مغرور خلي كان ماغيره رجال !!

[أميرة الشعر]

السلام عليكم ورحمة الله وبركاته
كل عام وانتم بخير
هذه قصيد متواضعه انثرها لكم هنا على امل ان تحوز على رضاكم واستحسانكم

مطلع حبيبي يخجل البدر نوره
يضوي سحر وجهه مثل بدر مختال

والورد لي عدى شحذ من عطوره
مغرور خلي كان ماغيره رجال

مغرور ويلبق له حبيبي غروره
سيد الحسن بالحق والحق ينقال

مركب غرامي مبحرن في بحوره
والموج هادر والغرق فيه قتال

كامل مكمل بحسن سيره وصوره
بين البشر مشهور باقوال وافعال

والا ان حظر هو ظاهره في حظوره
وفي هيبته والله يضرب به امثال

لو همت به ياناس والله معذوره
الروح مفتونه ....وقلبي لهم مال

رحت اشتكي له من صدوده وجوره
واقول لهم حالي بعدكم غدا حال

واذكره بسابق عهوده..... ونذوره
بس الغضي ماهتم فيني ولا سال

واليوم قلبي يشتكي ....من حروره
ويهل شعري دمع والجرح موال

بس الامل فيني وروحي صبوره
وكم من عصيٍِِِن صعب بالصبر ينطال


بقلمي / أميرة الشعر

انتظر تقييمكم ان كانت تستحق

[من بآدي الوقت]

صح لسانك

ابيات جميله ورائعه

اهنيك عليها

ودي واحترامي

نايف

[ســــاره]

أميرة الشعر

امتااااع .. لأبعد الحدود ..

شفافيه المعنى .. واحساس مرهف ..



شكراً بـ حجم الكون ..

لامتاعنا هنا ..



دمتِ بــ حب ..



ســـــــاره

[أميرة الشعر]

المشاركة الأساسية كتبها من بآدي الوقت

صح لسانك

ابيات جميله ورائعه

اهنيك عليها

ودي واحترامي

نايف

نايف\

يصح بدنك
تسلم يالغالي

حياك الله اخوي

[أميرة الشعر]

المشاركة الأساسية كتبها ســــاره

أميرة الشعر

امتااااع .. لأبعد الحدود ..

شفافيه المعنى .. واحساس مرهف ..

شكراً بـ حجم الكون ..

لامتاعنا هنا ..

دمتِ بــ حب ..

ســـــــاره

ساره

تسلمين يالغاليه

الشكر لمرورك الكريم

ودي ووردي