المنتديات
المنتديات
| روابط إعلانية |
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
| | أدوات الموضوع |
16-06-09, 02:12 AM
| #1 |
| |[ عـضـو نـشـيـط ]|  الدولة:  روابط إعلانية |  حبيت اعلمكم حجي ديرتي لمحرق فديتها واتحدى حد اييب مثلها من بحر لهجة منطقة المحرق العريقة رستة = شارع راندبوت = دوار زبرة = كشخة متزبر = كاشخ قرنة = الزاوية تكندر = تطرف أو مطورف على كتر = على صوب أو على جانب لوفر = ناس مخرطية مهتمل = مبهدل تهردم = طاح عايله من أسفله حدر = تحت تعلبق = تسلق علثة = حاجة سلق = طويل شمحوطة = طويلة شنقايل = شنو اشعداله = شلون صاير أو ما هو شكله سانجة أو جرخانة = مكينة خياطة بطبطة = موتر سيكل ( الدراجة النارية ) اقطيرة = قطرات من الشراب يعني قليل اطبقه = مسكه أو يوده بوكس بويمعه = ضربة قوية بقبظة اليد كف راشدي أو ( كف حلاقة ) = ضربة من قفا الرقبة القفا = قفا الرقبة ويقصد فيها بعد وراء أو خلف الشي سابعة = ظهر الانسان سبعه = غسله+طهره حذاي = يمي أو قربي أو جنبي عروة = أذون البيالة البيالة = الكوب اللي له اذون غنجه = صينية همزة = قبضة الأكل او الغداء باليد هميج = عيش لين سلوقة = ضربة بالصبع على الراس زتات أو زتك أو زتاتك أو حامي = بسرعة وعجل نايز = تجهز وتبرز كرفاية = سرير ازغده = ازنطه = امسكه من بلاعيمه اصلخه = اصابته ضربة بالتمبة ( الكرة ) في وجهه أو في أي مكان في جسمه شله = التراب المختلط مع المطر مدروي = مقلوب يعني مثلاً لو واحد لبس الانجفرة مقلوبة انقوله شفيك لابسها مدروية عدلها زمران = زعلان وماد البوز صخه = سهدة = هدوء امقطن = حزر= منتهي مدته قرص = خبز حايف = الخبز المعفن محندب = ظهره ملتوي من الكبر والكبر شين معيي = مخالف ورافض اشعاد = ما يخالف = لا يمنع مقشحة = قطعة من بلاستيك وسابقاً من المعدن لغرض التنظيف ( وضع الأوساخ بالمخة في المقشحة ) مبوبز = جالس على قدميه ويدينه مادهم جدام مجندس = منحني وجهه او ظهره مجثي = باهت أو متقشر أو رايح لونه متربع = نوع من انواع الجلوس وغالباً عند الجلوس أمام مائدة الغداء انجله = قلبه أو طرحه أرضاً تحنقل = طاح ووقع على الأرض تنهزر = تمسخر وتطنز تقرفض = تساقط الشعر معنطز = معاند ومناحس اميود = ماسك معجعج = اميود الشي بقوة ولا يريد التنازل عنه مهما كان ابشار = الشرشف برنوص = لحاف اهو ناولني = اعطني الشي في يدي املعه = فرط جزء ما من جسمه خنه = عطر خنينة = رائحتها حلوة وزكية ينبر = يفتش ويبحث افهقه = فتحه بقوة لدرجة الكسر مقحوم = مقفول ويكون القفل من صيخ من حديد نتفة = جزء صغير من الشي يقمة = شربة واحدة من الماء او الشراب عجبرة = دخان سقطة = الجو حار ولا يوجد متنفس أو هواء اوهيه = حرورة أو لهيب النار تنسم = تنفس سندارة = ضجيج وعوار راس هست = يوجد أو هل يوجد هذا الشي دبيج = ركيض يدبج = يركض ها اشرايكم في حجينا واذا تبون ازيد ترى انا حاضرة ولي يبي يتعلم لغتنه البحرينيه القديمة >>> لغة العيايز يقولي وانا اساعده لاتبخلون علينا بردودكم ولوسمحتوا لا تتطنزون علينا>>> يعني بلا شماته آخر من قام بالتعديل نتوفة; بتاريخ 16-06-09 الساعة 02:13 AM. السبب: تكبير الخط |
|  |
|
16-06-09, 02:27 AM
| #2 |
| |[ عـضـو مــاسـي ]|  الدولة: |  رد: حبيت اعلمكم حجي ديرتي لمحرق فديتها واتحدى حد اييب مثلها يشرفني ان اكون اول مسجلين في صفحتج يا اختي واحلى تحيه مملؤه بالورد لاهل البحرين بذات المحرق اصل السنه واهل الكرم و الضيافه واهل الطيب لو قالوا محرقي وافتخر وكلي فخر يا حيا الله من جانا اسفرت وانورت بطله يبين عليج محرقيه اصيله حيا الله اختنا نسيتي زهيوي = صرصور قفشه = ملعقه لوتي = طريقه مو عدل كله تعاريج يطلق على شاب واايد اشياء بس تسلمين يا اختي من اختج احلى سمره منوره بيج يا غلا |
|
| |
|
16-06-09, 02:30 AM
| #3 |
| |[ عـضـو مــاسـي ]| الدولة: | رد: حبيت اعلمكم حجي ديرتي لمحرق فديتها واتحدى حد اييب مثلها تسلمين اختي في خطا وتصليح يقولون معنجج وليس معجعج = اميود الشي بقوة ولا يريد التنازل عنه مهما كان الله يرحمها جدتي كانت تقول لنا دايم بنعطيكم سلوقه على راس هههههههههههههههههههه يعني ضربه سلوقة = ضربة بالصبع على الراس |
|
| |
|
16-06-09, 02:31 AM
| #4 |
| |[ عـضـو نـشـيـط ]| الدولة: | رد: حبيت اعلمكم حجي ديرتي لمحرق فديتها واتحدى حد اييب مثلها مشكورة يا احلى سمره نورتي صفحتي انا عندي وااايد غير هل حجي بس ابي ردوود تعجبني عشان انزل الباقي تسلمين لي مرة ثانيه على مرورج صدقتي يوم قلتي اصل السنة فديتهم السنه والله |
|
| |
|
16-06-09, 02:46 AM
| #5 |
| |[ عـضـو مــاسـي ]| الدولة: | رد: حبيت اعلمكم حجي ديرتي لمحرق فديتها واتحدى حد اييب مثلها كلمات جميلة اول مره اعرفها مشكورة ويعطيكي العافية |
|
| |
|
| الإشارات المرجعية |
| أدوات الموضوع | |
مواضيع مشابهة | ||||
| الموضوع | الكاتب | المنتدى | الردود | آخر مشاركة |
| بـ قلم راشد الهاجري / فديتها .. فديتها ( لها فقط ღ ) | ليـتــﮛ ﻤـعـﻲ ..} | منقولات أدبية | 7 | 23-08-10 02:51 AM |
| ديربي الغضب ـ ديربي الجنون ـ ديربي النار ـ الديربي الأقوى في العالم جميعها مسميات | اسطوره المان يونايتد | كرة القدم العالمية | 6 | 16-02-09 02:57 PM |
| تعاآالوو اعلمكم شلوون تخترعوون ..!} | مخاوية الشقاوه | نكت × نكت ضحك | 13 | 23-10-08 01:53 AM |
| وش يرفع ضغطكم تعالوا انا اعلمكم ؟؟؟ | بنت أبووهــــا | منتدى المواضيع العامة | 7 | 26-08-08 12:15 PM |
| معلومات غريبة اتحداكم تلاقوا مثلها في العالم كلة ومن لقى مثلها بخلية يقطع لساني ويدي ....... | واحد يحب العلم | منتدى المواضيع العامة | 7 | 09-07-08 02:01 AM |
