اهداء الى حبيبتي .. ام دلع ...

[ابومحمد]

أهلين حبايبي ...

في البدايه لحد يقول انك غاير من طيب لا تدف و بتسوي اهداء ((فضح نفسه)) ..

الكل يعرف ان ما فيه اهداء ببلاش ... يعني لازم يكون فيه سبب ..

و على قولة الأديب الأندونيسي دمعـــكـ سوهارتو يوم قال :

تعددت الأسباب و الإهداء واحد

فمن هذا المنطلق حبيت اقول لكم ان فيه سبب لإهدائي هذا ..

وصدقوني على كثر ما سبب لي الاهداء من مشاكل و عقد نفسيه ..

إلا اني اصريت اني اقول لكم قصة الإهداء و المشاكل اللي صارت لي فيه ..

و أكيد طبعاً لمين الإهداء ..

السالفه و ما فيها اني عزوبي هالايام ...

و أم دلع عند اهلها عشان يودونها للسوق تشتري بعض الحاجيات ((الخبل يقول انا زوجك مو سواقك))..

المهم وانا نايم البارح جتني في الحلم وحده مووووت ((حاط اصبعه على خده)) ...

قالت لي عمري دمعـــكـ .. ابيك تنقز هالحين و تسوي لي اهداء في تعب قلبي ...

انا بصراحه ما قدرت اقاوم .. وقلت لها لو تبين اعرس عليك في تعب قلبي ما عندي مانع بس لا تروحين ..

. قامت تضحك وقالت كل تراب لو ما بقى على الارض الا انت ما اخذتك ... بس سو لي الاهداء ...


قمت من النوم و على طول التفت على الجهه اللي تنام فيها ام دلع و ما لقيتها ..

قلت الحمد لله ((يسولف وهو نايم)) .. دقيت على فك وأفك وقلت له سالفه الحلم ..

قال شايفني غبي ... قل لي من هي اللي بتهدي لها .. هي معنا بالمنتدى والا برى المنتدى ..

لا تكون هي اللي قلت عنها في المقهى ... لأن سالفة الحلم ما تنهظم ...

والاعضاء ما راح يصدقونك ...

رحت و دقيت على فهــــد ((في اندونيسيا شهر عسل)) و قلت له السالفه ..

قال بدق عليك بعد ساعه .. و دق علي وكان صوته ثقيل مررره .. قلت سلامات فهوووودي ...

وشفي صوتك .. قال بصراحه عجزت اهظم سالفتك .. وشربت اللي في الثلاجه كله ..

شي مكتوب عليه مويه وشي طعمه حار و يعور الكبد لكن عجزت اهظم سالفة حلمك ...

بس لا تكون هي اللي قلت عنها في المقهى ..

رحت للوالد بما انه كبير و حكيم ... وقلت له السالفه ..

قال انت هالحين تقول لي حلم والا فلم هندي ... شايفني سجينك تلعب علي ..

بعدين من شفتك فارد شعرك وانا قايل انك منت طبيعي ..

بس لا تكون هي اللي قلت عنها لـ فك وأفك وفهـــد عنها في المقهى .. و إلا اقول لك ..

قرب فمك خلني اشمه !!!!!! ...

صدقوني السالفه و ما فيها انه حلم .. و أتمنى انكم تصدقون سالفه الحلم الله يرحم والديكم ...



و هو إهداء لحبيبتي اللي ما شفتها الا بالحلم .. و أقول لها انبسطي نفذت طلبك ..

و تراني سميتك دلع ((يموت في هالاسم)) ..

و إن شاء الله اشوفك الليله ((على كيفك الدعوه)) ..

ختاماً .. كل المنى لكم احبتي .. متمنياً لكم احلاماً سعيده ..

وأن يحوز هذا الإهداء رضائكم .. و يتغلغل داخل مسامعكم ..
مع أطيب التحيات ...

[سسسسارررره]

ههههههههههههههههههههههههههههههههههههههههههه
والله يادمعكـ انا بعد مابلعت سالفت هلحلم بس بما ان ماحد هضمها والموضوع في الصرقعه فاحاول اهضمها خخخخخخخخخخخ
اختك سارونه

[ابومحمد]

ساره

ههههههههههههههه

براحتك يالغلا كثير غيرك ما هظم السالفه

شرفني مرورك يالغلا ولا يحرمني من تواصلك الدائم

تحياتي لك

دمعـــكـ