المنتديات
المنتديات
| روابط إعلانية |
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
| | أدوات الموضوع |
13-12-08, 10:34 PM
| #1 |
| |[ عـضـو مــاسـي ]| الدولة:  روابط إعلانية |  (( يوميات بنات )) من تأليفي .. يوميات بنات ،، قصة من تأليفي ،، ادرجت فيها اسمي واسماء اعضاء عزيزين علي والغرض كله ضحك في ضحك لنا ولكم ... الابطال هم ... احم احم الغربي .. غالي الاثمان .. ندمانة .. ضياء الفجر واخيرا محدثتكم ميعاد خخخخخخخخخخخخخخخخخخخخخ على فكره هاذي كانت اول محاولة لي في كتابة القصة يعني وسعوا صدوركم علي :050103norm_prv: بسم الله ... (( يوميات بنات )) ندمانة صديقة حميمة لميعاد وتستشيرها في كل شي .. رن جوال ميعاد ،، وكانت حاطة نغمة السلام الملكي <<<< من جد رومانسية سارعي للمجد والعلياء مجدي لخالق السمااااااااء ... ندمانة : ميعاد ردي تكفين على جوالك ازعجنا ميعاد : طيب لا تعصبين انت ونغمة جوالك حاطة سميرة توفيق ندمانة : انا حاطة سميرة توفييق ،،، هاذي اصالة ميعاد : الووووووو ضياء : هلا ميمي كيفك ميعاد : بخير وشلونك انتي البي ضياء : اممممممممم والله ابيك في موضوع ميعاد : تفضلي ياعسل ضياء : بمر عليك بعد شوي عندك احد او مشغوولة ؟؟ ميعاد : خوفتيني ضياء عسى خير وشفيك ؟؟ ضياء : لا لا تخافين عادي والله موضوع بسيط يخصني ابي استشيرك فيه ميعاد : تستشيريني فيه ؟؟ خلاص براحتك انتظرك ندمانة : عز الله راحت فيها ضياء اللي بتستشيرك انتي ميعاد تاخذ اقرب مخدة وترميها بقوة على ندمانة ندمانة تركض بسرعة لغرفتها وهي تعلق وتضحك على ميعاد نسيت اقول ان ندمانة قاعدة فترة مؤقتة عند ميعاد لأنها تدرس بالجامعة وهي تصير بنت خال ميعاد ( لا تصدقون ) ميعاد تفكر بينها وبين نفسها : خير وش تبي ضياء ،، راحت ميعاد تجهز الشاهي وحركات كذا مع الشاهي وجلست تنتظرها رن ررررررررن <<<<< جرس البيت ندمانة تصرخ من غرفتها : ميعاااااااااااااااااااااااد المستشارة شوفي الباب تروح ميعاد تاخذ كاس موية عندها وتفتح على غرفة ندمانة وتكبه عليها وتصك الباب وذيك تصارخ ميعاد : مين ضياء : افتحي ميعاد انا ضياء تفتحلها وتدخل جلسوا بعد السلام والتحية ضياء : مسرع جاء الحر ميعاد : حنا ياحر يابرد يدرسونا بالمدارس اربع فصول وانا كل حياتي ماشفت الا فصلين صيف وشتاء ضياء سرحت شوي ميعاد : خير ضياء وشفيك طلعت ضياء صورة واحد من شنطتها ورتها ميعاد ميعاد : وعععععععععععععععععععععععععععععععععععععععع وشو هذا وين لقيتي هالصورة ضياء : ميعاد لا تقولين كذا هذا واحد متقدم لي يتبع ** ارجوا عدم الرد لحين الانتهاء من القصة .. آخر من قام بالتعديل ميعاااد; بتاريخ 13-12-08 الساعة 10:43 PM. |
|  |
|
13-12-08, 10:39 PM
| #2 |
| |[ عـضـو مــاسـي ]| الدولة: |  رد: (( يوميات بنات )) من تأليفي .. ميعاد : ضياء من جد عاد !!! ضياء : أي والله ميعاد عشان كذا جاية استشيرك ميعاد : ضياء قلبي هذا مايبيله استشارة نوووووووو طبعا ضياء : ميعاد ميت فيني ويبيني ميعاد : وأنتي ؟؟ ضياء : مو انا جاية استشيرك ميعاد : الشكل وشفناه طيب وباقي المؤهلات ضياء : خريج جامعة ولسه متوظف ،، قاطعتها ميعاد ميعاد : ويكون نفسه وحالته حاله ضياء : وشفيك ميعاد ميعاد : ضياء حبيبتي انا ماني شايفة شي مناسب بالرجال بصراحة وبدون زعل ضياء : والله ميعاد انا مرتاحتله ميعاد : ضياء خير ان شاءالله وليش جاية تستشيريني اجل !!! دامك تبينه ومرتاحتله الله يوفقك ضياء : ماادري ميعاد احب اعلمك على كل شي ، ميعاد : تعلميني غير تستشيريني ،، عموما الله يسعدك ومتى ناوي يتقدم رسمي ضياء : هو تقدم ووافقنا وحددنا موعد الملكة ميعاد : لا ياشيخة تستهبلين انتي !! ضياء : والله ميعاد ميعاد : لا تقهريني وجاية تقولين وش رايك ناقص تخلفون وبعدين تقولين وش رايك ضياء : ميعاد توقعتك تفرحين لي ميعاد : ضياء بتموتيني انتي واللي جوى بالغرفة ( ندمانة ) انا افرح لك طبعا واتمنى لك كل خير بس طريقتك عصبتني ميعاد : وش اسمه ؟؟ ضياء : مستحية وليش الاحراج ؟؟ ميعاد : مستحية من اسمه خلاص بكيفه لو اسمه مصطفى ضياء : لا خلاص بقول اسمه اسمه اسمه وتنزل راسها ...... سعد ميعاد : ياسعدك ياضياء هههههههههههههههههههههههههههه مبرووووووووك الف مبرووووووووووووك شوفي ضياء ترى الزفة علي ولا تفكرين فيها انا اللي بسويها بيكون شي خطييييييير بس تكفين لا يطلع معك لانه بيخرب كل شي ضياء : اخس عليكي ميعاد ميعاد : والله اذا بيطلع معك انا برفع ايدي من كل شي ضياء : اصلا هو كمان مايحب يطلع على كلام اخته ميعاد : اتفقنا الزفة علي ميعاد : وين ندمانة لازم تبارك لك ضياء : مين ندمانة ؟؟؟ ميعاد : ندمانة هاذي بنت خالي روعة ماشاءالله عليها ادب واخلاق وخفة دم مره موسعة صدري ندمانة ،، ندمااااااااااااااااااااااااااااانة <<<< ميعاد تناديها ندمانة تصرخ من غرفتها : نعم يالنشبة وش تبين ميعاد تناظر ضياء بإحراج : ههههههههه تحب تمزح دايما ندمانة ياحبيلها ميعاد : ندمانة تعالي سلمي على ضياء صديقتي ندمانة جت تركض طربق طربق طربق خطوتين وهي واصلة عندهم ماصدقت ينادونها ،، ندمانة : هلا وغلا اخباركم وشلونكم عساكم طيبين والاهل واللي يعز عليكم و.... قاطعتها ميعاد ندمانة اجلسي جلست ندمانة جنب ميعاد وهي تطالع ضياء ضياء منحرجة مره ميعاد كانت صورة سعد مازالت بإيدها سحبتها ندمانة منها وطالعت بالصورة ،،  ندمانة : منهو ذالهندي ؟؟؟؟؟؟؟ ميعاد تضرب رجلها برجل ندمانة ندمانة تكمل لا ولا تفوتكم النظرات بس ههههههههههههههههههههههه ميعاد سحبت الصورة بسرعة منها ميعاد : ندمانة باركي لضياء صديقتي وحبيبة قلبي على الخطوبة يتبع **************** |
|
| |
|
13-12-08, 10:42 PM
| #3 |
| |[ عـضـو مــاسـي ]| الدولة: | رد: (( يوميات بنات )) من تأليفي .. ندمانة : ماشاءالله الف مبروووووووك عساه بس رجال ويستاهلك وترى الشكل مهم جدا لايكون مثل الهندي اللي بالصورة ههههههههههههههههه التفتت ندمانة ولاحظت انها بس هي اللي تضحك وميعاد حمر وخضر وجهها ميعاد : الصورة هاذي لخطيب ضياء الله يوفقها اهم شي يكون رجال واخلاق ويحترمها ، ضياء محرجة مره : مشكورة ميعاد مشكورة ندمانة ندمانة تحاول ترقعها عاد : تدرون ان الجمال الاصلي بالهنود ؟؟( رجعت وخربتها ) كان جنبنا خياط هندي وش جمال عليه ماشاءالله تبارك الله ميعاد تحاول تضيع السالفة : عاد انا بسويلها ان شاءالله الزفة وانتي ندمانة عليك تنسيق الزهور اللي بالصالة عارفتك كلك ذوق ندمانة تدرس بقسم تربية فنية ولها لمسات خطيرة بس البنت مهوية شوي ندمانة : ابشروا بخليلكم الصالة كنها الهايد بارك ضياء : ياربي والله احرجتوني الله يخليكم نخدمكم بالافراح ان شاءالله ميعاد : ضياء لا تقولين كذا انتي اخت وغالية الله يوفقك يارب ،، وتنزل دمعة من عينها ندمانة : احلى يارومانسية ميعاد : ندمانة ترى بشوتك الحين ضياء ميتة ضحك اثناء كلامهم رن جرس الباب رررررررررررررررررررن ضياء : يمكن هذا السواق لأني نسيت اغراض ابي اوريكي اياها وارسلته يجيبها راحت ميعاد فتحت الباب على طول على انه السواق ميعاد : ياسواق ( ماتعرف اسمه ) حط الاغراض عند الباب مارد عليها احد ،، طالعت من الباب والا في واحد واقف عند الباب خمس ثواني عيونهم ببعض قفلت بسرعة الباب ميعاد : يمااااااااااه قلبي وشفيه لا لا وشفيني ماادري منهو هذا ؟؟ دخلت بسرعة ميعاد ولقت ضياء تكلم بالجوال خلصت ضياء وهي تضحك ضياء : ترى اخوي اللي عند الباب مو السواق ميعاد : الله يهديك وليش ماقلتيلي ؟؟ ضياء : ميعاد انا اسفة والله بس كنت اظنهم بيرسلون السواق ،،لازم اروح الحين عن اذنك حبيبتي ميعاد : مع السلامة طلعت ضياء وميعاد في مكانها وندمانة تطالع فيها ندمانة : ميعاد خير وش فيك ماردت عليها ميعاد ندمانة : الوووووووو برضه ماردت عليها ندمانة قرصت ميعاد وصرخت ميعاد آآآآآآآآآآآآآآآآآآآآآآآآآآآآه يالدبة وشفيك انتي ندمانة : انا وشفيني انتي اللي وشفيك ميعاد : هاه انا لا مافيني شي ندمانة : لي ساعة قاعدة اكلمك ولا تردين طيب اقولك شي ولا تزعلين ميعاد : لا وش يزعلني عادي قولي اللي تبين ندمانة : انتي من يوم رحتي فتحتي الباب وانتي غييييييييييييييييييييييير ميعاد تنهدت وحطت راسها على طرف الكنبة : ندمانة اقولك شي بس لا تقولين لحد ندمانة : افااااااااااا يابنت العمة قولي سرك ببير ميعاد : قلبي بغى يوقف عند الباب ندمانة : بسم الله عليك ميعاد من جد طيب يالله على المستشفى تحسين بشئ الحين ؟؟ ميعاد : لا ندمانة افهميني ،، انا من شفته ماادري وش صار لي ندمانة : آآآآآآآآآآآآه قولي كذا خلاص مفهومة والله اني شكيت .. ميعاد : كيف يعني ؟؟ ندمانة : يابنت الحلال خوفتيني عليك ،، هذا اللي تقولين اسمه الحب من اول نظره ميعاد قعدت زين وتناظر ندمانة وشو ؟؟؟؟؟؟؟ الحب من اول نظره !!!!! ندمانة : ياحبيلك ياميعاد ركزي شوي تكفين واختاري واحد سنع مو مثل ... والابلاش اخذت ميعاد جوالها وغيرت النغمة وحطت ،،، اشوفك وين يامهاجر قلي بأي بلد صاير ،، ندمانة ميتة ضحك : ياربيه يأطع الحب شو بيزل ،، بعد السلام الملكي اشوفك وين يامهاجر ههههههههههههههههههههههههههههههههههههههههههههههه ميعاد : ممكن تروحين تنامين ورانا جامعة بكره ندمانة : طيب ماتزعلش ياجميل عم بمزح رن جوال ميعاد وردت بسرعة لأن المتصل كانت ضياء ميعاد : الوووووووو هلا بعروستنا ضياء : اهلين ياقمر مثل مايقولون ناس ميعاد : ناس ؟؟؟ مين ناس ؟؟ ضياء : اخوي من يوم ركبت السيارة قال مين القمر اللي فتحلي الباب ميعاد ساكتة ومحرجة ماردت ضياء : عاد انا قلتله شغالتهم اللي فتحت الباب ميعاد : ياحيــــ ........ انا شغالة ؟؟؟؟؟؟؟؟ ضياء : ههههههههههههههههههههههههههه امزح طبعا قلتله هاذي ميعاد صديقتي ميعاد تقول بنفسها اشوى ضياء : ميعاد ممكن تروحين معي بكره السوق ببدأ اجهز ولا استغني عن مشورتك ياقمر ميعاد : عادي بس استأذن من الوالدة اذا ماتحتاج شي ،، ضياء : خلاص انتظر منك تليفون بكره اووووووكيه ؟؟؟ ميعاد : ان شاءالله مع السلامة ،، جلست ميعاد بالصالة ساعة تقريبا تفكر بينها وبين نفسها ،، دخلت ميعاد لغرفتها اللي تنام فيها مع ندمانة ولقت ندمانة نايمة كان ودها تتكلم معاها شوي انسدحت ميعاد وهي تفكر الين نامت يتبع *********** |
|
| |
|
13-12-08, 10:46 PM
| #4 |
| |[ عـضـو مــاسـي ]| الدولة: | رد: (( يوميات بنات )) من تأليفي .. انتبهت ندمانة من النوم ودها تشوف كم الساعة ولعت السهارية برضه الدنيا ظلمة تحسست وقامت تفتح لمبة الغرفة برضه الدنيا ظلمة ندمانة : يماااااااااه وش فيها عيوني انا مااشوف ميعاد ميعاااااااااااااااد انا مااشوف عيوني ماادري وشفيها تحركت ميعاد : ياالله وش هالإزعاج ندمانة : ميعاد اقولك انا مااشوف ميعاد : وانا بعد مااشوف لأن الكهرب طافي من البارح وانتي نايمة ندمانة : هيه هيه هيه هيه وقامت تنط تنط من الفرحة الحمدلله حسبت عيوني اللي طفت ميعاد : ندمانة تكفين نامي ندمانة : حاضر ياقمر هههههههههههههههههههههه ميعاد قامت تلاحق ندمانة بالغرفة وندمانة تصارخ والله مااقصد شي والله مااقصد سمعوا صوت الوالدة جت وبسررررررررررررررعة كل وحده بمكانها جت الوالدة لقتهم نايمين قالت بسم الله غريبة كني سمعت اصوات وقرت عليهم وطلعت وناااااااااااااااااااااموا إلى الصباح موعد الجامعة ،، يتبع ********************* الساعة سبعة الصباح من اليوم التالي ،، ام ميعاد جت على غرفة البنات ..... الوالدة : ميعاد ،، ندمانة ،، ماقمتوا ؟؟ يالله بسرررررررررعة الساعة سبعة يالله يمديكم بسررررررررعة ميعاد : انا ماني رايحة اليوم ،، ندمانة : وانا بعد الوالدة : ليه خير وشفيكم ميعاد : انا تعبانة ندمانة : وانا بعد الوالدة : يالله بنات بلا دلع يوم تحضرون ويومين تغيبون ميعاد : يمى من جد انا تعبانة اما الببغاء ماادري عنها ندمانة : وانا بعد الوالدة : بكيفكم ،،، طلعت الوالدة وتركتهم ،، والبنات دقوها نومة إلى الظهر ندمانة : ميعاد ماشبعتي نووم يالله اذن الظهر ميعاد : وانا بعد ويضحكون كلهم ههههههههههههههههههههههههههههههههههههه تغدوا وجلسوا بالصالة يشربون الشاهي ،، ندمانة : الا ماقلتيلي ميعاد وش اسمه عريس الغفلة ؟؟؟ ميعاد : قصدك زوج ضياء ؟؟؟ قلتلك اسمه سعد ،، ندمانة : لا ياقمر مااقصده <<< تضحك ميعاد : مين اجل ،،!!! ندمانة : اممممممممم اللي شايفك قمر الله يعطيه عيون .. ميعاد : ندمانة تونا قايمين لا تعصبيني مافيني حيل ندمانة : وش قلت عاد انا اسأل عن اسمه بس ،، ابتسمت ميعاد وسكتت شوي ميعاد : والله ماادري ليتني اعرف اسمه مستحية اسأل ضياء ندمانة : افااااااااا عليك وانا وين رحت اجيب لك اسمه دلوأتي ميعاد : هيه يالدبه لا تتهورين ولا تسوين شي بدون ماتقولين لي ندمانة : انتي مو تبين اسمه ؟؟ خلاص اجيبه قامت ندمانة وجابت جوالها ندمانة : يالله ميعاد كم رقم ضياء ؟؟ ميعاد : وش بتسوين ؟؟ ندمانة : اعطيني الرقم بس .. اعطتها ميعاد الرقم ،، دقت ندمانة على ضياء ندمانة : الووووو هلا ضياء كيف الحال ؟؟؟؟ اخبارك ،، واخوك اخباره ،، ايه اللي جابك الله يجزاه خير والله اني ادعيله دايم شكله يحبك ،، مو هو اللي اسمه ...... آآآآآآآآآآآآآآه ماشاءالله موفقة ضياء حبيت اسلم عليك ،، تحتاجين شي ،، مع السلامة ندمانة : لا لا لا لا للللللللللللللللللللا لا <<<<<<<< يقالها تغني ميعاد : هاه وش اسمه ؟؟؟؟ ندمانة : وشلونك ؟؟؟؟ ميعاد : ندمانة بموتك ترى <<<<<<<<< عصببببببببببببت ندمانة : كم تدفعين ؟؟؟ ميعاد : ندمانة ترى اليوم بخليك تنامين بالشارع ندمانة : الله يالنذالة حركات آآآخرتها تنوميني بالشارع وانا جايبتلك اسم المعجب ميعاد : اممممممممممواه هاذي بوسة يالله حبيبتي تكفين ،، ندمانة : بصراحة وبصراحة ميعاد : ايه ندمانة : ماسموه اهله إلى الآن يدورون له اسم ميعاد قامت وخنقت ندمانة ندمانة : هههههههههههههههههههههههههههه خلاص خلاص والله بقول فكيني بس .. ميعاد : يالله قولي بسرعة والا اوريك ندمانة : اسمه ........................ الغربي تنهدت ميعاد وتركت ندمانة وجلست يتبع ************ |
|
| |
|
13-12-08, 10:48 PM
| #5 |
| |[ عـضـو مــاسـي ]| الدولة: | رد: (( يوميات بنات )) من تأليفي .. ندمانة : الله عليك ياميعاد صدقيني مافكر فيك وانتي مسكينة حالتك صعبة ميعاد : خير ان شاءالله ومين قالك اني اصلا افكر فيه ندمانة : كل هذا ومافكرتي فيه ؟؟؟؟؟؟؟؟؟ بهالوقت جت رسالة لجوال ميعاد قامت ميعاد تشوفها : قلبي لحظة مانساك " وش هالدنيا بدونك ،، وفي البشر مالك مثيل " الله لا يحرمني منك " الرسالة كانت من ضياء ... ضحكت ميعاد قالت ياحليلها ضياء الظاهر بدل ماترسلها لزوجها خبطت وارسلتها لي ندمانة : الله يعينكم جايبين لأنفسكم وجع الراس ميعاد : وانا وش دخلني ؟؟ ندمانة : شكلك بتلحقينها بس تدرين وش المشكلة ؟؟؟ اروح عند مين عشان اكمل دراستي ميعاد : هههههههههههههههههههههههههههههههههههههههه ياربيه عليك ندمانة افكار ،،، اتطمني جالسة معك ندمانة : باين ،،،،،،،،،، المهم ميعاد ارسلي رسالة لضياء او كلميها قوليلها عن الرسالة اخاف البنت ترسل مصايب ميعاد دقت على ضياء ،، ميعاد : هلا بعروستنا ،، اخبارك ،، ضياء انتبهي لرسايلك تراها وصلتني ضياء : أي رسالة ؟؟ ميعاد : اللي قبل شوي ارسلتيلي اياها ضياء : انا اصلا كنت نايمة ماارسلت لأحد شي ااااااااااااه لحظة الغربييييييييييييييييييي ،<<<<<< تناديه الغربي : نعم ضياء ؟؟ ضياء : اخذت جوالي قبل شوي ؟؟؟ الغربي : اخذت منه رسالة وحده بس ليش ؟؟ ضياء : آآآآآآآآآه ولا ارسلتها لأحد ؟؟؟؟؟؟؟ الغربي راح ولا رد عليها ضياء : من جد آسفة ميعاد ماادري وش اللي صار بس بوريه بتفاهم معاه والله اخلي ابوي يتدخل بالموضوع ميعاد : لا لا ضياء امانة لا تسوين شي ضياء : ميعاد وش فيك ؟؟؟ اذا راضية بكيفك ،، ميعاد ماردت عليها ،، ضياء تضحك : والله انه من ذاك اليوم والرجال متغير ميعاد : يالله ضياء انا آسفة على الازعاج مع السلامة ندمانة : ياليت احد يتذكرني لو برسالة غلط ،، مر شهر وصارت احداث بين ميعاد والغربي اكدت علاقتهم ببعض ( نعتذر من عرضها مشفررررررة ) قرر خلالها الغربي التقدم لخطبة ميعاد الغربي : ضياء انا ابي اتقدم لميعاد ضياء : الله الغربي احلى خبر سمعته ،، من جد الله يوفقك والله ميعاد احبها ومن اعز صديقاتي بس احس الوقت مو مناسب انتظر الين اتزوج عشان مانزعج الوالد الغربي : مجرد خطبة عشان امسك البنت ضياء : براحتك ،، عموما كلم الوالد شف وش رايه ،، الغربي هو وأبوه راحوا يتقدمون لأخو ميعاد اللي هو ( غالي الاثمان ) وهو متزوج وساكن ببيت لحاله لأنه فيه مشاكل بين امه وبين زوجته ( الله يهديك بس ياغالي ) غالي : يالله حيهم ابو الغربي : والله حنا نتشرف فيكم وودنا نناسبكم <<<<<< ماعنده الرجال على طول غالي : هلا فيكم بس بمين ؟؟ ابو الغربي ناظر ولده متعجب : نبي اختك ميعاد لولدي الغربي ... غالي ابتسم ابتسامة صفراء مدري وش لونها : ميعاد !!!!! بس ميعاد مخطوبة قام ابوالغربي بسرعة : متأسفين عن اذنك طلعوا بسرعة وهم زعلانين كيف ميعاد ماقالتلهم غالي طلع بسرعة راح لبيت الوالدة عشان يتكلم مع ميعاد وصل غالي وطلب يتكلم مع ميعاد لحالهم ،،، غالي : الحين وش سالفة العريس ميعاد : أي عريس ؟؟ غالي : ياسلام يعني ماتدرين ؟؟ اللي اسمه الغربي ،، ميعاد : ماادري عن شي ،، غالي : انا عموما قلتلهم انك مخطوبة ميعاد : حرام عليك ليش قلتلهم كذا انا ماني مخطوبة غالي : الا مخطوبة نسيتي الا قاعد ينتظرك من زمان نسيتي ولد عمك ،، ميعاد : ياربيه انتم لازم تلزقون فيني هذا المتخلف انا ماابيه عشرين مره قلتلكم لا يمكن آخذه غالي : ماعندك الا هو او اجلسي عند امك ،، وطلع غالي وصك الباب وراه بقوة الوالده : خير غالي وشفيكم ؟؟؟ غالي : اسألي بنتك ،، طلع من البيت وتركهم يتبع **************** |
|
| |
|
| الإشارات المرجعية |
| أدوات الموضوع | |
مواضيع مشابهة | ||||
| الموضوع | الكاتب | المنتدى | الردود | آخر مشاركة |
| أول يوم لي فالمدرسة <== تأليفي | حـًأإيـــٍمتـًـًـن تـًسـٍبـْدووهـً | نكت × نكت ضحك | 50 | 20-11-09 03:45 PM |
| قصه من تأليفي .. | vip نايف vip | قصص تعب قلبي | 8 | 24-12-08 12:10 PM |
| يوميات بنات المدارس | @الميسترو@ | نكت × نكت ضحك | 17 | 23-12-08 01:30 AM |
| خاطرة من تأليفي... | ^^BORKAN^^ | خواطر - عذب الكلام | 24 | 13-09-08 11:36 PM |
| يوميات بنات النموذجيه.. | جروح الماضي | شعر و شعراء | 0 | 03-05-07 10:06 PM |
