أحلام اليقظه..!!

[عبدالمجيد اليحيى]

عكس هالعالم أنا
تصدقين
من كثر ما أحلم
و واقعي يقول:
لا..!!
إذا تعبت و نمت
نامت الأحلام
مني أكثر هي
تعـــــبت..!!

تصدقين
تعبت و غفيت الفجر عالخمسه ونص
و قبل سته ونص..
شرقت بأنفاسي من الضيقه..
صحيت..
لاني فقدتك..!!
و بحكم العاده من أفتح عيوني
على أسئلتها..
ماشفتها..؟
ماجبتها..؟
أو عالأقل واعدتها..؟
بحزنه المطبق ألم
واقعي يجاوب:
ياليت..!!
وفي نفس الوقت
-من أفتح عيوني-
أبدا أحلم..

و في الأحلام
مايقدر أحد..
و مافيه شيء..
يقول للمحتاج لا..!!
يقول للمشتاق لا..!!
و أكبر دليل..أنك معي
أعلمك بالي حصل
و إيديني تعانق يدينك..!!
من الناس و أقسى ظروف
ماعلي و لا عليك..!!

هِنا
كل هالعالم هَنا
ما فيه أحزان و عنا..
و أكبر دليل
أنتي وانا دايم هِنا..
متوحده قلوبنا و أجسادنا..
و لا فيه أثر حسّادنا..
أو حتى طاري فراقنا..!!

أجمـل طبـع و أصّـح عـاده

حـلـمـي ولا مـنّــه مـنــاص

ولاَ واقــعٍ طـاغــي زنـــاده

وبعدك علٍي أقسى رصاص

عـلاجـي و أرض السـعـاده

حلمي بـك ودرب الخـلاص

[نسايم السعوديه]

تصدق انك شاعر مرهف الاحساس

وتصدق ان كل ماكتبت كان بقمة الروعه

سلمت الايادى

وصح لسانك

نسايم

[][ المـوسيـقـار ][]

عبدالمجيد

’,

الله الله الله

نص شآعري أغرق بالرومانسيه

التفعيله كانت رآئعه جدا و إختتمتها بثلاث أبيات سآحره

لقلبك كل التقدير الخاص

[نواف بندر]

تسلم عبدالمجيد

كلك على بعضك حلو

محبتي

[زمن اتعبني]

كلمات في قمة الروعه


الله يعطيك العافيه... ولايحرمنا من جديدك