المنتديات
المنتديات
| روابط إعلانية |
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
| | أدوات الموضوع |
29-01-09, 06:03 AM
| #1 |
| عضو موقوف من الاداره الدولة:  روابط إعلانية |  ~ // .. ليه الكحل ؟ وأنتي ماغيرك عيـون !  ,, { بسم اللهـ الرحمن الرحيــــــــــم يسعد صباحكم / أيامكم كيفكم ان شاء الله بأفضل حال ؟! هنـــــا راح يكون ملتقى الجمال حقنا   Make up نعرض تجاربنا / أسرارنا / هوسنا أنا موب هوسي المكياج بحد ذاته للأسف .. أنا هوسي أحب أشتري ميك أب ولا أستخدمه  راح أوريكم ملخص بسيط للموضوع وايش راح يتكلم عنه وبعدين ندخل بالتفاصيـــــــل  SummarY * راح نستعرض سوا أهم خطوات الميك أب .. وبعض النصائح "Tips" الجزء الثاني من الموضوع راح يكون منـــــكم  * خطواتكم بالميك أب * أهم الماركات / المنتجات المجربة وش الماركات والمحلات المحببة لكم ؟! * صور لأغراض الميك أب حقتكم وراح يكون الموضوع "متــ ج ـــدد" .. ! أي شي نشتريه / نجربه / نتعلمه .. نتشارك فيه سوا هنــــــا آخر من قام بالتعديل |{ بنت كلآس }|; بتاريخ 29-01-09 الساعة 03:31 PM. |
|  |
|
29-01-09, 06:13 AM
| #2 |
| عضو موقوف من الاداره الدولة: | رد: ~ // .. ليه الكحل ؟ وأنتي ماغيرك عيــــــــون ! , طبعاً المكياج أنواع .. يختلف حسب المكان / الزمان ! ولو أن البعض لاغين اعتبار هالشيئين يعني عادي جداً نشوف وحدة من صباح رب العالمين عيونها مولعة وعادي جداً نشوف وحدة جايه "تعزي ناس" بميك أب !! عسى ما شر بس ؟! غير ميك أب السوق /..... الخ يعني لكل مقام مقال .. وترى مو شرط أنك حطيتِ ميك أب أنك صرتِ حلوة وستايل ..إلا بالعكس إذا حطيتيه بالشكل الغلط والوقت الغلط ممكن يدحدر بك ويخليك وحدة بلدي أوي // مكيـــــــــــاج النهـــــــــار // نقضي غالبية النهار بالدوامات سواء مدارس - جامعات - شغل لذلك طلة خفيفة وفرش الصباح هي المطلوب قبل كل شي .. لازم كلنا نداوم على خط عناية خاص بالبشرة ونهتم فيها .. بشرتنا زي الوردة حساسة أي شي ممكن يأثر فيها .. لكن لو داريناها واهتمينا فيها بتبقى لوقت أطول نضرة .. ما راح أقول ما راح تذبل .. إلا بتذبل وشو ناوين ما تعجزون ؟ بس أننا نأخر بشيخوختها شوي .. وبعدين الله يعافي البوتكس وشوله اخترعوه نبدأ بخطوات "العنــــــاية بالبشرة "  * تقشير أسبوعي ( فيه شي يومي / مرتين بالأسبوع / أسبوعي / شهري ) لكن أعتقد أسبوعي مناسب عشان برضو ما تنشف البشرة من كثر التقشير حاولي تسكربين بشرتك ( بالمستحضرات الطبية ) و كمان بالمواد الطبيعية .. العسل وغيره يجدد الخلايا الميتة ويزيل الغبار والأوساخ المتراكمة من جونا الزين - لو كنتِ مستعجلة / متعيجزة .. جيبي ملعقتين حليب + موية ورد .. وحطيهم على وجهك وخليهم فترة .. راح ينشف وجهك وتحسين ما تقوين تتكلمين بعدين غسليه .. تحسين وجهك منور سهل وحلو مرررة هالقناع الخطوات الجاية نستخدمها بشكل يومي **  * غسول لتنقية الوجه أو ميلك تنظيف .. حسب نوع بشرتك ..! إذا دهنية = غسول مختلطة / جافة = ميلك - غالباً استخدم ميلك .. فيه نوع عجبني من كلارنس كانوا معطيني اياه تجربة .. oil وبعدين إذا حطيتيه على وجهك وغسلتيه بالمويه يتحول لميلك .. وينظف حلو صراحة .. - قد جربت قبل كيذا غسول من DDF وهالماركة حلوة تتوفر غالباً بالصيدليات الكبيرة زي زمزم والحبيب .. -ما أستقر على ماركة معينة .. كل فترة وفترة أجرب شي .. * بعد ما نغسل وجهنـــــا مساماتنا بتبقى مفتوحة فلذلك لازم نسكرها نستخدم التونر  - سبق وجربت هالنوعية من لانكوم .. * بعد ما سكرنا المسامات .. نضع كريم الترطيب اليومي .. فيه كريمات صباحية / مسائية / لكل وقت !  أفضل أنواع كريمات الترطيب هي اللي تحتوي على فيتامين E * كريم لمحيط منطقة العين شخصياً أستخدم هايلكسين ولو أني أنسى أحطه بعض الأحيان بس شي مهم مرة كريم العيون لأن البشرة اللي حول العين رقيقة مرة وحساسة .. بسرعة يطلع فيها الخطوط والتجاعيد والهالات السوداء اللي ذابحتني  ملخص اللي راح .. خط العناية بالبشرة ! ( تقشير - غسول/ ميلك - تونر - كريم ترطيب - جل لمحيط منطقة العين )  ونزيد عليها كريم واقي من الشمس في حالة التعرض لها هذا الشي مهم مرة مرة مرة مع شمسنا الجميلة في الصيف غالباً عيب السن بلوك يجيك شوي مدهن أو يبان أنك حاطة كريم .. فأحلى الأنواع اللي تكون خفيفة وزي الميلك .. ! شخصياً أستخدمClarins UV Plus Day Screen High Protection SPF 40 مرة خفيف وارتحت عليه وهذي صورته ..  * بعد ما نظفنا الوجه وخليناه زي الوردة .. لازم نبرز الجمال لذلك بشويش .. نتمخطر وننزل تحت |
|
| |
|
29-01-09, 06:15 AM
| #3 |
| |[ عـضـو مـبــدع ]| الدولة:  | رد: ~ // .. ليه الكحل ؟ وأنتي ماغيرك عيــــــــون ! بالنسبه لي ... اول شي كنت استخدم ذبودي شوب في ايام مراهقتي وبعدين مليت منه... وصرت استخدم نيفيا فتره ولقيته بايخ وقبل يومين نزلت السوق واشتريت اللوازم والاساسيات من ماركة ماكس فاكتر بصراحه مررره روعه حتى البودره المضغوطه حقتهم خطيره والمسكارا جنان والروج احلا حاجه فيه مايطبع في الاكواب يعني مااتفشل لما اروح عند صحباتي وروجي يملي فناجيلهم هع هذا الي عندي.....يسلموووووووووو |
|
| |
|
29-01-09, 06:26 AM
| #4 |
| عضو موقوف من الاداره الدولة: | رد: ~ // .. ليه الكحل ؟ وأنتي ماغيرك عيــــــــون ! خطوات الميك أب الصباحي  صراحة أنا ما أحطه الصبح .. أحطه زي البيس لو كنت بحط مكياج وطالعة أزور .. بس هو ينحط بيس للميك أب أو لحالهـ أو ماسك للوجه .. / * الحواجـــــــب لازم تكون مرتبة .. وساعات لو فيها فراغات أو تبغين تبرزينها .. فيه تاتو الحواجب الرهيب الجميل من ميك أب فور ايفر  بس لا تاخذون أسود منه / أحسن شي البني الغامق وانتبهوا وأنتوا تحطونه .. ولا يتكثر منه .. شي بسيط مرة مرة .. - بعضهم يفضل استخدام " قلــم " وكل واحد واللي يريحه  الكــــ ح ـــــــل * كحل من جوا ! إلى الحين مالقيت كحل ما يسيح درت على كل الماركات والأنواع .. أستخدم حالياً لانكوم .. سواده روعة بس يسيح ساعات أمرر فوقه شدو أسود أو الكحل الكريمي اللي من سماش بوكس مجرد تمرير .. وبرضو فيه كحل جيفنشي مش بطال - سمعت عن كحل شانيل - ريفلون - الذهبي القديم بس عيبه سمعت أنه فيه رصاص / * الآي لاينر  فيه عدة طرق .. - آي لاينر الريشة وهذا يبيله وحدة متقنة له - آي لاينر القلم وهو اللي يفك أزمات أحياناً - آي لاينر الكريمي .. اللي نحطه بالفرشاة وأسهل شي تقريباً وممكن نستفيد منه جوا العين وبرا - الكحل الآي لاينر عن تجربة ( ريشة - قلم ) لانكوم حلوووو - ديور / بودي شوب .. مدحوه لي بس ما جربته شخصياً .. وحق بودي شوب يقولون سهل للي مو مرة يعرفون للآي لاينر .. - الكحل الكريمي فيه mac/smashbox/bobbi brown وكلهم حلوات * الفرش اللي تستخدم للكحل الكريمي .. شخصياً استخدم حقات "ماك " و تعتبر من أحسن ماركات الفرش  * الماسكارا ما يبرز العين غيرها .. طبعاً أشهر ماركة على صعيد الماسكارات ولا توجد سيدة على وجه الأرض ما استخدمتها هي حقت لانكوم ولانكوم ياقلب العنا  بس من تالي أنا طايحه بقوة على حقة ديور Black out حلوة كثير - استيه لودر / ايف سان لوران / ديور / لانكوم كلها شخصياً جربتها وحليوات - يمدحون ماكس فاكتور /لوريال بس شخصياً ما جربتهم ولا التقيت فيهم طريقة وضع الماسكارا  نوقف الماسكارا بشكل عمودي زي الصورة ومن داخل لبرا  نبدأ من النص للأطراف وبعدين من الداخل للخارج ونقوم فيها أكثر من مرة لين نحصل على النتيجة المطلوبة ..  نجيب مشط الرموش ونحاول نفرقها ونرتبها .. أنا عني ما اسوي هالخطوة |
|
| |
|
29-01-09, 06:31 AM
| #5 |
| عضو موقوف من الاداره الدولة: | رد: ~ // .. ليه الكحل ؟ وأنتي ماغيرك عيــــــــون ! * البلاشر | أحمر الخدود ويابو خد عنابي  لو تكتفين بالبلاشر وأنتِ مستعجلة يعطي طلة للوجة فيه عدة أنواع ( كريمي / بودرة ) الكريمي حلو وثابت بس عيبه سمعت أنه يطلع حبوب وخفت وإلا كان عندي بلاشر كريمي من pixi حلو وثابت ويخلي الوجة يخقق  زي هذا بس لون بينك وبرضو أحمرررر بس ينحط نقطة - مالي ماركة معينة بالبلاشر .. اللي لونه يعجبني أشتريه ينحط البلاشر بهالطريقة ..  * جينا لأهم بارت الـ lipstick * جينا لأهم بارت الـ lipstick &gloss  أحب هالنوع من ايف سان لوران .. جربت الفوشي اللي على بينك ثابت وحلو .. اسمه lip Twins - مالي ماركة معينة بالقلوسات والأرواج .. تقريباً هذا مكياج الصباح وزيادة بعد .. - ممكن إذا تبين طلة أخف .. بدل الماسكارا السوداء تحطين شفافة - تحطين ماسكارا بدون كحل ! - ما تحطين شي وتحطين بس بلاشر بدل البلاشر / القلوس .. ممكن تحطين  bene-tint من benefit طلة طبيعية |
|
| |
|
| الإشارات المرجعية |
| أدوات الموضوع | |
مواضيع مشابهة | ||||
| الموضوع | الكاتب | المنتدى | الردود | آخر مشاركة |
| قلبي ماغيرك هزه إنسان - collection | Al Dalaa3 | أدوات التصميم | 12 | 02-11-11 05:26 PM |
| ماغيرك من العذارى صار يجذبني | نـبـض الكلمه | شعر و شعراء | 41 | 29-05-11 02:48 AM |
