المنتديات
المنتديات
| روابط إعلانية |
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
| | أدوات الموضوع |
03-03-09, 04:25 AM
| #1 |
| |[ عـضـو ذهـبــي ]| الدولة:  روابط إعلانية |  نفسي وهي نفسي,, وربي ماأتحملها  مسااائكم ,,,,, صباااحكم ,,,,, سعيد من إعجابي بقصائد الشــاعر ** ثــامر شـبـيـب ** حبيت يكون عندنا ديوان لهذا الشاعر الرائع.  ** هــذي حيـاتــك ** لحظه قبل لا تطلب البعد وتغيب وتنهي معايه مرحله من حياتك .. أخذ الهدايا والصور والمكاتيب دامي خسرتك ما أبي ذكرياتك ,, يمكن يكون فراقنا رأيٍ مصيب خيره .. كتبها الله جتني وجاتك .. مع اني ادري انت ماعنك تجنيب كنك موصيني وقاضب وصاتك ,, رح واترك بقلبي لك أربع معازيب معزتك طاريك حبك غلاتك .. وإن شفتني أجمع شتاتي .. ماهو عيب باكر مع الأيام تجمع شتاتك ,, وإن شفتني شايل جروحٍ معاطيب باكر يصير الجرح أبرز صفاتك .. أكبر مصيبه في زمان العذاريب إنّي أحبك وأنت حبك لذاتك ,, الطيب لو إنك تجازيه بالطيب ماكان تالي الوقت هذي سواتك .. يا صاحبي لا صرت أغلا الأصاحيب لا تزعل بكيفك وتطلب رضاتك ,, أنا حبيبك مبعد الشوح مانيب من ضيّع جهاته .. يدور جهاتك .. إن كان ماعديت روس المراقيب ماني كفو أصلاً أنام في عباتك ,, شفني مقدر عند عكف الأشانيب مانيب من تومي عليه بعصاتك .. رح للفراق إللي تركنا مصاويب شمّت اعداتي قبل تشمّت أعداتك ,, الله معك .. رح وين ماودك تغيب هذي حياتك .. وأنت حـرَ بحيــاتك . ** طيحــة العــود ** تعبت اقول لضيقتي سهود ومهود اليا متى هالعذر بيكون عذري .. البارحة يوم اكثر العالم رقود عادت علي اللي تجي منين مدري ,, الضيقة اللي كل ماراحت تعود مكانها مابين قلبي وصدري .. ناسٍ تنام مدهنة في دهن عود وناسٍ تنام مدهنة بزيت مقري ,, لاواهني اللي حلالة من الذود تسعين وضحى كل ماضاق يسري .. يسج معها كل ماهبت النود يتبع مسيل السيل في القاع يجري ,, ماهوب مثلي من اقرب الناس مجحود الله يسامح من طعني بظهري .. من راح ماكنه على القاع موجود مايدري انه اول اسباب كسري ,, كل ماطرالي قلت من قلت الفود ياليت منهو راح ماعاد يطري .. لو تستحي من فعلها ايامي السود كان استحت مبطي ولا طال صبري ,, قدمت بالموجود لخاطر الجود لين التفت ولابقى شي حدري .. عطيت من عمري ولا شفت مردود ياللأسف للناس ضيعت عمري ,, واذا افرحوا واجد على طيحة العود هذا دليل انه فعل شي يغري .. بوقف لحالي واتبع الطيب والزود اشره علي ان صغر الوقت كبري ,, ماني على بعض المخاليق محدود اموووووت مـا نـزَلت للنــاس قـدري . لـــي عوده ,,, لا تردووون ,’, |
|  |
|
03-03-09, 04:34 AM
| #2 |
| |[ عـضـو ذهـبــي ]| الدولة: | رد: نفسـي وهي نفسي,, وربي ماأتحملهــا!! ** حاولــت اغيّــر فيـك ** البارحه مابين وشلون يمديك في يوم واحد ياحبيبي تغيّرت .. الليل خلاني وخلا طواريك تلعب بقلبي كل ماداخلي ثرت ,, سويت شين حدني غصب ماجيك والا قبل لاسير الليل سيرت .. هدمت كل اللي بنيت بتجافيك هدمت لا والله بالعون دمرت ,, خليتني ماقلت لي شلون اخليك ليتك بحالي قبل مارحت ناظرت .. الله كريم يصبر اشواق مغليك لاقام ينثرني غلاك وتناثرت ,, والله يسامح قلبي اللي مواليك اخذت كل اللي تبي منه وانكرت .. منهار جيت العام تسبق خطاويك واليوم ماكنك قبل جيت وانهرت ,, في ذمتك لامن تذكرت ماضيك من يطري في بالك اليامن تذكرت ..؟ من كثر مافكرت وشلون اراضيك وياك في نفسي ولا يوم فكرت ,, على كثر ماكنت متمسكن فيك وعلى كثر ماحتجتني ماتعذرت .. جيتك وعندي حاجتن بين اياديك والمشكله تقدر عليها وقصرت ,, رح بشر اللي ملتفت لك يناديك قله تركته لخاطرك ما تأخرت .. صدقني انها غلطتي يوم اداريك ولا انت لولا غلطتي كان ماصرت ,, كبرتك بعين البعيد وحواليك ابيك تكبر والمصيبه تكبرت .. حاولت اغيّر فيك من كثر مغليك قدرت لكنك علـيـّه تغيّــرت ..!! ** أكــره اثنـيـن ** قالوا امدح شيخ والا امدح امير لجل تكسب من مديحه فايده .. قلت انا في خير واحوالي بخير ليه ادوّر شي ماني رايده ..؟ ادري ان مال الكبير الا الكبير الرجال تقاد والا قايده ,, اكره اثنين : المنافق والحقير تستقل طيب الرجال الرايده .. ان مدحت امدح وانا وجهي سفير مدحتٍ للحق ماهي سايده ,, وكانها ماجات من قلب وضمير مدحتي ذمـَـه بحقـَـه كايـده .. وش علي ان صاد له طيرٍ يطير لاهو بطيري ولاني صايده ,, من خلقني الله احب اكون غيــر (ما احب اكون حاجـه زايـده ) .. الفقر ما عذرب اخلاق الفقيـر في السنين الحاضره والبايده ,, في الزمن اشياء تعني لي كثير التمام الشمل حول المايده .. ومنظر البسمه على الطفل الصغير في نهار العـيد يـوم تعايده ,, قلتها وعذري يصير اللي يصير كلٍ راسٍ يرتخي لوسايده .. انتبه وياي للبيت الأخير اسمعه مني ولاني عايده ,, تدري وش معنـاة رجـَـالٍ حقير؟ من يصاحب رجــل لجل الفايــده ..!! ** ضيـقـة الطيــر ** يارشيد رح قله ترى ثامر بخير عقبك وابحسن حال هالحين حاله .. طابت جروحه ومابقا داخله غير شي ٍ يتل القلب كل ماطراله ,, وكانه طلب منك عن الشي تفسير جاوب سؤاله لاتحاقر سؤاله .. قلـَـه سمعت بيوم عن ضيقة الطير وعن عشه اللي كان مرقد عياله ,, الطير لامن ضاق من عشه يطير خان الغصن والعش دور بداله .. وكانه فهم بتشوف فيه التعابير لاغيّرت وجهه سرح عنك باله ,, خله وروح لوضعه الحين تقدير ماودي يبكي وانت واقف قباله .. يارشيد لو انه بدا منه تقصير يبقاله بقلبي مكان ٍ لحاله ,, صحيح انا عقبه وانا اخوك في خير لكن اليامن ضاق جعلي فداله .. |
|
| |
|
03-03-09, 04:44 AM
| #3 |
| |[ عـضـو ذهـبــي ]| الدولة: | رد: نفسـي وهي نفسي,, وربي ماأتحملهــا!! ** دمـعـه عزيــزه ** ياراكب اللي تو فارق حفيزه من ديرته مطلوب للي تمناه ,, لارحت بيت اللي حبيبي لزيزه اليا دخلت ابيتهم لا تعداه .. حتى تشوف اللي سهومه ركيزه داخل خفوقي يوم قفى وخلاه ,, قله يقول اللي جروحه عجيزه وشلون من عاشرت ترحل وتنساه ..؟ محتاج له ياجعل ربي يعيزه لواحدٍ يحتاج قربه ويجفاه ,, ابكي من فراقه .. ونفسي عزيزه كل مالتفت .. وشفت ماني بـ ويـَـاه .. حُبـه دخل قلبي بفتره وجيزه سيّطر على قلبي وحطه بـ مخباه ,, من اولٍ .. مليون ميزه وميزه عندي بوقت ٍراح .. و راحت مزاياه .. واليوم عندي بس ( دمعه عزيزه ) كل ما ألتفت وشفت ماني بـ ويـَـاه .!!! ** ولــــدي ** لا ملامه.. لا تشره.. لا عتاب ماغدى لك شي مفروض يغدي ..! لا تحاسبني على اسباب الغياب في يدك ما صار.. ما كان بيدي ,, لو رجعنا وابتدينا بالحساب منتهي وياك من قبل ابتدي .. كنت اشوفك غير لين القلب ذاب في هواك وصار ماهو بجسدي ,, وقتها لو لي ولد عمره شباب يمكن احبك كثر حــب ولــدي .. لكن اللي غاب .. يوم النور غاب شي يحداني عن ايدينك حدي ,, تذكر اللي صار يا مال الذهاب ليلةٍ ما جيت وامسيت اوحدي .. لا تغرك بسمتي وزين الثياب داخلي ضايق من الوقت الردي ,, السؤال اللي بقى ماله جواب ياكثر مامر على الجرح الندي .. يا معودني على طرد السراب وشتبي فيني اليا ضاع جهدي ..؟ صرت انا وياك نشبه للسحاب لا تجمعنا تساقطنا بردي ,, السحاب اليا تساقط بالاهضاب يحيي القاع الحزين الجرهدي .. بس حنا .. لا تساقطنا عذاب نكسر القلب الكبير الاجودي ’’ ** لسـَـاك فاكــر؟؟ ** كان الوعد باكر وانا جيت باكر شايل معي موعد وماضي وتذكار .. قلت الحقيقه لموعدك دوم ذاكر القلب كنه يتنظر لك على نار ,, قالت بلهجه غير ( لسّاك فاكر ) تضحك .. وانا واقف وانا شبه منهار .. بغيت اقول .. وقالت : بصوت ناكر ( اصلا انا مذكر معك موعد ٍ صار ) ,, قلت اسمعي مني وانا اكون شاكر انا اللذي حطيت لك باب و جدار .. واليوم يوم اصبح وراك العساكر رفعتي راسك فوق بهتان وانكار !!! قالت وهي تضحك على اسلوب ماكر ( صدقت انا اضحك معك ياشمعة الدار ) ,, قلت الحقيقه واضحه بلا تذاكر ماكل منهو زل يلقى له اعذار .. وانتي نسيتيني وانا كنت فاكر اني بجي ويكون طعم اللقا حار ,, لكن وعد مني اذا عشت باكر ماعاد لك موعد وماضي وتذكار .. ** يــــا راس ** ياراس لاترجي رفيقٍ يعزك ان كان ماعزيت نفسك بتنهان .. قام الردي يجسر عليك ويدزك دارت عليك اليوم دورات الازمان ,, الناس ماتعطف عليك وترزك ارفع مقامك وارتفع يا كحيلان .. والموقف اللي هز قلبك وهزك لاتلتفت للي غدى ماضيٍ كان ,, يحز بالخاطر وانا ادري يحزك انك تشوف الذل من اقرب انسان .. اصبر على همومٍ كثيره تلزك وقف على حيلك ولو كنت تعبان ,, عاند زمانك في طموحٍ يكزك لو قالوا : ان معاند الوقت خسران .. قلوب خلق الله بعضها تعزك واكثر من اللي تعزك قلوب عدوان ,, يعني اليامن طحت محدٍ يرزك انكان مارزيت نفسك بتنهان .. ** لباس العـمامـه ** سم بسم الله ياطفلٍ تحلم وارتفع للعز ياراعي الزعامه اقضب الهرجه وللموعد تولم قبل ترقا هامةٍ من فوق هامه صاحبي لاصرت ماتعرف تعلم قبل تلحق لحيتك شرها وملامه ودك الرجال لامنه تكلم يثبت افعاله على موجب كلامه سالفتنا غير عن قلب وتألم لاشكى معذور من لاهب غرامه سالفتنا ضربة استاذ ومعلم شتتت فكر التلاميذ ونظامه لكن اسمع قبل اقول اسلم وسلم كل رجالٍ وله بصمة ابهامه صاحبي بالحق لاتسكت تكلم لاتحسب حساب لباس العمامه |
|
| |
|
03-03-09, 04:55 AM
| #4 |
| |[ عـضـو ذهـبــي ]| الدولة: | رد: نفسـي وهي نفسي,, وربي ماأتحملهــا!! ** لولا وجــودك انــت !! ** لولا ظلام الليل مابيّن الصبح ولولا المواقف ماتبان الرجالي .. ولولا الغرق محدٍ تعلم على السبح ولولا الفرج خاويت سود الليالي ,, ولولا الخساره تنعدم قيمة الربح ولولا وجودك انت (عزي لحالي) .. غلاك ذابحني وانا قابل الذبح لو منت غالي كان ما أرخصت غالي ,, لا تلتفت للهرج يا مبعد الشبح هرج القفا طبع الردي لا تبالي .. الكلب حول البيت يكثر من النبح والذيب يعوي بالرجوم الطوالي ,, وانا معك من غيبة الشمس للصبح والصبح روح وخل طيفك قبالي .. ** مجـَـرد صداقــه ** عادي معك أبقا وعادي اخليك مثلك مثل غيرك مجرد صداقه ,, ماشوف عندي احساس متمسكٍ فيك اقل من عادي معاك العلاقه .. غبتي حضرتي خافقي مايحاتيك القلب مابيّن عليك اشتياقه ,, انتى تناديني وغيري يناديك الحب منك ماسرقته سراقه .. لا تحسبين اللي يزعلك يرضيك ولا كل طاقه بتقارن بـ طاقـه ,, انــا وبس .. اللي اجيبك و أوديك و أنتي على قربي تجيك الشفاقه .. انا بديتك برجع الحين و أنهيك إنسان مثلك سهل جدآ فراقـه ,,!! من دنيتي هالحين ببعدك وانفيك بعيد يا الله بعيد كافي طفاقه .. ادري جرحتك يوم انا قلت مابيك والجرح يبطي لو تغيـَـر مذاقه ,,! مستغربه من إيش حضرت معاليك هذا سلوبي لا نعيت العلاقه .. ** خــراب بـيـوت..!! ** ياحي والله هذاك الصوت اللى اتصل امس مشتاقي لحظة غيابه تجيب الموت وشلون لو ينوي فراقي ياراكب اللى يسمى حوت اقصاد .. والحال بك ضاقي اركب نبي .. نصيّف بيروت لعيون مبرومت الساقي تدري وشنهو خراب بيوت غيابها .. وقطع الارزاقي من عقبها كني بتابوت ماعوض غيابها الباقي اللى اسمها بالحشى منحوت من حبها داخل اعماقي تقول : ان الليالي تفوت وانا انتظر لك على اشواقي ماشفتني .. كاشخه بالبوت امشي .. بثقة واحدٍ هاقي الهيبه ماهي بلبس بشوت غيرتها بعين عشاقي من هيبتي لابست لي كوت هيبة ملك .. مر سواقي قلت : اسكتي والوعد مثبوت بكره اطفي الشوق بعناقي فديت دم الشفايا التوت الموت الاحمر ولا انذاقي خليط سكر على ياقوت صفت ثناياك براقي ياصاحبي .. اركب لبيروت لعيون مبرومت الساقي نمشي على الرجل ولا الحوت ماتفرق ان صرت مشتاقي ** الزاجـــل ** تعال اباخذك عصر ٍ احسه قريب من عصري يضايقني العصر هذا وانا ماني وسيع البال انا وشلون احبك والاحزام الناسف بخصري بحبك في زمن كانت فعوله تثبت الاقوال رسايل عشق ينقلها الحمام الزاجل المصري رسايل مادخلت في عالم الانتر ولا الجوال وقصر فاخر على ضفة نهر احلا قصر قصري وحدايق لي على مد النظر متسوره بجبال هنا .. لو تجتمع دنياي ماتقدر على حصري لأني معك والدنيا اضحكة لي والزمن ما مال انا شاعرك واتفاخر بحبك وافرح بنصري ولكن اسمع لشاعرك بأخر بيت لك وش قال : حبيبي لا تصدقني وتشري الزاجل المصري ترى امزح معك خلينا على الجوال راس المال . ** عــبــس ** ياوقت لاتلبس مواعيدنا لبس كم لي وانا خايل واخايل واخايل الكسر حديته على الجبر والجبس والدمع حديته على الخد سايل فل القيود وبطل اقفولة الحبس خل الكويت تعايد اليوم حايل اللي تشاور راعي اللبس باللبس تبا تماريبه بنات الحمايل ام الترف والمبسم السكر الدبس عالت على قلبن لها الحب شايل من يوم ماجتني تحبس الهوى حبس تامر علي ولسانها حيل طايل وشلون تامرني وانا من بني عبس لو يحكي التاريخ فيها قبايل رح قلها لو ريقي من الضما يبس ماني بدور بالرفيق البدايل كان الزمن مايل معي وخاطره عبس ترى الزمن ماهو على طول مايل بكره تغادر ضيقة الصدر والكبس باب الاصايل ينفتح للأصايل تلقا اليدين مكسره قفولة الحبس وتلقا الكويت مصافحه يد حايل ** كـرهـتـك وملـَيـت ** زهقت انا منك كرهتك ومليت تعبت من شكك وكثرة ظنونك من كثرة اسئلتك احس استجنيت ياخي دخيل الله ذبحني جنونك مليون مره انت في حقي اخطيت لو غبت ساعه تفكر اني اخونك وانا ولا مره خذلتك وزليت تخيّل اني بس عايش اصونك عيني تصير ان ضقت من بيتك البيت وقلبي يصير الكون لاضاق كونك واللي صدمني لا بغيتك تخليت وانا الذي لاضقت واحتجت عونك تقول لو تطلب عيوني لك اعطيت وش فايدة شوفي حبيبي بدونك .؟ وطلبت منك شي عادي وصديت وشلون لو اني طلبتك عيونك ؟؟؟ ** غـَرتـنـي الدنيــا ** غرتني الدنيا وانا اصبحت مغرور وحطمت قلب اللي غمرني بطيبه اصبحت عايش خالي احساس وشعور ماعاد افهم وش حبيب وحبيبه غادي عن الدنيا لي ايام وشهور صارت حياتي في عيوني غريبه ظلام لف الكون ماعاد به نور غربه خذت ثامر من ايدي نهيبه بنيت بيني وبين نفسي انا سور ابعدت نفسي وهذي اكبر مصيبه ترى الذي مايسمع الراي والشور كلمه تودي به وكلمه تجيبه وانا غلطت وقلت ماني بمعذور ومن يعترف بالحق محدن يعيبه !!! وياصاح سامحني اذا جيت بقصور مثلك يسامح لازعل من قريبه لو منت غالي كان ماني بمجبور اجي و ادوّر عنك من بعد غيبه اقسم برب البيت ان لزمن دور واني بدونك عشت حاله صعيبه انام ضايق اصبح الصبح مقهور تخيّل ان راسي بدا فيه شيبه المسأله ماهي قصايد وجمهور ولا هي بعد قصة كرامه وهيبه مسرور من هالناحيه حيل مسرور مرتاح في وضعي كذا ومهتني به ماهوب اكبر همي اصير مشهور كلن بياخذ من كتب من نصيبه بس انت ارجع لي وانا اكون مشكور واقلب يدي وبوسها وابتدي به يومن معك مافيه شاعر وجمهور مافيه الا بس حبيب وحبيبه . |
|
| |
|
03-03-09, 05:00 AM
| #5 |
| |[ عـضـو ذهـبــي ]| الدولة: | رد: نفسـي وهي نفسي,, وربي ماأتحملهــا!! ** تومـي بـ يــدها ** الله واكبر ياهذيك المواعيد ايام ماكانت تحاتي وعدها من قبل لا تكثر عليها المناقيد وتلبس خطاياها عباه لجسدها العام كانت حلم ليل الصناديد من الحيا ماتجاوب اللي نشدها واليوم صارت تصنع لكيدها كيد تعلمت وشلون تتقن نكدها تومي بيدها لواحدن واقف بعيد تحسبني ازعل يوم تومي بيدها !!! ماتدري ان فراقها كنه العيد ماني بميت من غلاها بعدها القلب لو شوقه بعد غابت يزيد ذبحت قلبي في يدي لو فقدها ماعادها كفو السهر والتناهيد مدامها خانت مبادي عهدها قولولها وانكانها شيخة الغيد تستر عن عيون المناظر نهدها وانكان اصبح عذرها حب تجديد مع موظةٍ يخذل مطرها رعدها لا والله الا زادة حبارة الصيد وطيور ماهدة بيكثر هددها العلم بيّن مايبي زود تأكيد واضح وضوح الشمس للي شهدها الشمس تطلع شرق يوم الله يريد حكمه من الله ماطلعة من وحدها الله أمرها تنور الكون تحديد وبعض البشر مع كل هذا تعبدها !!!! يعني خلاصة هالحكي والتشاهيد قولولها من قبل تفقد رشدها انكانها مشتاقه لواحد بعيد تروح له .. ماهوب تومي بيدها !!!! ** غلطــة الشاطــر ** الغيمه اللي تجيب الظل والماطر ظلت علي الدروب وشح ماطرها ضحيت واجد على شانك وانا ناطر الفرصه اللي ثلاث سنين ناطرها اليا متى ماتسيّل حبك القاطر مليت اسطر جروحٍ شاب ساطرها ياكثر من قال اني بالغلا شاطر هو مادرى اني رجيتك سيل قاطرها ياصاحبي لا طرالي ثوبك العاطر يهون عندي غثى الدنيا وخواطرها القلب فج الضلوع وجالك مخاطر والكبد قو الصبر والبعد فاطرها اما تسولف سوالف تشرح الخاطر ولا تكب السوالف لجل خاطرها كل شي عادي .. ولكن غلطة الشاطر تبقا مع الناس وتبقا بقلب شاطرها ** تخـونيـنـي ألحـيــن ..؟؟ ** ماودي اقلبها على راسك الحين ولاودي اسكت عنك .. واجرح ضميري جوني وقالوا عنك ناسٍ كثيرين كلام يكبر عنه .. حتي الصغيري قالوا نستك : وقلت والله لتموتين وللحين باقي لي بقلبك كثيري ابسألك وشلون يعني بتنسين ؟ ولحمة كتافك .. كابره بفضل خيري قالوا تبيها : وقلت يمكن من سنين يومه مصيرك مرتبط مع مصيري انتي .. مثل طيرٍ كسير الجناحين جبرت كسره عقب ماهو كسيري ياكل من يديني .. سوات المساكين وصد وتنكر .. يومه اصبح يطيري قالوا تخونك : قلت طبع الرديين طبع الخيانه من الردايا يصيري كل يوم وانتى ألف مره تخونين ماهي غريبه خيانتك للعشيري ادري مع غيري تخونيني الحين وادري بعد ساعه تخونين غيري |
|
| |
|
| الإشارات المرجعية |
| أدوات الموضوع | |
مواضيع مشابهة | ||||
| الموضوع | الكاتب | المنتدى | الردود | آخر مشاركة |
| عزة نفسي | جمرة تحت الرماد | خواطر - عذب الكلام | 2 | 05-10-10 07:29 PM |
| نفسي فيه | اطلبوا | أدوات التصميم | 3 | 31-05-10 07:49 PM |
| قصه عن نفسي | c.ronldo | قصص تعب قلبي | 0 | 17-12-07 03:31 AM |
| حديث نفسى مع نفسى | وسيم زهران | خواطر - عذب الكلام | 9 | 06-05-07 09:50 AM |
| نفسي نفسي | القلب الحنـــــــون | قصص تعب قلبي | 3 | 12-02-07 11:12 AM |
