المنتديات
المنتديات
| روابط إعلانية |
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
| | أدوات الموضوع |
29-05-09, 11:52 PM
| #1 |
| |[ عـضـو ذهـبــي ]| الدولة:  روابط إعلانية |  كيف تكون شيخ القبيله كيف تكون شيخ القبيله كان يا ما كان كان هناك شخص يدعى علي بن لبدان المهم علي بن لبدان هذا كان كل أمنياته في الحياه إنه يصير شيخ قبيله لكن ما فيه مقومات وما أحد بيعطيه مجال لأن الشيخه لها ناس وأخرهم علي بن لبدان بعد ما يأس من الشياخه في قبيلته قال يا ولد أنا بأفصل لي جنبيه زي حقت الشيوخ وأكتب عليها الشيخ علي بن لبدان المشكله ما فيه دراهم قام باع الغنم كلها علشان يفصل الجنبيه (الحلم) فصل الجنبيه وكتب عليها: الشيخ علي بن لبدان قاتل ميه ومعتق ميه علشان الشياخه تكون على أصولها المهم طق في الأرض بعد ما باع كل شئ علشان هذي الجنبيه هام على وجهه في الأرض لا فرس ولا حتى حماره ولا قليل ولا كثير ومشى وأبعد عن ديرته بعيييييييييييد المهم من كثر التعب جلس تحت شجره ونام خ خ خ خ خ وهو نايم ألا ويشوفونه مجموعه رجال جوا وقربوا منه وبدون ما يحس طالعوا فيه طالعوا في الجنبيه: الشيخ علي بن لبدان قاتل ميه ومعتق ميه الله يكفينا شره هذا ماهو بسيط هذا مطلوبنا هذا اللي بيحل مشاكلنا المهم صحوه برفق ولين شيخ وقاتل ميه يعني العفاشه ما تنفع معه المهم قام الشيخ علي : خير وش فيه (من الخوف طبعاً) هم : لا لا أبداً بس قلنا تتفضل عندنا هنا يا شيخ علي هو : هاااه الشيخ علي طيب طيب (أول مره يسمعها في حياته( هم : تفضل تفضل المهم راح معهم قهّووه وغدّوه وريّح وقيّل عندهم وقالوا له روس القبيله عازمينك الليله على العشاء وطلبناك إن تقول تم قال : تم تم المهم إجتمعوا وتشاوروا قبل ما يجي الشيخ المزعوم ويوم جاء وتعشى واللي عليه بالخير قالوا له : العلم سلامتك حن قبيله ضعوف ما عندنا فارس ولا عندنا شيخ وقطاع الطرق ذبحونا ما يمر يومين ألا وهم داخلين عندنا يأخذون اللي يبغون من حلالنا وحن لا حيله ولا بصيره لمعت عيون الشيخ علي من الفرح قالوا له أسمع حن بنحطك شيخ لنا كلنا طبعاً الشيخ علي على طول قال أنا موافق(حلمه القديم( قالوا : بس فيه شروط الشيخ علي يتمتم : إنا لله وش شروطه ؟ طيب وش شروطكم ؟ قالوا فيه ثلاثه إختبارات إن نجحت فيها تأخذ الشياخه وإن ما نجحت فما لك عندنا ألا ضيافة ثلاثة أيام الشرط الأول إختبار الفروسيه والقتال الشرط الثاني إختبار الشجاعه الشرط الثالث إختبار الذكاء المهم فكر الشيخ علي شوي وهو عارف إن ما فيه ولا شرط ينطبق عليه قال يا ولد خلني أستفيد قدر المستطاع على الأقل إذا جاء إختبار الفروسيه أخذ من عندهم فرس وأحط رجلي قال لهم أنا موافق قالوا : إختبار الفروسيه بكره جهز نفسك جاء اليوم الثاني قال : أنا جاهز قالوا له نبغاك تقاتل قطاع الطرق وترهبهم علشان ما عاد يرجعون لنا قال طيب بس أبغى فرس متعوده على الكر والفر قالوا جاهزه والسلاح جاهز طبعا الرجّال عمره ما ركب خيل قال أبغاكم تربطوني على الفرس ربطة ما تنفك ركب الفرس وربطوه ربطة الشر أخذ سلاحه قال وينهم قالوا في الجهه الشماليه قال طيب وراح يوم أبعد وهو يفرك جهه الجنوب ومشى ألا والله ان قطاع الطرق قدامه ويوم تشوفهم الفرس وتقول بسم الله وعليهم والشيخ علي يحاول ينزل يمين شمال يحاول يوقف الفرس ما فيه فائده رايحه لهم رايحه وهو مربوط ربطةٍ شينه وهو يطالع ألا شجره قدامه ويوم وصل جنبها وهو يتمسك بها مضبوط لكن الربطه كانت أقوى وهو يقتلع غصن كبيييييير ويوم شافوه قطاع الطرق وبيده الغصن الكبير هذا وطريقته في إقتلاع الغصن خافوا منه وإستسلموا قالوا هذا الداهيه ماحنا وإياه عزا الله بيذبحنا كلنا اللي قلع ذاك الغصن وراعي هذا الهجوم الخاطف ما لنا إلا نستسلم يوم شافهم الشيخ علي مستسلمين قال : يالله يا ( كلاب مسعى ) واحد منكم يربط الباقين وألا والله لأذبحكم ذبح الشاه المهم ربطهم كلهم وسحبهم وراح للقبيله وهم قدامه مربوطين زي الغنم ويوم شافوا القبيله قطاع الطرق مربّطين قالوا عزّ الله شيخ ولد شيخ ويفكون الرباط اللي مربوط فيه على الفرس ويهنونه ويكرمونه ويريح الشيخ علي وهو يقول في نفسه راحت الفرس ورحت أنا فيها جاء إختبار الشجاعه قالوا له : فيه أسد دايم يأكل حلالنا ونبغاك تقتله قال : هاه أسد يارياجيل عدلوا بدلوا قالوا أسد قال : طيب إتركوه عليه بس أبغى فرس بس غير الفرس هذي (ما تنفع له يبغى وحده حبيبه ما هي حقت مشاكل( قالوا : طب وتخيّر يا شيخ علي المهم لقا له وحده هناك شكلها ضعيفه مالها في المشاكل قال : هذي قالوا : يا شيخ علي هذي تعبانه ما هي حقت كر وفر وأنت بتقابل أسد قال : أنتوا تعلموني الكر والفر وبعدين من هو اللي بيقابل الأسد أنا وألا أنتوا قالوا : خلاص يا شيخ علي أنت إبوها وسمّها المهم أخذ الفرس التعبانه ويوم يبغون يربطونه قال لا لا لا (خايف من الورطه القديمه( كل معركه ولها طريقه أخذ الفرس الحبيّبه هذي وتوكل من وين الأسد هذا اللي يطلع لكم قالوا : من الشرق قال طيب خلاص إزهلوه ! ويوم أبعد وهو يروح غرب مشى وهو يقول: وربي تعرفونها قال إيه أسد مجنون أنا ؟ ومبسوط من الفرس تمشي على أقل من مهلها مشى الرجال إلى أن تعب وهو يشوف ذيك الشجره التسبيره قال أريّح هنيا المهم ربط الفرس وطلع هوه فوق الشجره ونام شويه ألا والأسد محضر الله لا يوريكم الشجره هذي بالذات مركاز الأسد ومحل ما يتكي الفرس من يوم ما شمت ريحة الاسد وهي تحط رجولها وتعود لأهلها والشيخ علي نايم في سابع نومه نام الأسد والشيخ علي ينقلب ويطيح على ظهر الاسد وينفر الاسد لكن الشيخ علي من كثر الخوف تمسك مضبوط لأنه عارف إنه لو طاح بيروح غلطه ويحاول الأسد جاهداً يطيحه يحاول لكن الرجال متمسك مسكة خواف يعني متسمّر فيه ويحاول الأسد يطيحه يمين شمال ما فيه فايده الرجال مسمّر ولا هو ناوي يفكه المهم وبينما الصراع (صراع من أجل البقاء) قائم بين الشيخ علي والأسد القبيله هناك بعد ما رجعت الفرس عرفوا إن الشيخ علي تعرض لمكروه وهم ينفرون كلهم ويلحقونه ويجون ألا والله الشيخ علي متمسك بظهر الأسد والأسد يحاول يطيحه ويجي واحد من القبيله ويقتل الأسد ويطيح الأسد ويموت والشيخ علي متسمر فيه ويجون عنده ألا وهو زعلان مررررررررره زعلان قالوا : الحمد لله على السلامه يا شيخ علي قال : الله لا يسلمكم قالوا : ليش قال : من اللي قتل الأسد قام واحد وقال : أنا قال : الله لا يربحك قالوا : لييييييييييييييييييييييييييييييييش ؟ قال أنا كنت قاعد أروّضه أبغاه ركوبه لي وتجي تقتله حسبي الله عليكم المهم إعتذروا منه وتسامحوا منه والرجال يسامحهم ويأخذونه ويرجعون على القبيله ويعشونه ويحتفلون به الفارس العظيم مروض الأسود المهم هو يفكر يقول راحت علي الفرس لأنه عارف إنه ما بينجح في إختبار الذكاء لأن ما فيه مجال للحظ في هذا الإختبار جاء موعد الإختبار النهائي إختبار الذكاء المهم جابوا تنكه وحطوا نصها عسل والنص الثاني الله يكرمكم (بعر( وغطّوها وقالوا : يالله يا شيخ علي تقدر تقول لنا التنكه هذيك وش فيها المهم الرجال قعد يفكر في وضعه لأنه عارف إنه ما راح يعرف يفكر كيف الكرم اللي كان فيه والأمجاد اللي عاشها اليومين اللي راحت مع هذا القبيله اللي نادوه بأغلى إسم عنده وهو الشيخ علي فكر ثم فكر وكيف بيكون وضعه بعد ما يروح من عندهم وهو يتكلم مع نفسه وهو يتزفر زفرات من قلبه وبدون ما يحس طلع من لسانه جزء من الشي اللي يفكر فيه قال : اللي أوله عسل أخره ( بعر ( كلهم صاحوا صح صح جبتها يا شيخ علي وهم يحتفلون به وهو ما يدري وش السالفه ألا بعد ما فتحوا التنكه وأخيرا تحقق حلم الشيخ علي وأصبح (( شـيـخ الـقـبـيـلـه )) وسلامتكم |
|  |
|
30-05-09, 01:28 AM
| #2 |
| |[ عـضـو مـبــدع ]| الدولة:  |  رد: كيف تكون شيخ القبيله هههههههههههههههههههههه والله من الحظ يسلمووو على الموضوع |
|
| |
|
30-05-09, 02:32 AM
| #3 |
| |[ عـضـو فـعـال ]| الدولة: | رد: كيف تكون شيخ القبيله ههههههههههههههههههههههههههه حكاية تجنن والله ونصفه الزمان ولد المحظوظ يسلمووووووووو |
|
| |
|
30-05-09, 02:50 AM
| #4 |
| |¦ مـشـرفـة ¦| .. ѕιlєпτ ѕơυl ޓ الدولة: | رد: كيف تكون شيخ القبيله هههههههههههههههههههههههههههه هههههههههههههههههههه روووووووعه يعطيك العااااااااااافيه |
|
| |
|
30-05-09, 01:01 PM
| #5 |
| |[ عـضـو فــضــي ]| الدولة:   | رد: كيف تكون شيخ القبيله هههههههههههههههههههههههههه روعة يعطيك الله العافية |
|
| |
|
| الإشارات المرجعية |
| أدوات الموضوع | |
مواضيع مشابهة | ||||
| الموضوع | الكاتب | المنتدى | الردود | آخر مشاركة |
| اذا ازيل كلمة القبيله من اسماء المواطنيين هل تسود المحبه او العكس | ربما | نقاشات و حوارات | 26 | 12-07-11 12:30 AM |
| هذي القبيله ولا بلاش | ♥aמŘa | صور - كاريكاتير | 39 | 11-04-11 05:24 PM |
| هل تتزوج من خارج القبيله؟؟ | عرووب | نقاشات و حوارات | 30 | 21-12-09 07:00 AM |
| الفتاه بين جبروت القبيله وسماحة الاسلام .......... | قوت القلوب | نقاشات و حوارات | 24 | 31-10-09 08:55 PM |
| حذف اسم القبيله من البطاقه الشخصيه ؟!!!!!!!!!!!! | سِعُوٍدُيًـﮯ 2009 | نقاشات و حوارات | 12 | 13-10-08 08:56 PM |
