لو كنت في الموقف ذا وش تسوي << الله لايقووله ..؟؟

[أحـسـآســـ الـمـشـأإأعـر]

صلااااام علآآآآآآكوووم يآآآآقوووووم التحشيش


ولآ أحد بقوووولي ولاشي

7
7
كرشتي زادت كيلوين



قبل ماأبدأ في الموضوع بنقنط عليكم بنقاط :
1- القصة حقيقية لكن فيها بهارات
2- أول رد له تقييم << ألحق ماتلحق
3- والله لو تدرون كيف كتبت ذا الموضوع لتضحكون لين تقولون آمين
كل ماكتبت سطرين جاتني أمي وألا أبوي أرسلوني للبقالة
حتى يوم بقي سطرين تركتها ورحت لأمي قلت تبين نيدو خيار طماطم شي ؟؟؟


نبدأ بالموضوع << من تحشيشي ولو سمحتوا ياأعضاء المنتديات الأخرى
اللي بيأخذ الموضوع يكتب منقول مو ينسبه لنفسه أوكيــه ؟؟


لحظة


لحظة


لحظة


جاري تحميل التحشيش


3


2


1


GOO


مرمرة من المرمرات
قمت من النوم << صحتني أمي ضربتني بالقلاية على رآسي << أفضل طريقة عشان تصحيني

ورحت غسلت وجهي

ولبست ثوبي وأضبط ذيك الشخصية بنت البكار << اللي يشوفني يقول خالد عزيز مشخص
وأنزل وأدوح مفتاح السيارة منا وأجيه أدوره تحت الكنب وفوق المروحة
وفي فرن الكهرباء وفي الخلاط وفي الغسالة << أبن الكلب أختفى طس مدري وين ديرته

والله وأنزل لأمي وتقشر لي جبنتين أبو ولد وتكبس عليها عسل << كل يوم جبن أوم الطفش
وأكل وأنا أتغصب >> أفكر في القرموشي >> معصوب بالقشطة

أنا : يمه ماشفتي مفتاح سيارتي
أمي : أيه صح خالك أخذ سيارتك عشان سيارته مارضت تشتغل
وقال خلي حسو يروح مع فهد << فهد معي بالجامعة
أنا : بس يا يمه فهد اليوم عنده راحه وأنا عندي أختبار اليوم ضروري أروح وش من دبره
أمي : والله مدري عنك دبر نفسك << ماتعطي أحد وجه

والله وأطلع جوالي من جيبي وأتصل في الوالد
>> جاري الأتصال بـ ( وزير الخارجية ) << خالي

أنا : مرحبا خلووو
خالي : تراب في وجهك وش تبي أنت << من كثر مايقولي تراب صار وجهي ميدان كرة قدم
أنا : خلووو ليش أخذت سيارتي وأنا وشلوون أداوم
خالي : مدري عنك دبر نفسك شوف فهد داوم معه
أنا : فهد ماعنده شي اليوم وأنا عندي أختبار ضروري أداوم
خالي : مدري عنك أنا ماراح أجي ألا 2 الظهر دبر نفسك
أنا : كيف أدبر نفسي كيف ؟؟
خالي : كيف عند العطار طوط طوط طوط << أخذ سيارتي ويطقطق علي << لاوالله النشبة

قلت مالي ألا آخذ سيارة فهد
وأنقز لفهد وأدق البيت محد فتح
وأتصل فيه مايرد وأدق على البيت ماش أحد << أنقرضوا شكلهم

المشكلة أني مذاكر المادة صم صعبة أغيب عنها

قلت والله مالي ألا الخط أروووح أأشر

وأخذ كتبي وأحط الشماغ على الكتف وأميل العقال على الطاقية وأدرعم للخط
ويوم وصلت وأنا أمد يدي ومسوي فيها عربجي
وآخذ ربع ساعة ملطووووع والشمس طفشت مني << سحبت حرارتها

وأطالع ألا سيارة ونيت 96 من بعيد تعطي فلشر يسار << جايه عندي
لين وقفت وألا فيها ثنين من تشوفون وجيهم >> تتعوذ من أبليس وتنفث على يسارك ثلاث
كل واحد منهم شنبه تقول ذيل ديك
وشعورهم تقول عش عصافير


قلت ياولد أركب ماأركب أركب ماأركب << طبعا أفكر

قررت أني أركب أبغى ألحق على الأختبار
وركبت ورا
قلت جامعة الطايف الله لايهينكم
ونستلم الخط
وبعد خمس دقايق ألا واحد منهم رامي علي سقارة
قال أشرب ياواد أنتا شكلك يقول أنك تشرب دخان

وأمسك السقارة لأول مرة في حياتي وأولع بالولاعة وأحط السقارة بين أصبعين << مسوي فيها خبرة عشان ماأنفضح

وأول ماشفطت شفطه وأنا كححححححححححح كحححححححححححححح
قال واحد منهم ياواد شكلك ماعمرك دخت
قلت ألا بس أنا معي كحه اليوم << أوم التصريف
المهم خليتهم لين ينسوني وأنا أرمي بالسقارة مع الشباك

قال واحد منهم : يالحبيب حنا بنروح لواحد من أصحابنا لنا عنده غرض بنأخذه ونوديك
<< والله أني خفت لحالي والديرة خلا جبال ومافي ولا محطة وهذولاء مدري وين مآخذيني خصوصا أنهم سكارى

والله أن السواق مرة يحوص يمين ومرة شمال لو الخط زحمة رحنا في خبر كان وخالاتها

ياولد وش من دبره وش من تصريفة أقدر أنزل من السيارة << أفكر

والله وأمسك الجوال وأسوي نفسي أكلم أبوي
>> هلا بالغالي - والله - طيب خلاص تلقاني على الخط واقف
<< ألا والله الجوال يدق في أذني من جد
ووجهي راح أحمررررررر مثل أيدام طماطم

<< كشفوني أني أكذب ماأكلم

الله من النشبة ذولاء ألحين من يتخارج منهم
والسواق دآآآآآآآآآآآآآآآآآآآآآآآآآآآآآآآآعس 180 كيلووو << والله حتى الخطوط المقطعه صرت أشوفها خط واحد

قال واحد منهم لخويه >> عطنا الشراب يآبو قمش
ويطلع أبو قمش ثلاث علب
ويعطوني علبه >> قالوآ أشرب ياحلوووو << لأ ألحين مو قلبي يدق حتى خشمي صار يدق من الفجعه

والله الوضع مرررررررررررررة مايصلح << لو أقعد معهم عشر دقايق بس كان تحصلوني أكبر حباب << حباب = بياع

وأخوووووش عليهم >> أنا حشران أنا حشران وقفوا بقضي حاجتي
قال أبو قمش : ألحين أذا وصلنا عند خوينا ننزلك وتروح للحمام
قلت : علي بالحرام لتوقف وألأ أتصل في الشرطة
وأفتح الباب
كان يهدي لين وقف وأنزل من السيارة
قلت : والله لو ماتطسووون عن وجهي أني لآبلغ عليكم ياملاعين الوالدين وأمسك الشرقي << ناويهم بكفخهم << قوي تراني

ومآآآآشووووف ألا غبار الونيت هجوووا العرب

وأدق على خالي ويرد علي
أنا : الله يلعني لو ماتجي لي ألحين أني بعدين ماأعطيك سيارتي
خالي : طيب طيب طييب وش فيك جايك ألحين دقايق بس << شافني صامل في كلامي

والله وأعطيه العنوان ويجيني خالي سيارتي وأرمي بخالي في الوادي << لآبووك لآبوو اللي يخليك تصرق مفتاحي بعدين

وأفحط لين وصلت الجامعة يوم جيت والعالم بدو في الأختبار لهم نص ساعة
وأمسك الورقة وأحل كلها خطأ << الفجعة تقرقع في قلبي وخشمي لسى

حتى الأختيارات يوم أجي بحط على الخيار الصحيح << يدي تحوص وتحط على الخيار الخاطئ << الله يلعن الفجعة

وجبت في الأختبار 6/20

ولعنت أبو الخط وأبووو اللي يفكر يروح يأشر فيه
وأما خالي خلاص عطيته قب




@@@@@@@@@@@@@@@@@@@@@@@@@@@@@@@@@@


نكتة اليوم


محشش يقرأ كتاب وحط أصبعه في عصير حمضيات ليش ؟؟؟
7
7
7
7
7
7
عشان يقلب الصفحة خخخخخخخخخخخخخخ


@@@@@@@@@@@@@@@@@@@@@@@@@@@@@@@@@@


ومضة اليوم << للناس اللي مايزعلون
7
7
7
ياليتني مخاطة في خشم حبيبي >>>>> والله مآآآأطلع لو كثرت معاطيسه



تحياتي / محشش مفرفش

© «-.¸ أإأحـــــســــآآآســ ¸.-»© حــــــســــــووو ©«-.¸ الــمــشــآآآعــرـر ¸.-»©

[دانه نجد]

ههههههههههه ...
الحمدالله ع سلامتك لا تعطيعه المفتاح

[الكريستاله]

هههههههههههههههههههههههههههههههههههههههههههههههههه ه
يا حسافه المذاكره بس
يسلمووووووووووووووووووووووشن يا حبك للتقييمات بس

[..مًٍجنٍونْه بًأفْكـٍأاٍريٍ][..]

ههههههههههههههههههههاي
والله انك دجه مع خرايطها خخخخخخ

يسلموووو خيوووو ع الموضوع الدجه والرجه والفله
تقبل ودي واحترامي ومايحرمنا جديدك اختك
(خليــــــــــــــــــــــها وعليــــــــــــــــــها )

[@شقاوه وحلاوه@]

ههههههههههههههههههههههه

والله انك خطير أنا ماضحكني الا الدخان مسوي فيها خبير

ننتظر جديدك تقبل تحياتي