ما هي غريبه من يذمك يماشيك لكن غريبه يمدحك من يذمك

[عاشق العشاق]

تَعَبت أشيـل الهَم عنّك وأداريك
وإنتَ همومـي ثقلَهَــا مـا يهمِّك !


لا يا ( حبيبي) .. الزمن لا يخليك
تقسى على قلبي وتسقيه سِمِّك !


[ دِ نْ يـَ ا كْ ] هذي , لا تغيِّر مباديك
مهما إستطعت الظلم إعدل بحكمك !


ما هي غريبه من يذمِّك يماشيك
لكن غريبـــه يمدحك من يذمِّك !!


ما كل واحد غاب معناه ناسيك
بعض البشر ينساك لو كان يمِّك !


أدري تعزني .. اللـه يعز غاليك
وإن كان لـي عندك معزَّه بضمك !


في خاطري كم كلمةٍ : عن تجافيك
وإن شفت دمعاتي إنزَلَت .. حط كمِّك !


إسمك حبيبي ويا كثِرها أساميك
وقلبي يفز .. لا جابوا الناس إسمك !


ليتك تحس في ضيقتي يوم أحاتيك
أحرق لك أعصابي .. وما حَس دمِّك !


غايب بدون أعذار .. ربِّي يجازيك
عطني سبب مُقنع حبيبي .. وألمكّ !


همِّك , جنونك , ضحكتك , كل ما فيك
صوتك , سكوتك , وأرجع أقول : ( هـ مِّ كْ ) !


[ لبيــه ] منِّك غير .. لمَّا أناديك
كن الكلام العَذب ... مرساه فمِّك !


مهما غلوك قلوب ناسٍ حوالــــيك
أغليك أكثر منِّهُم بس .. لعلمك !


أبوك , خالك , إختك , أخوك , ماضيك
ربعك ، جميع النـاس, وعيـــال عمِّك !


.


.


.
شايف غلاهم لِك .. أكثر أنا أغليك
واللِّي وِصَل ( نِص الغلا ) يمكن أمّك !

[•●«[ امير الورد ]»●•]

صح لسانك

يعطيك العافيه

[عاشق العشاق]

هايم فديتك انا على الطله ياالغاااااالي

[نسايم السعوديه]

بصراحه رووووووووووعه

وصح لسانك

كلمات القصيده تعبر عن حب عذري

حب يندر وجوده بهذا الزمن

الا من رحم ربي

سلمت الايادي

نسايم

[وحيده وكلهم حولي]

صح لسانك اخوي