المنتديات
المنتديات
| روابط إعلانية |
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
| | أدوات الموضوع |
21-02-09, 07:18 PM
| #6 |
| |[ عـضـو ذهـبــي ]| الدولة:  |  رد: №[ياغــلاتـــك بقلـبـي يانصيب الغـيـــر]№ >>>> رواية روووووووووعة لاتفوتكم يــــوم الأحــــد.... 10 شـــــــــــوال... وفــــي الكليــــه وتحديـــــدآ في قاعة التاريــــــــخ.. : صباح الخير يابنااااااااات.. "البنات بصوت واحد بردود متفرقه": صباح الورد _ صباح النور والسرور_ أهلين متعــــــــــــــب .. متعــب: لسه صاحين مانمتوا؟ "ردت صفاء بنعومــه": أحد يشوف جو حلوووو وبنات حلوااااات ومخيم أحلى وأحلى وينــــام؟؟؟ "أبتسم متعب وهو يناظر صفاء من بين 15بنت جالسه قدامه": الظاهر صوفي تحب الهواء البارد وتحب الضحك والسوالف وتحب الكشتات مووووت.. "أستحت صفاء وهي تصـــد عنه لأنه أحرجها بنظراته وسط ضحك البنات.. وتكلمت أخت متعب واللي تصير بنت خال صفاء": أقول يامـتـعــب ترا مو بس صفاء تحب الجو والضحك والكشته حتى باقي البنات.. "متعب وهو يفتح سحاب الجاكيت وينحني للنار اللي صايره بالوسط والبنات متجمعات حولها": بس هي اللي ردت على سؤالي ودافعت عن نفسها.. "تكلمت بنت عمة متعب": طيب إنت قلنا ليش صاحي للحين الساعه صارت 3ونص؟ "ألتفت عليها متعب وهو يمزح": تسمحين لي أسهر؟ "ضحكت بنت عمته": لأ مو مسموح يالله على خيمة الشباب بسرعه ههههههههههه.. متعب: يالعوبــه هذا بدل ماتقولين حياك أسهر معنا .. "ألتفت على صفاء" صوفي دافعي عني وإلا بس شاطره تدافعين عن نفسك؟ "تكلمت بنت عمته وهي تقلده": صوفي صوفي .. وليش ماتدلعنا إحنا بعد ترا كلنا (خواتــــك).. "صفاء بخاطرها": وجع ياعوبه حاسدتني وبعدين أنتم خواتــه بس أنــا... لأ... أنــا غــيـر.. "أبتسم متعب وهو يوقف": صفاء أسمها مايشبهها أبدآ وصوفــــي يليق لها أكثر وأحب أناديها بالأسم.. أما إنتم أسمائكم تشبهكم وماتحتاج تغيير.. "صفاء بخاطرها": أمووووت عالدبلوماسيه بالأجابات ويلومونــي فيك يا ميتــــووووووووووووووووووووووو.......... >>>>>>>>>>>>>> "صرخت وتيـــن": صــــفــــــــااااااااااااااااااااااااء.. "فزت صفاء وهي منخرعه": ميتــــــــوووووووووووووووووووووووو..... "أنفجرت وتين بالضحك وهي تضرب الطاوله بيدها": هههههههههههههههههههههههههههههههههههههههههههههههههه ههههه.. "صفاء وهي تمسح على عيونها وتحس بصداع": أنا ويني؟ وش جابني هنا؟ "وتين وهي مازالت تضحك": ميتــو جابـك هنــا وتـوه طلع من الباب ويوصينــــا عليك ههههههههههههههههههههههههههههههههههههههههه.. "صفاء بملل وهي تحط إيدها على راسها": متى أنتهت المحاضره..؟ وتين: من ربع ساعه ومابغيت أصحيك قلت أخليك تشبعين أحلام بميتو بس مو لدرجه إنك تهذرين بأسمه.. صفاء: ليه القاعه فاضيه وين البنات وين هديل؟ وتين: خلصت المحاضره وطلعوا.. وهديل راحت تدور على البندري وأماني عشان نجلس بالقاعه لما تبدأ المحاضره الثانيه.. المهم لاتضيعين السالفه وقولي وش جاب ميتو على بالك؟ "تنهدت صفاء وهي مبتسمه": آآآه تذكرت موقف صار العام لما كنا بالمخيم ولما نمت كملت الباقي بالحلم .. وتين: أي موقف إنتي مواقفك معه ماتخلص...؟ صفاء: لما كان يدلعني قدام البنات ويقولي (صوفي) البنات ماأهتموا بالواقع يعني بالموقف الحقيقي بس حلمت أن بنت عمته تسأله ليه تدلعها وماتدلعنا كلنا؟ وميتو جاوبها وأحس الجواب هو اللي أبي أعرفه وعرفته من الحلـــم.. "وتين بحيره": والله مافهمت شي من اللي قلتيه.. "صفاء وهي تشرح لها": الموقف صار بالواقع وميتو لما قال لي: صوفي ليه ماتدافعين عني...؟ أستحيت ومارديت عليه وهو ضحك وقـــام وطلع من الخيمه لما سمع الشباب ينادونـــه برا.. بس لهنا الواقع وبالباقي كملته بالحلم .. "وتين وبحيره أكثر": صفاء أنا مافهمت شي أنتي شبكتي بين موقف وحلم_ هذي ماتصير أبــــدآ.. صفاء: ماشبكت شي هي جات كذا_ أنا صارلي فتره طويله أفكر بميتو (ليه يدلعني) وأستحي أسأله أو أسأل خواته وبنفس الوقت أحســــه معجب فيني بس يكابر ولا يبين لي لأن معاملته لي تختلف عن باقي البنات سواء خواته أو بنات عمه وعمته أو بنات خاله.. وتين: بس أنتي قلتي من قبل أن صارله سنتيــن راجع من أميركــــا وأخذ طبع الأجانب وطريقة تعاملهم_ واللي كملها طبيعة مجتمعكم شوي متفتحين يعني عادي تكشفون وجيهكم قدام الشباب وتتعاملون مع بعض مثل الأخوان.. صفاء: Ok. أتفق معك بس هو يعاملني غير وهالشي واضح .. وتين: طيب أبسألك هالشي واضح عند أختك هنــــاء اللي أصغر منك؟ ولاتقولين لي هناء ماتنتبــه لأن عمرها 18سنه وإذا هي أنتبهت معناته باقي البنات أنتبهوا بعد.. صفاء: هنــــاء ماتطيق متعب!!! ودايم تطلع من المكان اللي يدخل فيه عشان كذا مو منتبهــه.. "تفاجأت وتين": معقوله.. ليــــه؟ صفاء: تقول أحسه شايــــف نفسه وماخذ مقلب من جمالــه ومكانته بالمجتمع ومغـــرور واللي زاد غروره البنات المعجبات فيه (ماتدري إني وحـــده منهم) وتظن إنها بتصرفاتها وتطنيشها له راح تكسر خشمـــه.. "ضحكت وتين": هههههههههه مسكينه هنــاء ماتدري إنها آآآآخــــر همـــه هــــي..!! يعني متعب راح يعرف إنها ماتطيقه ولو عرف ماراح يهتـــم.. "صفاء وهي تحط راسها على الطاوله": ((آآآه لو الظروف المقبلــه تكشف قدرهـــا لو يعرف الشخص منا وش مع الغيب بيجي لـــه)).. من سمعتها بلسان حامد زيــد وهي تردد بأذنــــي.. ودي أعرف وش راح يجينــي؟ وش نهــــاية تفكيري فيه سنتيــــن؟ وتين: إنتي خايفه؟ صفاء: مو خوف لأني متفائله ومتوقعتها نهايه حلــــوه بس اللي ابيك تعرفينه وأنتي تجهلينه إن البنت لما تحـــب تصير عندها أنانيــــه وحب للتملك بدرجه لاتوصف.. أنا أعيش هذا الشعور وماودي أحد يشاركني بميتو ولاحتى يفكرون فيه لامن قريب ولابعيد.. "وتين بإقناع": بتمسكين قلوب البنات لايحبونه ولا يفكرون فيه؟ خليك واقعيه ياصفاء.. وبعدين فيه حكمه تقول (إذا أحببت شيئآ فدعه حــــرآ.. إن عاد فهو لك وإن لم يعد فتمنــــى لــه السعــــاده).. "صفاء وهي تبتسم": وتين بلا حكــــم أنا كذا مبسوطه خليني أشبع دلع وحب وأحلام.. وتين: مو توك خايفه من النهايــــه..؟ صفاء: قلت لك مو خايفه من النهايه وبعدين إذااااا شفتيني خفت شجعيني لا تحبطيني.. وتين: ياعساني ما أجرب هالشعور(خوف_أنانيه_حب تملك) الحمدلله شبعانه أمان وحنان من أهلي.. "قامت صفاء وهي تعدل بلوزتها": صدقيني لو جاك هالشعور بترمين كل العالم ورا ظهرك وما راح تذكرين إلا (غاليـــك) وخوفك وأنانيتك.. أنا رايحه لدورة المياه أبعدل شكلي وأرجع.. "وتين بتردد": والنهايــــــة؟؟؟؟؟ "أبتسمت صفاء وهي تشيل شنطتها": توقعيها حلوه ولا تخافين منها... ـــــــــــــــــــــــــــــــــــ ×× النهايــــــــه ×× .. مجهــــوله أكيد بس ....!! ليــه دايم نتوقعها حـلـــوه بدون مانخاف منها..؟؟؟؟ الخــوف مفيد بحالات ومضر بحالات أكثر.. الخــــوف مفيد.. لأنه يعطينا أسوأ الأحتمالات عشان لما يضيع النصيب نكون متوقعين ضياعــــه و نلقى كلمة (خــيــره) أول تعبير نقوله يهون علينا طول الأنتظار ويعطينا أمل جديد يغسل أثار الصدمــــه... الخــــوف مضر.. لأنه هو اللي يصعبها زياده ويعقدها أكثر وأكثر_ لأننا نترقب وننتظر وقلوبنا مليانه تشاؤم.. تشــــاؤم من نفوس اللي حولنا.. بس مو بيدنا لأن كل شي ينقلب ويتغير.. اللي أمس مو نفسه اليوم وغير عن بكره واللي بعده وأقصــــد (نفوسهم ,,تفكيرهم ,, تصرفاتهم ,, إنفعالاتهم)..... ممكن بلحظــه ينشبك شي ويصلح .. وبعد لحظـــه ينفك ويتبعثر..... فما بالك باللــــي ينتظر {نهــــايــــه}....؟؟؟؟ ـــــــــــــــــــــــــــــــــــــــــ "هديل وهي تأشر بيده فوق تحت": ياااااهوووووووووه وين وصلتي...!!!! "أنتبهت لها وتين لأنها كانت سرحانه": هلا هدوله وينك تأخرتي؟ "هديل وهي تجلس وتحط اكياس الفطور عالطاوله": كالعاده الكافاتيريا زحممممممه أقسم بالله كأنههم بمجاعه البنات.. وتين: كل بداية ترم تحصل هالزحمه صار شي طبيعي.. هديل: شفت صفاء رايحه لدورة المياه متى صحت من النوم؟؟ "وتين وهي كاتمه الضحكه": ألا قولي وش حلمت .. ميتو هذا ماترك فيها عرق صاحي صارت تهذري بأسمه.. "هديل بحماس وهي تفتح الحمضيات": هلااااا واللــه عاش الحب عاش.. وش حلمت المطفوووووووقه اليوم ما يكفي بمحاظرة رمضان نامت ولما نادت الدكتوره الأسماء ووصلت عند اسمها صحيناها تذكرين وش سوت؟؟.. "ضحكت وتين وهي توصف شكل صفاء": هههههههههههههه ظلت تفرك عيونها سااااعه تستوعب المكان ولما سألتها الدكتوره/أنتي صفاء؟ قالت لأ انا مو صفاء أنا ميـــ ....ههههههههههههههههه بغت تنطق لو ماسكتناها.. هديل: ولا تفشلت من تهزيءالدكتوره لها ظلت مبتسمه وتلعب بخصلات شعرها وكان الدكتوره تكلم الطوفه بس احســـــن أعجبني ببرودها.. "وتين وتسوي نفسها معصبه": بس مو أبرد من وجهك ألحين جايبه فطور وجالسه تآكلين وماتقولين تفضلي...... وبس .. لهنــــــــــا وقفت نشر أم الظفايـــــــــــــــر .. لا تنسونـــــي من الردود الحلوه تيب .. عشان أنزًل البارت الجاي .. |
|  |
|
21-02-09, 07:31 PM
| #7 |
| |[ عـضـو مــاسـي ]| الدولة: | رد: №[ياغــلاتـــك بقلـبـي يانصيب الغـيـــر]№ >>>> رواية روووووووووعة لاتفوتكم  تسلم أيدك توتو عالروايـــــــــــــــــه راح أتابعهـــــــــــــا معك أول بأول .. وأن شاء الله تكون رواية أم الظفايـــر بأبداع الأولـــــــــــى .. ماننحرم من ذوقك الحلو يارب .. |
|
| |
|
21-02-09, 07:56 PM
| #8 | |
| |[ عـضـو ذهـبــي ]| الدولة: | رد: №[ياغــلاتـــك بقلـبـي يانصيب الغـيـــر]№ >>>> رواية روووووووووعة لاتفوتكم اقتباس:
تسلمي ياعسل على مــــــــرورك الحلو وراح أستنى ردك الحلو على كل بــــــــارت | |
|
| |
|
21-02-09, 08:05 PM
| #9 |
| |[ عـضـو مـبــدع ]| الدولة:  | رد: №[ياغــلاتـــك بقلـبـي يانصيب الغـيـــر]№ >>>> رواية روووووووووعة لاتفوتكم مقدمه رائعه وكلمات صادقه تحكي عن مجتمعنا .. بصراحه أعجبتني الروايه كثيييييييييييييييييير وإن شاء الله أكون من متابعيها وأتوقع بتكون بحلاة روايه أطلالي وأحلى كمااااااااان *_^ Tolip يسلمووووووو على النقل الرائع وننتظر البارتات الجايه :) |
|
| |
|
21-02-09, 08:32 PM
| #10 |
| |[ عـضـو فــضــي ]| الدولة:  | رد: رواية №[ياغــلاتـــك بقلـبـي يانصيب الغـيـــر]№ للكاتبة أم الظفاير يســــــلمو |
|
| |
|
| الإشارات المرجعية |
| أدوات الموضوع | |
مواضيع مشابهة | ||||
| الموضوع | الكاتب | المنتدى | الردود | آخر مشاركة |
| تصاحبك السلامه والاماني يانصيب الغير | الفارس 511 | منقولات أدبية | 8 | 21-09-11 12:25 PM |
| حبي ام حلمي / للكاتبة **اسيرة الماضى** | pain smile | قصص تعب قلبي | 16 | 31-01-10 07:54 AM |
| ما هو الشيئ الغير المنطقي و الغير القانوني | جابرالرماح | نكت × نكت ضحك | 16 | 07-10-08 05:07 PM |
| مع التحية للكاتبة العبقرية | وافى الجميل | شعر و شعراء | 0 | 29-08-06 06:13 PM |
| هي بقلبي الاوله وهي بقلبي التاليه | الزين يفرض نفسه | شعر و شعراء | 11 | 22-07-06 02:32 PM |
