نخاف نحكي الضاد..!!

[عبدالمجيد اليحيى]

السلام عليكم ورحمة الله وبركاته

هذه الأبيات المتواضعه..لها في القلب من المكانة مالها..
كتبتها للطلاب الذين تشرفت بتدريسهم أيام التطبيق..
أرجو أن تنال أعجابكم..


هذي لغة قرآننا ياعربنا
وحق عليكم تحفظون وتصونون
بالفصحى حنا نفتخر لو درسنا
الإنقليزي نساير الوقت والكون
وواجب ندّرس لا فهمنا بعضنا
لغات هالكفار ياعلّها..عون
تعينّا ننفي غبانا وجهلنا
اللي يروّج له ملاعين صهيون
وتعينّا نرجع لماضي عهدنا
يوم ان كنا فوق والكون ذا دون
قوة وعلم وكل شيءٍ ملكنا
كل الصعايب كانت لعزنا تهون
وتعينّا حنا وحنا فـ بلدنا
نغطي الوظايف للي اليوم يبغون
حتى ولو شعبي كتبنا ونطقنا
نخاف نحكي(الضاد)ونكّثر لحون
طلاب انقليزي بس غصبا شهدنا
وحنا من اللي بالحقايق ينادون
بالفصحى حنا نفتخر لو درسنا
الإنقليزي نساير الناس والكون.!!

عبدالمجيداليحيى

[من بآدي الوقت]

صح لسانك ولا هنت

وصدقت يامال العافيه

ودي واحترامي وتقديري

نايف

[خليجي اصيل]

صح لسانك


وبيض الله وجهك

تستاهل لغتنا الغيره


مشكور ولاهنت يا عبد المجيد

[عبدالمجيد اليحيى]

المشاركة الأساسية كتبها من بآدي الوقت

صح لسانك ولا هنت

وصدقت يامال العافيه

ودي واحترامي وتقديري

نايف

صح بدنك وكلك

و الله يعافيك ويسعد قلبك

لاعدمت تواصلك الراقي و الجميل

كل الود و التقدير

[أميرة الشعر]

صح لسانك عبدالمجيد

والله لغتنا اجمل اللغات وارقاها

وانا بصفتي احد عشاقها

احييك واحي انتمائك للعروبه

الله يكثر من امثالك

بيض الله وجهك لاهنت

لك مني كل الاحترام