الدرس السادس : الشريط الزمني [ ترتيب الأحداث وتعاقبها ]

[كل الوفا]

السلآم عليكم ورحمة الله وبركآته


مسآءكم وصبآحكم عسل ...


كيف حآلكم جميعآ ؟ اتمنى تكونوا بإتم الصحه والعآفيه ^_^


قبل أبدأ بدرسنا اليوم ..خلوني انزل لكم روآبط للبرنآمج

وبرضو روآبط الدروس السآبقه.. [ كالعآده ]..




روآبط البرنآمج...


رآبط التحميل من موقع مخزن :


أضغط هنــآ


رآبط التحميل من موقع 2shared :


أضغط هنـآ



روآبط الدرس السآبقه :


الدرس الأول : اضافة الصوره والصوت والكتابه بالسويش



الدرس الثاني : طريقـة ادراج الصـوت [ ازرار التشغيل و الإيقاف ]



الدرس الثالث : طريقة [ تحريك النص من الأسفل للأعلى ] بالسويش



الدرس الرابع : طريقة [ إظهار النص وأخفاءه من نقطة معينه ]



الدرس الخامس : التأثيرات وأستخداماتها على النص والصوره



...............



ودآئمآ وأبدآ..أكرر.. اذا أي عضو وآجهته

أي مشكله بالدروس السآبقه ولا عرف يطبق..

يخبرني بنفس الدرس شنهي مشكلته..

وان شاء الله بحآول احلها له..لو تتكرر

9384574389573498 مره :p
................



نرجع لدرســنآ :


درسنـآ لها الليله استعجلت عليكم فيه شوي.. <- - ارحمهم :35:

بس عشآنه سهل وسريع..وحبيت إني اخلصه لكم وبسرعه...

وهو متعلق بالدرس..السآبق تبع التأثيرآت..لإني وصيتكم..

وقلت لكم جربوا كل التأثيرآت..أو بمعنى أصح أكثرهآ..عشآن

تطبقونها بشكـل أفضل ^_^ وتصير عندكم احترآفيه شوي ومعرفه

في التأثيرآت....


ودرسنآ في هاليوم رآح يكون عن الشريط الزمني وترتيب الاحداث

وتعاقبها فيه ^_^ . . .


أول شيء..

ماهو الشريط الزمني ؟

هو الوقت الذي يستغرقه العمل او التصميم بالكآمل..أو جزء منه

وبرضو هو يخص التأثيرآت وتعاقبها وترتيبهآ... ^_^

نشوف فوق..الي فيه الأرقآم..هذا هو الشريط الزمني...والأرقآم

هي أرقآم الفريمآت..يعني أي فريم وصل التصميم ^_^

وتلآحظون بالصوره انو فيه..[ نصين ] ..-كل الوفا-تعب قلبي- .

وللمعلومية ترى الصوره مثل النص...^_^

ولو تلآحظون رآح تشوفون كل نص أخذ فريم وآحد..الي هي المستطيل

الصغير الي باللون الأبيض..في بدآية الفريمآت..

وبالنسبه للأسهم هي امتداد الشريط الزمني..واتجاهه.. يعني

كل ماسوينا تأثير رآح يروح بأتجاه الأسهم ويمتد ^_^..ورآح

تكثر الـ [ مستطيلآت الصغيره البيضآء ] <- - فهمتوا هـآ ؟

رآح اسوي لكم مثآل بسيط..للتأثيرآت..بالشريط الزمني. :


مثل ماقلت لكم بالبدايه عندنا نصين..

الأول : كل الوفا.. الثآني : تعب قلبي


لو نشغل التصميم رآح يكون النصين فوق بعض..

وش المطلوب منآ ؟

اننا مثلآ..نخلي ان النصين يطلعون بالترتيب..الأول

كل الوفآ..وبعده ع طول يجي تعب قلبي..يعني يجون بالترتيب..

نختار أي تأثير نبيه..بهالحآله..بس يفضل يكون تأثيرين متصلين

ببعض..مثل تأثيرآت slide , Fade in - Fade out ..إلخ

طبعآ انا بسهلها عليكم ورآح نختار.. تأثيرآت [ Fade ]


ليه اخترنآه ؟

لان تأثير...Fade in يبدأ الشيء بالظهور بالتدرج..Fade out العكس ^_^


فهمتوا أكيد ؟


أهم نقطه..لازم نعرف شنو الطبقه الي نبي التأثير عليهـآ..

لاحظوا :

شفتوا..انا قلت رآح نبدأ بالنص [ كل الوفآ ] عشآن كذا تلآحظون

ان التظليل عليه..

بعد كذا نروح للتأثير Fade ثم Fade in أو اي تأثير تبونه

بس هذا مثل ماقلت عشآنه الأسهل والأقرب.. :)

بعد مانختاره رآح نلآحظ أن التأثير استغرق 10 فريمآت بدء من 1 إلى10

شفتو معآي..ألحين مكتوب أسم التأثير..وبجنبه ع طول مكتوب [ 10 ]

ومعنى هالرقم عدد الفريمآت الي استغرقها هالتأثير..

والتأثير للحين مظلل...نروح نضغط على هالزر.. :

للمعلومية هالزر ماراح يكون مفعل الا لمى تكون محدد التأثير..

وبعدها رآح يتفعل ويصير معآاك مثل ماهو بالصوره..

وبعد ماضغطنا ع الزر رآح نشوف يوم ان النص بدأ يطلع على

شوي شوي..

بعد كذا [ انت مخبر ان حبيت تترك مسآفه او ما حبيت ] ...

بس انا هنا رآح اترك مسآفه بالفريمآت...

وكل هذا رآح يكون ع امتداد الشريط الزمنـي ونختار التأثير Fade out

مثل :

وبعدين نروح ونضيف تأثير fade out

ألحين نلآحظ ونشوف هالتأثير انه بدأ معانا من الفريم 30 إلى 40

يعني أخذ عشر فريمآت مثل حتى ماهو مكتوب جنب اسم التأثير [ 10 ]


الحين خلصنـآ من كلمة [ كل الوفآ ] <- - ياحبني له :D


رآح نبدأ بترتيب التأثيرآت لكلمة [ تعب قلبي ]

أحنا طبعا مانبي كلمة تعب قلبي تكون بالبدايه لأننا اتفقنا

ان اول كلمة تطلع هي [ كل الوفآ ] وبعدها وبعد ماتخلص تأثيرآتها

تطلع كلمة [ تعب قلبي ] عشآن كذا..نروح لأول فريم في تعب قلبي

وحنا [ مظللينها ] ونختار التأثير Remove ورآح يطلع معانا كذا

شفتوا كيف ضغطنا على كلمة تعب قلبي وتظللت معنا وبعدين رحنا وحطينا

المؤشر على اول فريم واضفنا تأثير remove الي هو علامة × الحين

كلمة تعب قلبي مارايح تطلع معنا في العمل نهائيا يعني لازم نسوي لها

امر اظهار...


الحين.. احنا متى نبي كلمة [ تعب قلبي ] تطلع ؟ اكيد بعد

مايخلص التأثير تبع كلمة [ كل الوفآ ] يعني بعد الفريم الـ 40

نروح على الفريم 41 واحنا مظللين للحين على كلمة [ تعب قلبي ]

شوفوا المكآن الي انا محدده بالدآئره..الي هو الفريم41

رآح نخلي التأثير يبدأ من عندهـ..مثل ماقلت قبل..نحط له التاثير

Fade in من الفريم 41-51 رآح يطلع معانا كذا :

شفتو وش لون طلع معآنآ ؟


أظن الفكره الي رآح اسويها وضحت عند الأغلبيه.. ^_^

ألحين رآح نسوي تأثير Fade out لنفس كلمة [ تعب قلبي ]

وبنفس الطريقة الي سويناها..لكلمة [ كل الوفآ ] .

نخلي مسآفه عشآن نسوي التأثير..المسآفه طبعآ الي تبونها..

..بعدها نحط تأثير [ Fade out ] ... ورآح يطلع كذا :

نلآحظ الاحداث بالترتيب.. :

أول شيء : ظهور [ كل الوفآ ] بالتدريج..بعدها ثبآت..[ كل الوفآ]

إلى الفريم رقم 29..بعدها اعطينا أمر بالاختقآء تدريجيآ بالتأثير

[ Fade out ] واخذ مننا 10 فريمآت..بعدها رآح يختفي النص...بالمره..

ثآني شيء : بالأعلى نلآحظ ان [ تعب قلبي ] اعطيناها الأمر Remove

وهالأمر خلاها تختفي بالفريمآت الي تطلع فيهآ كلمة [ كل الوفآ ]

إلى ان تبدأ بالظهور بالفريم رقم 41 عندما اعطيناها الأمر [ Fade in]

وأخذت برضوا عشر فريمآت..ثم نفس الطريقة مع تأثيرآت [ كل الوفآ]

وبالأخير عطيناها امر بأخفاءها بالتدرج..بالتأثير [ Fade out ]





لمشآهدة التطبيق..

أضغط هنــآ




..............



وووبس هذا درس اليوم.. ^_^

اتمنى اشوف التطبيقآت.. حتى للي ماعرفوا يسوونها زين

ابي تطبيقاتهم عشآن اشوف المشكله..بالضبط ^_^

وبرضوا لا انسى اقول لكم..انكم تقدرون تختارون..التأثير

الي تبون موب ملزومين مثلي ^_^.. بس انا حبيت اختار

الأسهل لكم وبشكل أبسط..

وبرضو من هالدرس تعلمنا أهمية الأمر [ Remove ] وهو

التأثير الي يوقف ظهور النص او الصوره..إلين تعطينه

أمر مره ثآنيه بأحد التأثيرآت الأخرى..مثل ماسوينا بهالدرس

بالتأثير Fade in...


ع العموم ..بالتوفيق للجميع.. ولا تنسوني من الدعآء ^_^

[هيفاء الغدير]

وعليكم السلام ورحمة الله وبركاته


مساءك وصباحك قشطه <<<<< عليك العسل وعلينا القشطه >>>>


وبصراحه الدرس هذا من اروع دروس السويش واللي بالفعل نحتاجه بقوووووه


وبصراحه اكثر وفيييييييييت وكفييييييت في طريقة الشرح


شفت هذا الدرس مشروح بس والله ماهو بنفس التفصيل والاسلوب


الله يعطيك العافيه ويسدد خطاك


انتظرني بالتطبيق والاسئله :70:

[كل الوفا]

^_^.. يآ حيآاك الله ..

شرفتينا بمرورك المعتآد

وشآكر لك هالاطراء الـ [ متوآصل ] لي

وربي يعآفيك..وانتظرك وانتظر تطبيقك وأسألتك ^_^

[مستر طفش ...}]

كل الوفا ....}

مساك الله بالخير طال عمرك

ويعطيك العافيه ع الجهود اللي تقوم فيها

درس رائع وبسيط انشالله

وانشالله لي عوده بالتطبيق

ودي ...}

[كل الوفا]

بالرضآ والعآفيه اخوي الغآلي ^_^

وانتظرك انت والتطبيق ^_^