منتهى الظلم والقسوه(ادخل وشوف)

[المرحه]

انا ترددت كثير قبل مااكتب عن هالموضوع بس في النهايه احس انكم لازم تفيدوني بآرائكم السديده علشان اتخلص من هالمشكله.
السالفه هي عن ظلم اخوي لي وشكه المستمر بسبب وبدون سبب والله لو اعدد المواقف الي تصير ماراح اخلص بقعد معاكم سنه.
أخوي يراقبني في كل شي اسويه مع اني والله ملتزمه وماشيه سيده ومن كثر شكه الزايد بديت اكره حياتي تخيلو لو كنت قاعده عالمسن لازم يجي يسالني تكلمي من ويقعد جنبي وانا اكون اكلم صاحباتي والكل عنده خصوصيات مايبي احد يطلع عليها.ولازم تفتيش دوري لدولابي ولا يستحي ولا كاني بنت وعندي شغلات خاصه شقول لكم بعد نت مايبيني اشبك وتلفزيزن لما اشاهد ويجي واكون مغيره القناه كده بس عادي يقول لي ليش غيرتي لما شفتيني ليش شكنتي حاطه ويضربني.والله انا شايفه الويل منه لدرجة اني بديت اكره كل الشباب واحسهم مثله.آسفه اخواني ادري مو الكل بس من كثر ظلم اخوي لي.
في النهايه لاني طولت عليكم ابي اعرف شالحل وياه وكيف اتخلص من ظلمه(للعلم في احد نصحه يروح لطبيب نفسي ورفض وهو يقول انه دائما يتخيل اني راح اسوي شي غلط مع اني والله مااسوي)
مع تحيات المعذبه

[ســر العــذاب]

هلا والله فيك اختي .. هذي الحركات الي يسويها اخوك صحيح مالها داعي ومزوده شوي معاك بس والله مايسويها إلا لأنه خايف عليك وأنتي شوفي الي يصير بالدنيا وحركات بعض الشباب والبنات والي يصير بالتلفزيون تخلي الواحد يخاف ويشك في أي شي واتمنى من الله انه يهدي اخوك ويصلحه وحاولي تقولي لأبوك ولا لأي احد كبير على الي يسويه فيك لأنه يضربك وانتي ماسويتي شي ونصيحه مني لا تحاولين تراددين عليه وتعاندينه لمى تشوفيه معصب هدي وطنشيه وهو بيعرف انه غلطان وبيراجع نفسه والله يعينك ويصبرك واحتسبي الأجر عند رب العالمين ..
تحياتي لك
اختك
ســر العــذاب

[المرحه]

مشكوره أختي وماقصرتي كلامك ريحني واتمنى من كل قلبي اني افيدك يوم من الايام:f55:

[شوووق الدووحه]

السلام عليكم

المــرحه ،،

نشكــر لك طــرح مشكلتـك هنـا وثقتك بـان اخوانك واخوتـك بأذن الله سيفيــدونك ،،

اختـي الكـريمه ،،

كـل الفتيـات يعانين من نفـس المشـكله التي تعانينهـا تقريبـا ،، الا ان الـذي يختــلف ان معـاملـة اخاك لك هي شـديدة القـسوه،،
وخـارجه عن الحـد المألوف،،

انـا لا اعتــرض على ان يراقـب الاخ اخـتــه ،، ولا ان يسـالها مع من هي تتحـدث ،، لان كـل ذلـك يصـب من منبـع خـوفه وحــرصه عليك ،،

لكــن،، كــل شي يجـب ان يكــون في حــدود المعقــول ،،

فـلا تصـل الى درجـة الضـرب بدون ســبب وتفتيــش الاغراض الشخـصيه ؟؟!!!

ثـم اننــي استغـرب ،، ايـن هم اهـلك لمـاذا لا يقـوم والدك او والدتـك بأيقــافه عنـد حـده..!! لمـاذا لا يجلسـون معـه ويـوضحــون لـه ان مايـقوم بـه من تصـرفات هي تصـرفات خاطئــه؟

اختي الغـاليه ،،

اصبــري على ما أنتي فيـه ،، قــد تكـون هذه ظــاهره من مـظـاهر مرحـلة المراهقــه والظـاهره عــادة ماتنتهــي بأنتهـاء سن المراهقـه ،،

وحــاولي ان تتجنـبي القيــام بالاشيــاء التي تثــير الشــك بقلـب اخـاك ،، وحــاولي ان تتحــاوري معـه وتشــرحي لـه مايسببـه شكــه الزائـد لك من مضــايقـات ،، اسـاليه عن الاسبــاب التي تدفعـه للقيـام بمثـل هذه الامــور فقد تكــون لديـه اسبــابه،،


هذا ،، والله يوفقك ويهدي اخــاك انشــاء اللـه ،، واحتســبي الاجــر عنـد اللـه

تقبلي مروري

[همسة بعد]

أهلا أختي المرحة
بالنسبة لرأي في الموضوع
شوفي أخوكي ما يسوي معاك هذي الشغلات إلا يكون فاقد ثقته نماما بالبنات وهذا نتيجة لأنو يسوي نفس الشغلات مع بنات أخرين يكونو ضحكو على أهلهم عشانه أو أجد حكاه على قصص مشابه بنات يضحكو على أهلهم عشان شباب ....قأنصحك أولا بالصبر ثم الصبر ثم الصبر ...ثاتيا أتعاملي معاه بالمثل إللي يقول (إللي ما عنده شيئ ما يخاف من شيئ)يعني إذا قال يبغى يفتش أغراضك قولبله أتفضل لا وساعديه إنتي بعدوعلى المسنجر أتكلمي وهو في وقوليله هذي فلانة وهذي علانة....وعلى التلفزيون إذا جا وإنتي كنتي صدفة قلبتي خليه يضغت زر ريكول(زر موجود في الجهاز ينقلك أخر قناة قلبتيها)
وأتعاملي معاه بهذا الأسلوب وبكل صبر لين شوية شوية حتلاقي بطل يسأل
والله يوفقك