روايه تراك تزيد النار حطب

[**ليت بيديني خافقي**]

قد لا اكون بتلك الكاتبه المبدعه..ولكني بروايتي الاولى خطيت اول مشوار حياتي بهذي الروايه..كنت اسهر بالليل من اجل انهاها واختيار الكلمات والألفاظ المناسبه وايجاد العبارات الائقه..والنهايه المناسبه..تزاحمت تلك الافكار براسي ..وظننت اني مللت ..ولكنه كان شي جميل بالنسبه لي ان اجد ارتبط بين العنوان والنهايه..اظن روايتي فريده من نوعها..فكانت اطول روايه قد اُلفت..واندماج الواقع بالخيال.اشكر من قلبي ابنه عمي الغاليه كانت سندي ومدققه من بعدي ومنتقده لروايتي.. ومصححه لافكاري..


<< الهنوف >>


وكذلك بنات عمي الباقيات على تشجيعي..
لا انسى << خوياتي >>
الغاليات علىتشجيعي لاكمال الروايه واقتراحاتهم وارائهم..

قد تكون مللتوا من بدايتيلكن أي شخص مكاني سيفعلالشي نفسه..ساترككم مع روايتي الاولى..وليست الاخيره واتمنى تعجبكم..وخيمتي واسعه لاستقبال الاراءوالنقد..وارجوا من أي شخص ينقل روايتيان يضع اسمي
تحتها..

**<< شمــــــــــوخ~واهلهــــا~شيوخ >>**



**((تراك تزيد النار حطب))**

فتحت باب الغرفه بهدوء..فتحت الليت وحطته على درجه خافته
مره.. وناظرت لونيسها الوحيد وابتسمت بالم..مشت ناحيته
بخطوات متثاقله..مسحت دمعه خانتها على خدها..كملت خطواتها له بترد وهمست بحزن


:يالله متى اخر مره دخلت هذي الغرفه؟؟ومااحد جاوبها الا تردد صدى صوتها..غمضت عيونها وتلتها قشعريرهبارده هزت جسمها على ذكرى ماهي قادره تمحيها او تنساها..المفرحه..والحزينه..والمبكيه..والمؤلمه..كله ا كانت بهذي الغرفه..حطت يدها على فمها تمنع صوت شهقاتها..مشت له ببطء..وصلت يمهوضغطت على نفسها وجلست على الكرسي وتنهدت باسئ


:آآآآآآآآآآآه..مسحت دموعها علشان تحاول تركز..فتحت غطاء>..طقت اصابعها ببعض..ونزلتها على مفاتيح البيانو وضغطت علىواحد من المفاتيح..وتردد صوته بالمكان..رجعت ظهرها للوراءوماقدرت تكمل..قامت من على الكرسي وجلست على طرف الشباكناظرت بالقمر والنجوم وراحت بسرحانها مع لمعه النجوم..:وينك انتي من ساعه ادق على موبايلك وماتردين وقلبت الدنيا عليكفوق تحت وفي الاخير جالسه هنا وش تسوين ..


وقالت بامر:قومي اشوف قدامي يله سماهير كانت تناظر ببنت عمها بضياع..وماهي فاهمه أي كلمه.. رفعت ريما درجه اليت وناظرت ببنت عمها وفهمت نظرتهاوراحت وجلست يمها ومسكت ايدها وابتسمت لها بحنان..


ريما:سماهير نحنا لازم ننسى الماضـ....سكتتها سماهير وقالت ودموعها تسبق لسانها


:كافي ياريما الله يخليك ..كفايــــــه..وجلست تبكي ..حضنتها ريما تهديها


:خلاص ياقلبي .. سوري..والله مو قصدي بس حبيت اخفف عليك حبتين..وسكت ريما وخلت سماهير تبكي شوي يمكن ترتاح..بعدت ريما عن سماهير ومسحت دموعها بكف يدها..ووقفت وسحبت سماهيرمعها ..وناظرت بعيون بنت عمها الوسيعه وكانت مضرب للمثل الي صغرت من كثر الحزن..ومسحت على شعرها الاسود وقالت تلطف الجو


:ماكانك نسيت اننا طالعين بكره لشاليهات..وسالت سماهير باستغباء وهي عارفه الجواب:جهزتي اغراضك؟؟هزت سماهير راسها بالنفي.


.شهقت ريما بتصنع وحطت يدها على فمها:هيه انتي مجنونه اشك انك صاحيهليه ماجهزتيها..شوفي كم الساعه ..وحطت الجوال قدام عيون سماهير:الساعهياحبيبتي2 متى تجهزينها..يله..يلـه..وتدف سماهير برى الغرفه


:قدامي بسرعهولا اسمع كلمه ولا حرف..سماهير مشت معها وهي ماهي طايقه نفسها ولا فلسفه ريما..دخلت سويتها وراحتلغرفه الملابس واخذت بنطلونين جنز و3بلايز وبجامه ومايوه ..ريما عصبت بجد وشلت الملابس من الشنطهودخلتها الدولاب..وطلعت لها ملابس نفس ملابسها..


((ريما & سماهير رغم انهم ماهم اخواتالا ان كل وحده ظل للثانيه ويموتون ببعض وهم رهف بنت عمهم راح تفهمون قصدي مع الجايات))وناظرت بسماهير هالحين كذا احسن ..وجلست بالارض علشان تطلع اكسسوارت لسماهيروسماهير مير تناظر فيها ولا همست بحرف واحد..خلصت ريما واخذت الشنطه للغرفه وحطتها جنب السرير وجلست سماهير على السريروراحت ريما تجيب لها ميرندا وسالت سماهير تبين بيره ؟؟نطقت سماهير بتعب:بربكان فراوله..هزت ريما راسها باستهزاء:اساساً الفريج كلها بربكان فراوله وميرندا..وضحكتوالله شي الخدم يعرفون وش تحبين وش تكرهين..وراحت جلست يم سماهيرودق موبايلها


((حبيبي وانت بعيد)) نظر عيني يتصل بك:هلا مامي ..اشلونايه..بنام مع سمهورتي .. لا خلاص رتبتها ..اوكيكوا..اورفور..


سحبت سماهير ريموت ال TV وحطت على (زي افلام) قناتها المفضله..وشربت من البيره وناظرت بريما لقتها منسجمه مع الفيلم..وهمست:ريما متى بنمشي بكره؟ريما وعيونها على الفيلم:مادري بس ..وشربت من الميرندا..يمكن على العصر نكون في الشاليه..هزت سماهير راسها وكملت مع ريما الفيلم وهي ماتدري عن ايش القصه ولا الممثلين مينوكملوا سمرتهم..وريما نامت اما سماهير ماقدرت تنام وظلت تتقلب بفراشها.. فجاءه الا تسمع موبايلها ينور لانها حاطته صايلنت..


ردت بتعب بدون ماتناظر الشاشه:بونجوه..


:عقد حواجبه باستغراب..بونجوه..يالبى قلبها والصوت..


سماهير استغربت وناظرت الشاشه واستغربت رقم غريب تحركت بهدوء علشان ماتزعج ريماوطلعت للبلكونه:نــــــــعم...


:بونجوه>>يقلدها..:ليش مانمتي؟؟


سماهير ماهي رايقه له:وش دخلك..تبي شي؟؟..ركز في صوتها..ماهي اول بنت قد كلمها ويعرف هالصوت زين:ليش انتي حزينه؟؟


سماهير حطت يدها على فمها من الصدمه:مالك خص..ناس فاضيه..


وقفلت الخط..وشافته يدق..ويدق..وهي تفتحه وتحطه على البلاط علشان يرجع له صدى صوته


....ـــــــــــــــــــــــــــــــــ..


فرك جبينه العريض بتوتر..انا وش بلاني من سمعت صوتها بنت الكلب..اوووووووووووف معقوله اثر فيني صوتها المبحوح..طيب ليش هي حزينه وواضح انها كانت تبكي وسهرانه ماهي نايمه..


ايوه انا متاكد انا خبير بنات..دق موبايله حطه سايلنت ورفض وكان المتصل(مصدقه حالها)ودق ودق وطفش وقفل الموبايل كل ابوه..وجلس يفكر بسماهير الي استولت على تفكيرهبمكالمه وحده..سمع اذان الفجر قام وتعوذ من الشيطان واخذ له شور يحاول ينسى صوتهاطلع صلى ودعى ربه انه يسمع صوتها وتكون من نصيبه بعض الاحيان..وكتب لها مسج


((بعض الغلط لو هو غلط ينفر حبه..
خاصه لجاك من ناس حلوين..
وترى حلات الصوت للسمع طبه..
تغنيك عن تطبيب ناس مجانين..
وشلون لو اشوف ماعطاه ربه ..
من الجمال اليوسفي وتشهد العين..))


..ــــــــــــــــــــــــــــــــ..


قرت سماهير المسج وقالت: اهبل وكتبت الشعر بدفترها..ومسحت المسج..وحاولت تنام بدون فايده


....ــــــــــــــــــــــــــــ..


قامت سماهير من السرير على الساعه 11 لانها مانامت في الاصل اخذت لها شورولبست برموده ابيض وبلوزه بدون اكمام احمر فيها كتابات بالابيض والاسود..قومت ريما واخذت لها شور على السريع واخذت من اللوشن مال سماهير ولبست نفس لبس سماهير


وفجاءه..


دق التليفون الي بغرفه سماهير وردت ريما


:مين؟؟سومنتا(الخدامه):هاي سيستر .. يله انزل كوله ايطلى برى..((يله انزلوا كلهم طلعوا برى))


ريما:اوكيكوا..تعالي شيلي شنطه مال سماهير..بسرعه..لبست ريما وسماهير عبايتهم ورموا الطرح على اكتافهم وعدلوها وهم نازلين من الدرجطلعت الخدامه واخذت شنطت سماهير وحطتها عند الباب الخارجي..وجابت حذيان سماهيرولبستعبايتها وركبت مع سماهير((لانها خاصه فيها))


....ـــــــــــــــــــــــــــــــــــــ..


ركبوا البنات مع عمهم ((ابوماهر)) ابو سماهير علشان ياخذون راحتهم..فكوا اللثم علشان السياره مضلله ..وحط ابو ماهر شريط تركي الجديد((وينه))وكانت اغنيه ((بشروها)).. وكانوا البنات يستهبلون ويرقصون وكانت سماهير جالسه قداميم ابوها وتناظر السيارات والي فيها واللوحه..وانتبهت على صوت ابوها


:ليش يايمه ماترقصين مع البنات ؟؟


سماهير توترت:لا بـ ـــ س.. عل ــشـ ــــ ـانـ ـــ ي ..ااا..انقذتها ريما بتدخلها


:الله يسامحك ياعمو ماتشوف الناس.. وتاشر على الشارع:لو تحركت بيشوفونها..ابوماهر عقد حواجبه وضحك


:هههههه..ماعليه يابنيتي ارقصي محد داري عن الي حوليه..وكمل طريقه وهو مستغرب بالعاده سماهير هي الي تاخذ الجو وترقص وتستهبل وتتضارب معه علشانتسوق السياره؟؟؟سماهير على حالتها تناظر السيارات وتحفظ كل كلمه يقولها تركي..البنات فالينها مايبون يحسسون عمهم بشيء


....ـــــــــــــــــــــــــــــــــ..
وصلوا لشاليه على ساعه 5من زحمه الطريق وكل واحد راح دربه..
الي يغسل..والي نايم..والي يرتب اغراضه..والي طلع للبحر..
..ـــــــــــــــــــــــــــــــــــ..
اما سماهير انسحبت بهدوء من بينهم لمكان مختلف عنهم..
..ــــــــــــــــــــــــــــــــــــ..



يتبـــعــ..:009:

[**ليت بيديني خافقي**]

؛؛الفصل الاول؛؛
<<البارت الاول>>


تبتعد عني ويبعد كل مافي هالوجود..
اطلبك يانبض قلبي لاتخليني وحيده..
تبتعد وتغيب شمسي تبهت الوان الورد..
تصبح الدنيا بحياتي مثل صفحات الجريده..
لا بغيت ابعد الاقي قلبي مقيد قيود..
واثراها اشواق قلبي لي معاناته تقيده..
وابتعد عني وازعل لين ماترضى وتعود..
لين هاك الحين تلقى شوقي مجروح بوريده..
ياعشق هالكون كله ياغلا فاق الحدود..
يامل كل الاماني يا اما نبي الي يعيده..
يابحر شعري وحزني ياكسر فاق الجمود..
ياجرح كل القوافي ياوزن هذي القصيده..
ياحبر شوقي وريشه حب اتحدى الخلود..
ليشت وئد روح في محبتها وليده..
كان تبغى البعد افصح لا تكثرها السدود..
لا تخليني اعاند بعد افاقه عنيده..
يشكي لي الصمت منك واشتكيلك هالركود..
واشتكي للصمت اني في فضا صمتك نشيده..
بتسمع الحاني وتبعد في جفا قرب يسود..
واسمع اشواقي تنادي عن لحن يمكن تعيده..
رجع اشواقي حبيبي دلني كيف الصمود..
رد لي قلبي وروح خلني بروحي عميده..
ماابي منك عواطف كلها كذب وصدود..
كافي تخدعني وارحل خلني احيا سعيده..
..ـــــــــــــــــــــــــــــــــــــــــــــ..
:آآآآآآآآآآآآآآآآآآآآآآآه..
تنهيده طويله طلعت منها..نزلت القلم داخل المجلد وقفلته..واسندت بظهرها على جدار اليخت
الي
بهدوء..داعب نسيم الهواء خصلات شعرها الناعمه..وبث قشعريره في جسمها الرياضي..
لا شعورياً نزلت دمعه حزن من عيونها المستسلمه للدموع على خدها المورد الناعم..
وش تفسر هالدمعه((الم..حزن..قهر..عذاب..صدمه))..
صارت هي والدمعه اخويا في الفتره الاخيره ..
صحها من سرحانها دفاشه بنات عمها..ومسحت دموعها بسرعه..ورسمت على شفايفها
احلى ابتسامه <<تستحق جائزه الاوسكار بالتمثيل>>..وقامت وجلست على المرجيحا
الي مسويتها مع بنات عمها على شجره الخوخ ومزينينها بالورد..
:لااااااااا ..لاااااااااا..بطيح..نزلوني..لااااااااااا..
جودي وهي تشيلها مع عذاري ورهف وريما: ثاني مره لا تنسحبين من عندنا وتجلسين تبكين على الاطلال..
سماهير شوي وتبكي من الخوف:طيــــــــــب..خلاااااااص..نزلوني..لاااااااا ..لاترموني بالبحر..الله يخليكم..
والمسكينه ماامداها تكمل كلمتها الا وهم رامينها بالبحر..
كان في واحد طالع يشم هواء.. وسمعها تصارخ وعجل بخطواته لهم..ولمن شاف سماهير
عصب ووصلت معه مايرضاها لبنت عمه حتى ولو باللعب.. وناظر في سماهير وقال بعصبيه
:عسى ماشر خير رامين البنت بالمويه؟؟ ..وناظر باخته جودي وعقد حواجبه المرسومه وضيق عيونه الصغيره
مجملها كثافت رموشه وقال بقوه:ماتسمعين صراخ البنت ولا انتي ماتسمعين ..اووه..وتكتف وقال وهو يلوح باصبعه
بالهواء:يحتاج لك سماعات مثـــ ...
قاطعته جودي بصراخ:انت وش تبي تتلقف على الطالعه والنازله..
وقف فارس قدام اخته وبان طوله وضخامه جسمه بالرغم ان جودي اكبر منه باربع سنوات ..وبان صغر حجمها
ولا هي اساسا تعتبر طويله ((وهذي الحركه يسويها فارس دايم اذا يبي يضارب)) وقال وهو يحط عينه بعين
جودي:لا ترفعين صوتك علي فاهمه .. >>يعنني كبير<<
سماهير نست حزنها او بالاصح ((تناست)) شوي وجلست تتفرج بمضاربه توم وجيري الي ماتخلص والمنظر ولا اروع
وكلهم يضحكون على اشكالهم وخصوصاً انهم كلهم طوال وضخام.. ورهف مافاتتها الكميره ..
جودي بعصبيه:لاوالله انا اكبر منك مفروض تحترمني..
:خلااااااااااااااااااص..
صرخه خلت الكل يسكت.. و مامرت دقايق الا الكل ميت من الضحك..
جودي عصبت:اعصابك لاتسقطين الي ببطنك وانتي ماحملتي من صراخك ياعمتــــــــي سهى
(وطولت على كلمه عمتي علشان تقهر سهى ..لانها بنت عمها اساسا..ولانها متملكه )
وانتوا ..وتاشر على البنات :ضحك بلا اسنـــ ...
سهى بصراخ:عمتك بعينك يالمجنونه..هالحين انا صايره عمتك ..هاااه
وماكفاه جودي الي سوته قامت تخربط بالكلام وتكلم نفسها ..
(وهذي ميزه فيها لمن تعصب..ولا هي طيبه..والي يناظر بوجهها الهادي وعيونها الناعسه وشفايفها النحيله مع تناقض طول شعرها
الي يوصل لحد ركبتها)
:والله لاتزوج وافتك منك بالمهبول((قصدها فارس))..وافتك منكم..واذكركم ذاك الوقت لاتبكون علي..
والبنات ميتيييييييييين من الضحك على هبالها..
سماهير وتمسح دموعها بكف يدها من الضحك:خلاص يابنت الحلال ماصار شي..قفزت جودي يمها وقالت بخبث
لا ياقليبي ماخلصنا سالفتنا واخذت كومه طين بيدها ورمتها مره ثانيه على سماهير وقبل ماتجلس قالت:هالحين بصدق بردت خاطري..
وسماهير انقهرت وجلست تمسح التراب..وكانت جودي بهالطريقه تحاول تنسي سماهير شوي من حزنها..
جلسوا كلهم على الشاطئ وسواليف وضحك ووناسه..
بدون مقدمات وقفت رهف وقالت:بنات واشرايكم نرقص؟؟!
استانس فارس:فكره ..
جودي ضيقت عيونها وقالت بخبث:وانت خير جالس مع البنات..يله قدامي روح للشباب..وتقلده باستهزاء:فكره!!
فارس التفت لها وقال:متى يجي زوجك المصون..تعيس الحظ..وافتك منك..
جودي تخصرت:قصدك سعيد الحظ..على قلبك واتزوج او ماتزوج هذا شي راجع لي..
فارس ضحك وقال بتفكير: اجل من قال قبل شوي يبي يتزوج؟؟!
انحرجت جودي وضحكوا البنات عليها..((وعلى هالحال مضاربه دايم كل واحد يبي يفرض رايه على الثاني
لانهم بس ثنين وماعندهم اخوان))
رجعت رهف وهم باقي يتضاربون وشغلت المسجل على اغنيه راشد((الحب خالد))
الحب خالد..وحبي خالد وباقي..
للي احبه واحب دار(ن) سكن فيها..
شلته في عيني..وشلت الحب باعماقي,,
والروح من شوقي غنت له اغانيها..
سماهير جالسه تصفق ومارقصت..جت رهف يمها وسحبتها معها:قومي بلاش هالعجز خلينا نستانس ونستهبل..
فارس لمن شاف سماهير قامت ترقص قام يرقص معهم ويستهبل..تحمست عذاري ورفعت الصوت للاخير..
*******************
***********************
******************
عبدالرحمن عقد حواجبه من قوه الصوت:وش هالصوت..فارس..يافــــــــارس..وين راح؟؟
((ابو راكان"اخو ابو ماهر الثاني وابو ريما وهو مدير قسم شرطه بالرياض))
:ياسعيد..وين ولدك فارس؟؟!
سعيد وهو يشوف الشوي استوى:تلقاه مع البنات جالس..وسكت شوي يتسمع وقال:مدامهم مشغلين المسجل
ماراح تشوف وجهه..وكمل الشوي..
((ابوفارس" خوهم الرابع اخر العنقود ابوجودي وفارس وهو دكتور بجامعه الملك بجده ))
فيصل لمن سمع كلمه مسجل ربط بينه وبين الرقص..واستانس قام يبي يروح للبنات ..لكن يافرحه
ماتمت ناداه ابوه:وين رايح؟؟!وكمل بخبث:لايكون ناوي تروح للبنات .هاااه..
فيصل ارتبك:لااا ..بس بروح ..اجلس مع الشباب..
عبدالرحمن وفيه ضحكه على ولده الي ماعقل:طيب دق على اختك وقلها..ولا خلاص انا بروح
لهم..وقام ..
انقهر فيصل :ياحظك ياابوي بتروح تشوفهم..
عبدالرحمن انتبه لفيصل:وش قلت؟؟!
فيصل:سلامتك..اقول بروح للشباب ودخل عليهم وهو يترحطم..
فهد انتبه على دخلت فيصل وقال وهو يناظر ال tv :وش بلا فويصل..وراك ماد لبوز شبرين..
وتقول كانك بنت مزوجينها اهلها غصبن عنها..
راكان:ههههههاي.. حلوه فهودتي لعد تعيدينها حبيبتي..
فهد يكمل على ولد عمه:هههههاي.. ولايهمك ياعمري..
فيصل وهو يناظر معهم قال:تدرون ان السحالي الملا### يرقصون..
قفزوا راكان وفهد من سمعوا طاري السحالي:احلــــــــــــــــف..
فيصل تحمس على تحمس الشباب:اذا مو مصدقين اطلعوا اسمعوا..حتى مشغلين راشـ...
مامداه يكمل كلامه الا ويشوف غبار راكان وفهد..
*******************
***********************
******************




(( عند البناتـــــــــ*ـــــــــــ ))

وصل لهم وهو يمشي بالخفيه وعلى اطراف اصابعه..علشان يشوف وش يسون..
ولمن شاف البنات يرقصون..وفارس معهم..تلثم بالشماغ الي على اكتافه..ودخل يرقص معهم..ويهز خصره..
ومسك يد ريما يرقص معها..
البنات&فارس:: ....... مصدومين من هذا الي مطيح الميانه..ويرقص مع ريما..
:ياولد..وراء ..سواء عليهم <<متحمس>>
ريما صرخت:باباااااااااااااااااا..خرعتني..
البنات انصدموا:عمـــــــــــــــــو !!! وضحكوا ..وراحوا يسلمون عليه..
فارس من الخوف من عمه علشان مايهاوشه لانه جالس مع البنات جلس على طول..
ويحفر بالتراب.. ولا كانه سوى شيء..
عبدالرحمن فك الشماغ وسلم على بنات اخوانه:هلا والله ..هلا.. اشوفكم مسوين زواج..ماشاء الله..
لكن.. وناظر بالمكان كانه يدور شيء:لكن وين العروسه..وانتبه لفارس الي جالس وقال باستهزاء:
ليكون انتي يافارسه..
انحرج فارس حده وقام يسلم على عمه..والبنات ماتوا ضحك على تعليق عمهم..
سماهير قالت بتعجب:عمو والله تعرف ترقص!!!
ريما تكمل على سماهير:من ورانا بابا ترقص..
عبدالرحمن يكلم سماهير:اجل انتي الزعيمه..ليش رافعه الصوت للاخير؟؟
جودي تدافع:والله ياعمو تحمسنا مع الدق..
عبدالرحمن:لايكثر بس..وانت خير((يالمره))قصده فارس..جالس مع البنات؟؟
فارس بسرعه وكانه مجهز الكلام:ملل عند الشباب ..اكلم الواحد كاني سارق حلاله..
سماهير رحمت ولد عمها:خله عمو يجلس معنا يستانس ويونسنا..
جودي عصبت:لا والله اقلب وجهك ساعد بابي واعمامي وبالمره لا ترجع..
فارس يقلدها:لا واللــــــــ....
عبد الرحمن:فااااااااااااارس..يله قدامي روح للرجال..
راح فارس وهو يترحطم على حظه..
عبدالرحمن يكلم البنات:وانتوا روحوا جهزوا السلطات والمشروب وخلوا الخدم يجبونها..
وانتي يارهف سوي طحينيه الشوي((لانها حلوه من يدينها))..لمن راحوا البنات..كانت سماهير اخر وحده
تمشي وسمعت عمها يقول:الله يوفقكم يابناتي ويزوجكم ياولاد الحلال..وراح..
وتمنت انها ماسمعت..دموعها على طول شلالات على خدها..
كم يوم وهي تداريها..
كم ساعه وهي تمسحها..
كم دقيقه تتصنع الضحك والوناسه لاجل عيون بنات عمها..
طلعت لغرفتها بهدوء وتطمنت لمن شافت البنات بالمطبخ لاهين بالتجهيز..
ونامت على السرير وبمجرد ماحطت راسها على المخده اخذت دموعها مجرها..
وكانها تعرف طريقها..

*******************
***********************
******************

ماهر ناظر الشباب وهم داخلين من الباب وقال:وش السالفه شباب كانكم عجايز سارقين
شعيرها؟؟!
فهد متحمس:فاتك ياخوي السحالي يرقصون..
ماهر بلا مباله لانه يعرف هبال عيال عمه واخوه:واذا يعني..
راكان:تخيل كنا رايحين للسحالي الا الوالد راجع وفارس معه..
ماهر ببرود وهو طالع من الباب:مره ثايه حبايبي ..وطلع وهو يضحك..
طلعوا الشباب مع الرجال وحب ماهر يحرجهم:لاتزعلون وانا اخوكم..خلاص المره الجايه خذهم معك عمي
عبدالرحمن ابتسم:وش قلت؟؟!
ضحكوا الشباب على تكتيمه عمهم لماهر..لكن عبدالرحمن سمعه وقال بخبث:خلاص ولا يهمك
ناخذهم وغمز لماهر:المكان الي خبري خبرك..وضحك ماهر وعمه((عبدالرحمن يكملها مع ولد اخوه..
ولا اساساً مافيه مكان ولا شيء)) والشباب انقهروا وسكتوا..
((بالرغم ان عبدالرحمن كبير بالسن الا انه شبابي درجه اولى))
*******************
***********************
******************


تعشوا الرجال والحريم..
لكن البنات ولا وحده لها نفس بالاكل..

عند الحريــــ*ــــــم

ام ماهر:وين البنات ياهدى؟؟
هدى وهي تاكل:يقولون مايبون ياكلون شبعانين..
ام سهى:بكيفهم اذا جاعوا الخدم موجودين..
وكملوا اكلهم..وبعدين تقهوو شاهي..وسمروا شوي..
وبعدها راحوا ينامون..


*******************
***********************
******************

&& ياخذني الهاجس مع الليل مراوس..
ابحر بلا مجداف غرب وشرقا..
لازال هوجاس تقبلت هوجاس..
يرقا العذاب ويرمي الجرح ارقى &&


سمعت صوت اختها هدى تناديها..سوت كانها نايمه..دخلت سهى واختها هدى وناظروا فيها..
همست سهى وهي تاشر على سماهير:الى متى بتتم على هالحال؟؟!
هدى وهي حزنانه على حال اختها الصغيره:الله يعينها..الي جاها ماهو شوي..
سماهير تسمع ودموعها مثل البركان الي تنزل على خده لتحوله من النعومه لخد مثل الحجر..
سهى:يله نطلع علشان مانزعجها ..

طلعوا البنات من هنا..وطلعت دموعها من هنا..
لها يومين تحاول ماتنزلها لكن بدون فايده..ظلت فتره على حالتها..وفجاءه سمعت صراخ وازعاج برى
حاولت تقوم تشوف وش السالفه..حست بدوخه وخلتها تجلس مكانها .. الا تسمع موبايلها يرن..
((توادعنا انا وياه..لكن ماتودعنا..)) مع انها قديمه لكنها تحب هالاغنيه..
رقم غريب"استغربت بعدين تذكرت هذا الرقم..وحطت سايلنت..ولمن قفل ناظرت بشاشه موبايلها..
انصدمت.. ((50))مكالمه لم يرد عليها..
و((20))رساله..
يالله من متى فتحت جوالها..لقت ارقام غريبه انواع واشكال..
ومن ابوها..واخوانها..وبنات عمها..وفارس..وخوياتها..
وناظرت الساعه لقتها ((5)) الفجر..وصلت وهي جالسه من الدوخه..
حطت يدها على راسها تحاول تقتل الالم..وانتبهت لبنات عمها الي بالحديقه.. صفطت شرشف الصلاه..
وهي تناظر فيهم رهف تجلس من التعب:بنات الى متى بتم سماهير كذا؟؟ماصارت والله..
تتصنع الضحكه ومليون سكينه تتطعن بقلبها..

سماهير ماقدرت تسمع اكثر علت على التكيف وقفلت الستاير علشان ماتسمع أي صوت..

ريما تكمل على بنت عمها:ايه والله ماعد هي سماهير الي تشيل المجلس بسواليفها ..وضحكها..
عذاري بتفكير وقهر:لازم نلقى حل معقول..الله لايوفقه بحياته؟؟!
جودي بسرعه(( وعلى نياتها)):بنات اشرايكم نخليها تحب خالي ماجد..والله يناسبون بعـ...
ولمن شافت نظرات البنات:اشفيكم..يمه..وتحط يدها على قلبها..انا قلت شي غلط..
رهف بعصبيه:البنت بحاله..وانتي بحاله..اشك انك صاحيه..القصص اثرت عليك..
جودي بجديه:سماهير حلوه والـــ...
ريما بقرف:بس والي يعافيك فكينا من كلامك الي زي وجهك..
جودي انقهرت:هذا جزاي لمن افكر معكم..
ريما حست انها قست على بنت عمها:جودي سوري ماقصدي..بس عصبتيني..وقامت
انا رايحه اشوف سماهير..وبالمره اصلي..

*******************
***********************
******************


دخلت بهدوء وراحت يمها ومسحت على شعرها بحنان وباستها على راسها..
واخذت لها شور سريع ولبست بجامه بارده وخففت على التكيف..ولمن جت بتنام شافت نور موبايل سماهير
ولمن راحت تشوف مين المتصل لقته قفل..جت تبي تنزله دق مره ثانيه وطلعتت للبلكونه علشان ماتزعج
سماهير وردت..
ريما:الووو..
:مين هاذي ماهو صوتها ولا اسلوبها انا حاس انه صاير شي..
ريما استغربت:الووو..مين..بكيفك عنك ماتكلمت..وقفلت..


*******************
***********************
******************

ياربي مين هاذي..وليش ماردت هي..قلبي يقول ان فيها شي..وكتب مسج..
((بتقولين مااعرفك..وهذا وش يبي..ومزعجني ليل نهار..ومصدق حاله..
لو كنتي مكاني راح تحسين بشعوري صدقني..بدونك اتعذب بالنهار..
والنوم يجافي عيني بالليل..وكله هذا بسببك..انا اطلبك طلب ولو مره ردي علي
انا حاس فيك .. طلبتك ردي علي..لاتتكلمين بس ردي واسمعيني))

**سالـــــــــم**


*******************
***********************
******************

معقوله الي سمعته .. وش فيها سماهير..ياشين اللقافه..انا وش دخلني؟؟وش خلاني اتسمع..
انا ملاحظ انها متغيره من يوم ماجينا من الرياض..ياربي يمكن فهد يعرف..اساله..لا وش قوه عيني
يمكن هو بعد مايدري وش السالفه واسوي مشكله لسماهير..ولا اسال ريما..اووووووف
والله ماتقول لي شي مستحيل وهي تؤام روح سماهير..شكل مالي الا فروس يمكن يعرف وش السالفه
دامه راز فيسه عند البنات..تمشى شوي على الشاطئ وهو يفكر بطريقه يعرف وش سالفه سماهير..
وانسدح على التراب وجلس يناظر بالنجوم..وتذكر لمن ساعدته سماهير لمن كان عنده بحث وكان تقديمه
بعد يومين وهو مستهتر ولا فكر..وسوت معه البحث بالرغم انه بالرياض وهي بابها..وانقذته باخر لحظه..
وتحمس لفكره جت بباله وقام وهو مبتسم..انا اعرف اشلون اجيب السالفه..
وراح يكمل سمرته مع الشباب..

*******************
***********************
******************

البنات لمن شافوا ريما طولت .. طلعوا للغرفه وشافوهم نايمين..وكل وحده اخذت لها
شور وبدلت ملابسها ونامت..

كل وحده نامت..وهي تفكر بهمها..
كل وحده نامت..وبطنها فاضي من الاكل..
كل وحده نامت..وهي تواسي نفسها بنفسها..
كل وحده نامت..ولاتدري وش منتظرها بكره..

*******************
***********************
******************

[**ليت بيديني خافقي**]

البارت الثاني**



((اغمض عن روياك واشوفك في ذرى اجفاني..


واعزم وافتعل فرقاك ويرجع قلبي يعاني))



&&&&&&&&&&&&&&&&



الساعه <<7>>:الصباح..




قامت بهدوء علشان ماتزعج بنات عمها ودخلت تغسل..واخذت وشاح تغطي اكتافها العريانه..


طلعت بالبلكونه واستنشقت عبير رائحه البحر..حمسها الجو ونزلت بهدوء وفتحت الباب الخارجي


ولمن جت تبي تطلع اشتهت كبتشينو راحت يم المطبخ وكان فيه هدوء غير طبيعي حتى الخدم


ماقاموا..سوت لها كبتشينو بدون سكر علشان تروق..وطلعت وناظرت بالشاطئ لقته فاضي


مافيه احد..تمددت على واحد من الكراسي الي تطل على البحر..وشربت شوي من الكبتشينو..


ومامداها تسرح الا......


:بوووووووووه !!!!


سماهير خافت من قوه الصوت المتناقض مع الهدوء وامواج البحر وانكب عليها شوي


من الكبتشينو:بسم الله ..ماهر وش فيك..الله يقطع بليسك وش مقومك هالوقت..وجلست تمسح ملابسها


آآآآآآآآه..والله يحرق..


جلس ماهر جنب اخته يحب دلعها الزايد:لا انتبهي تحريقني كمان يدك..وضحك..


ابد سلامتك ماجاني نوم..قلت اتمشى شوي..


رجع راسه للوراء ودقق بوجهه اخته..وش فيها ذبلانه..ليش عيونها صايره كذا..


سماهير ارتبكت من نظرات ماهر..


ماهر اعتدل بجلسته وقال بشك:وانتي وش مقومك هالوقت؟؟؟


سماهير تبي تصرف قالت بابتسامه: شبعت نوم ..اجيب لك كبتشينو ؟؟


ماهر:لا لا..ماصدقت اجلس معك شوي..وانخدع بابتسامه اخته على


انها مرتاحه وانه يتهيأ .. او يمكن سهرانه..


ضحكت سماهير بنعومه وقالت بخبث:اووووه..تنتظر المدام تقوم تفطر معك ..


ماهر يبتسم على هبال اخته قام ولف خصله من شعرها على يده وقال:


آآآآآآآآآه..والله انها مطنشتني حارمتني حتى ماسمه صوتها..واذا سالتها تقول الزواج قرب..


سماهير ابتسمت على طبع بنت عمها الي مايتغير..وحزنت على حال اخوها:ولا


يهمك يالغالي اكلمها واتفاهم معها..


استانس ماهر حده تفهمه اخته..باسها على راسها وقال:صدق والله..


الله يخليك لي..ويزوجك واحد يحطك فوق راسه..


لااااااااااا..صرخه بداخل صدر سماهير صرخت..لاااا..ياماهر الله يخليك


ماهو وقتها..


قال ماهر باستعجال:اوعدك ياسمهوره لو وافقت اسوي لك الي تبينه..


تنهدت سماهير وابتسمت ابتسامه حزن وقالت وهي تناظر سراب اخوها


:ابيك ترجع لي .....


:صباح الخير للحلوين..وتلفت يمين ويسار وكمل:الحمدلله اول مره اشوف


واحد يسولف لحاله..مين تكلمين؟؟؟


سماهير افتجعت:بسم الله ..فويرس وجع خرعتني..


فارس ابتسم وجلس بالكرسي الي جنب سماهير:من كنتي تكلمين..


سماهير بابتسامه:ماهر كان هنا قبل ماتجي.


ضحك فارس وقال:افطرتي؟؟


ارسلت الشمس اشعتها ودمجت بين نسمات الهواء وحرارتها اللاهبه


نزلت سماهير النظاره الشمسيه على عيونها واعطتها جمال وكانها حوريه


مع تناقض تورد خدودها ولمعه شفايفها:لا..ماني مشتهيه شربت كبتشينو


تبي اروح اسوي لك؟؟


فارس تمدد:لا تسلمين..وناظر بالبحر وقال:غريبه ماطبتي بالبحر


بالعاده انتي اول من يطب؟؟


سماهير قالت تصرف:بدري هالحين يمكن بالمغرب علشان الشمس..


وقامت:يله ندخل هالحين البنات قاموا..


فارس خجل من نفسه:يله وانا بعد بروح للشباب..



***************************


الساعه((10))


دخلت سماهير على البنات وعلى طول قامت سهى ((لان نومها خفيف))


دخلت الحمام واخذت لها شور على السريع..



************************



لقى ابوه واعمامه قايمين..والشباب لسه نايمين..


ابوفارس يكلم فارس:انت متى تعقل؟؟كل شوي جالس مع البنات


ولا كانك رجال!!


انحرج فارس من اعمامه وحك راسه وقال بخجل:مافيه احد بس


كنت ادور على البحر وشفت سماهير جالسه لوحدها رحت جلست معها شوي..


وهذاني جيت..


ابو سهى ضحك:وراك ياسالم(ابو فارس) معصب على الولد..خله يستانس وانا


اخوك..


((ابو سهى:سعيد..اخو ابو ماهر الثالث..وهو مدير فرع شركه ابو ماهر بالشرقيه


ويحب فارس لان الله مارزقه باولاد))


ابو ماهر يكلم فارس:هي صاحي هوانا عمك قم نادهها ..


فارس :دخلت تقوم البنات..


قاموا الشباب وكل واحد اخذ له شور على السريع علشان الفطور..



********************



طلعت سماهير من الحمام وهي لابسه بنطلون ابيض وبلوزه حمراء جبنيز..قامت


ريما وباست بنت عمها وقالت بضحكه:يازينك نظيفه تلمعين..هههههههه..


دفتها سماهير وهي تقول بقرف:يعععععععع ..ابعدي الله يقرفك..رحيتك كلها نوم..


ويله بسرعه غسلي وانزلي نفطر..



*******************



نزلت سماهير وهي تغني((هذا الي شايف نفسه..ماشي ولا معبرني..


يتلفت هنا وهناك ولا كنـ....))


:كملي ليش سكتي ؟؟


انحرجت سماهير وقالت بابتسامه تخفي الخجل:قود مورننق..


رد فيصل بعبط:قود ايفنينق..وناظر وراها :وين الباقين؟؟


سماهير تنزل اخر درجه من الدرج:لسه يغسلون ويلبسون..


وانت وين الشباب عنك؟؟


فيصل يتصنع الحزن:مااحد يبيني..كلهم يكرهوني..تخيلي وصلت


باخوك المحترم فهد يضحك كل العالم علي..تخيلـ...


قاطعته :طيب لايكثر وتقوم تتمسكن علي..


فيصل بصدمه:بدل ماتطفين النار الي بصدري تزيدينها..وكش على وجهها:


ماقول الا مالت على هذا الوجه..وراح وهو يسب..


ضحكت عليه سماهير :اللهم سكنهم بمساكنهم..نفس طبع جودي..وراحت


للمطبخ وماشافت احد من عماتها ناظرت بالخدامه كلوراي:وين الحريم؟؟


كلوراي وهي تروح يم الثلاجه:كلاص كولوه سوي فطور من اول وباكي بنـ...


قاطعتها سماهير بطفش:اوكي..خلاص انا بروح اشوف..وهي طالعه قابلت سومنتا



سومنتا بابتسامه لسماهير :بونجوه..


ابتسمت سماهير اش كثر تحب هالانسانه:بونجوه..وش اخبارك؟؟


سومنتا:الى الال..((على العال))..وضحكت هي وسماهير لانها كلمه سماهير..


سومنتا :سمور انتي في فطور؟؟


سماهير بطفش:لا الحمد لله مالي نفس..


سومنتا بعصبيه:كيف كلام كدا انا سوي انتي فطور الي هبه..جت سماهير بتتكلم..


قاطعتها سومنتا وقالت :كلاص روه اسلس الى بحر وانا زيب..


ضحكت سماهير وطلعت مافيه احد يقدر عليه غيرها..لقت حريم عمانها جالسين يفطرون


راحت سلمت عليهم وجلست تسولف معهم الى ان جو البنات ..


بعدين راحوا على شاطئ البحر جلسوا يلعبون بالتراب وسواليف ووناسه..


وقفت سهى فجاءه بالوسط وصرخت:بناااااااااااااااات..وش بلاكم كانكم نسيتوا اني


راح اتزوج هالصيفيه؟؟؟


سماهير وهي تناظرها:ايه مانسينا..بس تريه باخر الصيفيه وش اليم عجلك على الزواج..


ضحكوا البنات..وانحرجت سهى وجلست وماردت..وبجد نسوا ا ن سهى بتتزوج..


لان سالفه سماهير محتله تفكيرهم..



هدى تحاول تراضي سهى:خلاص الشرعه فصلتيها..والزفه كمان باقي نسمعها مره ثانيه..


والكوشه ماحجزنها انتي والبنات..والاغراض الباقيه ....((وكلام العرس الي مايخلص))


تذكرت سماهير اخوها وقامت ونادت سهى:سهى تعالي ابيك شوي..قامت سهى وهي متضايقه


على زواجها الي محد متحمس له..


ضحكت سماهير عل بنت عمها الى ان بانت اسنانها الي مزينها تقويم:ماهر..


وقالته باسلوب يخوف..


سهى لاشعوريا:وش فيــــــــه؟؟تعبان؟؟!


سماهير وجتها فكره:من اهمالك ياشاطره..ماتكلمينه ولا كانك تعرفينه..ولا تعرفين حتى


وش اخباره..مرتاح ولا تعبان!!((وناظرتها بخبث))


سهى ماصبرت وعلى طول دقت على ماهر..



****



ماهر كان يسولف مع اعمامه عن الهندسه ومشاريع وهالشغلات..


وقطع كلامه رنه موبايله..ولمن شاف الرقم ابتسم وقلبه سايلنت..


وقال لنفسه والله وجبتي راسها ياسمهور خليها تتعذب شوي مثل ماعذبتني..



****



سهى جن جنونها:ياربـــــــــي..تكفين سمهور..ابي اشوفه..مايرد يمكن صاير له شئ..


سماهير تعرف حركات اخوها خطير والله ودقت على فارس ولمن رد عليها بدون


مقدمات قالت:هلا فروس..وين ماهر..


فارس ضحك على اسلوب بنت عمه:هلا والله بهالصوت..هلا بالغاليه..


التفت فيصل على فارس وقال باستغراب..مين الغاليه؟؟


ضحك فارس وهو يناظر ماهر::لا .. شنو ..ههههه..ايه..جالس قدامي ودق


موبايله وقلبه سايلنت..


سماهير بخبث :طيب شوفوا هو مسخن ..ولا يبي شئ؟؟


فارس فهم بنت عمه:ههههههههههههه..وفيصل الفضول زايد عنده..ولا يهمك سمهور..


فيصل هدا لمن عرف انها سماهير وتذكر الي صار امس ((فيصل فطين وماتمر عليه


شغلات مثل كذا)) ..


اشر فارس بحركه لماهر للغرفه..


فهم ماهر الحركه وجلس شوي بعدين راح للغرفه يكلم سماهير..


ماهر:هلا سمهور..


سماهير قالت:هلا ماهر..هاه واشلون صحتك..سلامتك ماتشوف شر


انشاء الله ((سماهير قالت كذا علشان سهى ماتحس ان الموضوع فيه


لبس او خطه من سماهير))


سهى على طول قلبها فز..وسحبت الموبايل من سماهير وقالت بخوف:


ماهر قلبي وش فيك؟؟ وش يوجعك؟؟لاتقول شي انت وينك هالحين..خلاص بجيك


لاتعب حالك حبيبي..وقفلت الموبايل وطيران لماهر..


سماهير:............>>اكبر علامه استفهام على راسها..بعد فتره استوعبت وماتت


ضحك..



**************

[**ليت بيديني خافقي**]

قفل ماهر وهو ناقع من الضحك على ذكاء اخته..وهدا لمن تذكر صوت سهى


والخوف واللهفه عليه وندم على الي سواه..


سمع صوت خطوات تقترب منه ركض واندس وراء الباب>>يبي يكحلها اعمها..


دخلت سهى بهدوء : ماهر..ماااهر..ونزلت الطرحه على اكتافها..فلت


شعرها الاشقر المتموج..ونادته مره ثانيه:ماهر..ماهــ....


الاوتحس انفاس قريبه منها .. التف الخجل على خدها الناعم مثل نعومتها..



والتقت عيونها باول شخص ملك قلبها..


باول شخص سيطر على كيانها..


باول شخص..احتل تفكيرها..


باول شخص يضمها ويدخلها قلبه..


ضاعت الكلمات من ماهر..وغاصت سهى بمشاعرها واحلامه الورديه..


بعد فتره ..


ماهر بهمس:ليشت سوين فيني كذا؟؟؟


سهى نزلت عيونها من الاحراج ماعندها شي تقوله..


ماهر يعيد نفس كلامه:مو حرام عليك الي تسوينه فيني؟؟


سهى من الاحراج حبه حبه تطلع الكلمه:ابـ ـ ـي..اشـ ـوف..قد ايش تحبني..


تنهد ماهر وضم سهى لصدره:ياحبي انتي..ماتعرفين قد ايش غلاك بقلبي..


وبعد عنها شوي وناظره بوجهها الي ياما سهر عشانه..ركز بعيونها العسليه..


وقال:بذمتك ماشتقتي لي؟؟


تنهدت سهى وقالت:صدقني من كثر شوقي لك القمر والنجوم توصل لي رسايل


حبك.. وغرامك..لكني حبيت ابعد عنك شوي..


ماهر بخوف:وقدرتــي؟؟!


سهى ناظرت بعيون ماهر الحيرانه:لا والي خلقني اني تعذبت..وراحت يم ماهر


ومسكت يده بين يدينها النحيله وقالت بترجي:اوعدني ..اوعدني انك ماتتخلى عني مهما


صار..


تنهد ماهر وقال وهو يضم من ملكه قلبه:اوعدك ياقلبي..اوعدك..


بعدت سهى منه وكنها تذكرت شي : تعال تقول سماهير انك تعبان؟؟


وناظرت بوجهه جاوبها بضحكه..انقهرت سهى وهي تتحلف بداخلها بسماهير..



**************



فيصل مسيطر عليه الفضول وقال يتمصلح:فروس وش تبي منك سماهير؟؟!


فارس ناظر ولد عمه وقال يقهره:وانت وش دخلك هالحين؟؟الحمدلله...


انصدم فيصل من ولد عمه توقع ان سنه صغير بيكون عقله صغير ويعلمه:


لا..بس فضول..


فهد انتبه لفيصل وهمس لراكان:شف اشلون وجهه اخوك متغير..تقول كان واحد


صفقه كفه..هههه..مادري وش قاله فريس..


راكان بس التفت لوجهها خوه فيصل مات ضحك:هههههههههههههههههههه..


وكل الي جالسين التفتوا عليه..


ماهر ابتسم وهو يكمل سالفته بحماس:والله اني صادق..راكان على ضحكه


الاول نقع من الضحك ..ضحك معه فهد لانه يعرف راكان شنو يضحك عليه..


((هم يضحكون لان راكان وفهد بسالفه..وماهر بسالفه ثانيه..وماهر المسكين يحسبهم


يضحكون على سالفته))


فيصل مقهور لانهم يضحكون عليه..وعنده فضول يعرف شنو قالت سماهير لفارس..


واتغير سماهير المفاجئ..



*************



رجعت سهى للبنات وهي ناويه على سماهير..لكن من شافت نظره الضياع


بعيون بنت عمها ..


..مامداها تجلس مع البنات الا موبايلها يعلن بوصول مسج..ولمن فتحته كان من


ماهر ويقول:


((حبي لك ابلغ من جميع الاساطير**



**ماله بقاموس الهوى وصف ثاني))


ابتسمت سهى على مشاعر ماهر الصادقه..والتفت لسماهير وقالت..الله يصبرك ياسماهير


ماتستاهلين الي جاك..طيب قلبك وانتي اطيب..انا مستحيل اخليها على هذا الحال..


يكفي انها خلت عيني تروى بعد ماكنت لحبيبها ضميانه..



بعده قاموا البنات يتغدون على الساعه يمكن(( 3 ))..


وبعد ماخلصوا من الغداء .. راحوا البنات للمطبخ يحوسون ويطبخون..


واتفقوا ان عذاري وجودي يسون الحلا والكيك..


((والثلاثي المرح)):سماهير وريما ورهف..يسون الفطاير والبيتزا..


وسهى وهدى .. يجهزون الشاهي والقهوه والمكسرات..



<<بالرغم من وجود الخدم لكنهم يحبون يحوسون بالمطبخ لمن يكونون سوى>>



اعطوا الرجال قسمهم واخذوا لهم وراحوا جلسوا على الشاطئ مع الحريم..


وانواع السوالف والهبال..


قاموا البنات يسبحون بالبحر..شوي الا فارس جاي منطلق وطب بالبحر..


البنات بصوت واحد:لااااااااااااااااااااا>>لانه رشهم..


فارس غطس وطلع:واشرايكم بالحركه .. وغمز لسماهير..


ضحكوا البنات لان وجهه سماهير الوان قوس قزح..


انتبه فارس انه احرج بنت عمه وقال:ياااي على الي ينحرجون..ادري اني


ماني اول من يغمز لك..وانا اخوك ولا ناسيه..


ضحكت سماهير ورشت المويه على فارس..غطس فارس علشان ماتجيه المويه..


طلع وقال بتهديد:قدها..قد الحركه ياسمهوره..هاااه..ويفتح عيونه يحاول يخوفها..


((لان سماهير حساسه بزياده..بس بنفس الوقت قويه))


ضحكت سماهير وحركت راسها بغنج:يس..


فارس سوى كانه خاق على حركه سماهير:ماقدر على هالحركات..وانتي ياوجه العنز


>>يقصد جودي..ماتاخذين من هالرق والنعومه شوي ..وكش على وجهها..


جودي حطت يدها على فمها من الصدمه:فويرس..وجع وش هالالفاظ..من وين جايبه..


انا راح اعلم بابا يربيك..ايه مو منك بلك هالي تصاحبهم..


البنات:ههههههههههههههههههههههههه..


فارس ناظر ببنات عمه وقال:مجنونه ..صح..وغطس يهرب من اخته..


وجودي بس تتحلف وتدعي وهي حدها مقهوره..


وكملوا لعب وهبال الى المغرب..




******



طلعوا وكل وحده اخذت لها شاور سريع ولبسوا بجايم خفافيه ونعومه..


واصلوا سمره الى الساعه ((6)) وبعدها كل وحده نامت مكانها من التعب..


كالعاده انسحبت سماهير بهدوء للشاطئ..وسهى مانامت كانت تكلم ماهر وجالسه بالبلكونه..


وانتبهت على سماهير..وقفلت من ماهر ومشت وراها تشوف وين بتروح..


وجلسوا على الدرج..



سهى ناظرت ببنت عمها وقالت بثقه:سماهير الماضي راح..ومستحيل اننا نعدله


او نغيره..تدرين وش نسوي ننساه..ننــــــــساه..


تنهدت سماهير وقالت:صعب ياسهى..صعب..


سهى:لاتقولين صعب..كذا انتي تصعبين الامور..عيشي مثل الاطفال همهم لعبتهم..


ومالهم بهالدنيا أي هم او ذره غبار بقاموس حياتهم..


كل منا جرب وعاش وعاشر وندم..لكن ماتكون الحياه انتهت بكذا..


سماهير انا مااقول لك هالكلام علشان ترمينه ورى ظهرك..


او مجرد حكي بدون معنى..ياليت تفهمين قصدي..


ابتسمت سماهير لبنت عمها مجامله:مرسي سهوي انشاء الله..احاول اسوي الي قلتيه..


سهى قاطعتها :لا تقولين احاول..قولي انا راح اتغير..وقامت ..يله نقوم ننام؟..



سماهير ناظرت للبحر وحست انها مشتاقه له:لا انتي روحي..انا بتمشى شوي على البحر..


سهى ماحبت تضغط عليها:خلاص على راحتك..يله تصبحين على خير..ودخلت..



*****************


ايه هالحين تاكدت ان سماهير فيها شي انا لازم اجلس معها..



**********************



وصلت سماهير الشاطئ وجلست على كرسي وفلت شعرها الاسود..وانتثر علر وجهها مثل


خيوط من حرير تجاريها عيونها الوسيعه ورموشه الكثيفه الطويله..


تنهدت سماهير بتعب..وحست انها محتاجه تسمع صوتها..وغنت اغنيه ماجد المهندس..



مو على كيفك حبيبي ** تبتعد وتخون وعدك


والله لحبيت غيري ** اقتلك واموت بعدك



آآآآآآآآآآآآآآآآآه..وحطت وجهها بين يدينها..وماصحيت الا وهي حاسه بيد على كتفها..


ولمن رفعت عينها طاح وجهها .. ووجهها اشاره حمراء..ياربي ليش كل شوي طالع لي..


ليش مااحد يطلع وانا اغني الا هو..


:ممكن اجلس اذا مافيه مانع؟؟


سماهير بعدت شعرها عن وجهها وابتسمت:ايه تفضل عادي..


فيصل ناظر بوجهه سماهير وقال:سماهير انتي اختي تشكي لي واشكي لك..


تساعديني واساعدك..تواسيني واواسيك..سؤال بس..ليش هالتغير؟؟


ليش هالذبول؟؟ليش تخبين عني ونحنا ماخذين عهد من يوم نحنا صغار..


....فتره صمت..


**<<جلست سماهير تعيد الاحداث بذاك اليوم لمن تضاربت مع ولد خالها..


كان عمرها يمكن((11))سنه ولمن علمت فيصل وكان عمره تقريبا((14))سنه


عصب وضرب ولد خالهم..واتفق هو وسماهير ان أي مشكله يقولها لثاني..>>**






*********************



تنهدت سماهير:اذكر..اذكر يافيصل..


فيصل بحيره:طيب مادام ان تذكرين..ليش ماتنفذين الوعد والعهد..الي اخذناه..


سماهير ناظرت بالبحر:فيصل انا عانيت بحياتي..ماابي افتح جروح انا مقفلتها..


ومخليه الزمن كفيل بانه يداويها..


فيصل هنا شك:لا والله شكل السالفه جايده..قولي الي بخاطرك واوعد مايطلع الكلام


على احد..


سماهير بالم:اعذرني يافيصل..كل شي بوقته حلو..وقامت ومسك يدها فيصل وقام معها..


وقال بحب اخوي:سماهير(((( لاتنسين اخوك الصغير بعين اخته الصغيره))))..وابتسم لها..


ابتسمت سماهير على كلمته الي كانوا دايم يقولونها وهم صغار..


وقبل ماتختفي من عينه قالت:فيصل صدقني راح احتاجك يوم من الايام..خلك قريب


ولا تروح بعيد..ودخلت..




***********************



فيصل ارتفع ضغطه..معقوله تكون حبت..لا وش حبت..مين يعني..كانت بتقولي


اذا حبت بجد..طيب وش تنسى .. وش قصدها سهى..اووووووووووووووووف..


انا راح اعرف بمصادري الخاصه..وصدقيني ياسمهوره لو اعرف ا نالي منكد حياتك


شخص..لاعدمه من الحياه..وشد على قبضه يده..



*************************



**انتهى البارت.**



ّ*ّ.واتمنى انه يكون عجبكم..وانتظروا الفصل الجديد.ّ*ّ.



ّّتحياتي**لمن ** قدر روايتي** وقراها ** ولم يهملها ّّّ



*.*<<شـــــــــــموخ>>*.*


انتظروا التكمله ..هذا اذا شفت تفاعل معي:15:

[**ليت بيديني خافقي**]

لهدرجه ماعجبتكم؟؟


يعني مااكملها؟؟