المنتديات
المنتديات
| روابط إعلانية |
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
| | أدوات الموضوع |
07-04-09, 12:37 AM
| #1 |
| |[ عـضـو مــاسـي ]| الدولة:  روابط إعلانية |  اجازه مرضيه مرحباااا...الخ كيفكم انشالله منيحين والله ما ادري وش اقولك <<<عندي اختبارات والنفسيه مو مضبوطه<<<يعني الموضوع مو ذاك الزود بس انشالله يعجبكم المهم في صباح احد الايام استيقظت من النوم الساعه الثامنه صباحا ولم انام الى بعد صلاة الفجر اي وقت قصير في النوم. المهم قمت وغسلت ولبست ع الساعه ثمان ونص ونا محرك رايح المدرسه . وما اخبي عليكم كنت طفشان موت المدرسه بعيده والحر والطلاب قافله اخلاقهم لا وفوق هذا كله عندي الحصص الاخيره مادتي المحبوبه <<فيزياء . وصلت للمدرسه كا العاده (متأخر) وقمت افكر في طريقه افرك من المدرسه وفكرت وفكرت؟؟؟؟ وما لقيت قدامي الا ان افرك خشمي بقطعة قماش حتى اتضاهر با التعب واني مصاب با الافلونزه ....<<زكام بس احب اكشخ عندكم والله وافرك الخشم بذي القطعه حتى وصار احمر مثل الطماط<<دعايه صلصه ودخلت ع المدير وانا اتضاهر با التعب وحالتي حاله وشوي ويغمى علي<<< مريض لا احد يكلمني . قال اهلين يا أ/ميسوو. لسه بدري قلت شوف انا مزكم تعبان ماخذ برد و خشمي متبري مني . قال سلامات قلت ابي تحويل ع الوحده الصحيه قال طيب بس انشاء الله انك طيب وما تحتاج قلت اقول بس اخلص و عطني هالتحويل انا تعبان تعبان الله لا يعوقني بشر<<<والله من زين السوالف جلس يماطل لمن الساعه 11 ونصف ثم اعطاني <<< بعد ما طلع عين ام اللي خلفوني فخرجت مبسوط ولا حصه حضرتها واتجهت الى الوحده ودخلت ع الدكتور وانا افكر في ان اخذ سكليف( اجازه مرظيه)<<انقلش ما امزح فقال الدكتور سلامات يا استاز<<<الدكتور مصري قلت بصوت مقطع وتعبان الله الله ي ي يسلمك <<<<المرض ذابحني و فارك خشمي مزبوط حتى وصار ابو لمعه قلت يا دكتور احس با صداع قوي وزكمه وشحبه في الحلق ووجع في الخياشيم وصخونه وتكسر في العظم المهم ما خليت شي الا ذكرته.<<<<جتى عشانا امس قلتله<<<يكتبه بالمحضر قال الدكتور. له له له كل ده وساكت لا لا لا كده مش كويس. الحين اديك تحويل ع المستشفى العام علشان هناك امكانيات اكبر ونت حالتك تستدعي .( بيني وبينكم خفت من كلامه وقمت اشك اني تعبان صدق) اتاري الدكتور من جنبها . المهم عطاني التحويل وانا احوس ادور ع المستشفى وادور واسال وبا القوه لقيته . واخذت افكر وش اقول لدكتور علشان يعطيني اجازه. دخلت المشفي وهم يصلون الظهر في المسجد . دخلت وصاليت معاهم والمسجد جدا مزحوم وبعد ما فرغو من الصلات قمت انا وكبرت للجمع والقصر العصر وقلت انا ابي اقصر مسافر قلو طيب وكان ورايه عدد كبير جدا . قلت استوووووووووووو اعتدلووووووووووووووو وناضر لمساوات الصفوف ومسوي زحمه المهم يوم جيت ابي اكبر واذا بهاتفي الجوال يرن لا لا لا لا تخافو نغمة جرس عايديه ......... ورفعت الجوال واغلقت الاتصال <<<< كانت ابوي <<<اعرف بيقول وينك يا..... وليش طالع من المدرسه واثناء وانا بغلق الاتصال 7 7 7 واذا بيدي جت ع ايقونة اغنيه( جوال ايميت) ووظعته وقلت الله اكبر واذا با الجوال ( ويوم اقبل حبيبي قلت يا شمس غيبي اسفرت وانورة) واخذت احاول اغلقه وناس وراي استغفر الله استغفر الله ووجهي رايح مثل الطماط مو بس خشمي وناس حرام عليك وانا احاول اقفل الاغنيه وعلق معاي الجهاز ع الاغنيه المهم طلعت برى بعد ما قطعت الصلاة وسويتله رست وجلست اسب الجهاز واتلمس الاعذار وكلهم يناظرون بحقد قلت في نفسي يا شين التميلح<<لو اني صاير ماموم مو احسن من هالفضايح<<<بيني وبينكم تعودت على الفضايح<<الولد متبلد الاحساس المهم روحت لدكتور دخلت استناه في المكتب جاء الدكتور ودخلت عنده وانا افكر في الاجازه قال سلامات قلت الله يسلمك بس انا تعبان جدا وذا التحويل قال ولى تعبان بيدخل المسيقى بيت الله عز وجل اتاريه كان مشاهد للحدث قلت في نفسي ايه والله الاجازه طاااااارت يا ميسوو اخذت افهمه والمصري مقفل قلت تعيبط المصري الحين خذ رقمه ذا وجلست شوي واخذ الورقه بتعتي وهو زعلان بقول وبعدين مش عندي انت عند الدكتور الهندي الي بجنبي قلت مو عندك قال لا موعندي قلت وجالس افهمك واحاول اضبطك لي ساعه واخرتها مو انت الي بتعطيني الورقه!! قال بتؤووول ايه قلت وين غرفت الهندي قال بوص اهيه قلت لسه زعلان مني قال لا مش زي مانت فكر انا انا قلت طيب لا لاتزعل ولو انت بحسبت البنقالي الي في مزرعتنا واذا زعلان جدران المستشفى كثير<<نقلك اكشخ جدار وطق راسك فيه وروحت للهندي يحليلهم ذول الهنود وحنا ننكت عليهم صدقوني بعد اليوم ما ننكت عليهم طلع ارجل من ذا المصري كلمته وقلت انا تعبان ومزكم وشف خشمي احمر وما اقدر ادرس وانا تعبان وصعبه الطلاب يشوفون شكلي كذا قال وش تبغى قلت سكليف اجازه قل اعطيك اجازه بس اليوم قلت لا لا ابي بكره اليوم انا موقع تكفى <<واجلس اقوله ماما تعبان وبابا تعبان وبتشا( يعني ولد بالهندي) في موت <<<وحالتي حاله <<الصراحه اكسر الخاطر قال خلاص اعطيك يومين اليوم وبكره قلت خلاص ونا مبسوط كتب الاجازه قال بسرعه الحق مكتب التقارير الطبيه قبل ما يقفل وروحت بسرعه وادور وادور واسال حتى وصلت للمكتب وقلت ال ال ال اه اه التقارير قال نعم قلت خذ الحمدلله اني حصلتكم قال خذ الورقه وارجعبها الى الدكتور والمدير المشفى ثم ارجعلى بس بسرعه بيروحون ترى قلت طيب بس تكفى استنني ولراجع مافيني اصكك امها مشاوير بكره قال ازهلها وروح وروحت ولقيت باب الدكتور مقفل وطفشششششششششت وروحت مسرع ع الممر وحصلت الدكتور واعطيته الورقه ورجع معي المسكين للمكتب مره ثانيه وختمها وروحت لمدير المشفى ووقعها وقال ودها التقارير وبعدين توديها الوحده الصحيه يعتمدونها مفهم والله لسه اوديها الوحده اما تعب ومشاوير لو داومت اصرف<<<هذي مشكله الدوائر الحكوميه اذا ما عندك واو<<<< اصلح في جريده الشرق الاوسط؟؟ رجعت وخلصتها من التقارير قال موظف التقارير وشكله حن علي الاجازه اليوم وبكره خلاص قلت ايه قال وش رايك اعطيكاها بكره وبعده ونت الربوع تستاذنه وتروح لبيتكم وتكبر الوساده بس لا حد يعرف قلت بصوت مرررررتفع ( الله يزوجك) وهو يظحك<<<تعرفون الي توهم متوضفين يدورون الزواج<<قلت استغل الفرصه زبط الوظع ابن الرجال وخلصت من الوحده ودقيت ع المدير ونا ماحد قدي الووووووووووووووو هلا اقلك انا بكره وبعده عندي اجاوه قال وكيف ومن اعطاك قلت مايجيبها الا رجالها مايروح تعبي خساره اليوم جبتها وراح اجيب غيرها<<<ما اترك الهياط حتى وانا مريض<<<صدق نفسه قال لا لا تفهم غلط الطلاب والمنهج المتاخر فيه والتاخر والاجازات المرظيه تظرك قلت لا يكثر بس الاجازه وعندك في شي تاني قال لا وطلعت دلخ من جد طيرت على الاربعاء لو كلمته بادب وحترام كان عندي الاثنين والثلاثاء اجازه واخذت الاربعاء من المدير لكن هين مداوم مداوم الاربعاء وهذا احد اجازاتي ايام الثانوي<<< سكليف<<<< والله فله هالكلمه * اتمنى انها تنال اعجابكم * ادعولي بالتوفيق تحيــــــــ @الميسترو@ ــــــــــاتي |
|  |
|
07-04-09, 01:02 AM
| #2 |
| |[ عـضـو مــاسـي ]| الدولة: |  رد: اجازه مرضيه الله ير جك ياميسووووووووو ماينخاف عليكم أعذاركم جااااااااهزة داايم عواااااااااافي والله تحيــــــــ نبوضه ــــــــــــــــااتي |
|
| |
|
07-04-09, 01:07 AM
| #3 |
| |[ عـضـو مــاسـي ]| الدولة: | رد: اجازه مرضيه هههههههههههههههههههههههههههههههه واو والله انك فله انت وموضوعك <<بدت بمجاملات والهياط عديتها من موضوعك واحلى مافيها انك خلاص مابتكلم على الهنود يسلموا وننتظر جديد اجازاتك يااستاز الميسترو ولك تحياتي |
|
| |
|
07-04-09, 01:13 AM
| #4 |
| |[ عـضـو مــاسـي ]| الدولة: | رد: اجازه مرضيه ههههههههههههههههههههههههههههههههههه الله يرجك انت وهياطك موضوووع رااااااااااااااااااائع <<< بس مره طوييييييييييل يعطيك العــــــــــــــــــــــــــافيه |
|
| |
|
07-04-09, 01:21 AM
| #5 |
| |[ عـضـو مــاسـي ]| الدولة: | رد: اجازه مرضيه ههههههههههههههه ههههههههههههههههههههههههه لاتكوووون ثانوية رفحاء تراء اعرف مديرها <<<<<< أذا تبي واسطه خخخخخخخخخخخخ أما سالفة الجووووال بالمسجد خخخخخخخخخخخخخخخخ يسلمووووووووووو خيوووووووو ويعطيك العافيه سارونه |
|
| |
|
| الإشارات المرجعية |
| أدوات الموضوع | |
مواضيع مشابهة | ||||
| الموضوع | الكاتب | المنتدى | الردود | آخر مشاركة |
| هزه أرضيه تضرب الولايات المتحده أمس الثلاثاء | قمر برووونزي | منتدى الأخبار المثيرة - عالم الجريمة | 14 | 26-08-11 02:22 AM |
| كنبات وجلسات أرضيه | ♥aמŘa | ديكور - اثاث منزلي | 11 | 27-03-11 05:07 PM |
| حمله لتكن منتدياتنا مرضيه لله تعالى | معا لله | اسلاميات عامة | 18 | 14-03-11 07:19 PM |
| آلشامات تحمي من تأثيرآت مرضيه كثيره .. | Ďăńă ăŁQăђťăńi✿ | طب و صحة | 18 | 12-02-11 09:57 AM |
| فتاه اردنيه تعاني من حاله مرضيه غريبه | شوق الضمائر | منتدى الأخبار المثيرة - عالم الجريمة | 32 | 02-01-10 01:37 PM |
