وشفيك ضايق خاطرك ؟

[أميرة الشعر]

السلام عليكم ورحمة الله وبركاته

مسائكم //صباحكم رضا وسرور

جديدي الاخير أقدمه لكم

سولف حبيبي لاتخاف سولف وقلبي يسمعك ***وش فيك ضايق خاطرك وش فيك قلي يالحبيب


مانك على بعضك أحس في شي عني يمنعك***قلبي ماهوب مرتاح ابد...احس في شين غريب


عجزت أقرى نظرتك .....حيرتني والله معك***في نظرتك صرخة ألم....في نظرتك شين عجيب


الحيرة بانت في خطاك ..كلما مشيت ترجعك ***تبعد بك الخطوة وانا.......فكري يوديني ويجيب


قلي دخيلك يالغلا ........لو فيه شين يوجعك***وش مزعجك يادنيتي....وش غيرك ياغلا حبيب


ان كان انا اخطيت قول مني الحيا لايمنعك ***قول وتكلم لا تخش......... لاتخفي السر المهيب


من شافتك عيني وانا عيني وروحي تتبعك***ياويل قلبي من غلاك .....من نظرتك قلبي يشيب


تيمت قلبي في هواك والله ما اقدر اخدعك ***وشلون اخونك يالهوى...دونك أنا حالي صعيب


دخيل قلبك يالغلا.... وش اللي مني ضيعك***من بعد مااشرق هواك وش وصلك وقت المغيب


وش الي حايل بيننا... وعلى فراقي يدفعك***ارجوك بين لي السبب.. ولا تقول قسمه ونصيب


ان كان صدقت الحكي يالي توصل مسمعك***وخلاك تتغير علي ......والنظره في عينك تخيب


تراك ياخلي ظلمت.... قلبن بوسطه مرتعك***وجرحت قلبي باوسطه وخليته من ظلمك عطيب


لا واحسافه ماهقيت ...العذل فيني يخدعك***من دون اي اثبات ابد.....صدقت بي حكي الغريب


ان كان هو هذا السبب خل العواذل تنفعك ***روح وتسهل لا تجي...... و جرحي ابلقاله طبيب


وان دارت الدنيا عليك وعلي زمانك رجعك*** ابشر بكل شين تبي ....الا انك ترجع لي حبيب


بقلمي المتواضع


أميرة الشعر


دمتم كما تحبون

[مشااااكس]

من شافتك عيني وانا عيني وروحي تتبعك***ياويل قلبي من غلاك .....من نظرتك قلبي يشيب


اخاف اعلق على بعض الابيات تقولي ما اردي وش تبي
على كل حال القصيده جميله بس وددت انك قلتي قلبي صويب بدل يشيب اتصور بتكون اجمل

باقة ورد لاميرة الشعر

[عالية بمستواي..]

يثلمووووووووو

عسل

[صعوط المجانين]

اميرة الشعر

صح لسانك وبيض الله وجهك

أبيات جميلة

مشاعر جيَاشة واحاسيس مرهفة

دمتِ بخير

[][ المـوسيـقـار ][]

أستاذتي الرآقيه ملكة الشعر ,,


سيدتي أبياتك في قمة الروعه جميلة هي في معانيها و جميلة في موضوعها ,,


صح لسآنك و لا عدمناك