقع انه بعد يومين سألته : انت مو الحارس ؟! ابتسم : ايه .. تبي احد معين ؟! ابتسمت : والله يااعم اناا ادور شغل ودلووني على ابو راشد قالني : ابو رااشد رجل كريم وماايقصر مع احد ... وطالع بشنطتي الي ع كتفي .. انت من جدة ؟! قلت له وانا اكذب خفت يسألني عن ماضي: اناا من مستوره " قريه تبعد عن جده قراابه الساعه ونص " الرجال : وش جابك جدة ؟! قلت له : الدراسه ولقمت العيش ابتسم : عندك اهل هني ؟! قلت له : لا والله الرجل: تدور على مكااان تسكن فيه ؟! قلت له : ايه نعم قالي : اسمع اناا اسكن بروحي تقدر تقعد معي لين مااتلقى لك سكن وش قلت ؟! وش اقول اكيد بقول ايه ..انا مااعندي مكان اروحه مستحيل ارجع بيتناا ..عقب كل الي صاار : واناا وافق الرجل وهو ياااخذني ...وش اسمك ؟! قلت له : خالد الرجل : والنعم ..انا عمك ابو مشااري جاوبته : والنعم فيك وبمشااري ابتسم لي: مااعليك زوود ... × ..... شـــــــاهـيـن .... × اول مادخلت البيت ..استقبلتني بضحكتهاا السااحره ....صرخت تناديني : daddy فتت لها ذرااعي ...وجريت لحظني بستهااا بكل قووة : اموااااااااااااااااا اااااه امي : روحو ضيووفك قلت لها وانا الاااعب بنتي : ايه رووحووو امي : ليه مامسكتهم للغذاا قلت لها وانا اجلس ع الكنبه المقاابله : كل واحد عنده مره تستناااه وش يبي بمقاابلتي امي : قول لنفسك مو انت االي جالس زي البيت الواقف ناديت المربيه : زهرااا ....... زهرااااااا جاتني : نام بابا .. خذي حلاا جواا حلا تمسكت فيني : no no قلت لها : حلاا روحي مع ناني وبعدين انا اخذك الملاهي اوكي ؟! حلا : Promise قلت لها : Promise ... وراحت مع مربيتها امي : عاجبك ان بنتك ياادوب تهرج عربي قلت لهاا : بتتعلم يمه بتتعلم امي : ومنو بيعلمها ؟! المربيه الي ياادوبك تتكلم كلمتين عربي ؟! او انت الي مو فااضي لهاا سألتها : القصد يمه ؟! امي : انت عارف مقصدي زيين ..تزوج ياشااهين وريح قلبي جاوبتهاا : يمه اناا جربت الزواج مره ..وخلااص ماالي رغبة فيه ابد .. امي : قلنا لك حلات الثوب رقعته منه وفيه مااصدقت جاوبتها : الي صاار صاار امي : والله ياااوليدي شفت بنيه عند جارتناا ياحلوهاا ويازينها قاطعتهاا : يمه انا مستحيل اجيب لبنتي مرة ابو الله وحده يعلم شلون بتعااملهاا امي : يااوليدي انت محتاج حرمة ترااعيك ..تشوف طلبااتك ..بنتك يااشاهين بنتك تحتاج ام ..ام تراعيهاا .. تربيهاا ... تعلم الصح من الغلط ... اليوم بنتك صغيره ..لك العمر يجري بكره رح تكبر رح تحتاج صدر تحط راسها عليه تشكي همومهاا له تشااركه اسراارهاا قلت لهاا: وانتي وين يمه ؟! تنهدت : ياااوليدي ماابقي بالعمر كثر اللي راااح ... قاطعتها : عسى عمرك طوويل ياايمه امي : طال ولا قصر مصيره للفناا الا ورن موباايلي رفعت وشفت المتصل ابتسمت ... امي : رد رد مافي احد غيره ضحكت : ههه ...رفعت ارد : هلااا .. زين خلاص بقاابلك هنااااك ...في امان الله امي : خااارج ؟! جاوبتها : ايه امي وهي ترفع ايدها : الله يحط بروسكم عقوول واشوفكم متزوجين ضحكت : ههه محسستني اني عاانس ويبون يخلصون منها امي : العاانس مالقيت من يرضى فيهاا .. وانت الف من تمنااك قلت لها : وانا جربت وحده وعيفتني الالف .... توصين على شي جاوبتني : سلااامتك >> شاهين ... 35 سنه ..صديق الصقر الروح بالروح ..وشريكه بالتجاره .. مطلق وعنده بنت عمرهاا 4سنيين > ×.... راكـــــــــــــــــ ـــــان .... × وصلناا للمكاان المنشوود ... طبعاا مقر العمل .. ياارب نلاقي القبوول فيه .. العمل كان عباارة عن مقهى راقي جدا بصراحه ..طبعا بشارع التحليه ..يعتبر هالشارع واحد من ارقى الشوارع بجده ارقى المطاعم ارقى المحلات التجاريه .. تجمعااات الشبااااب كلهاا فيه ...وطبعا ذا الشاارع يذبحك بالزحمه السياارااات مااعلينااا من ذاا كله ..زي ماقلت لكم العمل بمقهى ...دخلنا المقهى وانبهرنا طبعاا بالديكورااات والاضااءه وكل شي .. استقبلناا صديقنا الي موفر لنا الشغل : هلا شبااب كلنا : هلا مشعل مشعل : زين جايين ع الموعد تركي : اكيد بنجي ع الموعد .. المشرف موجود مشعل : ايه موجود ..ياللا تعاالوو مشينا ورااه ..الين طاوله كان جالس عليهاا .. واحد شكله مو سعودي .. مشاري : استااذ مصطفى هذول الشباااب االي قلت لك عليهم ..هذا تركي ..وهذا راكان .. وهذا راشد مصطفى يوقف ويمد ايده لنا : اهلناا وسهلاا تشرفناا سلمنا عليه : الشرف لناا مصطفى : يااشباااب وائفين ليه اتفضلو جلسنااا وجلس معااناا مشعل مصطفى نادى على عامل : ساامر ..سامر ساامر : امر استااز مصطفى : تشرب ايه يااشبااب احنا : ماله دااعي مصطفى : ازا انتو بخلاا انا مش بخيل ..واطمنوا هو على حسبناا تركي : أي شي مو مشكله مصطفى : ادينا ياابني اربع كابتشينوو ساامر : بتامر استااز مصطفى : انتو با بتدرسو مع مشعل بالجامعه قلت له : ايه مع بعض انا وتركي هندسه معمااري .. وراشد قانون ومشعل زي ماانت عارف محاسبه مصطفى : مااشااء الله عليكم ... مشعل : استاذ مصطفى زي مااسبق وشرحت لك الظرووف مصطفى : انا فااهم ..وزي مااتفأت مع مشعل تأقدرو تيجو وتدامو هناا من 5 ل 11 بالليل التوو ايه ؟ راشد : موافقين ..ممكن نعرف طبيعة الشغل "جا سامر وحط الكابتشينو " مصطفى : بصوا انتو رح تكونو جرسوناات ..احنا محتاجين جرسونااات تركي : اووكي مصطفى : بصوا لازم تعرفوا ان التعامل الحلو والابتسامه الاحلى مهمه خاالص ويكون بعلمكم ان الزبون دايما على حق حتى لو غلطان قلت له : مفهووم ..طيب في اجازه ؟! استاذ مصفطى : ايوا فيه .. يوم الجمعه ..والرااتب رح يكون 1000 ريال قلت له : اوكي متى نقدر نبدأ ؟! مصطفى : من بكره لو امكن تركي : ان شاء الله مصطفى : اوكي بشوفكم بكره × .... الصـــــقر .... × ..بمكاناا المعتااد وقفت اناا وياااه تأملت البحر .. كان بحالة هيجاان .. بالضبط زي مشاااعري .. حكيت له كل الي فيني .. كل الي صااار .. مااخبيت عنه شي .. محد غيره اقدر ابوح له بمشاعري ..بكل ماافيني .. كان صديق الطفووله .. وطيش الشبااب ... كان معي بكل وقتي شاهين : تبي الصدق انت كنت غلطان باستنكار : غلطااان ؟! قاالي : صقر اختك مااقالت شي يستاهل الزعل ..انت صااير تدور الزله تبي تزعل وخلااص صدمني : معقول ؟! شاهين : صقر ليه ماتعترف بخوفك سألته باستغراب: خووفي ؟1 شاهين بصراحته : صقر انت خايف تكون فشلت بتربية اخوااانك ... خايف انك مااكنت قد المسؤليه ... مااتبي تحس نفسك انك خنت الامااانه .. جزء منك يبي يرد الدين تنهدت : يمكن ..يمكن قالي يأكد : الا اكيد .. صقر انت انسان جرب الوحده وتعرف ناارهاا .. جبرت شلون تكون بلا اهل .. حتى وهم حولك ماكنت تحس بقربهم .. ليه تبي تعيد هالشي مع خالد ؟! ليه ماااتخليه يرجع البيت ؟! يكون وسطكم ؟! صدقني هو بأمس الحاجه لوجوودكم حووله .. خواتك يااصقر محتاجينك ..محتاجين حنانك عليهم مو القسوه انفجرت بعصبيه : هم محتاجين ؟! واناا يااشااهين ؟! مو انسااان ؟! مالي احتيااجااات ؟! ولا صنم ماايحس ؟! لاازم اقدم التنازلات .. لازم اراعي الكل ... وطز فيني .. خلني انحرق .. احرق احلامي .. احرق مشااعري .. "ضرب صدره بقبضة ايده " .... اذبح ذا القلب؟! .. لازم اكوون قديس!!! مااخطأ .. اعطي ومااحااسب .. لين متى يااشااهين لين متى ؟! متى بيرحموني ؟! الين مااانحط تحت التراااب ؟! ويبكون علي ؟! تدري يمكن يستكثرون البكا بعد علي ..!! بكذ انتهت الجزء الخامس الى القاء في الجزء السادس |
|
| |
|
06-05-10, 06:11 PM
| #15 |
| |[ عـضـو ذهـبــي ]| الدولة: | رد: رواية / بداية الرحله السلام عليكم كيفكم انشا الله بخير اليوم جبت لكم تكملة الروايه للاخير اتركم مع التكمله الجزء السادس ياصاحبي مثلي عن ألـوان العمـر .. لا تسألـه أنا تساوت عندي ألـوان .. السعـادهـ والعـذاب انا حياتـي مالهـا إلا لـون .. واحـد واجهلـه خليط من لون الهواء .. والنار .. والماء .. والتـراب طرد السراب لمن يحسبه ماء .. ماهـي مشكلـه المشكله ( طرد السراب ) للي يعرف انه ( ســـراب ) !! ×شـــــــــاهين × كنت اسمع كلاامه وانا بداخلي حزن كبير عليها .. الصقر مو بس صديق الصقر اخوي الي مااجبته امي قلت له : صقر محد يبيك تكون ملاك ولا قديس لكن اخوااانك من زود حبهم يشوفونك القدوه والمثل الاعلى لهم ورسمو لك صوره ماتحتمل التشوويه الصقر جاوبني بتساؤل : وليه مفرووض اكون داايما صح ليه مفروض اكون كاامل ..ممنوع علي الغلط ..ممنوع احقق الي ابيه ..ممنوع اسوي شي يخاالف رغباااتهم .. يحبووني يااشااهين ؟! صدقني اعرف انهم يحبووني واناا احبهم بعد خوواتي هم نوور عيووني وخالد هذاا الي ابيه يكون سند لي ..شاهين انت صااحبي مفروض تكون فااهمني انت بذاات تعرف يعني يكون الانسان بيده فلوس تسبب بهلاااكه " شلون مااعرف يااصقر واحنا ابوي ضيعنااا بسبب الفلووس ".. اناا ماابعدت خاالد الا يووم شفت ضياااعه .. خالد ماتعود يتعب ع القرش الي بيده ... مااعرف يعني شنو حيلك ينهد اكثر من 8 سااعات باليوم عشاان مبلغ بسيط اخر الشهر .. تعود يااخذ ويصرف من غير لااحسيب ولاا رقيب ..وهذاك شفت النتيجه ضاااع .. وش الفاايده لاا رجع البيت ؟! بكوون رقيب عليه ؟! لين متى برقب تصرفااته ؟! لين متى بحااسبه ؟! اليوم انا حي ؟! وبكره ؟! تبي يوم يجي تلفون لوحده من اخواتي ولا لحرمته لااتزوج تعالو شووفو خالد لقيناه مرمي بزقااق حااره بفعل جرعه زاايده ولاا هالامبراطوريه الي تشوفها؟! الملايين لاصاارت بيده بغمضة عييين رح تطير وانت خابر الفلوس جمعهاا صعب وصرفها اسهل منه ماافي ... بكره لااوحده من خواتي نخته ؟! تهقى بيكون صااحي لجل ينتخيلها ولاا مسطوول بفعل ابره او قطعة حشيش ؟!! خلي الحيااه ياااشااهين تذوقه علقمهاا لجل يوم يذوق حلوهااا يسكر به قلت له : مااحسبتهاا بطريقتك ابد ابتسم : يمكن لانك صرت زيهم تبيني مثااالي ضربته على كتفه : لايكون ناوي تقلب علي اللحين ابتسم لي: انت بذاات تعرف اني مااقدر اقلب عليك .. انت ريحة الحبااايب ابتسمت له : لو مااكنت من ريحتهم كاان زعلت طالع بالبحر : ااه من فرقاا الحباايب قلت له :... تصدق اني احيان كثيره اتخيلها بتدخل علي وهي تضحك ... اشتقت لها وااايد ياااصقر الصقر والحنيين بصووته: واناا ياااشااهين صدقني كل يوم وانا احط رااسي ع المخده اشووف طيفهاا قباالي ..اكلمهاا وتسمعني تبتسم بوجهي وتنسيني كل هموومي ...اليين اللحين يااشااهين احس بدفا ايدهاا على خدي .. اللين اللحين وشالهاا الوردي اضمه لصدري واشم ريحتهاا...احس بقلبي يزدااد نبضه كن الي بين يدي هي مو شالها... احيااان كثيره ارووح البيت واافتحه بس لجل المح طيفهاا بزوااياااه ... اقعد بصااله واستند ع الكرسي واقول اللحين بتجي اللحين بتجي وبيدهاا العصير الباارد اللحين بتجي وبتجلس جنبي بحط رااسي على فخذهاا اقعد افكر شلون بغاايضها شلوون برااضيهاا ... لكنهاا ماااتجي ..مااتجي يااشاااهين ... ليت العمر ياااصاحبي يرجع واكوون انا الميت بدلهاا او حتى ميت معاهاا حطيت ايدي على كتفه : يااصااحبي هذا قضاا ربك تنهد : ونعم بالله × حـــــــصة × كنت منقهره من أمي بشكل ماتتصورونه نفسي اعرف ليه بس توقف بصف اخوواني على طول الخط حتى لو غلطانيين برضو رح توقف معاهم .. هم عياالهاا ... الذكوور ... وانا البنت ..قفلت باااب غرفتي بالمفتااح ورحت فتحت دولااابي .طلعت علبه صغيره ..علبه كرتونيه .. لها معزه خاصه بقلبي ... خبيتهاا بمكاان محد يقدر يعرفه ...واصلا انا مااسمح لاحد يقرب من دولاابي عشااانهاا ..كنت بفتحهاا لكني تذكرت شي مهم جدااا جريت لتسريحتي وشفت المبخره الكهرباائيه ..اوووف كيف كنت ناسيتهااا ..وصلتها بالكهرباا وطلعت من درجي علبة العود وحطت قطعه عووود من النووع الفاااخر ...رجعت لعلبتي الي رميتهاا ع السرير جلست ع سريري واسندت ظهري لظهر السرير . خذيت ريموت الاستريوو وبكبست زر فتحت جهازي ..وبدأ السي دي يدور ويدور والصوت يشق الصمت ..... على كثر مغني هالاياام ماكان في احد يطربني زي ابو نوره.. صوته ملا المكااان ... مديت ايدي بكل شووق لعلبتي الكرتونيه ....خذيتهاا باصاابعي المتلهفه .. قربتهاا من صدري بنشووه ..فتحتهاا واناا ابتساامتي من الاذن للإذن ..سحبت لفاافه بيضاا كلهاا رشااااقه وسحر .. اطراافها متزينه بلوون تراابي ساحر ...سحبتهاا وانا طرباانه بفعل الاغااني ..وبحركة سريعه فتحت درجه وطلعت علبة مربعه اصغر من علبتي الاولى فتحتهاا بسرعه كبيره ... واحد ..اثنيين ... يس ولع معاي عود الكبريت ..قربته بسرعه من اللفاافه الساحره واشتعلت اخيرااا ...قربتهاا لفمي وخذيت لي نفس ونفسيين ونفخت الدخااان الي طالع بكل سعااده .. مافي غير ذا الدخاان يعدل مزااجي ... بيني وبينكم مع كل جزء ينحرق من السجااره احس اني جالسه اتخلص من كل الغيظ الي فيني ..ترى والله ادري ان الي اسويه خطا وانه حراام لكن وش حيلتي زي ماقلت لكم مافي غيره يعدل مزاجي ..ينسيني همومي ولاتنسون اللحين التدخين ومشتقااته مووضه بين البناات رن موبااايلي شفت من المتصل كااانت وحده من شلتي ...تحديد صديقتي المقربه ..افناان رفعت : هاااي افناان : هااياات كيفك قلت لها : مااشي الحال افناان : اشبك تقوليها وانتي مو طايقه نفسك قلت لهاا : اووف افنااان بلا كثرت كلام وش تبين جاوبتني : ابي شحته منك وجع انعدلي بهرجك قلت لهاا : افنانوه وربي مو راايقه افنان : اوف انا مدري اصلاا متى تروقي جاوبتها : يوم اطلع من ذا البيت افناان : اهاا وين تبغي تروحي قلت وانا مقهوره من غبااءها : افناان مو وقت عبطك ترى افنان : يؤيؤيؤ مره محد يمزح معااكي ..اعوذ بالله ..صح جاكم اليوم قلت لهاا : لاا ماجاناا جاوبتني: اهاا عشان كذا معصبه ماكنت اعرف ان الحب كذا يعذب قلت لها : تكفين أي حب أي بطيخ افنان : اشبك انقلبتي عليه هو كماان جاوبتها : افنااان شوفي انتي وحده فااضيه واناا وحده مالها نفس حتى تتكلم افنان : طيب اسمعي ترى في دي جي عند هنود بتروحين قلت لها : مالي مزااج افنان : ياابنت ترى الدي جي بشاليهم ع البحر والله فلللللله لايفوتك قلت لها : قلت لك مالي مزاج يعني لو بنص البلد كانت قلت افكر لكن بالشاليه سوري .. تعرفين جو الشاليهات مااينااسبني ابد افنان : تعرفين انك انساانه متنااقضه قلت لها: اعرف مو شي جديد افنان : اووكي اناا يااادوب اروح للكوفيراا يالله سي يو اناا : سي يوو قفلت منهااا شفت سجارتي المنتهيه اووف طفيتها وطلعت وحده جديده... حسيت ان طفشي زااد اكثر واكثر .ولعت سجارتي وصرت انفخهاا بغيظ اكثر واكثر ...قال شاليه ع البحر مجنونه اناا والله ماغير ذبحوني اهلي ودفنوني من غير لاحد يدري عني سمعت صووت طق على بااابي قمت بسرعه طفيت السجااره ورميت المنفظه " الطفاايه " تحت سريري .. جريت لتسريحتي زدت العود بالمبخره ..وبسرعه لبان اكسترا بالنعناع رميته بفمي زاد الطق : زييييييييييييييين فتحت البااب وكان فهد : هلا فهوود فهد : فهود بعينك قولي امين .. ارخي ذا الرجه زميت شفايفي ورحت للاستريوو طفيته والتفت عليه واناا ضامه يداتي لصدري: طفينااه نعم دكتور فهد وش تبي ؟! وش سبب الزياره الكريمه ابتسم يوم شاافني متضاايقه ..قرب وباس جبيني : كل عام وانتي بخير حسيت بغصه بحلقي واناا اسمعه يعايدني هو الوحيد اليوم الي قالها لي بنفس لا ابوي ضمني لصدره ولا امي مسحت على شعري وقالت لي كل سنه وانتي طيبه ابتسمت : وانت بصحه وسلامه .. كنت عند حرمتك فهد ابتسم نص ابتسامه : ايه سألته : كيف كانت الزياره ؟! فهد : ماشي حالهاا قلت له : والله نوالوه ماتستاهلك انت احس منها بمليون مره على ايش شايفه نفسها سكتني : رجعنا لطير يلي ... حصه ترى زوجتي ماارضى عليها قلت له : والله اعرف لكن يوم اشوف معاملتها لك واشوف حبك لهاا وربي قلبي يتقطع عليك فهد اناا ماااكره نوال صحيح اننا مو صحباات بس ترى منا اعدااء ... وانا اقول لك ذا الكلاام لاني مو طاايقه اشووفك ذليل قال بانكار :انااا مب ذليل قلت له وأنا مقهورة منه : مب ذليل ؟! فهد تكذب علي مين علي ولا على نفسك ؟!! الأعمى يشووف ان نوال مو طااايقه شووفتك ؟! مو طاايقه تسمع حتى اسمك ... تذكر شلوون يوم ملكتكم اليوم الي أي بنت تكوون فرحااانه فيه شلون كانت تبكي كـأن احد ميت لهاا ؟! يااخي انت حتى المبروك مااسمعتهاا منهاا ؟! كل بنت تروح وتجهز لعرسهاا وتشتري إلي تبيه إلا هي حتى ماشرت قشه الين الحين والعرس مابقي عليه إلا كمن شهر ... بالله عليك قد تكلمتو وين رح تسكنوون ؟! سألتك شلون بتفرش بيتكم ؟! سألتك عن احووالك ؟! أنت حتى يووم انكسرت رجلك وتنومت بالمستشفى يومين مااكلفت نفسها ست الحسن وجات تزورك وانت أول مااا تمرض أول الوااصلين لهاا ... شفته منقهر من كلاامي ..لكني كملت مااعااد يمكني استحمل اكثر اشووف ذله واسكت ... تعرف أي وحده تمنى واحد زيك يموت عليها ويحبهاا ... تشوف شووقه ولهفته عليهاا يتمنى لهاا الرضى ترضى ..لكن بنت عمك قلبهاا مو لك ودام وقووفك جنبهاا بكل محنهاا ماحرك قلبها..صدقني عمر قلبهاا مااارح يتحرك لك فهد قالي : بسك ياااا حصه لاتنثرين الملح ع الجرح قلت له : الا بسكبه سكب يمكن تحس شووي وتعز نفسك ...فهد طلقها واشتري عزتك كفااك ذل لنفسك يااخوي والله ان قلبي يتقطع عليك وانا اشوفك شلوون ترووح لهاا وشلون ترد من عندهاا ؟! ليه يااخوي مصر تعذب نفسك ؟! طلع من الغرفه من غير لااايرد علي ... حست نفسي قسيت عليه وااايد بالكلاام ..لكن كيفه يسمعها مني انا ولايسمعها من الناااس × مــهــــــــــــا× مدري كم صار لي واناا ابكي .. المهم وقت طوويل ...بكيت وبكيت .. الغريبه اني مو عارفه احدد سب بكاااي ؟! هل قهر من كلاام الصقر ؟! او شفقه عليه وعلى مواجعه ؟! ع شباابه الي ضيعه علينااا ؟! وفوق كذا قسينا عليه ؟! قمت من عند البااب الي تسندت عليه اول ماادخت الغرفه ...فتحت ثلاجة غرفتي الصغيره وخذيت لي حبة بندول وموياااا رن تلفون حجرتي طنشت اول مره ...رجع ثااني مره يرن ..رحت رفعت السمااعه : الوو الطرف الثاني : ............. قلت : الوووو جاني صوت : مهاا كيفك انصدمت مستحيل يكون ..لا مستحيل قلت بحزم : نعم اخوي من بغيت ؟! قالي : معقول ماعرفتيني ؟! قلت له : من تبي ؟! قالي : انتي ياامهااوي ..ابيك ياابنت عمي غمضت عيووني بألم وانا اسمع نبرة الشوق بصوته : وحشتيني ياامهاا وحشتيني ابتسم بسخريه : وحشتك ؟! لاا فيك الخير ..وش بغيت يااسعد اخلص سعد : وش هاللهجه ياابنت العم قلت له : وشلون تبيني اكلمك ؟! لو سمحت انا مو فااضيه واتصالك مامنه أي معنى سعد : اسف اذا عطلتك ..بس تأففت : اوف الله ماطولك ياروح قالي : انا ابي اردك ياامهاا حبيت اتأكد من اللي سمعته : تردني ؟! ادلي: ايه قلت له واناا اكتم غضبي :مووافقه سعد : صدق والله قلت له : ايه سألني : متى اكلم صقر قلت له : موبالسرعه هاااذي اناا لي شرط سعد : اشرطي الي تبينه قلت له :لامنك لامست سهيل تعال ردني " سهيل نجم عالي يطلع بجهة الجنوب " وقفلت السماعة بوجهه.. قال ارد له ..بعد شنو يااسعد بعد مااذبحتني ؟!! بعد مااسقيتني كاس المهااانه رفعت راسي شفت نوال بغرفتي : متى دخلتي ؟! نوال : دوبني " توني" دقيت الباااب عليك وما رديتي فحسبتك نايمه قلت خلني اقفل اللنبه لكني شفتك صاحيه قلت لهاا : ماافيني نوووم سألتني : ليه عيوونك حمر جاوبتهااا : بس حكيتهااا ... وين الصقر؟! جاوبتني: مااادري نزلت تحت مالقيته الشغاله قالت طلع من قبل الظهر واللين اللحين مارد .. الا ماتبون تتغدون ترى والله جيعاانه شوفي السااعه 2.30 قلت لهاا : طيب دقي ع صقر شووفيه اذا بيجي يتغذا معناا نوال: اووكي وراحت بسرعه مسكة تلفوني ودقت عليه نوال بصوتها المدلع : صقووووووووري.... هلا يااقلبي لاامو مهاا ... صقر متى رااجع اووكي مع السلاامة سألتها : وينه ؟! نوال : يقول خلاص جنب البيت قلت لها : اووكي انا بشوف الشغلاات وش طاابخين واخليهم يجهزو الغذا رجع تلفوني رد رفعت نوال السماعه : ... وووجعه تااخذك انت ماتستحي تدق اللي زيك مفروض يختفي من الوجود وققفلت السماعه سألتها : سعد ؟! سألتني : من متى يدق ؟! قلت لها : توه قبل لاتدخلين دااق نوال بغيظ : صدق وجهه مغسول بمرق قلت لهاا : طنشيك منه ..انا شكلي بلغي تلفون الحجره وبريح نفسي نوال سألتني : وش كان يبي؟!!! قلت لهاا بغير اهتماام : يبي يردني نوال بصدمه : شنووو ؟؟!! يحلم الاخ شكلووو قلت واناا اطلع من الغرفه : شكلوو × خـــــــالد × وصلت بيت ابو مشاري .. كان بيت متوااضع مره ..عبارة عن غرفتين وصاله .. ابو مشاري: اقلط ياوليدي دخلت : مشكور عمي جلسناا اناا وياااه ...وراح المطبخ ورجع ومعااه صينيه فيهاا اكل ..بيني وبينكم الود ودي انزل بالصينيه وامسح كل الاكل اللي بالصحوون ... تغذيت انا وياااه وسااعدته بالتنظيف ...مع انه كان راافض لكني حلفت بعد كذا عمل لنا كاستين شااهي وجلسناا: عمي معليه بسألك ؟! ابو مشاري: اسأل ياوليدي قلت له : انت عايش بذا البيت لوحدك ؟! وين اهلك ؟! ابو مشاري بحرقه : مالي اهل حسيت انه انحرج من سؤالي: اسف مو قصدي اتطفل عليك ابو مشاري: ولا يهمك يااوليدي ...اناا ابوي ماات من صغري ... وعندنا باهلنا عرف المره الي يموت رجلها ماتزوج عقبه وامي ماتزوجت .... ربتني لين ماصرت رجااال.... يوم كبرت بغيت اتزوج ...وخطبت بنت عمي وعمي عطااني لكن بيووم قبل لاانملك بنت عمي ارسلت لي مع اختها الصغيره تناااخني افك الخطبه لانها ماتبيني وماتفكر فيني الا كاخو وبس حسيت كني اسمع قصه من قص شبااب هالاياام : وبعدين قالي: مااقدرت افك الخطبه لو تركتهاا وانا خاطبهاا النااس بينهشوون لحمهاا وانت تعرف طباايع البدو شلوون قلت له : ايه اعرف ..ماعافها ولد عمهاا الا بها عله ..تزوجتهاا ؟!! ابو مشااري : تزووجنااا .. وسبحااان من الف قلووبنااا وزرع الود بيييناا ... بعد سنه من زواجنااا امي الله يرحمهاا توفت .. توفت وهي تمنى تشوف ولدي لكن بوقتها الله مااطعمناا .. حرمتي تاخر حملهاا وليته مااجاا بعد خمس سنيين من زواجناا حملت وكنت طااير من الفرحه اني بصير ابوو .. لكن وتجمعت الدموع بعينه زووجتي جاتها ولاده مبكره بالثاامن لاهي نجت ولاا الي بطنهاا وصار يمسح دمووعه بطرف شماغه قلت اوااسيه : يااعمي ادعيلها بالعفو والمغفره ..واسمحلي قلبت عليك همومك ابو مشااري : الله يغفر لهم ويرحمهااا × ســــــــــــــراب× السوالف مع منيره كاانت تجنن لكن صاار وقت الغذاا واكيد بتروح بيت اهل رجلهاا منيره : فريح عبااتي فرح : اووف فكه اخيرا بتروحيين امي صرخت : فرييييييييييييييح لساانك بقصه فرح : وي وي وش فيه .. منوو متعوده علي منيره وعامله نفسها زعلانه :لا مب متعوده يرضيك يااام مااجد انتطرد من بيتك فرح فتحت عيونها من الصدمه وانا كتمت ضحكتي بصعووبه وانا اشوف منيره الدباا تغمزلي من غير لاينتبه عليها احد امي: مااعاااش من يطردك يااا منيره ... قلت اكلم فرح عشان اقهرها : فريح اعتذري من ام رياااان فرح : عن شنوو ؟! امي : عن طوولت لساانك ياللي ماتستحييين مسكينه فرح صدقت وبدت دموعهاا تجمع : انا والله والله ماكنت اقصد انا ..وبدت تختنق بعبرتهاا وكملت موجه الكلاام لمنيره ... انا اسفه مااكنت اقصد انا كنت امزح و منيره وانا انفجرناا ضحك : هههههههههههههههههههه ههه منيره قربت من فرح وضمتهاا صدرهاا : هههههه والله انك مقصه .. فرح رفعت راسها وتطالعهاا : يعني انتي مو زعلااانه انا هنا جد مااقدرت امسك نفسي: ههههههههههههه لاا بنت اخوي متنحه فرح استوعبت الموقف اخيراا ...... دفت منيره بعيد عنهاا : مالت عليكم .. وصارت تمسح دموعهاا واحنا نضحك ... صرخت فيناا .. مااايضحك منيره سألتهاا بنمبره يقاال جديه : فروح بصرااحه دموعك ذي من وين تجيبينهااا على طول اربع اربع فرح بكبرياا : انا اصلا مابكيت الا لان امي هااوشتني ولا ماعلي منك لو زعلتي اشربي بحر ترى بحر جده يمدحوونه امي : ياارب انك تقصر لسان ذي البنيه فرح بعتب : اللحين يمه انا لساني طوويل قلت لهاا : الا يلوط اذنك فرح : تربيتك يااعمه ..ولعبت لي حااجبهااا قلت لهاا بغضب مصطنع : وش تقصدين اني طويلة لسان فرح بمكر : والله الي على راسه بطحى يحسس عليهاا منيره تصفق: احلللللللللللى تعجبيني ياامسكته ناظرت منيره بنص عيين ..يعني انكتمي لااجي ادوس ببطنك منيره الي فهمت النظره صاارت تضحك : ههههههههه يعني مااقدرتي عليهاا تبي تستقوين علي عصبت : منييييييييييييييييرو وووووووووووووه منيره بانفعال : بس بس شوهتي اسمي ... اناا منيره شووفي مونور ولا انواار لا منيره من زوود نووري موو سراااب وعع وش ذا الاسم عصبت عليهاا : وش فيه اسمي لاايكون مو عااجبك هني فرح فزعتلي وقالت وهي متخصره : ايه نعم لا يكون اسمها مو عاااجبك الا كشخه ويجنن ..... غير كذاا له معنى عميق وتاريخ حاافل اناا مكنت عارفه وش تقصد فرح لكن مشيت على نفس الخط : ايه نعم منيره باستغرااب: اقوول ياام لسان وش ذا المعنى العميق الي تقصدينه سرااب : شووفي يااست مظلمه "منيره طيرت عيونهاا بفرح "اووبس اقصد يااست منيره سرااب اسم كله عمق بتقولين ليه بقولك عمق الاسم جاي من كونه رمز للمستحيل شي ماانقدر بيوم نستحوذ عليه مانقدر نطوله مانقدر نتحسسه بدينها رغم انه قدام عيناا ..كل مانقرب منه خطوة يبتعد عناا الف ميل وميل ..وبنفس الوقت انا اعتبر السراااب رمز لشي مااقدر اني اقدره "اثمنه " سألي مسافر بصحراا بعز الظهيره وماامعه الي يروي عطشه وماقدامه الا سرااب ماا سأليه وش بيدفع مقاابل ان قطره من هالسرااب تصير وااقع صدقيني لو عنده كنووز الارض كلهاا بيرميهاا تحت رجلك مقاابل هالقطره .. والتفت علي وقالت ..واناا عمتي عندي شي لو كل كنوز الارض انحطت بكفه وهي بكفه عمتي بترجح بوووووايد لن مافي شي بالدنياا يقدر يسااويهاا ولا يقدر يوفي ثمنها اناا كنت اسمع كلاام فرح .... حسيت كل كلمه نطقتهاا دخلت لقلبي لانها فعلا طالعه من قلب فرح ... داايما الي يطلع من القلب يوووصل للقلب .. بستهاا على خدهاا : بعد عمري ياابنت اخووي منيره باعجااب : يااعيني يااعيني ..طيب يا فيلسوفة زمااانك القيمه التاريخيه فرح باستغرااب : عاد هااذي انتي مفرووض تكونيين تعرفينهاا مايحتاج اقولك ... انرسمت علاماات الغباار كلهاا على وجه منيره ... فرح ضحكت : قسم بالله انك معلمه مفهيه .. قال معلمه تااريخ يخلف الله على طالباااتك منيره : اووف اخلصي هااتي ألي عندك ترى عطينااك وجه بزيااده فرح رجعت خصله من شعرهاا الطويل ورى اذنهاا وكملت بلهجه فيهاا غرور مصطنع : شوفي ايتها المعلمه المفهيه سراب اشهر من نار على علم بالتاريخ العربي ..خصوصاا حقبة العصر الجاهلي ..مدري عاد اذا سمعتي بحرب البسووس ؟! منيره : ايه عرفتهاا مو ذي الحرب الي بمسلسل الزير سالم فرح : ايييييييييه عليك نور هي ذي منيرة : اما المسلسل كاان عجيب صرااحه يااني رحمت جهااد سعد يوم مااات ولاا يوم ان البنيه تستخف عشان حبيبها الي ذبحه عمهاا ولاا يوم ان الزير يقتل خويه ااااااي ياااقلبي جد بكيت كثير وانا عمري مابكيت بمسلسل تاريخي قلت لها : حشى مب صااحيه منيره : والله يقطع القلب ياااسرااب فرح باستفساار: يعني عرفتي ليه قامت الحرب منيره : مااتذكر بصرااحه هني انا جد ضحكت على منيره وعلى ملامح فرح المصدومه : هههههههههههههههههه منيره هد بليسك الااهي اللحين كل هذا تذكرتيه والسبب الي عملو عشانه المسلسل ماتذكرينه فرح تهز راسها : انا قايله لك ياعمه ماعندها ماعند جدتي ماصدقتي منيره : اووف منكم ..اقول فريح بتكملين السالفه ولا بدوس ببطنك .. ترى وراي طلعه فرح : طيب طيب سراب يااستي هي نااقه البسووس عمة جسااس .."منيره مااستوعبت لسى " سراب ناقه كانت ترعى بمراعي كليب .... كليب يوم شافهاا وعرف انها مو من نياقه قام ورماها برمح وعورها ... النااقه هربت وراحت جهة بيت البسووس الي ساكنه مع عيال اخوهاا ويوم شافت البسوس ناقتها متعوره وخلاص بتموت قامت تولول وتنخى عيال اخوانها وانتخالها جسااس وراح تهاشو مع كليب وذبحه وقامت الحرب بين بكر وتغلب فهمتي منيره : اللحين كل ذا المشوار عشان بعير فرح : نااااااااااااااااااق ه ... نااااااااااااااااااق ه منيره وهي تلبس عباتها : تصدقين مااعندك سالفه ..اروح بيتي واللحق على رجلي اصرف فرح : والله تسوين فيناا طيب منيهر : مااالت قولي اميين فرح : مب قاايله سألت منيره : راايحه لام رجلك اليوم تنهدت : ايه امي : علااامك تنهديين يااامنيره التفت على امي : يااخااله خليها على ربك ...كل ماارحت لهاا سمعتني كلاامك مثل السم .. مب طاايقتني ولا طاايقه رقعه وجهي والله حتى ولدي احسهاا مااتحبه امي : منيره وش ذا الهرج الفااضي لاتنسين انه ولد ولدها اكيد بتغليه من غلاة سللطان بقلبهاا انتي لاتكبرين السالفه وهي مب مستاهله منيره بغيض : خالتي والله لو تشوفينها يوم اروح لهاا لا استقبال سنع ولا حتى ترحيب كله ساافهتني ماغير سلطان هو الي يجااملني ويرقع وراااهاا قلت لهاا : منيره مب جديده عليك هالحركااات منيره : ادري لكن ياسرااب الانساان له طاقه وانا وصلت حدي ماعدت اتحمل اكثر ..يانااس تخيلوو تقعد تغزل ببنت اختها وتمدحا قداامي وقدام رجلي .. وتنغز بالكلمااات ...سلطان يسكتهاا حفاظ على مشااعري لكن هي ولا هي هناا ..مابقي الا تقوله تعال واعرس عليهاا امي هزت راسها : المره مب صااحيه منيره : الا صااحيه يااخاله مابها الا الغيره حشى تقولون ماخذه رجلها مب ولدهاا قلت لهاا : منيره ماانتي بزر كبري عقلك ودامك تعرفين تفكيرهاا خلك اذكى منها هي تدور لك الزله فلا تنولينها الي ببالهاا اصبري اصبري واحتسبي اجرك عند الي ماايضيع احد تحملي عشان رجلك الي ماامثله احد لاتنسين ولاتعصينه عليهاا ترى ان مابه خير لها مابه خير لك منيره : الله يعين ..في اماان الله ×راكــــــــان× طبعا كنا مستاانسين ع الاخير الشغل وضمناااه ولله الحمد والمدير شكله طيب رووح راشد بيته وفضلنا انا وتركي ويا بعض : يالله ترووك مشيناا تركي : ويين ؟! قلت له : وش راايك يعني بيتنااا تركي: رويكن ترى كنت امزح معك قلت بعصبيه مفتعله : رويكن بعينك وبعدين انا موب بزر تلعب عليه تركي : اقوول بس انطم مسويلي فيهاا عصبي قلت له : مالت عليك وسحبته من ثوبه : امشي قدااااااامي مسويلي ثقيل وهو من جنبهاا تركي : يااخي عيب عليك النااس تتفرج علي ..سااحبني تقول عنز قلت له : لانك ماتمشي بالا بالعين الحمراا تركي: لايكثر بس وقفنا قدام بيتناا وتركته دخلت المفتااح الا توونا دااخلين اناا وتركي مااشوف الا ذيك الكوره الي تجي بوجهي واتلافهاا وتصقع بووجه ترووك صااحبي × فــــــــــــهد × تمدد على سرير غرفته ويطاالع بالسقف .. حااس نفسه متضااايق ... كلاام حصه كااان صحيح ماايقدر ينكر أي شي منه ... ليه يكذب على نفسه ليه يوهم نفسه بحبهاا وهو يشوف النفوور ليه يعطيهاا امل وهوو عارف ان الي يتمنااه ماارح يصير حتى لو جمعهم بيت وااحد بيتم في بينهاا وبينه حاجز حااجز انكسااره مستحيل طيب لو طلقتهاا بقدر اعيش بليااهاا ... شلون احلامي رح تكون من غيرهاا شلون بيتي بيكون من غيرهااا.. لاطلقتها اكيد بتتزوج بتصير لغيري ؟! معقول تنكشف على غيري ؟! يقعد معاها ..يسولف معاها... تضحك معااه يحط ايده بيدها وتحمر خدودها من الخجل ... لاامستحيل يصير هالكلاام مستحيل تكون لغيري ااااه ياااانوال قربك ناار تحرق وبعدك جهنم الحمراا... >> ابغاكم تنتبهون له سالفه التدخين مافي داعي اقولكم انه حراام لانه شي مفروغ منه وانا ذكرته لانه شي صار منتشر بين البنااات << يتبع |
|
| |
|
| الإشارات المرجعية |
| أدوات الموضوع | |
مواضيع مشابهة | ||||
| الموضوع | الكاتب | المنتدى | الردود | آخر مشاركة |
| رواية الحب بعد فوات الاوان ... أقوى رواية سعودية رومانسية جريئة | soul love | روايات تعب قلبي | 51 | 11-01-12 05:44 PM |
| رواية قررت أموت بحبك (العنود و خالد) رواية رومنسية جريئة روعه | العبني احساسي | روايات تعب قلبي | 88 | 19-08-11 04:46 AM |
| روايتي رواية ملاك الروح..غرقانه في بحر الذكريات..رواية من تأليفي.. | **MoOn LiGht** | روايات تعب قلبي | 70 | 25-03-10 09:38 PM |
| رواية وجوه رمادية .. رواية سعودية رائعة .. للكاتب : البدر الضاوي | الصقره11 | روايات تعب قلبي | 18 | 15-12-09 07:59 AM |
| رواية الوردة الذابلة رواية كاملة للكاتبة بقايا امل | dream girl 12 | روايات تعب قلبي | 147 | 24-01-09 04:29 AM |
