غيآبك صعب والأصعب وجودك

[انا الألماس]

إذا لك شف في شوفي .. تراني

على شوفتك .. صحيت الأماني


زرعت الشوق كله بأنتظارك
و أخذت الأنتظار .. و جيت عاني


نسيت الناس لكن .. ما نسيتك
عجزت أنساك حتى لو ثواني


مليت الكون .. و أشغلت الجوارح
نظر عيني .. سماع أذني .. لساني


عطيتك شيء ما هو عند غيرك
و لا قصرت .. لكنك أناني


انا أحبك .. و اذا ودك تأكد
شف الله كيف بيدينك هداني


غيابك صعب و الأصعب وجودك
و انا فالحالتين أتعب و أعاني

حبيبي لا تواخذني .. و لكن
أبيك تحط نفسك في مكاني


اذا جيتك و انا مشتاق تقفي
تجاهلني و كنّك ما تراني


و اذا صديت عنك و قلت أبرحل
وقف قلبك على الباب و دعاني


و لو سويت نفسي ما اشوفك
يميل القلب صوبك و يحداني


أنا يا ابن الحلال أصعب حكايه
كتبني الوقت .. لكن ما قراني


مضى عمري و تقدر تعتبرني
غريب .. و في زمن ماهو زماني

زماني راح مع نصفي .. و نصفي
نسى نفسه مع الوقت و نساني


أسافر حزن .. و الصحبه ثلاثه
أنا .. و الصبر .. و سهيل اليماني


و اذا مريت في بلاد الطفوله
فتحت الصدر للحزن و طواني


هنا .. دمعه جرت من عين جاهل
هنا .. لاقيت همي و التقاني


هنا .. باعتني الديره و أهلها
هنا .. ضحيت لفلان و جفاني

هنا .. حاولت أصيح و ما سمعني
سوى بعض الشوارع و المباني


انا يا سيدي .. دقه قديمه
بغيت أخذ من الوقت .. و خذاني


على الأنقاض واقف دون حيله
أشوفك وجهتي بين المواني


تعاال .. و طفّ بيدينك حنيني
تملكني .. و أنا أشعل لك حناني


تعال .. و ضمني يا تاج قلبي
دخيلك لا تخليني .. عشاني


انا شاعر عيونك يا حبيبي
مع التحريف في بعض المعاني

و ما نيل المطالب بالتمني
و لكن شوفتك كل الأماني


محبة صادق النيه .. قصايد
و محبة ساقط النيه .. أغاني


قسم بالله لو موتي بيدك
و أموت الفين مره .. ما كفاني


و أذا باقي من الطلقات .. طلقه
دخيلك .. حطها بين المحاني

منقول

[صعوط المجانين]

و أذا باقي من الطلقات .. طلقه
دخيلك .. حطها بين المحاني

الله على ذوقك

استمتعت كثيرا بما قرأت

اهنيك على ذوقك الرفيع

دمت بخير

[مجرد حرف]

قسم بالله لو موتي بيدك.......واموت الفين مره ماكفاني

انا الالماس...من الاعماق شكرا" لاختيارك
انت(ي) فعلا الماسه......ومشاركتك بريق هذا الالماس
تقبل مروري,,,,,,,,مجرد حرف

[عااااابثه]

خطيرررررررره هالابيات والذوق الراقي
يسلموووو

[قلب المحبه]

[align=center][table="width:70%;"][cell="filter:;"][align=center]الله يعطيك العافيه

على المنقوله الأدبيه الراقيه

لاعدمناك

أختكـ/ قلب المحبه[/align][/cell][/table][/align]