عيله بو خالد

[بنت قطر وكلي فخر]

[align=center]بسم الله الرحمن الرحيم.. في البدايه حابه ابارك للجميع بقدوم افضل الشهور (( مبارك عليكم الشهر)).. وحابه اطرح هالموضوع ..وراح اتقبل رايكم بصدررحب>> جنه يقولون جي. والرجاء قرايته كااامل عشان توضح الفكره... بكره رمضان وهذي حالة بيت ابو خالد وحال جميع بيوت الناس.. الظهر.. بو خالد في الدوام ييروح من مكتب لآخر يبارك اصحابه بقدوم الشهر الفضيل ام خالد: ترتب الاغراض وتحطها في مكانها تدعو الله ان يكون رمضان هاي السنه خير و يتقبل صيامها وقيامها خالد: ((المدرسه)) في المصلى يحضر محاضره دينيه بعنوان ((رمضان شهر القيام)) حصه : تبارك لصديقاتها وتسوي تحدي مع صديقاتها من الي تختم القران اكثر من مره مريم: تقول لصديقاتها ان الهلال بيطلع اليوم ..شدراج؟؟((نوره )) ترد مريم لأني دعيت ربي ان رمضان يكون بكره لأني ما اقدر انتظر اكثر سيف: (( وهو الاخ الاصغر 6 سنوات)) انا بصوم ارمضان هاي كله ... في الليل يوبا يوما مريووم خويلد سيفووه>> حصه.. تناديهم.. مذيع الاخبار يبي يعلن شي..اوسس>> العايله تركض للتلفزيون ومعاهم الشغاله بسم الله الرحمن الرحيم .. وبعد تم رؤيه الهلال في الدول المجاوره وهذا وقد اصدرت اللجنه العامه لرؤيه الهلال ان اليوم تاريخ 29 شعبان يعتبر أخر ايام هذا الشهر .. وغدا سوف يكون اول ايام شهر رمضانـــ الم.. .. يقوم سيف ويركض عشان يروح يبارك لربعه في الفريج.. وتركض حصه ومريم للتلفون ليباركون لصديقاتهم ويبدى الحراج انا لا انا انا اكبر منج ... لا والله انااا في الاخير كان التلفون من نصيب الام.. ويروح خالد لصلاة العشا والتراويح بدري شوي عشان يبارك للجميع اليوم رمضااااان الساعه3 الفجر.. ام خالد تقوم بو خالد وخالد وحصه ومريم.. والشغاله تجهز السحور.. بوخالد ..ليش ما قومتي سيف؟؟ .. ام خالد: توه صغير عالصوم ..خالد: شفتيه اليوم شلون طار من الوناسه يوم درى ان اليوم رمضان..بعدين هو قال لي انه يبي يصوم رمضان هاي السنه. تروح مريم وتقوم سيف..بعد السحور راح بو خالد مع عياله للمسجد.. وام خالد وبناتها صلوا جماعه في البيت.. وترد تنام عايلة بو خالد..في الصباح يروح بوخالد للدوام .. بكل نشاط ام خالد تقرى قرآن شوي وبعدها كلمت جارتها ام علي.. هلا ام علي شلونج شخبارج مبارك عليج الشهر.. _ الله يبارك فيج ها ام علي شناويه تسوين اليوم الفطور؟؟ -راح اسوي اليوم هريس ومضروبه....الخ وانتي؟؟ _ لا حنا معزومين بيت جد العيال . _ ويييي يعني راح تحرمينا اليوم من طباخج السنع _ههههه -ههه خالد في المدرسه..يبارك لهم الاستاذ وبعده بدى في الدرس.. وخالد منتبه وركز مع الدرس.. حصه في البريك(( الفسحه))في الصف تقرى قران تشوفها رفيجتها شيخه.وتقول .وي صج انها ذكيه تقرا في البريك.. اروح اقرى شوي احسن لي .. مريم : توزع اشرطه دينيه مع صديقاتها سيف..يمشي في المدرسه ويقول انا صااااااايم مافي حد في المدرسه الا ودرى انه صايم.. رجع الجميع للبيت..ونامو لي اذان العصر.. وقام الجميع وصلوو بعد الصلاه راح بوخالد وعياله لبيت هله وطبعا سيف ماخل احد في بيت جده الا وقال له .. (( باقي 5 دقايق على الاذان(( الكل يرفع ايده للدعاء اللــــــــــه اكبر اللـــــــــه اكبر اللهم لك صمنا وعلى رزقك افطرنا اللهم تقبل من صيامنا..آآآميييييييين ياكل الجميع.. وبعدها يقعد الكل للسوالف.. اذن العشا.. يروح خالد مع عيال عمه للصلاه ويروح بوخالد مع اخوانه للسلام على اصدقائه ايام الطفوله(( اولد الحاره قديما)) بعدين راح للصلاه.. بعدين ارجعت عيلة بو خالد للبيت يروح الكل ويحل واجباته ويدرس وام خالد تساعد سيف في الدراسه ... بو خالد يقرا القران وهاي حال ارمضان في كل بيت... sooooorry هاي كان قبل..اللحين بكره ارمضان.. بوخالد في الدوام: شرايكم نقدم طلب ان حنا ما نبي نداوم في ارمضان.. تعب والله ام خالد : ناااااااااااايمه خالد: في المدرسه.. يتكلم مع اصدقائه عن استعراضه الاخير في سيلين<< مكان لأستعراض السياراات عندنا ((طعوس)) حصه: تسجل هي ورفيجاتها مواعيد المسلسلات.. شيخه: شلون تنسين المسلسل القطري عالساعه 3.. حصه: وييي اللحين شاجوف المسلسل القطري ولا الكويتي!؟؟!العنود: ابشرج المسلسل القطري ينعاد الساعه.... مريم: قولو ان شاء الله بكره مو ارمضان.. بصراحه ما فيني حيل اصوم بكره..البنات :آمييييييييين سيف... الاستاذ ينصحهم انهم يحاولون يصومون ارمضان ولو نص يوم.. سيف: شدعوه استاذ تونا صغاااار.. في الليل اففففففففف باجر ارمضان..(( حصه))) شدراج؟؟ ام خالد.. اقطعوا برنامج ((.....)) عشان يبشرونا افففف الله اكـــــبر..اذان العشا.. بو خالد: خالد قوم صلي العشا .. _ ليش يوبا _ لأن بكره ارمضان _ انزييييييييييين يروح خالد للصلاه والمصلين في الركعه الثانيه لصلاه التراويح ووهو على باله انها الركعه الاخيره لصلاه العشا!! ويصلي معهم.. الامام سلم ويسلم معه خالد!!! ام خالد تقوم بالواجب وترسل ( مسجات) لرفيجاتها اليوم الاول من شهر رمضان .. في الفجر الشغاله تجهز السحور ما ما سهووور(سحور) ام خالد انا مو جوعانه قعدي بو خالد بابا بابا قووووووم سهووووووور ولا حركه تروح لغرفة خالد..مب بالغرفه!! تروح تقوم حصه.. تلاقيها متسمره عالتلفزيون.. هسه هسه( حصه) سهووور حصه: تلاقينها فوق!! سنو فوق( شنو)انا يقول سهوور سنو فوق..اووووه انا شدراني خليني اسجل مواعيد المسلسلات.. الشغاله: انزين وين خالد؟!؟! يعني وين؟!!!!!! اليوم الخميس اكيد في سيلين الشغاله: كلاس( خلاص) انا روه( بروح) قوم مريم. حصه ..لآتعبين عمرج.مريم ماراح تقوم وبرد السحور وحد كلاه! دووووووام بوخالد الله ياخذ الوزاره افففففف ام خالد :ناااااااايمه خالد غايب>> لنه صايم!! ا حصه:عدد طالبات الصف 25 والمداومات 5 وكلهم رااااقدين>> انهم صايمااات!!!ه مريم: تحش وتنم وتغتاب وآخر شي>>اللهم اني صائمه!!ا سيف: يتكلم عن الفطرو وتوقعاته قبل موعد الفطور بساعه بو خالد ناااااااايم ام خالد تسولف بالتلفون خالد: ناااااااايم حصه.التلفزيون مريم عالشات تقضي وقت عشان ماتحس بالجوع!!ن سيف فار تجارب(( يتذوق الاكل>>خبركم فاااطر بوخالد قام ..يامرت الكلب(( يقصد ام خالد))<<اعذروه الريال صاااايم!!! يامرت الحيوان وين الفطور حصه : فقره اعلانات عالتلفزيون وخبركم اعلانات ارمضان طويله..المهم تتنازل حصه وتروح المطبخ ميرون(الشغاله) شنو الفطور؟؟ هريس ثريد...وععععععععع(حصه) شتو هاي انا بطلب لي اكل من كنتاكي احسن الله اكبر اذان المغرب توقيت الامارات بوخالد بالخمس وفي نص الاكل بسم الله عقب ربع ساعه أذن حسب توقيت الدوحه>> الريال شبع!! وخالد ناااااااااايم .. وقام قبل اذان العشا ب5 دقايق وصلى المغرب والعشا جمعا !! وعقبها راح لبيت اصدقائه ليلعب بلاي ستيشن؟!؟! في الليل حصه متسمره عالتلفزيون مريم في السوق ..>> ارمضان والاسواق تفتح ليفجر سيف يلعب بالكوره مع اصدقائه!!!؟؟ ولا احد حل واجبه والعذر رمضاااان؟!؟!؟!؟؟وحنا تعبانين من الصيام!؟!؟ اللهم بلغنا رمضان واجعله خيرلنا اللهم تقبل صيامنا وقيامنا ملا حظه ارمضان مايجي الا في السنه مره واجره ما يتعوض.. بس المسلسالات والاسواق و...الخ تتعوض بس اجر ارمضان شلون راح نعوضه عقب؟!! وللعلم اجر ارمضان وضيام ال6 من شوال يعتبر كفاره للسنه الي قبل .. فهل راح تضيعونه بهالخرابيط؟!؟!

[/center]

[همس المرايا]

مشكورة اختي
رمضان شهر العبادة والغفران

[آآآهـ]

مشكووورهـ على الموضوووع


وجـزاكـ الله خييييييييييير

[ملاك الرحمة]

شكرالك على موضوعك
وفعلا كلا الحالتين هى وصف كامل للناس فى رمضان
فمنهم المستبشر به ومنهم المكتئب والمتذمر
ونسال الله ان يجعله شهر الطاعات ويتقبل منا ومنكم
جزاك الله كل خير

[بنت فلسطين]

مشكورة اختي

بس هاي حال المسلمين في هاي الايام


اللهم بلغنا رمضان وتقبل منا ....اللهم امين


جزاك الله كل الخير وتقبلي مروري