,,,غرامك صار عنواني// وانا قبلك بلآعنوان,.

[قمرلوتغطيني غيوم]

الجزء الثاني
الفصل الثاني

بعد الحصه الثالثه
"دق جرس الفسحه وانقضوا البنات الي الساحه وبكل حماااس على المقصف وبدا يعلى صراخ البنات في كل انحاء المدرسه"
نزلوا كل شله وصايف تحت وقعدوا في المكان الي تعودوا يجلسوون فيه ومحد كان يقدر ييقعد عليه لانه انكتب بأسمهم تقريبا جلست العنوود بعد ماعطت فلووسها لوصايف تشتري لها والباقي بعد راح يشتري
وصايف وهي واقفه عند المقصف وازعاج البنات ودفاشتهم عطت وحده من البنات الي في البدايه ومشت"
وصايف: افففففففف تقول اول مره يشوفون اكل
"تلف وتشوف هيفاء الي كانت ناويه تجي عندها"
هنووف: اشتريتي؟
وصايف: لامالي خلق اليوم خليت وحده من الي يدافشون تجيب لي والعنوود
هنووف: وين العنوود
وصايف وتأشر بعيونها: هناك قاعده
هنووف:يلا نروح نقعد
وصايف: ماتبين تشترين
هنووف :لا بس تخف الزحمه برووح
وصايف وهي تلف على يمينها وتشووف سارا وفرح وريم وهيفا وجمانه و اسيل "”
هنووف بحاجب مرفوع:تعاالي نشووفهم
وصايف كمان : اوكي
"وراحوا جنبهم "
وصايف: يلا بنات قوموا نجلس
سارا بنظرات غريبه: هناك العنوود
وصايف رافعه حاجب: واذاا
سارا: وصايف افهميها مانبي نتكلم جنبها اففف"وتنفخ"
هنووف: اعصاابك سارا
سارا: انتوا مراح تفهموون الويك اند هذا رحنا لها وتسبحنا بالمسبح وصورنا تفهمممين
وصايف: الحين انتوا متأكدين انها العنوود
سارا: اي حتى شوفوا اسيل وجمانه هم قالوا
هنووف: وينهم
سارا: مدري عنهم بس روحي ويقولون لكم كل شي
وصايف: الحين خلنا نروح جنبها وكنه مافي شي
سارا: حبيبتي انتي تبين روووحي
وصايف بنظره استنكار : هنووو انا بروح وانتي تفاهمي معهم وبعدين قولولي عيب نقعد كذا نسولف وهي هناك
هنووف : اووكي
"راحت وصايف وقعدت جنب العنوود "
"قعدوا ساكتيين وصايف شكت انه عنود عرفت انها يتكلمون عنها"
وصايف بخوف: عنوود شفيك"وكانت تناظر قدام"
العنوود بصوت عالي شوي: مااافيني شي
وصايف متبلعمه بس ماتبي تبين: عنود مو توي معك ترى ادري انك معصبه
العنوود: لا مو معصبه"وتنفخ"....

................
................للبـــارت بقيه ..

[عالم خيال]

اتوقع "لسعة شوق" اهو تركي او اللي يتصل على وصايف

وصايف اتوقع وحده من اللي معاها بالفصل موزعه ارقام البنات واحتمال تكون العنود لانها ارتبكت لما أسألوها

يسلمووووووو على البارت الرووووعه

وجاااااااااااري الانتظار

[ليتني ترابـــ رجلك يبــه]

يسلمو ع روايه روووعه
دمتي بكل حب

[قمرلوتغطيني غيوم]

عالم خيال مشكوره ع توقعاتك
ونشوف الحين منو تركي ....

روح الربيع يسلموو حبيبتي من ذوقك ...

[قمرلوتغطيني غيوم]

العنوود: لا مو معصبه"وتنفخ"
"وصايف وهي تناظر وقاعده تشوف هيفا قاعده تصيييح استغربت"
العنود وهي تقوم وتقعد مقابل وصايف
العنود: شاكين فيني صح
وصايف: لا مو شاكين
العنوود: الاااا وصايف قولي لي لايكون بعد انتي بصفهم
وصايف: وشو بصفهم وماصفهم ترى مو صاير شي
العنوود بعصبيه: كل هذا عشان عييت انكم تروون الارقام روان روحوا روّها الارقام اذا انتوا شاكين فيني بالعنا زين
وصايف: وش دخلني فيهم عنود تبين تتكلمين عن هذا الموضووع روحي لهم
العنود: لاماني برايحه ماهمووني
وصايف: اوكي اجل فضيها سيره
"قعدوا ساكتين حول 3 دقايق"
وصايف: قومي نشوف شعندهم
العنود: مابي تبين قومي انتي
وصايف:ليييه"ورفعت حاجب"
العنود: مالي خلقهم
وصايف: اوكيييييك
"راحت وصايف وهي طول الوقت تشوف هيفا تبكي وودها تقوم بس عشان العنوود راحت لهم ومسكت جمانه"
وصايف: جمااانه شفييها هيووف تبكي
جمانه وهي متكتفه: خايفه لانها متصووره مع العنوود وهي بلبس المسبح ويخافون تنشرها
وصايف: العنوود نوو واااي تسوويها
جمانه: ايش يدريكي انتي عارفه شسوت لك ووش سوت لنا كلنا وهذا حنا ال
best friend
حقها خلاص صراحه لازم نوقفها عند حدها
" لفت وصايف تناظر العنود"
جمانه: ادري انك مرره معها بس لمصلحتك والله
وصايف: طيب الحين ليش مانكلمها ونقول لها
جمانه: تبينها تكذذذب اكثر صراحه كفاايه
وصاايف بعدم تصديق : يعني شلوون لهذي توصل خيانتها لنا
"شوي واسيل تجي"
اسيل: وصايف يوم رحتي شقالت لك
وصايف: العنوود"وهي رافع حاجب"
اسيل: في غيرها الكلببه
وصايف عصبت شوي وقالت: ماقالت شي غير انها شاكه ان حنا شاكين فيها
اسيل: وصااايف انتي لازم تتكلمين وتقولين لكل البنات الي صارلك عشان كل البنات يعرفون حركاتها الكلبه
وصايف: بنات والله مقدر
جمانه: انتي قلتي لامك ؟ماقلتي لها صح ؟ واذا بكرى سوت لك مشكله اقعدي ساكته زين
اسيل: من جد ياوصاايف لازم تحكييين وتقولين وش صار لك عشان نربط مو معقوله رقم واحد يحوس على كل البنات وشلتنا بالضبط من المدرسه كلها
وصايف: اوكي اوكي وين هنووف
اسيل: هناك مع سارا وهيفاا
وصايف في خاطرها " ياربيييييه شقااعد يصير من جد صدقوا البنات مو معقووله مو معقوووله " طلعت وصايف لحالها فووق الصف بهدوء وحطت راسها على الدرج وكل شي قاعد يدور في بالها " ليش لا يمكن هي لانه كم مره ادق عليها ويرد علي واحد بس تقول لي اخوها شلون تطلع كذا معقووله تخوني انا هذا وانا الي مررره معها تسووي كذا لهذي الدرجه توصل حقارتها ماتخيل "
"وقعدت تذكر يوم من الايام كانت تسولف مع العنود ب
msn
وكانت تقولها انها غيرت رقمها وان العنوود طلبت من وصايف تدق عليها وصايف اخذت الرقم الي كتبته له العنوود ودقت عليه من تليفون البيت و قالت :الووو الوو محد رد عليها وتقفل الخط رجعت للمحاثه الي معها وكتبت للعنود ليش مارديتي قام قال لها انا مو العنوود وقال لها انه هو واحد يقرب لها وحب يتطمن على قريبته فقط لاغير "
"وصااايف وصاااايف"
وصايف رفعت راسها وصارت تناظر البنت الي هزتها وبصووت مبحووح: هنووف
هنوف وتجلس جنبها: شفييك وين اختفيتي
وصايف وتغطي وجهها وتهز راسها تحاول تبعد الافكار الي براسها: احس كل شي بدى يوضح كل ماتذكر شي يثبت لي انها خانتني كل شيييييي وانا اقرب الناس لهااااااااااااا
هنووف وهي تضم وصاايف: وصاايف ماعليك منها تراها ماتسوى الي قاعده تسوينه بنفسك هذي اذتنا كلنااا ولازم نوقفها عند حدهاا
وصايف: بس انا ماقدر لمن اشوفها انخرسسسس
هنووف: غبييييييييييه حاولي حاولي لاتخلين طيبتك تقضي عليك
"ترررررررن تررررررن دق الجرس معلن انتهاااء الفسسحه"
وصايف: ايش راح يسوون البنات طيب
هنووف: بيحاولون يكلمونها وسارا والي راحوا لها البيت يبون ياخذون صورهم منها بيروحون معها بالسياره قبل لاتسوي فيهم شي
وصايف: اهاااا بس ماتوقع انها توصل لساالفه الصوور
هنوووف: ماتدرين احتياااطاً لهم
.
.
.
.
.
.
يوم الخميس
"في غرفه محمد"
صحى محمد من النوم وهو يحس انه كله نشاط وحيويه يحس ان هاليوم من صباااحه حلو ولف على نجوى لقاها نايمه ابتسم وفي خاطره " الله لايحرمني منها "
وراح ياخذ له شاووور بعد ما خلص طلع ولبس برمودا اسود وتي شيرت ابيض كات
وراح لنجوى اللي بعدها نايمه " ياحبك للنوم "
محمد بحنااان : نجووتي نجووووتي
نجوووى : هممممممم
محمد : نجووووى يلا قومي
نجوى وفيها النوم : حمووود بس شوي والله مانمت
محمد وهو يمثل انه معصب : يااااااااحبك للنوووم قوووومي
نجوى : وش فيك مزعج اليووووم اوووووووووف ابي انام
محمد : قووومي عاد ياحبك للنوم ليتني نووووم
نجوى تحت اللحاف : مابي
محمد : والله لو ماتقومين بطشك بالمووويه فاااهمه
نجوى : لا ما افهم وريني شطارتك
محمد: انا اورييك تتحديني هاااه "وراح ماشي ناحيه الحمام وهو يشيل البوكس الي فيه الفرش ويعبيه شويه مويه بااارده وراح فيها لعند نجووى"
محمد : شكلك معنده اليوووم اوررريك
لو اقول 3 بطشك
ويبدا يعد 1
2
3
ويرررررررررش الموويه عليها
نجووى تقووم مفزوووعه وبصوت باكي : حموووود والله ماتوقعتك تسويها
محمد مبسوط : علشان مره ثانيه تتحديني
نجوى وتسوي نفسها زعلانه : يعني اهون عليك تصحيني من النوم وبالمويه بعد
محمد وهو يقلدها : وانا اهون عليك اجلس من النوم لحالي
طنشته وهي تاخذ ملابسها وتدخل الحمام وهو فخاطره" مردها بترضى"
ونزل تحت بالصاله وكان فيه منصور وامه وابوه سلم عليهم وجلس
منصور: اقول بوسلمان بتروح البيتش اليووم "البحر"
محمد: لا والله ..انا مرتبط مع زوجتي اليوم
منصور: زوجتك خلها وقت الثاني بتفووتك الوناسه والشباب كلهم بيجوون
محمد: فيك الخير والبركه انت انا مواعدها من زمان وهي ماطلعت هاالاسبوع كله
منصور : لانها ماطلعت هالاسبوووع اجل علينااااااااااااااااا صدقناك عاد"ويغمز"
ام محمد وتضحك : منصووور استح على وجهك احترم اخوك
محمد: خليه يمه بكرا يتزوج وبنشووف وش بيسوي حتى سؤال عنك مراح يسأل
منصور: ماجابتها امها الي تاخذني من امي
ام محمد: كلالالالالام بس كلالالالام
منصور وهو يقوم لعند امه : افااااا الحين انا منصور حبيبك اسوي كذا تبيني احلف محد ياخذني منك واقابلك 24 ساعه
ام محمد: لالالالالالالالاواللي يرحم والديك الا حلفك
منصور وصل لعندها ولصق فيها: هههههه اجل خلاص كفي عني انتي وولدك
ام محمد: اذا تبيني افك عنك خلني اخطب لك
منصور: بسسسس انتي اشري بسس
ام محمد بفرحه: اووه اووه هذي الساعه المباركه تحكي جد
منصور: افااا وانا قد كذبت بس خذي راحتك بأختيار ابي وحده سنعه
ام محمد: موووووجوده فديتك
منصور بلهفه: منهيي"ويتمنى الي في باله"
ام محمد: بنت اخووي سما
منصور ويشهق: يمممه لالاهونت والي يرحم والديك انا مافيني حيل زواج
ام محمد: اااه يالملعون اجل ليه تفرحني وانت مو وجه زواج الشرهه علي الي معطيتك وجه وقاعده اعدد لك بنات
محمد: وهو شيبي اصلا
منصور: هههههههههه يمه شوي شوي علي انشاء الله انا وسلطان زواجنا يوم واحد
ام محمد وترفع يدها: امييين عقبال مافرح بكم بيوم واااحد
محمد: ماعليييك منه يمه هذول مو وجه زوااج
منصور يبتسم وميل شفايفه:احم يبه مو كنك قلت تبيني اروح الوكاله
محمد: هههههههههههههه
بو محمد ويزيد عليه: انااا لايبه ماقلت لك
منصور: اجل محمد انت صح
محمد بأندفاع: لالاتقولني كلام
منصور: اوووووه صح صح نسيت بو نايف يلا عن اذنكم" ويسوي بيقوم"
بو محمد بأبتسامه وسيعه: استريح ياولدي بو نايف توه مطلع سياره جديده "ويبتسم"
"قاموا يضحكون عليه..دخلت عليهم سهر"
سهر: صباااح الخيرر
منصور فاتح عيونه: اي صباااح الخير
سهر مفزوعه: شفيكم شصاير؟
منصور: ايه انتي نايمه ايش يدريك عن الدنيا
سهر بتعجب :ليه وشصاير بالدنيا
منصور : باركي لي بتزوج
سهر بأستغرراب : احلـــــــــــــــــــــــــــــــــــــــــف
منصور : وليه احلف ماتصدقيني يعني
سهر: ومنهي البنت طيب
ام محمد: سما
سهر بضيق : من جدك منصوووووووور
منصور مسوي معصب: وش فيها بنت الخال
سهر بضيق: لا مافيها شي بس ماتلييييييييييييق انت واياها
منصور: وشو تليق وماتليق انا ابييها
سهر: اووه بكييييييفك انت الخسران
ام محمد: سهررر وبعدين على هذا الكلام هذي بنت خالك
سهر متنرفزه : واذاا يعني
منصور: معلومه انا الي باخذها ترى مو انتي
سهر: طز فييييييييييك زين "وطلعت معصبه"
منصور: هههههههههههه مسكينه صدقت
ام محمد: وشو مسكينه انت الثاني انت تمزح
منصور: لالالالالالا
"ويقطعهم صوت التليفون"
منصوور ويحك راسه: اتوقع لازم نرد على التليفوون صح "ويشق الضحكه ويروح يرد"
منصور: الـــــــــــو
الطرف الثاني: السلام عليكم
منصور بعد ماتعرف على جنس الطرف الثاني: وعليكم السلام ياهلا
....: سهر فيــه
منصور: اي بس مين اقول لها
.... بطوله بال: انا غزل
منصور وشاق الضحكه : اووووه غزل شدعوى الناس تسلم... تسأل عن الحال..وانتي لاحول ولاقوه ماعندك شي من الذرابه
غزل ياربيييه: سوري بس مستعجله
منصور: حتى لووو تراي ولد عمك وعيب عليك
غزل بعصبيه: اوووه "وترص على سنونها" كيف الحال
منصور: يسرك الحال ابد عايشيين شخبار عمي والاهل
غزل ياربيييه: كلنا بخير "تاخذ نفس " ممكن سهر
منصور: هممم كنه سهر عندها جوال تقدرين تتصلين عليه وقت الطوارئ
غزل وصوتها ارتفع: يااااااارب ان جوالها مقفل
منصور ببرود: اووه لالا تعصبين هذا الي شاطره فيه ماورث لكم عمي العصبيه من خير
"طووووووووووط طووووووووط"
منصور: هههههههههه"ويقفل السماعه"
ام محمد: منصوور شفيك يبه اليووم شسوويت في البنت
منصور: هههههههه هبله بنت اختك
ام محمد: ماحد هبل غيررك
منصور: يمه ورا شايله علي اليوم
ام محمد: من فعااايلك
بو محمد: منصور اعقل عن امك لايرتفع ضغطها
منصور: هههههههههه اوكيك انا طالع تبون شي
محمد وابو محمد :سلامتك
منصور ويلف على امه: والحلوو مايبي شي
ام محمد: قفااااااااااك
منصور وهو ماشي ناحيه الباب: بعديين نتفاااهم" ويغمز لها"
" وطللللللللللللللللع"
ام محمد: مدري متى بيعقل هالوولد "وصارت تنادي" سلييييييمه سلييييييييييمه
"شوي وتجي سلييييييييمه "
سليمه: ايوه يام محمد
ام محمد: سليمه ماما روحي نادي سهر قولي لها غدا يلا ماما
سليمه: حاضـــر
"وراحــــــــــت"
.
.
.
كانت وحيدة.. تتكئ على جمر الأهات والتنهد والحسره.. حتى غدا الجمر رماد يمزقها أنين الصمت هاجمتها الذكريات والأشواق تكدرت حالتها اصبحت بنت ثكلى غاصت النفس بالمواجع كسفينة غارقة في البحر فقدت النجاة ياربي ارجع اتكلم معها.. أسألها: عن السبب الي خلاها تسوي كل الي سوته ومعي اناا انااا .... ارتسمت على وجهها ابتسامة حزينه عيونها صارت غارقه مملوءه بالدموع.. الوجه شاحب أعلن لليأس أصبح البكاء يرافقها والألم فقدت كل معاني الحياة حتى الامل انه العنود ترجع لها في يوم ...من يدري ؟‍
كانت تتذكر كل شي صار لها امسسس من امس مانامت وهي جالسه تفكر كيف راح تقابلها يوم السبت كيف وكيف وكيف بتكون علاقتها مع اعزززززز الناااس لها واقربهم والمشكله كل اسرااااري عندها ياربي ...كانت تتذكر يوم الاربعاء يوم كانوا متجمعين البنات ويبون يقولون العنود عن الي قاعد تسويه فيهم بدون تفكير وحسب حساب لفعايلها ... كانوا كل البنات يحكون ويعترفون عن الاشياء الي صارت لهم من وراها ... وهي كانت ساكته وتناظر وعنود كانت تناظر فيها .. وصايف انخرست ماهي قادره تنطق ... حست ان اصحابها يكفوون ..كانت تتذكر وبقلب معصور كيف ان العنود ماخلتهم يكملون حكي ومشت عنهم وبعدها لفت عليهم وهي تقول انتم حثااله وتأشر عليهم وحده وحده .. احترق قلبهم وقلب وصايف بالذاااااااااااات ..
كانوا البنات يعاتبونها ليه ماحكت ليه ماقالت ان العنود هي السبب في الازعاجات الي تجيهم على جوالاتهم ..وان بسببها كثير من الشباب عرفوهم بسبب طيشها ... نشرت ارقام اعز اصحابها على الي يسوى والي مايسوى ..
وصايف استحقرت نفسها كيف سمحت لنفسها تصاحب وحده من امثال العنود .. عمرها ماتخيلت ان العنود تطلع بهالحقاره ..
فتحت دفترها الي كانت فيه سوالفها مع العنود وكتبت فيه

" كم هو مؤلم ان نتلقى الطعنات ممن أسكنته تجاويف قلبك..إنسان أحببته بإخلاص ووثقت به ووهبته الحب والمشاعر الصادقه ..بنيت معه أحلاما
جميله ووعودا متواضعه ..نعم صديقتي المخادعه جعلتك فوق كل شي دون البشر . حلقت بك عاليا .. بحثت في داخلك عما يسعدك وقدمته لك .
اخلصت لك وافنيت زهرة عمري من أجللك .. صبرت على الألم لأهبك الراحة أسكنت جنة فؤادي وسجنت نفسي بين نيران الحيرة ..فرشت لك الأرض ورودا وعلقت على جدار قلبي لوحة حبك للأبد ثم ماذا؟!
أهديتنيي الكذب والخداع تركتني للحيرة والضياع.. وظللت تبحث عن عهدٍ جديد اختلقت الأعذار وضحيت بقلب احتواك غير ابه بدموعي وعذاباتي ..ورغم ذلك
مازلت عند عهدي ووفائي لكي.. أرحلي ايها القلب المتحجر حيث شئتي.. ولكن سيأتي الغد وتبحثي عني .. وحينها سأدعكي تذرفين الدموع ...وأنساااااااك "
حست الدمعه ترقرق في وسط جفونها رفعت عيونها للسما تمنعها كيف بتكون نظرت اهلي الي حبتها لها ونظرتهم لي اني اللي عشت احلى ايامي مع صديقه خاااينه اكررررهك ياعنوود اكرررررررهك سكرت الدفتر بسرعه ورمته بالصندوق الي كان يحمل كل ذكرى عاشتها وصايف مع العنود وغيرها ماعادت وصايف تثق بأي انسان ... تحس انها صحب تمنح ثقتها لاي حد مهما كاااااااان ..راحت وغسلت وجهها وكانت لسا ببيجامتها الي كان غالب عليها اللون الوردي ولا كانت مخططه من فوق لتحت بكذا لون الفوشي والبنفسجي والاخضر العشبي دخلت الحمام وغسلت وجهها ورفعت راسها للمرايه وجلست تناظر عمرها هئ ياوصايف هذا وصديقه وخانتك وسويتي كذا شلون لو حبيب ضحكت تواسي نفسها وطلعت ونشفت وجهها وطلعت من الغرفه"
اول ماطلعت وصايف من غرفتها قابلها فيصل كان قاعد على الكنبه في الصاله الفوقانيه ينتظر الخدامه تجيب ملابسه
اول ماشافها قعد يناظرها وقعدت تناظره .. هو تعجب من حالة اخته .. ابد ماتعود وصايف تكون بهالذبول هذا ..ماكان يقدر يحكي .. لانه عارف وصايف مش ممكن تحكي له او تشكي له .. كان يتمنى لو خواته يحكون له الي فيهم .. هو يموت فيهم ويخاف عليهم وودهم لو يحكون بنفسهم .. خواته بهالسن يمرون بمواقف كثيره بحياتهم ومايعرف الى وين توديهم ..
وصايف ابتسمت له
"وبدون اي كلمه نزلت "
.
.
.

الســاعه: 5:30
لحظات سكنت فيها النفس و خشعت فيها الروح , لتتسمر نظراته على ذاك التدرج الممزوج باللونين البرتقالي و الأصفر و تلك السحب البيضاء التي تناثرت على بساط من لون أزرق
قطع السكون لتمتزج تلك الأهات و تتعالى قادمة من مختلف الاتجاهات في قلبه " آآآآآآآآآآآآآآآآآآآآآه "
وماقدر غير انه يطلع جواله ويكتب هالكلمات ويرسل لها هالمسج
"عــــــلى رايك مانصلح نكون أحباب
تخون أنته وفـــــي عينك أنا الكذاب
أنــــــا أدري جزاتي يــــــــــوم حبيتك
أذوق الويل وأنـا قلبي فـــ حبك ذاب
...............................
علــــى كيفك تبي تبعد علـــــى كيفك
أنـــا جيتك ولا أدري ليه أنــــا جيتك
عطيتك حــــــــب وخليت القلب بيتك
سكنت الغير وقلبــــــي ينتظر وشاب
................................

إذا حبيت أنا أقدر فـــي يـــــوم أحب
وإذا مليت مــــــــــا ينجبر هـــ القلب
خلاص ارحل وأنـا بختار بعدك درب
كفاية أعذار تــبـــرر غلطتك بأسباب
.................................

علــــــــى قولتك ترا كل شي ولــه آخر
وفـ الآخر من يضحك تـــــــــرا الشاطر
أبــــــــي تصبر تــــــــــرا باكر يجي باكر
وراح اتشوف مين بسهم الغدر ينصاب"

وقفل جووواله مرره وحده رجع السيت حق السياره لوراه وغمض عيونه وفتح عيونه بعد فتره
" انا ليه اسوي بنفسي كذا ..هي انسانه حقيره وماتستاهل الي اسويه عشانها...عشقتها من كل قلبي وهي بالاخير قابلت عشقي بطعنه .. "وصار يضرب بيده على قلبه" هذا القلب اذا حب مره يقدر يحب مليوون غيرها ..انا وش لقيت منها غير الصد .. "
صلح السيت وشغل السياره وفتح موبايله واخذ الشريحه ورماها من الشباك مرره وحده عشان ينساها من جد وفتح الشريحه الثانيه الي عنده ودق على سلطان"
"تررررررررررن ..تررررررررررررن ..تررررررررن"
"وصله صوت سلطان مسجل يعطيه خبر انه ماهو موجود ولازم يترك مسج وانه بيرجع يتصل عليه"
....:سلطااان انا فوااااز تكفى بس تفضى رد علي مررره محتاج اكلمك كلاااااام كثيرررر بقلبي ودي اقووله لك لاتشغل بالك بس انا مره متضايق ومافي احد يفهمني غيرك .تدري اشتقت لك ياسليطين المهم لاتشغل بالك لان الموضوع اللي بقولك اياه عادي وانتبه لنفسك مع السلامه "
.