قضيه للحوار/ماذا بعد الثانويه

[چَ ـِنٌـِۉُכּْ ~!]

---

[روايه حب]

اقروني للأخير

اولا اتشرف اختي اكون من اول المتواجدين على الموضوع والرد عليه ...
وانشاء الله افيدكم بخبرتي وتستفيدون....
هذا كان في بنت تدرس بالثانوي وتخرجت كانت نسبتها حقت النجاح المهم من غير ماتروح الجامعه اكيد ماح يقبلوها قلت خلاص ندخل انتساب بس وين القروش مافي قروش طيب وش السوات اكلم ابوي لالالا اخوي لالالاومرت سنه وانا على هذا الحال ندمت عمري اني قلت لالا استحي اطلب هذا ولا هذا طلبت اخوي والحياء مقطع وجهي لاكن قلت له دين وقت ما اتوظف ارجعها لك قال طيب وفعلا دورت على وظيفه وللمعلوميه من قبل ما اتخرج وانا ادور طبعا ما لقيت المهم بعد طول عناء سنتين من مقابله لثانيه ومن شركه لمشغل للللللل.......وكلهم يبون اقل شي انجليزي ولا حاسب (((انا انصح كل بنت انها وهي بعدها في اولى ثانوي وقت الاجازات تاخذ كورسات وتقوي نفسها)))وتصدقون حتى بالعسكريه قدمت كله بس عشان اكمل دراستي وبعد عناء مثل ماقلت لقيت وظيفه والحمد الله ادرس واشتغل واصرف على نفسي وانصح كل بنت انها ما تفرط ابد في التعليم لانها على قول ابويه بكره الايام ماتعرفون وش يصير وتحتاجيها ويا بنات شدوا حيلكم في الانجليزي والحاسب وكل ما كانت عندك شهاده ودوره كل ما كان احسن وانا بصراحه فكرت كثير اني اندم اني ادرس انتساب لاكن قلت خلاص اهم شي الوظيفه الحكوميه والدراسه اللي غيري مالقوا بس مو معنى كلامي اني احبطكم لاكن اللي في راسه طب هندسه قانون يعني مثل كذا شدوا حيلكم لاكن اللي الله ماقدرها الا تدخل غير قسم عادي مو مشكله اهم شي الدراسه ..
لاكن انا حلمي ابتعث برا وادرس لاكن وش اقول كلها احلام وهي ايام تمر وانا في الوظيفه اللي فيها الخاصه وبعدها ادور حكومي .
يا بنات اقبلوا باي وظيفه حتى لو تطوع بدون راتب لانه كل هذا ينحط في خبرتكم واي شي انا حاضر ...واسفه على الهرج الكثير بس معاناتي ولا هذا مو كل شي

[احلى سمره]

يسلمو على موضوع الجميل
بالنسبه للتخرج من الثانويه بعد فتره
اقصد في جامعه وسبحان الله كتب الله راد قبولك في جامعه
اختاري التخصص الي يناسب ميولك الشخصيه التخصص الي تقدرين تبدعين فيه
تقدرينتظهرين كل طاقتك فيه والي يحقق ايضا في نفس الوقت حلم الي كان طول عمرك تحلمين بهذه الوظيفه
ايضا قبل اختيار التخصص لازم تراعين متطلبات السوق
لا تاخذين تخصص مثلا عندهم اكتفاء في السوق او من هذا التخصص
عشان لما تخرجين ما تلقين وظيفه

انا لاحظت فئه كبيره من البنات الي تذهب الجامعه قروب بنات او جماعه كلهم نفس تخصص تسئلينها ليسش يا بنت خذيتي هذا التخصص تجاوب عليكي لان صديقتي خذت هذا التخصص
انزين صديقتك بتروح النار انتي بتروحين معاها
شيء بصراحه يضحك هههههههههههه
يمكن صديقتك يجيها ظروف ما تقدر تكمل الدراسه يمكن عديده يمكن اهلها ما يقدرون على مصاريفها
او تنخطب تروح تتوجه لرعايه بيت زوجها

ثانيا لاحظت معظم الاهل يعوضون نقص في دواخلهم
او انهم يحلمون ان يكون ولد طبيب
فيدخل الولد او البنت تخصص فقط لان اهلها قالوا لها
يعصبون ساعات البنت تدخل هذا التخصص والبنت مو راغبه في هذا الشيء
او ليس من ميولها
فيقولون لها احنا نعرف مصلحتك اوكي انتوا اهلي لكم
فضل علي وانا بنتكم لازم اطيعكم
اخذ افكار منهم اخذ من اهلي نصائح اخذ فكره توضيحيه عن الوضع الي بكون فيه
لان في نهايه يكون اختيار التخصص مسئوليتي
برغبتي

انا بعد لاحظت ان طلاب يختارون تخصص في بدايه الجامعه مثلا اعلام
بعد سنه يغير التخصص توه الولد او البنت لاحظت ان هذا التخصص لا يناسب ميولها
فحرام تضيع من نفسك سنوات على فاضي
من بدايه اختار الشيء الصح عشان تكمل صح
فانا انصح كل البنات لا ياس في حياه
على قد استطاعتك حاولي انك تجاهدين حق العلم
لا توقفين فقط خذيتي شهاده ثانويه
خلاص لا اختاري مرحله اخري مرحله الجامعه توظفي
صدقيني عقليه وافكار الانسان الدارس واايد اكثر تحضر وانفتاح
اكثر وعي وادراك من
الشخص غير متعلم
طريقه تفكير البنت متعلمه جامعيه اكثر رقي من بنت ثانويه
اذا الله كتب خلصتي الدبلوم روحي بكاريوس
خلصتي اخذ ماستر= ماجستير
هذه احلاهم بصراحه

تحملي تخلين الياس يسيطر على حياتك
اطمحي للافضل
اذا كانت ظروف حياتك متدنيه اعملي ما فيها شيء العمل مو عيب
من فلوس الي تعمليها ادخلي جامعه
وتخرجي
واايد بنات بصراحه يعملون في شركات تخيلي
اعمارهم 20
والي يمكن توها داخله العشرين من كم شهر
وتصرف على حالها

حتى لو الله ما كتب جلستي في البيت
في معاهد تدرس على فكره اخذي دورات
human resource
وايد مفيده مطلوبه كثيره في الشركات في الشركات اي تذكرت مصادر البشريه
اخذي دورات انجليزي
في بنات يحبون مثلا تعلم لغات
اوكي تعلمي لغات الي تحبينها
في بنات يحبون الحرف اليدويه
تعلميها
كوني لج small company
at your home
اعملي لج بزنس=عمل
في بيتك marketing your self
بنفسك بمعني بيعي للناس من نفسك = ترويج للبضاعه
مع السنوات بتمتلكين يمكن اعظم شركه

اذا ما لقيتي هواياتك كذا تقدرين تروحين مراكز دينيه شيء طيب بصراحه
تعلمين وتعلمين
لكن بعد اعملي بزنس = عمل او مشروع صغيرمن اختك احلى سمره

[تووولين]

وااااااي

على الطرح الرائـــــــــع

وأشكــــــــرك ليك الحضور الدائـــــــــم والتألق

[ماسه بس حساسه]

انا بصراحه لي سنه متخرجه وجالسه بالبيت وما ادري وش اسوي ولا شي عاجبني ما ادري لي ممكن تلاقولي حل