شربت كاسك وانت كبيت كاسي

[ســـــووولآفـــ]

غرقت في بحر الغرام و تقهويت = شربت كاسك وانت كبيت كاسي
دليت دربك يوم عني تخليت = تركتني في بحر الاوهام اقاسي
مجروح قلبي مير ما عنك صديت = شربت من علقم حياتك مأاسي
اغليك واللي صابني يوم ونيت = شيٍ غريبٍ صار يلعب براسي
شف علتي يامن بقلبي تسليت = سجنتها بيديك داخل حواسي
احويك فيني وامنحك ما تمنيت= ياشمعة احساسي وياكل ناسي
تخطي وانا ادمح غلطتك يومك اخطيت= عل و عسى بعد التسامح تواسي
روحي يداعبها الوله يومك ابطيت =يحرم على عيني لذيذ النعاسي
نبضات قلبي تتبعك لو تنحيت =تهتف لبنضاتك باحلى الاماسي
حس ابشعوري مثل ما فيك حسيت = يمكن تقدر لهفتي وانتكاسي
في موطني بنيت لك يالغلا بيت =ما ينهدم مبني على حب اساسي

بقلم
ســـولآفــــ

[النــــايــف]

شـف علتـي يامـن بقلبـي تسليـت
سجنتهـا بيديـك داخـل حـواسـي

صح لسانك وبيض الله وجهك
على القصيده الجزله لك صادق الحب والاحترام

[مشااااكس]

اغليك واللـي صابنـي يـوم ونيـت
شيٍ غريـبٍ صـار يلعـب براسـي

يمكن قرينك قام يتجول

صح لسانك


تحيتي

[عبدالسلام الدخيل]

شكرا يعطيك العافيه حب صادق ..
وقصيده محبوكه... دمتي بود ..
بانتظار الجديد..

[صعوط المجانين]

شـف علتـي يامـن بقلبـي تسليـت
سجنتهـا بيديـك داخـل حـواسـي

سووولاف

رائع ما قرأت

صح لسانكـ وبيض الله وجهكـ

استمتعت كثيرا

لاهنتِ

دمتِ بخير