تهاوت دمعتي مني ونا اشوف السهم يزداد

[من بآدي الوقت]

ابيات تصف حال بعض المتعلقين في سوق الاسهم
وانا كنت احدهم في يوم من الايام
وان كانت عامه الا انني نسبت الحديث الى نفسي لؤصل الفكره
اتمنى ان تنال استحسانكم
مع انني كتبتها على عجل فعفوا ان لم تخرج بالشكل المرضي لذائقتكم
محبتي للجميع

[frame="7 70"]

جمعت اللي كتب ربي بعد ضيم وصبر وجهاد وقلت ابحث عن اسباب تزودها وتنمّيها جلست بحضرت عيالي اشاهد حلقة تنعاد تحدث عن صدى الاسهم تبشر من دخل فيها سرحت لمكتبي باكر مثل ما كنت انا معتاد ورحت اسأل بعض ربعي عن الفكره وطرّيها زهمني واحدٍ منهم وقال ابغى معك ميعاد اسولف لك عن ارباحي وقصورى اللي ابنّيها سلب عقلي حسن هرجه ورحت امشي معه منقاد اقول العز جا وقته ونفسي صرت امنّيها نصيت البنك من بدري وراح الكاش في العداد وعيني ترقب الشاشه ولا ادري من يمشّيها تهاوت دمعتي مني ونا اشوف السهم يزداد وقلت ادعم مساهمتي بارضٍ كنت اببنيها حسافه خانني وقتي اثاريني انا المنصاد خذو مني شقى عمري ونفسي رحت اعزيها 0

[/frame]
نايف النايف
من بادي الوقت

[{ أحـمـر الـعـيـن }]

سـِلـسـلـة إبـداعٍ ذات لـَحـنٍ طَـروب ...
صَـح نـبـضـِكـ و دَام حـِسـّك يـالـنـايـف .

سلب عقلي حسن هرجه ورحت امشي معه منقاد
اقول العز جا وقتـه ونفسـي صـرت امنّيهـا

البـيـت الـلـي إقـتـبـسـتـه كـان مـحـلـّقـاً فـي سـمـاء الإبـداع


والقـصـيـدهـ كـلـهـا :

درّهـ ، ولا تـسـتـاهـل سـوى الـوقـوف إحـتـرامـاً وتـقـديـراً لـحـروفـهـا ولـمـن كـتـبـهـا

ورحت أسأل بعض ربعي عن الفكـره وطرّيهـا

عـنـدكـ خـطـأ إمـلائـي فـي ( وطرّيهـا )

قـصـدكـ تـقـول : طـاريـهـا ، والـعـتـب ع الـكـيـبـورد .




وتـقـبـل مـروري مـع فـائـق إحـتـرامـي

[جعد السهلي]

صح لساااانك يانايف جزله من راس جزل كما عودتنا

والله يعوضك خير ان شاء الله في الدنيا والآخره

وتقبل مرووووووري وتحيــــــــــاتي

[ملكَّ البحر]

الله جات في وقتها
ما غير عيونا على الشاشة ، والشاشة
دوم بنزول ، واذا ما صعدت يوم انزلت أيام وشهور
ولا أدري وش آخر هذا المطاف

شكرا لك

[سراب الماضي]

[FRAME="9 50"]الأخ الشاعرالمبدع دوماًوأبداً... ][نايف النايف][

صباحك عقد الجمان .. صباحك ريح الأفنان .. صباحك معطر بذكر الرحمن

سوق الأسهم وماأدراك ماسوق الأسهم ينطبق علينا المثل اللي يقول أرنب تبغى

الفريسه والفريسه من ظهرها الله يكون بالعون

صح لسانك بليوون .. ولا يسدووون

بيض الله وجهك ولاهنت .. ع الإبداع الراقي

قصيده جزله وشامخه.. من شاعر شامخ وجزل

بإنتظار بوحك الراقي والمميز

تمنياتي لك بقضاء أسعد الأوقات في طاعة الرحمن

مودتي لك

إختك .. سراب الماضي[/FRAME]