مرثيه بوالدي رحمه الله

[جذاب واسلوبه عذاب]

السلام عليكم ورحمة الله وبركاته

الرجاء من جميع من يقرأها بالدعاء لوالدي ولجميع اموات المسلمين بالرحمه

[poem font="simplified arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]

صحيح الموت حق ومنه لابد== عليه الناس تارد مارد العد

قضا ربي ولازم فيه نؤمن== وكل إنسان له وقت(ن) محدد

على حسب الوعد يمشي بن آدم== لموته دون علم ودون موعد

ومهما طال عمرك في حياتك == ترى حجزك على موتك مؤكد

وهذي سنة الله في عباده == تموت اليوم نفس ونفس تولد

نهار الأربعا نادى المنادي == قطعت أحلامي وقمت متنكد

وشفت اللي منادي فيه ربكه == ولونه مختلط أحمر وأسود

وقلتله عسا ماشر وشبك == علامك ليش ساكت ومتردد

ورى دمعتك تفضحها عيونك == وقال ابوك مات وطحت منهد

برد جسمي وخانتني عزومي == ودمع العين سكاب(ن) على الخد

وظلم كل شي(ن)في عيوني == ودمي في شراييني تجمد

ومن كثر البكا صدري تضيق == أحس الأكسجين أصبح مؤكسد

ولا صدقت حتى حتى إني رأيته == بجنب الخط طايح ومتمدد

أنادي يايبه من حر مابي == تعال النار في قلبي توقد

يبه تكفا ترى حبل المآسي == على إبنك صار ملوي ومتعقد

وأشوف الناس تبكي من بكايه== أحد طالع وأحد عني تصدد

أنادي يابشر قولوا لأبويه == على الفرقا ترى ابنك ماتعود

وأعود له وأقول أرجوك جاوب == ولكن ماوصل من يمه الرد

عرفت إنه رحل وبدون عوده == ولاتنفع دموعي والتنهد

ولكن ماجبر لي كسر قلبي == وخفف حرقة الدمعه وبرد

بأنه سافر لرب الخلايق == إلى منهو نصلي له ونسجد

إلى من له رقاب الناس تخضع == عظيم الجاه في ملكه تفرد

إلى من يجزي الحسنه بعشره == إلين تصير سبع اميه وأزود

ياربي ترحمه رحمه وسيعه == وبدل قبره لروض وزمرد

وجازه خير بالفردوس الأعلى == بصحبة سيد الأمة محمد[/poem]

[بن زيد]

صح لســــــــــــــــــــــــــآآآآآآآآآآآآآآنك شاعرنا المبدع,,


بنــــــــــــــــــدر العصيـــــــــــــــمي

اجدت الوصف فى هالمرثية المعبرة والموجعه

واضح تفوق بوح قلمك الشاعري

اسأل الله ان يرحم والدك رحمة واسعه وان يدخله فسيح جناته

وان يرحم والديَّ,,وجميع موتى’’المسلمين ,,,امين’’

تقبل مروري ومعه كل الاعجاب بماخطته يمينك

تحياتي لك واجمل سلامي

دمت من الله بكل الخير

[سعودية والفخر لية]

الله يرحمه ويغفر له
يسلمو

[صعوط المجانين]

جذاب واسلوبه عذاب

الله يحسن عزاكم وعظَم الله اجرك

هذا حال الدنيا نازل و راحل

اصبر فإن الله مع الصابرين

الله يغفر له ويثبته بالقول الثابت

اسئل الله العليَ العظيم أن يبدله دارٍ خيرٍ من داره


تقبل مروري

تحياتي وتقديري

[سراب الماضي]

[ALIGN=CENTER][TABLE="width:60%;background-image:url('http://forum.te3p.com/images/toolbox/backgrounds/22.gif');border:6px ridge white;"][CELL="filter:;"][ALIGN=center]الأخ الشاعرالمبدع بإذن الله...][بندرالعصيمي][

صباحك عقد الجمان .. صباحك ريح الأفنان ..صباحك معطر بذكر الرحمن

في البدايه احسن الله عزائكم وعظم اجركم وغفر لميتكم وكيف إذا كان من

نودعه اغلى الناس وهم الوالدين في الحقيقه قصيده أسكبت دمعي ...

صح لسانك بليوون .. ولا يسدووون

بيض الله وجهك ولاهنت .. ع الإبداع الراقي

قصيده جزله وشامخه.. من شاعر شامخ وجزل

بإنتظار بوحك الراقي والمميز

تمنياتي لك بقضاء أسعد الأوقات في طاعة الرحمن

إختك .. سراب الماضي[/ALIGN][/CELL][/TABLE][/ALIGN]