عضو في ضيافة قوافينا الشعرية

[ندمانه]

يسلمك ربي على هيك موضوع ذوق
مثلك يامنتهى الذوق ...
ومشكوره الف فوفو على اختياري بعدك ..

* مامدى علاقتك بالشعر ؟؟
..احب الشعر واكتبه واتذوقه..
*من هو شاعرك المفضل ؟؟
&سالم سيار & و & طلال السعيد&

*اعضاء في تعب قلبي تثق في ذائقتهم الشعريه ؟؟

**ساره ** ** بن زيد **

*بيت شعر يحضرك دائم ؟؟
لو ان قيدي في يديني كسرته ....مير البلا قيد الغرام التوى بي

*قصيده تعدها من اروع القصائد؟؟
الطيف (سالم سيار ))

**اذا لم تكن شاعر هل لك محاولات بكتابة الشعر ؟؟
لى محاولات عده بالشعر والخواطر..

لك مساحه بلاحدود امتعنا بقصيده على ذوقك؟؟

*لايطول غيابك *

لايطول غيابك ثم اخذ عليه ..
.. لو تخليت عني عنك قلبي تخلى..

•••

العذر والتعلل والحكي مانبيه..
.. من تحرك فواده بالهوى ماتغلى..
•••


طبعي الصبر لكن وش عليه ارتجيه..
..من طويل الصبر يعقوب وايوب ملا..
•••


دامني حي عطني وش بقى تحتريه..
..ماابي دموعك اللى عقب موتي تهلا..
•••


مابقى بالعمر مقدار ماراح فيه..
..كل مازال يوم يوم بالعمر ولى ...
•••


مايعرف الجمر كثر الذي يكتويه ..
.. احد يدفى بناره واحد فيه يصلى ...
•••


يامن القلب حطيته براحة يديه ..
.. مارضى له مكان غير كفك محله ...
•••



كم تعذر وعيي عن هوى مهتويه ..
.. لين طاح بيمينك بالغرام وتجلى ...







•••






واختار

الي بعدي
المشرفه العسوله ..
((سراب الماضي ))

[سراب الماضي]

مشكورهـ غاليتي منتهى الذوق على الطرح الأكثر من رائع

وأعتذر منكم جميعاً على التأخير وحبيت أشكر غاليتي

ندمآنه على إستضآفتي الأجوبه ستجدونهآ غداً أحبتي

تقديري وإحترآمي لكم جميعآ

[منتهى الذوق]

العفو

سرااب


انتي الروعه ومرورج اروووع
الله يعطيج العافيه على المرور
الله يخليج لي ولايحرمني منج


بانتظااااااااارج ...

لك ودي

[سراب الماضي]

مامدى علاقتك بالشعر؟

شعاع من الإلهام يجلو عن النفس ظلام إكتئاب في جوانحها مرسِ تجلى طروباً من أنامل مبدعٍ يصور نبض القلب شعراً على طرسِ ويرسم مايخفي الفؤاد من الجوى بريشة فنان الهوى مرهف الحسِ فهش له قلبي وبشت مشاعري تعبر عما في الضمائر من هجسِ 0

*من هو شاعرك المفضل ؟؟
(محسن الهزاني , خلف العتيبي ,رشيد الزلامي,حامدزيد
خالد الفيصل,محمد بن فطيس المري, ناصر الفرآعنه)
والكثير منهم ولكن يصعب علي حصر أسماؤهم.

*اعضاء في تعب قلبي تثق في ذائقتهم الشعريه ؟؟
صراحةً كثيرين وراح أذكر بعض منهم :
(صعوط المجانين, سآهر الطرف,البركآن الثآئر, بن زيد, الملك
الرومنسي,سلآ قلبي,مشآكس,غلآ,سآره,فتى لبده,عنود الصيد)


*بيت شعر يحضرك دائم ؟؟
ياماحلا دلةٍ أمي تسويهآ =تجلي عن الكبد حرٍ سبب إحرآقي
*قصيده تعدها من اروع القصائد؟؟

بصرآحه كل موسم له قصيده وهااليومين

دائماً أستمع لقصيدة الشآعر حآمد زيد (غرآم أحبآب)

**اذا لم تكن شاعر هل لك محاولات بكتابة الشعر ؟؟

بصراحه لا أعتقد أني أنا من يقيم نفسي إن كنت شآعره
أو لا فوجهة نظري تختلف عن الآخرين وفي الحقيقه أنا
لاأزال هآويه للشعر أكثر من أن يطلق علي لقب شآعره
لذلك سأكتفي بقول نعم هنآك محاولات لي لكتآبة الشعر.

لك مساحه بلاحدود امتعنا بقصيده على ذوقك؟؟
مثل ماحدثتكم سابقاً هذه الأيآم أستمع لقصيدة الشاعرحامدزيد
(غرآم أحبآب)وأستمع لهآ كثيراً لذلك أتمنى أن تستمتعوا برائعته
معي

على ذاك الطريق اللي يسمونه غرام أحباب وطت رجلي على دربه ولاأدري وش نوى فيني تبعته لآخر دروبه .. ألين أن القمر قد غاب تعب قلبي ، ولا تعبت مسافاتٍ توديني لقيت الليلة الجردا : هدب ظل وسما واعشاب بعد ذاك الظلام اللي يتوهني عناويني صدفتك معجبه فيني وياليت..الغرام : اعجاب وتراك انتي الهنوف اللي هقيتك تستحقيني عطيتك عشق من قلبي..وسلمت لغلاك رقاب وغيرك يحترق قلبه ولا يقدر يحاكيني أنا قبلك صدفت عيون لكن ويش جاب لجاب؟ ترى كل العيون اللي لقتني ما تكفيني رماني حظي العاثر عليك وجيت لك طلاب ولا أنتي اللي عشقتيني ولا انتي اللي عتقتيني تعالي واعتقي ذاك الخفوق المولع المرتاب مهب لاجلي ، عشان الله يجازيك ويجازيني تعدي في سما عشقي ولو عشقي خراب أصحاب وصوني بالهوى نفسك قبل لا انتي تصونيني وشيليني على متنك : خفوقٍ باريٍ منصاب ومن فوق الغرام العذب .. شيليني وحطيني ولا منك هقيتيني شجاع وما يطيق يهاب أنا لك بالهوى والله مثل ما انتي هقيتيني أنا ما أمشي ورا غيرك ولو أنه يطق الباب وترى عيبٍ عليّ أطعن..ولو كثرت سكاكيني زهودٍ ما يطيق الدم لا داين ولا طلاب شجاع وعارفٍ نفسي وأظن أنك تعرفيني غيورٍ ماعرفت أضحك مع الغدر ببّرود أعصاب أبيع عيوني الثنتين قبل أنك تخونيني إذا شد الغرام .. اترك خفوقي : بين ناب وناب لفرقى تكسر ضلوعي .. ولا عشقٍ يوطّيني أنا رجلٍ ولي غيره .. وإذا شفت الهوى كذاب تثور بقلبي الفزعه ولا تهدى شياطيني سؤالك لو يزعزع بي كياني ما قبلت عتاب اجي لك وأسالك نفس السؤال اللي سألتيني عن العشق القديم أبواب .. وتقفيها كثير أبواب بعد ذاك الحبيب اللي خدعني وانخدع فيني أبي عشق تحسب له كل نظرات العيون حساب وابي قلبٍ علي قلبي ، وابى دينٍ على ديني وابي نظرة عطا توفي ولا تخلف بدون أسباب وابي منك قبل لا نتي تصديني .. توديني وابي دربٍ على العذال صعبٍ ومتعبٍ وغلاب وابي نفس الطريق الصعب يبعدهم ويدنيني ترى لو للقلوب عيون ولدموع العيون أهداب حشى ما تنزل الدمعه لغيرك لو تركتيني أنا أول من عرف قدرك وأنا توي صغير وشاب وابي منك ما دام أنك عرفتيني تحبيني ما دام أني لقيتك في طريق أسمه غرام أحباب دخيل الله ، وبعد الله دخيلك .. لا تخليني ما دام أن كل من يحيا على وجه التراب تراب عسى تنساني الدنيا مادام أنتي ذكرتيني 0

[منتهى الذوق]

اختااااااااااار دلع الكووووووووويت


يلا نورينا بمووووووووضووع



لك ودي