المنتديات
المنتديات
| روابط إعلانية |
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
| | أدوات الموضوع |
06-01-09, 07:40 PM
| #1 |
| |[ عـضـو نـشـيـط ]| الدولة:   روابط إعلانية |  تعالو شوفو غصب تضحكون :laughter:بسم الله الرحمن الرحيم انتحرت عندما ضاع حسام وماتت حصه هاك اليوم تجمعوا شيّاب الحاره عند الوالد وقعدت اقهويهم وكل ما قضى شايبن من فنجاله زندته بالثاني وعقب ما قضت ثلاث دلاليل .. لا ما تجي .. ثلاث دلالات برضوا ماتجي ( شلون تنجمع الدله؟ ) المهم قضت ثلاثه دله << أسلم يالهندي واجلس جنب شايب ويحط يده على ركبتي ويرفع شوي على فخذي ويسألني انت موظف وانا عمك؟ .. طيب وخر يدك علشان اعرف اجاوب والله يا عم انا شغال بشركه .. افااا يا ذا العلم شغال بشركه وخر وخر لا تجلس جنبي وانا احسبك عسكري !! ليه ناوي على سلف يبو الشباب ترى ما أسلّف .. طيب وكم راتبك؟؟ .. نزلت عيني للأرض تسنه قالي وش اسم امك راتبي 1500 .. وراه الراتب قليل؟! .. الله البلشه ذا الشايب حاطن عيني على بنته وعقب ما درى عن راتبي عزالله بنته بتطير من يدي .. شف شف ياعم ترى صحيح راتبي قليل بس انا مرتاح نفسياً والراحه النفسيه اهم من الدراهم ويمديني افك بيت واثثه واشتري موتر مير انت توكل على الله و شف راي البنت قال : هاه وش تقول ؟! قلت ابد الله يسلمك واستاذن منهم واروح غرفتي واقعد اضرب بيدي في الجدار .. ليه ليه ياربي ليه وانا وش سويت بدنيتي !! موظف بشركه .. قلت ما يخالف .. راتبي قليل .. وقلت ما يخالف ..وحسام خويي يسحب علي وصار يسهر مع شلة سرابيت مدري وش يسوون فيه قلت ما يخالف ... لكن تطير حصه من يدي لا لا لا... انا لازم انتحر ... واربط شماغي بالمروحه وارقى على كرسي والف الشماغ على رقبتي وقلت اشهد ان لا اله إلا الله وانا محمد رسول الله ثم ادف الكرسي برجليني واطيح على الأرض و تنخلع المروحه من السقف وتصفق براسي ( يلعن امها ما ثبتوها زين ) < البلا منك يالدب ناظرت الجدار .. قلت مالي إلا اجي مدرعم ثم اصفق راسي فيه واموت ... واطلع الشارع علشان يوم اعدي وانا ماخذ مسافه تصير الصدمه بالجدار قويه وافكها سبرنت من الشارع وارقى الدور الاول والثاني الين وصلت التاسع ( وين يبو الشباب بالفيصليه؟ ) علشان اصدم بجدار غرفتي وكمخخخخخ بالجدار ثم اهده واخش على خواني بالغرفه الثانيه مادريت إلا وانا بحضن امي ومافيني شي يلعن ام القهر ما مت .. امي تسألني وش بلااك يالمطفوق هديت جدار البيت .. اقول وخري انتي سبب تعاستي بهالدنيا .. لو انتس متزوجتن واحد فلسطيني يمديني هلحين دافور بالدراسه ...ولا متوظف احسن وظيفه بـ10000 ريال واخش غرفتي مع الجدار المكسور هلحين شلون انتحر؟ ... وافك دريشة الغرفه واناظر للسيارات من الدور التاسع تقل نمل يمشي على الأرض والسكه تقل شخطة قلم اسود اشوفه من بعيد حتى مااشوف الناس من كثر ارتفاعي عن الأرض والسحاب يمشي جنبي وصرت اخم منه وآكل قلت بس.. هذا الحل الوحيد اللي يخليني ارتاح من العذاب اللي عايش فيه وارقى على الدريشه ثم اطلع رجليني وامسك حافة الدريشه بيدي تسني ابطب من حوش المدرسه واقعد ساعتين انزل رجل وارفع رجل واناظر تحت يـُمه وش بيصير فيني اذا حضـّرت بالرصيف ؟ وقسم اتقطع عشر اوصال واصير خط مشاه .. يووه يالحسة المخ .. عاد الناس يوم شافوني من الدور التاسع تجمهروا تحت والدفاع المدني يصارخ بمكبر الصوت تعوذ من الشيطان يبن الحلال واللي تبيه بنسويه لك .. قلت ايه هين عشر ملفات عندكم ابي وضيفة جندي ما لقيتها حتى لو مسكتوني لّي الماء ولا ذا المكبر اللي تنادون منه وش بتخسرون هاه وش بتخسرون ؟ اقول والله اني منتحر منتحر والله لا يعوق بشر بس انتم وخروا من تحت كود اطب على واحد منكم ثمن يموت وتتهموني بقتله تراي مافيني حيل للسجون والمرمطه وانا انسان محترم ماعمري دخلت اقسام شرطة ولا طلعت جمس الهيئه .. وش تبي الناس يقولوا عني هاه ؟ وبعدين لو هونت وغيرت رايي اكيد الناس المتجمهرين بيقولوا ذا بزر وماعنده سالفه << خذ تفكير عيال صبيا قلت اشهد ألا اله إلا الله واشهد ان محمد رسول الله واصارخ على المتجمهرين الملتقى الجنه الملتقى الجنه :<< وين يبو الشباب طاب على الفلوجه واطب من الدور التاسع وانا نازل اشوف من درايش الشقق الحرمه اللي قاعده تتروش واللي منسدحه مع زوجها فوق السرير واللي قاعده تلبس واللي قاعده تفصخ ولّي قاعده ( ولا اقول بلاشي اخاف يزل لساني واقول تسوي حركات شينه مع الخدامه )يلعن ام القهر تمنيت اني طاب من الدور العشرين علشان اتفرج على النسوان وكل ما احضّر بالأرض ارجع مرتن ثانيه وانتحر وصلت لدور الثالث ثم الثاني ثم الأول ما بقى بيني وبين الأرض غير 10 متر واناظر بالأرض إلا وانا محظر في كبوت مرسيدس واهشم الكبوت تقل صادم له في حاشي وتنفقع كفرات السياره ويتكسر القزاز ويموت صاحب السياره ويغمى علي خمس دقايق ثم يرفعوني المتجمهرين وجالسين يسوون لي حركات شينه من ورى .. وش ذولي الناس الواطيه حتى الميت ما يرحمونه؟ يووه هذولي ما يخلون الواحد يموت على راحته واصحى وادف يد بزر عن مؤخرتي يلعن امك وخر يدك وارجع اموت مره ثانيه ويسدحوني على سرير الاسعاف ثم يركبوا لي الاكسجين وشوي فتحت نص عين والناس تنادي الله واكبر الله واكبر وافتح عيني الثنتين واناظر في الإسعاف من جوّه ..واتمتم بصوت واطي لا عدمتك يابووي حطيتني في قبر مكيّف .. ايه هلحين الواحد يرتاح من العذاب اللي عايش فيه .. إلا وسواق الاسعاف يمسك بيدي ويقلي الحمدلله على السلامه .. الله لا يسلمك وش فيك يااخي لايكون بعدني حي والطم نفسي كف حسيت بألم يلعن ام القهر ما مت وافك الاكسجين من فمي وامشي لوايت الدفاع المدني وانسدح تحت الكفر واقول للعسكري انتسان فيك خير انت وابوك ادعسني يا ***** اصلا انت وابوك واللي ربوك كل ابوهم ما يسوون نعالي . يا*** يا خسيس .. ادعس يا جبان ادعس << الطمه كف احسن؟ والسواق رافض .. قلت انا اوريكم يا عيال اللذينا... واطلع الوايت وافك غطا الخزان واطب بداخله ويصفق راسي بقاع الخزان اثره فاضي مابه مويه .. يلعن اشكالكم افرضوا اني يوم طبيت من الدور التاسع وصفقت بالسكه وطلعت ( شراره ) ثم احترق الشارع باللهي شلون تطفوا الحريقه؟ والله لشتكي لــ نايف بن عبدالعزيز << انحاشوا جاب العيد واروح البيت مطئطئ الراس افكر بهذا الموت اللي لم يأتني واقعد افكر وافكر ( يبي يقنعكم ان معه مخ )وافكر وافكر وشلون اموت ؟ واقعد افكر وافكر وافكر << خلاص يبن الحلال اقتنعوا ان معك مخ وجالس تفكر وافكر وافكر .. هاه اقتنعتوا ولا بعد افكر؟ و انسدح على سرير غرفتي وانظر في محل المروحه المخلوعه ثم امسك القلم والورقه وكتبت ما يلي مدير شركتنا ............................. الله لا يحفظك طيرت من يديني حصه واما بعد شوف يبو الشباب لا تحسب نفسك خلاص مدير يعني بخاف منك وما راح اقدم على زيادة راتب وقسم بالله لو ما قبلت معروضي لا اتوطى في بطنك وفي بطن امن جابتك انت سامع ولا لا؟ مديري الخسيس ترى تعبت وانا كل يوم اداوم 12 ساعه وياليتني قاعد على كرسي إلا كارفني بذي البوابه نزل عامود وارفع عامود نزل عامود و ارفع عامود ويا كثر السيارات اللي رايحه جايه وانا رافع نازل .. نازل رافع حتى شف يديني متمغطه تسنها كراعين حاشي .. بللاه هذي يدين انسان؟ حتى اجازتي يوم السبت!! قلّي من ذا الثور اللي يسهر يوم الجمعه صباح السبت ياخي انا بسببك ما صرت اسهر مع اخوياي ،،،وفقدت علاقتي مع ناس كثيرين لأن ماعندي اجازه يوم الخميس .. تصدق حتى ملاطيم ابوي ولهت عليها لأني ما صرت اشوفه مثل اول ... حتى ان ودي اقابله ويلفعني بذاك الكف اللي يهد ضروسي يااخي حتى خدي صار يحكني له مده ما ذاق الكفوف شوف يبو الشباب وقسم بالله لو ما قبلت معروضي لقعد لك برى الشركه وابن امك تطلع لحالك وربي ياشيخ لدعسك ،،، مديري اللي مهوب فاضل ولا راح يكون فاضل إلا اذا زوّد راتبي خذ آله حاسبه واحسب معي الراتب اقول خذ آله حاسبه لا تجلس تقرى الله يلعن امك 1500 ريال نقص منها 150 ريال قيمة التتن هذا اذا افترضنا ان كل يوم بكت 1000 ريال للشايب 200 للوالده يبقى 150ريال قيمة صحن مندي في اول يوم استلم الراتب بللاه انت ماعندك رحمه؟ شلون ابتزوج حصه وادفع لابوها المهر ووشلون استاجر بيت واثثه ؟ يااخي اعتبرني ولدك ( آآه ياليتني ولدك يمديني هلحين اطقع دراهم يااخي انت ليه ماتتزوج امي قبل ما ياخذها ابوي ؟؟) وللمره الثانيه اكتشف ان مافيك خير .. ياخي شف حل لمشكلتي تراي منيب اتشحدك... يا انت رجالن تزود راتبي يا رجالن قل ماتبي تزوده علشان احوسك بذا المكتب همن اتوطى في بطنك قدام الموظفين ولا تجلس تقلي انت غياباتك كثيره وتتأخر عن الدوام،،، انت منتب افضل مني،،، تتاخر وتغيب وكلنا عيال تسعة اشهر ،،، |
|  |
|
06-01-09, 08:27 PM
| #2 |
| |[ عـضـو مـتـألـق ]| الدولة: |  رد: تعالو شوفو غصب تضحكون مشكوووووور يا تويــ يسرني اني اول واحد يرد ــــــتي |
|
| |
|
06-01-09, 08:37 PM
| #3 |
| |[ عـضـو مـتـألـق ]| الدولة: | رد: تعالو شوفو غصب تضحكون بـــــ ودي أعرف وش سوى المدير ـــــــــــــــــــس//تحيــ يا تويتي السليل ـــــاتي....خخخخخخخخخخخخخخ |
|
| |
|
06-01-09, 08:43 PM
| #4 |
| |[ عـضـو مــاسـي ]| الدولة:  | رد: تعالو شوفو غصب تضحكون ههههههههههههههههههههههههه<<<<مو فاطس الا ميت ضحك يا شيخ والله مو قادر اسكت من الضحك اما الي يسوون حركات يوم تنتحر هذا لحالها يسلموووووووووووووووووووووو |
|
| |
|
06-01-09, 08:46 PM
| #5 |
| |[ عـضـو نـشـيـط ]| الدولة: | رد: تعالو شوفو غصب تضحكون تبي تعرف وش سو المدير لني تعبت وانا اكتب بس الي صار خلاه ناب ورتبها 9000 وتزوج حصه وعنده بنت ولد المدير صار يخاف منه وماعاد يتخر المدير |
|
| |
|
| الإشارات المرجعية |
| أدوات الموضوع | |
مواضيع مشابهة | ||||
| الموضوع | الكاتب | المنتدى | الردود | آخر مشاركة |
| تكفون لا تضحكون شوفو وش عملو بالهندي المسكين ؟ | صريف الأقلام | نكت × نكت ضحك | 66 | 21-07-11 11:26 PM |
| بنت صادها ابوها وهي تكلم شاب شوفو ربي راح تضحكون | القحطاني عاشق الصيد | مقاطع يوتيوب × مقاطع فيديو | 25 | 03-03-11 10:48 AM |
| تـعالوا شوفو بيت من تضحكون عليه | اميرة العالمي | صور - كاريكاتير | 97 | 31-05-10 02:37 PM |
| موضوع مضحك عن البنات تعالو دخلو عشاااااان تضحكون على البنات | تويتي الدوسري | نكت × نكت ضحك | 3 | 06-11-09 06:28 PM |
