المنتديات
المنتديات
| روابط إعلانية |
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
| | أدوات الموضوع |
19-02-09, 04:08 PM
| #1 |
| |[ عـضـو مــاسـي ]| الدولة:  روابط إعلانية |  خمـــسة بالمـــية .........؟؟ الصــــلامــ علااااااااااكمــ جميعا من اكبر راس الممرور الى اصغر راس ... والله ثم والله اني مشتاق لكم .... لكن تعرفون مشاغل الحياة(مهوب عاقل سعود الفيصل) .... هي الهتنا وفرقتنا ... والله لايفرقنا بس 5% بسك يا حسين .... خلاص كفاية .... وين نودي الفلوس .... خمسه بالميه حته وحده ... طيب اعلنوها شوي شوي.... ترا اعصاب الناس ماتتحمل كل هالدرهمان مره وحده ... بصراحه انا من فرحتي تمنيت اني اخم وزير الماليه وارصه على صدري الين معاد يقوى يتنفس (مهوب عاقل الجاثوم) .... مدري ليش حاس ان مضارب الجماعي هو الي مقترح الخمسه بالميه ... و الي انا متعجب منه ان نادي النصر الين هالحين ساكتين ماطلعوا بيان الواحد منا اذا شرا لعياله شي قال كلوا في البيت لاتاكلون قدام عيال الجيران عشان مايعاقبنا ربي ... وها الخليجين يا مال الي منيب قايله ماراعوا لا جوار ولا اسلام ولا خليج .... انواع الزيادات والاعلانات .... ماقالوا لنا اخوان مصفقة بهم الدنيا لازم نراعي شعورهم ... ياخي زيدوا سوو الي تبون بس لاتعلنون ولاتكررون ... تصدقون لاول مره احس ان فيه شي صح عندنا واننا بدينا نتطور ..... يوم خرب عداد المويه حقي جبت سباك قال ممنوع نلمس العداد ... قلت طيب وش السوات ... قال اتصل على طوارئ المياه .... مسكت التلفون ودقيت رقمهم وانا عجل993 ... الو السلام عليكم لو سمحت يالغالي انا عداد المويه حقي خربان... رد علي وقال طيب انا وش اسويلك اذا كان خربان .... قلت ابيكم تصلحونه .... قال لي انا عارف انك قاعد تستهبل وتسجل مكالمات لكن حدد موقعك اذا كنت رجال ..... قلت له يالغالي خير وراك تغيرت كلنا مصدومين بالخمسه بالميه مهوب انت لحالك وانا يالغالي والله العظيم صادق عداد المويه عندي خربان .... شافني كذا وقال انت عارف انك تكلم المرور .... طوططوط دقيت ثانيه939 .... الو السلام عليكم انتم طواري المياه .... هو نعم تامر بشي ... انا عداد المويه عندي خربان ... هو وين بيتك فيه وكم رقم جوالك ... عطيته عنوان البيت ورقم الجوال ... وقلت له متى بيجون ... قال ربع ساعه وعندك فرقه يصلحونه لاتبعد خلك في البيت ..... قسم بالله اني انبسطت ايه ياشيخ هذا التطور الي نبيه ملينا من الواسطات وخذ وهات وامسك سرا .... ورغم ان الكلام هذا له ست شهور ورغم انهم ماجوا وانا احتريهم الين هالحين ...الا ان هذا تطور يشكرون عليه خخخخخخ... زمان يومنا قراوى بقراطيسنا ... كان عندنا مدرس سوري .... بصراحه الاجانب اول عايشين احسن منا ... المهم هالمدرس بيسافر خروج نهائي وباع عفشه ... واحد من الشباب شرا منه روب نوم حرير يلمع ... وخوينا مايدري وشوا له ... وكشخ به في كل مكان .... وانحن منبهرين ومطير عيونا .... وكل واحد يبي يصير صديقه .... وكان ابو الشباب يطقطق في السياقه ... وفي يوم سرقنا سيارة ابوه ... هايلوكس ورحنا للرياض .... ماندل شي ونسمع بالعقاريه ونبي نشوفها .... ومسكنا خط الملك فهد ... ابو الشباب ماسك المسار الايسر ويمشي اربعين وداق الاشاره يسار ... يدور يوتيرن يبي يرجع ..... صايرين كننا اقصادنا هالحين مايدري وينه رايح .... وصلنا العقاريه بعد مادرنا على الرياض .... وصرنا نجوم العقاريه ذاك اليوم الشباب كلهم ورانا وانواع الضحك والتعليق ... صايرين كننا الخمسه بالميه هالايام .... لدرجة انهم طلبوا يصورون معنا ... وانحن ندربي روسنا نحسبهم منبهرين بخوينا مثلنا ؟؟؟؟؟ حارس المدرسه عندنا ... سعودي عمره 25 سنه ... راتبه 1300 ريال .... ومثل ماتعرفون هو لازم ينوم في المدرسه .... والولد يخت بعض الاحيان لاصدقائه ...وما يجي للمدرسه الا وحده او ثنتين من الليل .... وفيه عندنا مراقب ملقوف بيته حول المدرسه وكل يوم يجي يتجسس عليه ... معه مفتاح ومايجي الا تالي الليل .... وفي الصباح انواع التقارير .... جا الولد الي هو الحارس ذاك اليوم واصله معه من هالكاتب ... وقال لي يا ابوعبدالمحسن (الي هو حضرتي) وش السوات مع هالكاتب ..... قلت له تبيه معاد تخطي رجله داخل المدرسه في الليل .... ولا يمر حتى بالسياره .... قال تكفى قل وش اسوي ... بصراحه الولد كحله كنه خالد مسعد ... وعشان ما ادخل في ذمتي شي خالد مسعد افتح شوي .... والولد ميزته انه مهوي .... قلت له شف هو تقريبا متى يجي لك ... قال حوالي وحده في الليل .... قلت طيب اذا تحريت له انه بيجي ... افصخ هدومك زلط ملط .... وحط على شعرك بودرة اطفال .... واذا جا وفتح باب المدرسه .... حط العسيب بين رجليك ..... وسو نفسك تكلم ناس معك .... حارس المدرسه سوا كل الي قلت له ... وهالقصه لها شهرين .... والكاتب كل يوم يقص لنا قصة الجني الي شافه في المدرسه .... وينصح الحارس انه ينوم في بيتهم .... وله شهر حتى صلاة الفجر مايصليها من الخوف .... والمدرسه مايمر من عند بابها حتى بالسياره الله لايعاقبنا بس .... وهالقصه حاصله الاسبوع الماضي كنت عند صف ثالث ابتدائي كنت منتظر .... وقلبناها معهم سواليف وضحك ... تعرفون بزران اعمارهم 9 سنوات .... قال لي طالب استاذ انا عندي لغز اتحدى واحد في الدنيا كا ابوها يحله .... قلت وشو ... قال من القائل لولاي لسال الدم للركب .... بصراحه انا قاري تاريخ ابن الاثير وابن خلدون وابن كثير ماسمعت عن هالقائد ... قلت ياولد يمكنهم من العجله نسوه .... قلت له من هو .... قال : ببراءه وهو مايدري وش القصه فوطه صحيه ..... الله يخسه ... قلت له من الي قايل لك هاللغز ... قال امي قايلته لابوي وماعرفه . ... رحت وقلت للمدرسين اللغز وما احد عرفه وقال مدرس الدين عطني فرصه اببحث في الكتب واجيبه لك (مهوب عاقل ابن خميس ) قلت شف اذا عرفته لك500 ريال واذا ماعرفته تعشينا .... قال خلاص .....المهم الرجال عشانا يا جماعه وش الي صاير في البلد الاراضي فوق فوق ... ومواد البناء خراب بيوت .... والاجارات تدبيلات .... والمواد الغذائيه نار ... والمصيبه ان العاطل احسن من الي يشتغل هالحين .... العاطل قاعد عند اهله اربع وعشرين ساعه في خدمتهم .... والي لقى له وظيفه راتبه في حدود1500 ريال ودوام8 ساعات انواع الكرف وفي الاخير عايش عنده اهله وهم الي يكدون عليه لان راتبه مايكفي السياره والملابس والجوال والمصيبه ان اهله مايستفيدون منه ....... ومجلس الشورى شاق بنفسه يدرس الاتفاقيات الثقافيه مع جورجيا والصين .... والمطاوعه شاقين بنفسهم في دراسة اسباب العنوسه (يقولون غلاء المهور) وانا اقول نعنبوا داركم الرواتب 1500 وتبون الشباب يعرس خافوا الله وخلوكم في المسيار ... والعلمانيين همهم هالغطوه .... والحكومه مايجهلهم شي لكن شكل كذبة البطانه جايزتن لهم ويقولون خل الشعب يعيش هالكذبه ونرتاح من مشاكلهم .... والشعب في الاخير صار هو المخطي لانه مسرف ومايعرف يخطط ومايعرف يدخر ومايعرف يشتري ومايعرف يعيش وماعنده وعي .... الي لاقيها عندنا هالحين اللاعبين وهالاحتراف ... وانا من قرادة حظي مالحقت على الاحتراف ... على ايامنا كنا نلعب في النادي بشبعة بطنا ..... في كل شي حظي مقود حتى في المغازل دايم البنات يهزؤني .... مره فيفندق في جده ..... كنت نازل في الاصنصير ... وفجئه وقف وركب ثلاث بنات كل وحده ازين من الثانيه فاتشين ... بصراحه سويت فيها اخلاق ولقيتهم ظهري ... شوي الا الي تقول السلام عليكم ... انا قلبي وقف ... منيب مصدق معقوله بعد سنوات التهزيء حظي يضحك ... لا وثلاث بنات .... قلت لها اهلين ... قالت كيف حالك وينك .... قلت طيب وبخير وهاذاني موجود ... وشوي الا البنات الي معها متمددين من الضحك .. والتفت الينها تكلم في التلفون .... ماقلت لكم قرادة حظ الكاتب / نبضوووووووووووهـ جميع الحقووووووق منقووولة خخخخخخخخخخخخخخخخخ |
|  |
|
19-02-09, 04:14 PM
| #2 |
| |[ عـضـو مـبــدع ]|  الدولة:  |  رد: خمـــسة بالمـــية .........؟؟ يسلمووووووو ننتظر جديدك |
|
| |
|
19-02-09, 04:24 PM
| #3 |
| |[ عـضـو مــاسـي ]| الدولة: | رد: خمـــسة بالمـــية .........؟؟ يسلموووووو على المرور |
|
| |
|
19-02-09, 05:30 PM
| #4 |
| |[ عـضـو جـديـد ]|  الدولة:  | رد: خمـــسة بالمـــية .........؟؟ شكرا + بانتظار جديدك + تحياتي |
|
| |
|
19-02-09, 06:09 PM
| #5 |
| |[ عـضـو مــاسـي ]|  الدولة: | رد: خمـــسة بالمـــية .........؟؟ عوووووووووووووووووافي نبوووووضه داااااااااااااايم مميز |
|
| |
