رجع يسأل عن اخباري...!!

[الحيران n]

رجـع يسـأل عـن اخبـاري بعـد غيبـة سنـه وشهريـن
رجـع شايـل وجـع صـدره وقـال ارجـوك واسينـي"

رجــع كـنـه يحسبـنّـي سعـيـد بدنيـتـي أو زيــن
واهـو مايـدري الدمـعـه لــو إتراخـيـت تسريـنـي"

دمع هل الوجع كنه جمع فـي غيبتـه جرحيـن
وانـا عينـي بـدت تـدمـع عـلـى حـزنـه وتبكيـنـي"

يقـول الدنـيـا خانتـنـي وبـعـدك ياصـقـر سكـيـن ولا احــدٍ ياصـقـر غـيـرك يقـدرنـي ويراعـيـنـي"

حبيبي ضقت بغيابك حبيبي حيـل انـا مسكيـن وانـا جيـتـك بهالليـلـه وتكـفـىّ لا تخليـنـي"

وانا لامن نطق ( تكفى ) عطيته لو طلـب هالعيـن
واجـود بكـل مـا يملـك خفـوقـي وتمـلـك ايديـنـي"

وقلت ابشر ولا يهمك تدلل وش تبي يازين
تـرانـي فــدوة عيـونـك لـوّنـك جـيـت تشقيـنـي"

حبيبي لو تبـي القمـره عطيتـك فوقهـا ثنتيـن
بعد لـو تطلـب النجمـه ابنطـق جيتـك اضوينـي"

بعـد هـذا ضحـك بعثـر همـومـه سلـهـم الرمشـيـن وقــال الله يـاطـيـب وانـــا ظـنـيـت ناسـيـنـي"

صراحه حيـل تحرجنـي يطيـب ياطيـب الغاليـن
ولا ادري كيـف ابوفيـلـك حبيـبـي وانــت تعطيـنـي"

بـعـد هــذا تسامـرنـا وتواعـدنـا بـعـد يـومـيـن
ووصيتـه علـى قلبـي واهــو مثـلـي يوصيـنـي"

تواعدنـا علـى الجمـعـه ولا جـانـي إلــى الاثنـيـن
وطاف اسبـوع والثانـي وشوقـي يشتغـل فينـي"

تصـدق عـاد يالسامـع ولا جـانـي إللـيـن اللحـيـن
وقبـل تسـأل عـن اسبابـه بجـاوب وانـت واسيـنـي"

لإنـه مـات فـي حـادث وانــا مــت بغيـابـه لـيـن
عرفـت إنـي كـذا ببقـى ولا احــدٍ يـقـوى يحييـنـي"

[المشـــــــــــــتاق]

تسلسل شاعري موجع
ونزف على اوتار الحزن
ادمى مواجعي ...

لا ادري ما دار
خلف هذه الموجعه

إن كان مابها حدث
فهي والله مبكيه

عظّم الله اجر
كل من فقد حبيب

صح لسانك
تقبّل حضوري

غزير مودتي
المشــــــــــتاق

:)

[قمرالنجوم]

صراحه من اجمل ماقرئت ومثل ماقال الاخ المشتاق ان كان مابها حادث فهي والله مبكيه

عظم الله اجر كل من فقد حبيب

[حوووورية]

[ميرة mr]

تسلم يداك يالحيران رائعة واكتر من رائعه تقبل مروري